“31. Intōrpiu ko im Kweilo̧k ko Jet ippān Membōr ro,” Bok in Bōk Meļeļe: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2020).
“31. Intōrpiu ko im Kweilo̧k ko Jet ippān Membōr ro,” Bok in Bōk Meļeļe.
31.
Intōrpiu ko im Kweilo̧k ko Jet ippān Membōr ro
31.0
Kadkad in
Jisōs Kraist ekōn ekkā an kar jerbal in karejar n̄an ro jet juon illo̧k juon (lale, n̄an waanjon̄ak, Jon 4:5–26; 3 Nipai 17:21). E ej iakwe kajjojo ajri ro nejin Anij. E ej jipan̄ er kajjojo.
Āinwōt juon ritōl an Kabun̄ in im rikarejeran Jisōs Kraist, ebar āinwōt wōr ippam̧ iien ko rem̧m̧an n̄an jipan̄ ajri ro nejin Anij, kajjojo, ilo eddōkļo̧k in jetōb eo aer. Juon wāween aorōk kwomaron̄ kōm̧m̧ane menin ej jān intōrpiu ko im kweilo̧k ko jet ippān juon illo̧k juon. Jet iaan jerbal in jipan̄ ko am̧ eļap tata meļeļeier renaaj waļo̧k ippān juon illo̧k juon. Ilo jekjek kein, kwomaron̄ leļo̧k iakwe eo āinwōt an Kraist, kotak lōn̄ļo̧k “pā ko rej allitoto” im kōkajoorļo̧k “bukwe ko rem̧ōjņo̧” (Katak im Bujen Ko 81:5).
Ilo jepta in, naan eo intōrpiu ej kōnono kōn kweilo̧k eo ikōtaan juon ritōl im kajjojo armej n̄an kōmlet eļan̄n̄e armej eo ej aikuj bōk koņaan ilo juon kain̄i ak bōk juon kūr (lale 31.2). Ilo m̧ool, intōrpiu kein rej kōm̧m̧an jān juon membōr in bisoprik eo ak stake būreejtōnji. Naan eo intōrpiu ej barāinwōt kōnono kōn intōrpui ko an jerbal in karejar kōm̧m̧an jān juon membōr in būreejtōnji eo an Doulul eo an Kōrā ro ak doulul eo an elder ro (lale 21.3).
N̄an kakkobaba ikkijeen intōrpui kein, ebar lōn̄ un ko jet juon ritōl an Kabun̄ in emaron̄ kweilo̧k ippān kajjojo membōr ro (lale 31.3). N̄an waanjon̄ak, bisoprik eo ewōr an kweilo̧k ko jikejuuļ aolep iien ippān kajjojo jodikdik ro ilo ward eo (lale 31.3.1). Jekdo̧o̧n eļan̄n̄e kwojjab jerbal ilo juon bisoprik, bisop eo emaron̄ kajjitōk ippam̧ n̄an kweilo̧k ippān juon membōr eo ej pād ilo aikuj n̄an leļo̧k jipan̄ eo ej wōnm̧aanļo̧k wōt im jerbal in karejar. Ak juon membōr emaron̄ itok n̄an eok n̄e armej eo ej jelm̧ae juon apan̄ an juon make ak baam̧le.
Jepta in emaron̄ jipan̄ aolep ritōl ro me ewōr aer iien ko rem̧m̧an n̄an ioon kajjojo membōr ro. Ritōl rein maron̄ koba ritōl ro an Doulul eo an Kōrā ro, doulul eo an elder ro, im Doulul eo an Jiron̄ ro, jein im jatin m̧aan in kōrā ro an jerbal in karejar, ak ro jet bisop eo emaron̄ kappeik er.
