Tampeļ im Kein jipan̄ ko an Menmenbwij ilo Ward im Stake

Membōr ro rej kālet n̄an er make n̄āāt im ewi emakijkij in n̄an kabun̄jar ilo tampeļ. Ritōl ro rejjab ejaaki menin kōttōpar in nōm̧ba ko ak riboot in jejtōm̧ ko n̄an ro rej etal n̄an tampeļ.

Kajjojo iunit an Kabun̄ em̧ōj jitōn̄e n̄an juon tampeļ district. Ejaak eo an ward ak stake n̄an loļo̧k tampeļ ko itulikin tampeļ district eo emōj kālōte ejjab m̧o.

Kajjojo membōr im baam̧le ko remaron̄ pād ilo jabdewōt tampeļ eo rekōņaan.

Bisoprik eo ej jerbal ippān būreejtōnji ko an doulul eo an elder ro im Doulul eo an Kōrā ro ilo aer tōl jerbal in tempeļ an ward eo im kijejeto ko an menmenbwij an baam̧le. Ritōl rein rej kōkapilōklōk doon aolep iien.

Bisoprik eo ebarāinwōt wōr aer eddo ko n̄an tampeļ im jerbal in menmenbwij an baam̧le ilo ward eo:

• Rōjan̄ kajjojo armej im baam̧le ko n̄an ekkatak kōn katak im kōjeraam̧m̧an ko an tampeļ jerbal in menmenbwij an baam̧le.

• Rej lale bwe katak ko im kōjeram̧m̧an ko an jerbal an tampeļ im menmenbwij an baam̧le rōn katakin aolep ilo kweilo̧k ko an ward eo.

• Lale bwe tampeļ im jerbal in menmenbwij an baam̧le ej tōl ilo ward ko̧o̧njeļ im kweilo̧k ko an jodikdik ilo ward eo.

• Etale im kōmālim karōk eo ikkijeen ward tampeļ im menmenbwij an baam̧le (lale 25.2.6).

• Lale karōkan kūlaaj ko an m̧aanjabpopo an tampeļ (lale 25.2.8).

• Leļo̧k peba in mālim ko n̄an deļo̧n̄e tampeļ (lale jepta 26).

Bisoprik eo ej kapilōk ippān stake būreejtōn eo n̄an kōmelet eļan̄n̄e kūr juon ritōl an tampeļ im menmenbwij an baam̧le an ward eo (lale 23.5.3 kōn elōn̄ļo̧k meļeļe ko).

Būreejtōnji ko an doulul eo an elder ro im Doulul eo an Kōrā ro rej tōl kijejeto ko an tampeļ im menmenbwij an baam̧le raan n̄an raan ilo ward eo (lale 8.2.4 im 9.2.4). Būreejtōnji eo an doulul eo an elder ro rej tōl kijejeto kein n̄an membōr ro an doulul eo an elder ro. Būreejtōnji eo an Doulul eo an Kōrā ro ej tōl kijejeto ko n̄an membōr ro an Doulul eo an Kōrā ro. Rej jerbal ippān doon n̄an tōl kijejeto kein ippān ward ko̧o̧njeļ eo, ium̧win tōļ eo an bisop eo.

Ritōl rein ewōr ippāer eddo kein rej ellaajrak:

• Kajjitōk ippān consultant eo an ward tampeļ im menmenbwij an baam̧le n̄an jipan̄ ro uwaan ward eo me rej kab bōk kūr in mijen ko aer n̄an pukōt im kōpooj etan ro jūbwier im jim̧m̧aer remej n̄an kain̄i ko an tampeļ.

• Rōjan̄ kajjojo armej im baam̧le ko n̄an ekkatak kōn katak im kōjeraam̧m̧an ko an tampeļ jerbal in menmenbwij an baam̧le.

• Rej lale bwe katak ko im kōjeram̧m̧an ko an jerbal an tampeļ im menmenbwij an baam̧le rōn katakin aolep ilo kweilo̧k ko an ward eo.

• Jipan̄ membōr keppopo n̄an būki kain̄i ko an tampeļ n̄an kōm̧m̧ani bujen ko.

• Rōjan̄ membōrro n̄an kabun̄jar ilo tampeļ ko jon̄an wōt aer maron̄.

• Rōjan̄ membōr ro n̄an ekkatak kōn ro jibwier im jim̧m̧aer n̄an kōm̧m̧ani kain̄i ko ilo etaer.

• Jipan̄ ward ko̧o̧njeļ eo ejaake im kōjerbal karōk eo an ward tampeļ im jerbal in menmenbwij an baam̧le (lale 25.2.6).

• Lale bwe tampeļ im jerbal in menmenbwij an baam̧le ren rekoot ilo kweilo̧k ko an ward ko̧o̧njel im ilo kweilo̧k ko an tampeļ im menmenbwij an baam̧le.

• Tōl jerbal eo an ritōl eo an ward eo an tampeļ im menmenbwij an baam̧le. N̄e ritōl in ejjan̄in kar kūr, juon membōr in būreejtōnji eo an doulul eo an elder ro ej jerbale eddo in (lale 25.2.3).

Būreejtōn eo an doulul eo an em̧m̧aan ro ej jitōn̄e juon membōr in būreejtōnji n̄an jipan̄ tōl jerbal ko an tampeļ im menmenbwij ko an baam̧le ilo ward eo. Membōr in būreejtōnji kein ruo rej jerbal ippān doon. Rej pād ilo kweilo̧k ko an ward tampeļ im menmenbwij an baam̧le (lale 25.2.3).

Pija

jodikdik ro rej pād nam̧ōj in tampeļ eo

Bisop eo ej kōnono ippān stake būreejtōn eo n̄an ļōmņake eļan̄n̄e kūr juon ritōl an ward tampeļ im menmenbwij an baam̧le. Eļan̄n̄e rej kāālet n̄an kōdepakpaklo̧k kūr in, bisoprik eo ej bōk kapilōk ippān doulul eo an elder ro im būreejtōnji eo an Doulul eo an Kōrā ro ilo kāālet wōn eo n̄an kūri. Armej in ej aikuj juon rikabwijer Melkisedek Priesthood eo. N̄e ritōl in ejjan̄in kar kūr, juon membōr in būreejtōnji eo an doulul eo an elder ro ej jerbal eddo in.

Ritōl eo an ward tampeļ im menmenbwij an baam̧le ej rie būreejtōnji eo an doulul eo an elder ro im Doulul eo an Kōrā ro ilo eddo ko aer an tampeļ im menmenbwij an baam̧le. E ebarāinwōt wōr ippān eddo kein:

• Lale jerbal ko an tampeļ im menmenbwij an baam̧le ippān ritōl ro an doulul an ward eo, koba būreejtōnji ko an doulul im kūlaaj ko.

• Tōl kweilo̧k ko an ward tampeļ im menmenbwij an baam̧le (lale 25.2.7).

• Etal n̄an kweilo̧k ko an ward koonjeļ eo n̄e karuwaineneiki.

• Jipan̄ ward ko̧o̧njeļ eo ejaake im kōjerbal kōttōpar eo an ward tampeļ im menmenbwij an baam̧le (lale 25.2.6).

• Ej katakin rijipan̄ ro an ward tampeļ im menmenbwij an baam̧le. Lale kijejeto ko aer n̄an jipan̄ membōr ro kōn tampeļ im jerbal in menmenbwij an baam̧le.

• Jerbal ippān ritōl eo an mijen ilo ward im mijinede ro n̄an jipan̄ ro rej ekkatak gospel in, membōr ro rekāāl, im membōr ro rej ro̧o̧ltok ren bōk kuņaer ilo tampeļ im jerbal in menmenbwij an baam̧le.

• Ijo ekkar, jitōn̄ consultant ro an tampeļ im menmenbwij an tampeļ n̄an jerbal ilo FamilySearch center eo (lale 25.3.6).

Rijjipan̄ ro an ward tampeļ im menmenbwij an baam̧le ej jerbal ium̧win tōl eo an ritōl eo an ward tampeļ im menmenbwij ak eo uwaan būreejtōnji eo an doulul eo an elder ro me ej bōk jerbal in. Ro uwaan bisoprik ro rej kūr membōr rein n̄an jerbal. Ro rōrūtto im jodikdik ro maron̄ bar kūr er. Būreejtōn ro an Doulul eo an elder ro, Doulul eo an Kōrā ro, Doulul eo an Jiron̄ ro remaron̄ leļo̧k elmakot kōn wōn ro remaron̄ jerbal.