31.1
Pedped in Katak ko an Tōl
31.1.1
Kōppopo ilo Jetōb
Eļan̄n̄e ewōr ippam̧ eddo eo n̄an kweilo̧k ippān juon membōr, Irooj enaaj kōjeraam̧m̧an eok kōn im̧we eo kwoj aikuji ilo am̧ kappukōte. Kōpooj eok make ilo jetōb kōn jar, ekkatak jeje ko rekwojarjar, im mour jim̧we. Ron̄jake unoojdikdik ko an Jetōb Kwojarjar eo. E enaaj tōl eok kōn im̧we ko, ļōmņak ko, im en̄jake ko. E emaron̄ jipan̄ eok keememej katak ko kwar ekkatak ilo jeje ko rekwojarjar im naan ko an rikanaan ro ilo raan ko āliktata me remaron̄ jipan̄ armej eo kwoj kweilo̧k ippān kōn (lale Katak im Bujen Ko 84:85; 100:5–8).
Gospel Library eo ewōr juon kōro̧ro in Counseling Resources. Ilo am̧ m̧aanjabpopo n̄an kweilo̧k ippān juon membōr, ļōmņak in etale meļeļe ko kōn unin kōnono ko me rej jerbal n̄an armej eo.
Jetōb Kwojarjar eo emaron̄ barāinwōt tōl membōr eo kōn wōn eo kwoj ioone. Kwomaron̄ ļōmņak in kajjitōk ippān n̄an m̧aanjabpopo ilo jetōb n̄an kweilo̧k eo amiro barāinwōt.
Ļōmņak in jar ippān membōr eo ilo am̧ jino kweilo̧k eo. Menin emaron̄ karuwaineneiktok juon jetōb in ettā im tōmak ilo ami juon wōt ilo kajjitōk ippān Anij kōn jipan̄ eo An (lale Katak im Bujen Ko 6:32; 29:6).
Ilo iien intōrpui eo ak kweilo̧k eo, juon unin kōnono ak kajjitōk emaron̄ jarjar lōn̄tak me kwojjab en̄jake kopojak in uwaake. Kwomaron̄ elmakote bwe kwe im kajjojo membōr kom̧ij kappukōt tōl eo an Irooj—n̄an waanjon̄ak, kōn ekkatak, jar, im jitlo̧k. Kwomaron̄ barāinwōt kōnono kōn meļeļe kōn rejetjet ilo Counseling Resources ak Life Help ilo Gospel Library eo. Innān kwomaron̄ bar kweilo̧k ippān n̄an ekōnono kōn men eo eļapļo̧k.
Eļan̄n̄e membōr eo ekar kōm̧m̧ane juon jerawiwi eļap, leļo̧k armej eo n̄an bisop eo.
31.1.2
Jipan̄ Membōr eo En̄jake Iakwe eo an Anij
Āinwōt juon ritōl an Kabun̄ in, kwoj jutak ilo etan Rilo̧mo̧o̧r eo. Juon m̧ōttan aorōk an mijen eo An ej n̄an kwaļo̧k iakwe eo an Anij n̄an ajri ro Nejin (lale Jon 3:16–17). N̄e membōr ro rej itok n̄an ippam̧ kōn juon intōrpiu ak kōn jipan̄ kōn juon apan̄ an juon make, ta eo emakijkij aer aikuj eļap tata ej n̄an jeļā bwe Jemed ej iakwe er. Iakwe in emaron̄ kōkajoorļo̧k er im im̧we er n̄an itok n̄an Kraist, ukweļo̧k jān jerawiwi eo, im kōm̧m̧ani kāālet ko rem̧m̧an.
Jeje ko Rekwojarjar im naan ko an rikanaan ro ilo raan ko āliktata rej karuwaineneiktok Jetōb eo im katakin katak eo erreo. Kōmakijkij kōjerbali, kōn uwaak m̧ōkaj im iakwe, n̄e kwoj kweilo̧k ippān membōr ro. Kōjebali n̄an im̧we im kōketak, ejjab n̄an liaakeļo̧k, boje, ak kōm̧man kamijak (lale Luk 9:56).
Jikejuuļ eļap iien n̄an kweilo̧k eo. Membōr ej aikuj jab en̄jake bwe kwolukkuun in boub. Leļo̧k aolepān am̧ n̄an er.