Rijipan̄ ro ro ewōr ippāer jerbal kein:

• Jipan̄ membōr ro en̄jake kōjeraam̧m̧an ko n̄an kappukot ro jibwier im jim̧m̧aer n̄an kōm̧m̧ani kain̄i ko an tampeļ ilo etaer. En̄jake kein rej make wōt aorōk n̄an ro rej ekkatak gospel in, membōr ro rekāāl im ro rej ro̧o̧ltok, im ro rej keppopo n̄an bōk peba in mālim an tampeļ n̄an deļo̧n̄e tampeļ n̄an bōk jikin n̄an kōm̧m̧an peptaij im kapene ko.

• Jipan̄ membōr ro keppopo n̄an bōk kain̄i ko an tampeļ im kōm̧m̧ani bujen ko.

• Pād ilo kweilo̧k ko an tampeļ im menmenbwij an baam̧le (lale 25.2.7).

• Jerbal ilo juon FamilySearch center n̄e kar jitōn̄e ilo ijo jokwe ie (lale 25.3.6).

Membōr in ward ko̧o̧njeļ rej lukkuun jar n̄an ejaake im kōjerbal juon kōttōpar an ward tampeļ im menmenbwij an baam̧le. N̄an meļeļe kōn karōk eo, lale 25.2.6

Bisop eo emaron̄ kajjitōk ippān ritōl eo an ward tampeļ im menmenbwij an baam̧le n̄an pād ilo kweilo̧k ko ward ko̧o̧njeļ eo.

Kajjojo ward eaikuj wōr juon an karōk in tampeļ im menmenbwij an baam̧le. Kōttōpar in ejipan̄ ward membōr ro, ekoba ajri im jodikdik ro, bōk kuņaer ilo jerbal in menmenbwij an baam̧le im keppopo n̄an kabun̄jar ilo tamepļ eo jon̄an wōt eo remaron̄e.

Būreejtōn ro an doulul eo an elder ro im Doulul eo an Kōrā ro rej jipan̄ ward ko̧o̧njeļ eo ejaake juon kōttōpar. Ritōl eo an ward tampeļ im menmenbwij an baam̧le ej barāinwōt jipan̄. N̄an ejaake kōttōpar in, rej:

• Ļōmņaki menin aikuj ko im kein jipan̄ ko.

• Kalikkar em̧m̧akūt n̄an tōpari ilo iiō eo.

• Ļōmņake elmen n̄an kōjerbale kōttōpar eo n̄an kōm̧m̧ani ijjitōn̄ ko rekkar.

Ta waanjon̄ak in kattōpar eo emaron̄ koba āinwōt elaajrak in ilaļ :

• Jipan̄ membōr ro jerbale menmenbwij eo aer ilo FamilySearch.org ak ilo FamilySearch Tree app (lale 25.4.2).

• Kobaik membōr ro rekāāl im ro rej ro̧o̧ltok, jodikdik ro, im ajri ro ilo jerbal in menmenbwij an baam̧le.

• Jipan̄ membōr ro keppopo n̄an bōk kain̄i ko an tampeļ.

Bisop eo ej etale im kōmalim karōk eo. Ro uwaan ward ko̧o̧njeļ rej bōk tōl n̄an kōjerbale. Rej riboote eddōkļo̧k eo ilo kweilo̧k eo an ward ko̧o̧njel. Rej bar kōkāāl kōttōpar eo n̄e emenin aikuj.

Kweilo̧k in kōtōbalbal ko rekkadu an ward tampeļ im menmenbwij an baam̧le rej kōm̧m̧an emakijkij. N̄e ritōl eo an ward tampeļ im menmenbwij an baam̧le em̧ōj an kūr, ej tōl kweilo̧k kein. Ijoke, membōr in būreejtōn ro an doulul eo an elder ro emaron̄ tōl jerbal in.

Ro jet me rej ruwainene ekoba:

• Membōr ro emōj kappeik er an būreejtōnji eo an Doulul eo an Kōrā ro im doulul eo an elder ro.

• Juon rijipan̄ jen doulul eo an pris ro.

• Juon membōr jen būreejtōnji eo an kūlaaj eo erūtto an Doulul eo an Jiron̄ ro.

• Rijipan̄ eo an tampeļ im menmenbwij an baam̧le.

Aolep ro rej pād, ekoba jodikdik ro, kōnono ippān doon āinwōt ro rej bōk kuņaer im juon wot.

Jibadbad eo an kweilo̧k in ej n̄an:

• Kōjekiik kijejeto ko n̄an kōjerbal karōk eo an ward tampeļ im menmenbwij an baam̧le (lale 25.2.6).

• Karōke elmen n̄an jipan̄e ward membōr ro kōn tampeļ im jerbal in menmenbwij eo aer n̄e kar kajjitōk.

Kweilo̧k kein remaron̄ kōm̧m̧an ilo likieo in armej ak ilo online. Loloorjake m̧akūtkūt ko emaron̄ barāinwōt kōm̧m̧an ilo wāween ko jet, ekoba talboon ko, text, im email ko.

Ium̧win tōl eo an bisop, juon kooj in keppopo n̄an tampeļ emaron̄ ejaak n̄an jipan̄ membōr ro keppopo n̄an kōm̧m̧ani bujen ko ilo aer bōk kain̄i ko an tampeļ. Kooj kein rej kōm̧m̧an itulikin awa in jar ko ilo Jabōt ilo juon iien em̧m̧an n̄an membōr ro. Remaron̄ kōm̧m̧ane ilo im̧ōnjar eo ak ilo juon em̧.

Ro uwaan ward ko̧o̧njeļ eo rej lukkuun in jar n̄an kālet membōr ro n̄an bōk kuņaer ilo kajjojo kooj. Kooj kein remaron̄ in lukkuun jipan̄ n̄an armej rein ilaļ:

• Membōr ro rekāāl

• Membōr ro rej keppopo n̄an bōke menin letok kwojarjar eo aer make ak n̄an liāp

• Membōr ro rej ro̧o̧ltok n̄an m̧akūtkūt ko an Kabun̄ in

• Membōr ro rekar bōk aer menin letok kwojarjar eo me rejjan̄in kar kōkāāl peba in mālim n̄an deļo̧n̄e tampeļ n̄an deļo̧n̄e tampeļ eo ilo juon iien aetok.

Bisoprik eo rej kūr juon ak elōn̄ļo̧k rūkaki in kūlaaj in keppopo n̄an tampeļ. Katak ko im naan in kōmeļeļe ko n̄an ejake kūlaaj eo rej pād ilo Endowed from on High: Temple Preparation Seminar Teacher’s Manual. Ro rej bōk kuņaer rej bōk juon kape in Preparing to Enter the Holy Temple. N̄an ekkatak an juon make im kein jipan̄ katakin, lale temples.ChurchofJesusChrist.org.

Stake būreejtōn eo ej kabwijer kii ko n̄an jerbal in lo̧mo̧o̧r eo an Anij im mour ijo eutiej tata ilo stake eo. E im rikakpilōklōk ro an ewōr aer eddo kein n̄an tampeļ im menmenbwij an baam̧le ilo jerbal in.

• Rej lale bwe katak ko im kōjeraam̧m̧an ko an jerbal an tampeļ im menmenbwij an baam̧le rōn katakin aolep iien ilo kweilo̧k ko an ward eo.

• Jipan̄ membōr ro keppopo n̄an kōm̧m̧ani bujen ko rekwojarjar ilo aer bōk kain̄i ko an tampeļ.

• Rōjan̄ membōr ro n̄an ekkatak kōn ro jibwier im jim̧m̧aer n̄an kōm̧m̧ani kain̄i ko ilo etaer.

• Rōjan̄ membōr ro n̄an kabun̄jar ilo tampeļ ko jon̄an wōt aer maron̄.

• Kōm̧m̧ani intōrpiu ko an peba in mālim ko n̄an deļo̧n̄e tampeļ (lale jepta 26).

Ilo kweilo̧k ko an ippān kajjojo iien ippān būreejtōn eo an doulul eo an elder, juon membōr in stake būreejtōnji eo ej kōnono kōn tampeļ im jerbal in menmenbwij an baam̧le ilo ward eo (lale 8.3.1). Rikakpilōklōk ro ilo būreejtōnji eo an doulul an elder ro im high ko̧o̧njeļ eo kar jitōn̄e n̄an doulul eo emaron̄ pād.

kamiti an ritōl rūtto ilo stake eo ekoba:

• Stake būreejtōnji eo.

• Būreejtōnji eo an Doulul eo an Kōrā an Stake

• High ko̧o̧njeļ ro kar jitōn̄ er n̄an jerbal ippān doulul eo an elder ro.