31.1.3
Jipan̄ Membōr eo Pedped ioon Kajoor eo an Rilo̧mo̧o̧r eo
Jisōs Kraist ekar bōk ioon Make jerawiwi ko ad “bwe En maron̄ jeorļo̧k bōd ko [ad] ekkar n̄an kajoor in lo̧mo̧o̧ren eo An” (Alma 7:13). E ekar barāinwōt bōk ioon Make en̄taan ko ad, metak, m̧ōjņo̧ ko “bwe En maron̄ jeļā … ekōjkan jipan̄ armej ro An” (lale Alma 7:11–12).
Kōketak membōr ro n̄an oktakļo̧k n̄an E. Jipan̄ er pedped ioon kajoor eo An n̄an kōkajoorļo̧k, kaenōm̧m̧an, im lo̧mo̧o̧ren. Kajoor in ej itok jān kōjerbal tōmak ilo Jisōs Kraist, ļoor waanjon̄ak eo An, bōk kain̄i ko an priesthood, kōjparok bujen ko, im jerbali im̧we ko jān Jetōb Kwojarjar eo.
31.1.4
Jipan̄ Membōr eo En̄jake Kaenōm̧m̧an im Jokane(safe)
Jet membōr ro ekar wōr aer en̄jake ko me ekōm̧m̧an bwe ren en̄jake inepata ak iabun̄ n̄e rej kweilo̧k ippān juon ritōl an Kabun̄ in. Kappukōt wāween ko n̄an jipan̄ er en̄jake ikōn̄, jokane, im kaenōm̧m̧an. Lale ippān membōr eo ta eo kwomaron̄ kōm̧m̧ane n̄an jipan̄.
Iien otemjej leļo̧k n̄an membōr eo ļōmņak eo kōn an bar wōr juon armej pād ilo iien intōrpiu eo ak kweilo̧k eo. N̄e kweilo̧k ippān juon membōr eo me eoktak kōjāllin (opposite sex), juon ajri, ak juon jodikdik, kanooj lale bwe juon pāāren ak bar juon rūtto en pād. Ļeo ak lio emaron̄ kobatok ilo kweilo̧k eo ak kōttar itunam̧ōj in ruum̧ eo, pedped ioon kōņaan ko an membōr eo me kwoj kweilo̧k ippān.
Eļan̄n̄e kweilo̧k eo ilo im̧ōn kweilo̧k eo ekōm̧m̧an bwe en jab em̧m̧an an membōr eo pād, kāālet ippān doon kōn juon jikin eoktak n̄an kweilo̧k. Pukōt juon jikin ijo Jetōb Kwojarjar eo emaron̄ pād im kwomaron̄ dāpij wōt lōke ko. Barāinwōt ļōmņak kōn kōjparok (safety) eo am̧ make im kōjparok (safety) eo an membōr eo. Kōn meļeļe ko kōn kweilo̧k ippān membōr ro ilo mejatoto ak online, lale 31.4.
Bar juon m̧ōttan aorōk an jipan̄ membōr ro en̄jake jokane (safe) ej dāpij wōt lōke ko. Bar kam̧ool n̄an membōr eo bwe bwebwento eo amiro enaaj eņņojak.
Jab kwalo̧k meļeļe ko reņņojak ippān jabdewōt—ekoba eo pāleem̧ ak ritōl ro jet an Kabun̄ in—m̧ae iien eo membōr eo ej lewaj mālim. Wōnm̧aanļo̧k in dāpij eņņojak eo an kain men rōt in jekdo̧o̧n ālkin kōtļo̧k eok. Rupe lōke ko maron̄ kakkure tōmak, lōke an juon membōr, im naan in kam̧ool eo. Membōr ro eļapļo̧k aer kōņaan kappukōt jipan̄ jān ritōl ro an Kabun̄ in eļan̄n̄e rejeļā bwe ta eo rej kwaļo̧k naaj dāpij wōt eņņojak eo.