Ritōl rein rej kōmeļeļe im rie būreejtōnji ko an doulul eo an elder ro im Doulul eo an Kōrā ro kōn eddo ko aer kōn jerbal an tampeļ im menmenbwij an baam̧le (lale 25.2.2). Naan in kōmeļeļe ko maron̄ bōk jikier ilo jekjek an juon doulul ak kajjojo armej. Ritōl ro an ward tampeļ im menmenbwij an baam̧le maron̄ kajjitōk n̄an bōk kōmeļeļe in.

Kōn elōn̄ļo̧k kōn kweilo̧k ko an kamiti in, lale 29.3.9

Stake būreejtōnji eo remaron̄ jitōn̄ high ko̧o̧njeļ ro n̄an leļo̧k kaminene im jipan̄ n̄an armej rein kōn eddo ko aer kōn tampeļ im jerbal in menmenbwij an baam̧le:

• Būreejtōnji ko an Doulul eo an Elder ro

• Ritōl eo an Tampeļ im Menmenbwij an Baam̧le

• Jerbal an Tampeļ im Menmenbwij an baam̧le

Juon ak elōn̄ high ko̧o̧njeļ ro maron̄ ijjitōn̄ n̄an tōl jibadbad kein. Ijoke, aolep high ko̧o̧njeļ ro ewōr aer eddo n̄an ward ko im doulul ko kar jitōn̄ er.

High ko̧o̧njeļ ro remaron̄ jipan̄ leļo̧k kaminene n̄an ritōl ro an tampeļ im menmenbwij an baam̧le n̄an leļo̧k kaminene n̄an rikapilōk ro an tampeļ im menmenbwij an baam̧le an ward. High ko̧o̧njeļ ro remaron̄ jipan̄ jān rijipan̄ an stake tampeļ im consultant ro an menmenbwij an baam̧le.

Stake būreejtōnji eo emaron̄ jitōn̄ juon high ko̧o̧njeļ n̄an kajekiik jerbal ko an indexing (lale 25.4.3). E ak bar juon high ko̧o̧njeļ maron̄ jitōn̄e n̄an lale jerbal eo ilo FamiySearch center ko (lale 25.3.6).

Ium̧win tōl eo an stake būreejtōn eo, stakebūreejtōnji eo an Doulul eo an Kōrā rej leļo̧k kaminene im jipan̄ n̄an ward būreejtōnji ro an Doulul eo an Kōrā ro kōn eddo ko aer kōn tampeļ im jerbal in menmenbwij an baam̧le.

Rikapilōk ro an stake tampeļ im menmenbwij an baam̧le rej jipan̄ tampeļ im jerbal in menmenbwij an baam̧le ilo aolepen stake eo. Rej jerbal ium̧win tōl eo an stake būreejtōnji ro im juon ak elōn̄ļo̧k high ko̧o̧njeļ ro kar ijjitōn̄ n̄an tampeļ im jerbal in menmenbwij an baam̧le.

Rikakpilōk rein rej jipan̄ high ko̧o̧njeļ ro im stake būreejtōnji ro an Doulul eo an Kōrā ro ilo jerbal ko aer n̄an leļo̧k kaminene n̄an ro jet kōn tampeļ im jerbal in menmenbwij an baam̧le (lale 25.3.3 im 25.3.4). Remaron̄ bar bōk ijjitōn̄ kein ilaļ:

• Jipan̄ katakin im jipan̄ membōr ilo kūr ko aer kōn ward tampeļ im menmenbwij an baam̧le.

• Jipan̄ kōjekiik jerbal ko an stake indexting (25.4.3).

• Jerbal ilo FamilySearch center ko (lale 25.3.6)

Eļan̄n̄e kein jipan̄ ko rej pād, stake eo emaron̄ karōk juon ak elōn̄ļo̧k FamilySearch center ko. Jentōr kein rej n̄an jipan̄ rilotok ro loe, aiini meļeļe ko, im kobaik ro uwaan baam̧le eo jim̧or mour ak mej. Aolep rej ruwainene n̄an kōjerbale jentōr kein.

Stake Būreejtōnji eo ej jitōn̄ juon consultant an stake tampeļ im menmenbwij an baam̧le n̄an lale jerbal ko ilo kajjojo FamilySearch center. Kajjojo center ekkā an lōn̄ an rijerbal kappeik jān stake im ward consultant ro an tampeļ im menmenbwij eo. FamilySearch Center ko rej aikuj in peļļo̧k ilo awa ko rekkar.

Āinwōt juon oktak, jet FamilySearch center ko reļļap rej lolorjake jān Eria Būreejtōnji ko.

Eria Būreejtōnji ro remaron̄ kūr rikakpilōklōk ro an eria tampeļ im menmenbwij ko an baam̧le. N̄e iien ekkar, juon armej ak ripālele ro maron̄ kūr er n̄an kajjojo ko̧o̧njeļ in Kōtōbalbal eo. Rikakpilōklōk ro ekkā aer jerbal ium̧win jilu ļo̧k n̄an ļalem iiō.

Eria Būreejtōnji eo emaron̄ jitōn̄ Eria Jiljilimjuonn̄oul ro n̄an kōtōbalbale jerbal ko an rikakpilōklōk rein ilo ko̧o̧njeļ in kōtōbalbal eo. Jerbal eo an rikakpilōklōk ro aikuj iookļo̧k jibadbad eo an eria.

Āinwōt tōl jān Eria Būreejtōnji eo im Eria Jiljilimjuonn̄oul ro, rikakpilōklōk ro rej jipan̄ stake būreejtōn ro kakūrm̧ool eddo ko aer kōn tampeļ im jerbal in menmenbwij an baam̧le. Rikapilōk ro rej jipan̄ stake būreejtōn ro ilo kijejeto ko aer n̄an katakin aae ko̧o̧jeļ ro, stake būreejtōnji ko an Doulul eo an Kōrā ro, ritōl ro an kamiti ko an rūtto an stake, im rikakpilōklōk ro an stake tampeļ im menmenbwij an baam̧le kōn eddo ko aer.

Rikakpilōklōk ro remaron̄ ijjitōn̄ n̄an jipan̄ stake būreejtōnji eo kepooj membōr ro n̄an kabun̄jar ilo tampeļ eo ekāāl kar kōjeļā kake ilowaan wōt eria eo. Eddo ko jet ekoba katakin stake ritōl ro kōn pedped ko im imminene ko an tampeļ im jerbal in menmenbwij an baam̧le. Men kein rekoba:

• Elmen ejaake Tampeļ im Jerbal in menmenbwij an baam̧le ilo stake ko im ward ko (lale 25.3 im 25.2).

• Elmen jipan̄ būreejtōnji ro an doulul eo an elder ro im Doulul eo an Kōrā ro ilo eddo ko aer (lale 25.2.2).

• Elmen an tampeļ im jerbal in menmenbwij an baam̧le maron̄ kōjeraam̧m̧an ajri ro im jodikdik ro (lale 10.2.4, 11.2.4, im 12.2.4).

• Elmen kōjekiik kweilo̧k in kōtōbalbal ko an tampeļ im menmenbwij an baam̧le (lale 25.2.7).

• Elmen jipan̄ ritōl ro an ward peek im karōk kōttōpar ko (lale 25.2.6).

• Elmen jipan̄ membōr ro keppopo n̄an etal n̄an tampeļ (lale 25.2.8).

• Elmen jipan̄ membōr ro rej kab kein kajuon n̄an bpeptaij im kapene ko kōn ro remej ilo tampeļ (lale 23.2).

• Elmen jipan̄ membōr ro bōk juon en̄jake eļap kōn menmenbwij an baam̧le (lale Temple and Family History Leadership Instruction).

My Family: Stories That Bring Us Together ejipan̄ armej ro lo ro nukuier im ro jibwier im jim̧m̧aer n̄an aiini bwebwenato ko aer. Bok in emaron̄ bar jipan̄ membōr ro jino kepooj etan baam̧le ko aer n̄an kain̄i ko an tampeļ.

Bok in emaron̄ in kanne ilo ChurchofJesusChrist.org. Kape ko maron̄ ortari ilo store.ChurchofJeusChrist.org.

FamilySearch.org ej website eo an Kabun̄ in n̄an Jerbal in tampeļ im menmenbwij an baam̧le. Emaron̄ jipan̄ ro rej kōjerbali:

• Kalōk menmenbwij ko an baam̧le im jemdoon ko.

• Lo ro jibwier im jim̧m̧aer im bwebwenato ko aer.

• Kwaļo̧k im kōjparok bwebwenato ko an baam̧le, pija ko, im bwebwenato ko.

• Kepooj etan baam̧le ko n̄an kain̄i ko an tampeļ.

Lale FamilySearch Tree app im FamilySearch Memories app ekōmaron̄ armej ro n̄an bōk kuņaer ilo tampeļ im jerbal in menmenbwij an baam̧le jān device ko nejier.