N̄an meļeļe ko reļļapļo̧k kōn eņņojak, ekoba meleļe ko rem̧m̧an (legal), lale 32.4.4.
31.1.5
Kajjitōk Kajjitōk Reim̧we im Lukkuun Ron̄jake
N̄e kweilo̧k ippān juon membōr, kajjitōk kajjitōk ko me rejipan̄ eok meļeļe jekjek eo an armej eo. Leļo̧k n̄an membōr eo iien ko rem̧m̧an n̄an an armej eo kwaļo̧k ļōmņak ko im en̄jake ko an ilo anemkwoj.
Ilo an membōr eo kōnono, lukkuun ron̄jake im wujlepļo̧k. Pukōt n̄an lukkuun meļeļe m̧okta jān uwaak. Eļan̄n̄e aikuj, kajjitōk kajjitōk in bar etale (follow up) n̄an kanooj jeļā kwoj meļeļe. Bōtaab jab kajjitōk elōn̄ļo̧k kajjitōk in etale ko rejjab menin aikuj.
Ron̄jake ejipan̄ ejaake lōke. Ej jipan̄ ro jet en̄jake meļeļe, aorōk, im iakwe. Emakijkij an armej ro aikuji juon eo rej lōke n̄an ron̄jake ilo aer jerbali apan̄ ko . Ron̄jake emaron̄ barāinwōt jipan̄ eok kōpeļļo̧k būruōm̧ n̄an im̧we ko jān Jetōb Kwojarjar eo.
31.1.6
Kōketak Un̄n̄are-Peid Make
Kōnke kōn iakwe eo am̧ n̄an membōr ro, kwomaron̄ kōņaan leļo̧k uwaak ko n̄an jorrāān ko aer ilo iien eo em̧ōj tata. Ijoke, kwonaaj kōjeraam̧m̧an er eļapļo̧k ilo am̧ jipan̄ er pukōt uwaak ko aer make im kōm̧m̧ani kāālet ko aer make (lale Katak im Bujen Ko 9:8).
Jipan̄ er ekkatak kōn jorrāān ko aer ak kajjitōk ko ilowaan wōt jekjek eo an gospel eo an Jisōs Kraist im karōk in lo̧mo̧o̧r eo. Katakin er wāween kappukōt tōl eo an Irooj kōn jeje ko rekwojarjar, naan ko an rikanaan ro remour, im revelesōn an juon make. Ilo wāween in, kwoj jipan̄ membōr ro m̧aanjabpopo n̄an jelm̧ae apan̄ ko jet ilju im jekļaj. Renaaj barāinwōt em̧m̧anļo̧k aer maron̄ jipan̄ ro jet, ekoba baam̧le ko aer.
31.1.7
Rejtake Kijejeto ko n̄an Ukweļo̧k
Jet iien juon membōr emaron̄ in kappukōt jipan̄ n̄an ukweļo̧k jān jerawiwi. Eļap ijo kwomaron̄ kōm̧m̧ane n̄an im̧we tōmak ilo Jisōs Kraist im kōketak membōr eo n̄an kappukōt jeorļo̧k bōd.
Bisop eo ak stake būreejtōn eo wōt emaron̄ jipan̄ juon armej ņamejļan jerawiwi ko reļļap. Jet iaan men kein rej ellaajrak ilo 32.6. Eļan̄n̄e membōr eo ekar kōm̧m̧ane jabdewōt iaan jerawiwi kein, armej eo ej aikuj kweilo̧k ippān bisop eo ak stake būreejtōn eo ilo iien eo em̧ōkaj tata.
Kajjojo bisop ak stake būreejtōn ej “juon riekajet ilo Israel” (Katak im Bujen Ko 107:72) Kōn maron̄ in rej jipan̄ membōr ro ukweļo̧k jān jerawiwi im itok n̄an Kraist, eo ej jeorļo̧k bōd (lale 32.1 im 32.3).