Pija

baam̧le eo ej lali pija ko

Indexing ej jerbal in kōdeļo̧n̄ meļeļe jān rekoot ko kar je n̄ab database ko ilo FamilySearch.org. Ro rej index ekapidodoi n̄an ro jet n̄an lo ro jibwier im jim̧m̧aer n̄an kōm̧m̧an kain̄i ko an tampeļ ilo etaer.

Jabdewōt remaron̄ bōk kuņaer ilo indexing. Menin emaron̄ kakūrm̧ool en̄jake ko n̄an rein ilaļ:

• Jodikdik ro

• Rūm̧m̧an ded ro

• Membōr ro me ejjab aolep iien rej pād ilo kweilo̧k ko an Kabun̄ in

• Membōr ro rekāāl

• N̄an aolep armej

Stake būreejtōnji eo remaron̄ jitōn̄ juon rikapilōk an tampeļ im menmenbwij an baam̧le ak juon high ko̧o̧njeļ n̄an tōl jerbal in.

N̄an eļapļo̧k meļeļeļe “Indexing Overview” ilo FamilySearch.org.

Rijerbal ro an tampeļ rej kalikkar wāween kein ilaļ:

• Membōr ro rej kalikkkar jen bisop eo ak bar juon ritōl.

• Membōr ro rej loļo̧k bisop eo n̄an jerbal.

• Membōr ro kar kōmālim jen tempeļ būreejtōn eo, matron eo, ak bar juon ritōl an tampeļ.

• Membōr ro me rej m̧aanjabpopo n̄an ak kiiō epaak kar ro̧o̧ltok jān jerbal in mijenede (lale jepta 24)

Āt ko rekkar bwe ren rijerbal ro an tampeļ rej jilkinļo̧k ilo Recommend Temple Worker tool. Tool in ej jerbal n̄an bisop ro, stake būreejtōn ro, im tampeļ būreejtōnji ro. Rej jilkinļo̧k āt ko āinwōt an ellaajrak ijin ilaļ.

N̄e membōr in tampeļ būreejtōnji eo ej kalikkar etan rijerbal ro an tampeļ, rej jilkinļo̧k etan armej ro n̄an bisop eo ilo aer kōjerbal Recommend Temple Worker tool.

N̄e bisop eo ej kalikkar etan rijerbal ro an tampeļ ak bōk mālim jen tampeļ būreejtōn eo, ej kapilōk membōr eo kōn jerbal eo. Ej etale men ko aorōk n̄an rijerbal ro an tampeļ (lale 25.5.2) ak baļentier ro an tampeļ (lale 25.5.3). N̄e jim̧or bisop im membōr eo ej en̄jake kōn iien eo em̧m̧an, bisop eo ej kadedeļo̧k im jilkinļo̧k kōmālim eo kōjerbal Recommend Temple Worker tool. Membōr eo eaikuj meļeļe bwe jilkinļo̧k kōmālim eo ejjab meļeļein bwe e eo enaaj bōk jerbal eo āinwōt juon rijerbal an tampeļ.

Peba in mālim eo ej aikuj kōkāāl jen stake būreejtōn eo n̄an membōr eo ej jokwe ilo stake eo. N̄an membōr ro jokwe ilo district eo, mijen būreejtōn ej etale. N̄e stake ak mijen būreejtōn eo ej kōmālim peba in mālim eo, ej jilkinļo̧k n̄an tampeļ būreejtōn eo n̄an etale ilo an kōjerbal Recommend Temple Worker tool.

Membōr me kar kūr ak ijjitōn̄ āinwōt rijerbal ro an tampeļ ekkā aer joļo̧k iien ko n̄an jerbal ilo tampeļ kajjojo wiik. Ritōl ro raikuj jab leļo̧k bar kūr bwe enaaj kapan̄ maron̄ eo an membōr eo n̄an jerbal ilo tampeļ eo.

Ilo Recommend Temple Worker tool ej bar kwaļo̧k bisop ro im stake būreejtōn ro juon laajrakin aolep membōr ro jān ward ko aer ak stake ko ro rej jerbal ilo tampeļ eo.

Rijerbal ro an kain̄i ilo tampeļ rej jipan̄ kōm̧m̧ani kain̄i ko ilo tampeļ. N̄an kōmālim juon āinwōt rijerbal in kain̄i, juon membōr eaikuj in tōpar men kein:

• Jokw ilo tempeļ district eo ilo tampeļ ijo enaaj jerbal ie.

• Bōk mennin letok kwojarjar eo, kautiej bujen ko an tampeļ, im bōk juon peba in mālim an tamepļ ekāāl.

• Bōk juon naan in kam̧ool ekajoor kōn jepļaaktok in gospel eo an Jisōs Kraist.

• Ekeke ilo ānbwin n̄an maron̄ kōm̧m̧ani kain̄i ko ilo ejjeļo̧k jipan̄.

• Erreeo im kautiej Kabun̄ in im jukjukinpād.

• Jerbal ippān armej ro jet.

• Ekapeel im ājmour.

• En jab wōr jabdewōt jeje in kipel ilo rekoot eo an.

Ilo kakkobaba, bisop ej lukkuun lale men kein ilaļ:

• Eļan̄n̄e juon membership an juon armej ekkar an ņojak, e ļeo ak e lio maron̄ leļo̧k etan bwe en juon rijerbal in kain̄i en jab rum̧wijļo̧k jān ļalem iiō ko ālkin mo ko kar kōm̧akūtļo̧k. (Lae 32.11.3 im 32.16.1.)

• Eļan̄n̄e juon armej ejjan̄in bōk menin letok kwojarjar eo membōr eo an kar joļo̧k, ak eļan̄n̄e armej eo kar bōk membōr eo an, e leo̧ ak e lio maron̄ leļok etan āinwōt juon rijerbal in kain̄i en jab rum̧wijļo̧k jān ļalem iiō ko ālkin bar kedeļo̧n̄e n̄an Kabun̄ in. (Lale 32.11.4, 32.14.9, 32.16.1, im 32.16.2.)

• Eļan̄n̄e membōr eo an armej eo ekar bōk joļo̧k, ak eļan̄n̄e membōr eo an armej kar bōk, e ļeo ak e lio maron̄ leļo̧k etaer āinwōt juon rijerbal in kain̄i en jab rum̧wijļo̧k jān bōk kōjeraam̧m̧an ko an bar kōjepļaaktok. (Lale 32.11.4, 32.14.9, im 32.17.2.)

Eļan̄n̄e ļalem iiō ko rejjan̄in de eļļāļo̧k jān kar tōre eo ej kwaļo̧k ilōn̄, membōr eo emaron̄ jokkun wōt juon maron̄ leļo̧k etan āinwōt juon tampeļ baļintier eļan̄n̄e e ļeo ak e lio ej tōpar men ko aikuji n̄an ijjitōn̄ jab in.

Tampeļ baļentieer ro rej jipan̄ jerbal ko ilo tampeļ, āinwōt jerbal ilo opiij ak jikin kwaļkwōļ. N̄an kōmālim juon āinwōt rijerbal tampeļ, juon membōr eaikuj in tōpar men kein:

• Jokwe ilo tempeļ district eo ilo tampeļ ijo enaaj jerbal ie.

• Bōk mennin letok kwojarjar eo, kautiej bujen ko an tampeļ, im bōk juon peba in mālim an tamepļ ekāāl.

• Jerbal ippān armej ro jet.

• Ekapeel im ājmour.

• En jab wōr jabdewōt jeje in kipel ilo rekoot eo an.

Āinwōt juon kōļmenļo̧kjeņ kōn kapeel kein, membōr eo ej baļentier n̄an jerbal itulikin tampeļ eaikuj jab eo ekar bōk menin letok kwojarjar eo. Juon waanjon̄ak ej juon membōr eo ej jerbal ilo meļan ko an juon tampeļ.

Ālkin an tampeļ būreejtōn eo bōk peba in mālim bwe juon en jerbal āinwōt juon rijerbal ro an kain̄i, membōr in būreejtōnji eo ak juon eo rekar kappe ej intōrpuik armej eo. Āinwōt an im̧we, armej eo ej kōm̧m̧ane intōrpiu eo ej kūr ro rekkar n̄an jerbal āinwōt rijerbal ro an kain̄i im kōjenoļo̧k er.

Rijipan̄ ro an tampeļ maron̄ intōrpiuk er im kar ijjitōn̄ jen juon membōr in tampeļ būreejtōnji eo an tampeļ ak juon eo kar kappe. Baļentieer ro rej ijjitōn̄ ijeļo̧kin kūr er. Rejjab aikuj in naaj kōjenoļo̧k.