Ilo eddo kein, ritōl rein rej jutak ilo etan Irooj. Rej kajjieon̄ in kōjerbal “ekajet eo [E] enaaj lewōj n̄an [er]” (3 Nipai 27:27). Rej katakin bwe ukweļo̧k ej kitbuuj kōjerbal tōmak ilo Jisōs Kraist, ewōr juon jetōb ettā, joļo̧k jerawiwi, kappukōt jeorļo̧k bōd, kōm̧m̧an kajjim̧we, im kōjparok kien ko kōn juon kallm̧ur kar kōkaāle.
N̄an jipan̄ er kakūrm̧ool eddo eo aer, bisop eo im stake būreejtōn ro rej jeraam̧m̧an kōn menin letok ilo jetōb eo n̄an jeļā kile. Menin letok ko rej jipan̄ er jeļā kile m̧ool eo, meļeļe būruōn juon membōr, im kile aikuj ko an armej eo (lale 1 Kiin̄ ro 3:6–12; Katak im Bujen Ko 46:27–28).
Mekarta kwaļo̧k ruōn eo ej waļo̧k ippān juon “riekajet in Israel,” kōn mālim eo an membōr eo, ritōl ro jet remaron̄ leļo̧k rejtak ilo kijejeto ko an n̄an ukweļo̧k. Menin ej jipan̄ eļap tata n̄e ukweļo̧k eo enaaj bōk juon iien eļap. Lale m̧ōttan eo āliktata in 32.8.1 kōn unin tōl ko.
31.1.8
Ņamejļan Ilo Jetjet n̄an Ko̧kkure (abuse)
Ko̧kkure jabdewōt armej ejjab maron̄ in bōk jikin ilo jabdewōt jekjek. Bōk riboot ko kōn ko̧kkure (abuse) ilo m̧ool in. Eļan̄n̄e kwoj jeļā bwe em̧ōj kar ko̧kkure (abuse) juon armej, riboote ko̧kkure (abuse) eo n̄an rijerbal ro an jikin kōjparok (civiil authority) im ko̧o̧njeļ ippān bisop eo. Unin tōl ko n̄an riboot im ņamejļan ko̧kkure (abuse) rej litok ilo 38.6.2.
N̄an meļeļe ko kōn ta eo bisop ro im stake būreejtōn ro rej aikuj kōm̧m̧ane n̄e rej jeļā kōn ko̧kkure (abuse) eo, lale 38.6.2.1.
N̄an meļeļe ko kōn jipan̄ rijorrāān (victim) ro, lale “Abuse (Help for the Victim)” ilo Counseling Resources. Kwomaron̄ barāinwōt leļo̧k n̄an membōr eo n̄an men eo ejipan̄ kein jipan̄ ko kōn ko̧kkure (resource about abuse) ilo Life Help.
N̄an meļeļe ko kōn jipan̄ rijorrāān (victim) ro an reep (rape) ak ko̧kkure ko jet an m̧ōm̧ an kanniōk, lale 38.6.18.2.
31.2
Intōrpiu ko
31.2.1
Jibadbad ko an Intōrpiu ko
Eitōņ aolep iien, ritōl ro an Kabun̄ in rej intōrpiuik membōr ro n̄an kōmlet eļan̄n̄e rej:
-
Pojak n̄an bōk ak bōk koņaan ilo juon kain̄i.
-
Aikuj kūr n̄an juon jerbal ilo Kabun̄ in.
Eitōn aolep intōrpiu ko an kain in rej kōm̧man jān juon membōr in bisoprik eo ak stake būreejtōnji eo. Rejjab maron̄ kappeik n̄an ritōl ro jet an ward eo. Ijoke, juon stake būreejtōn emaron̄ kappeik jet intōrpiu ko n̄an high ko̧o̧njeļ ro āinwōt kar kōllaajrake ilo Jaat in Kūr ko (lale 30.8).
31.2.2
Kain Intōrpiu ko
Bisop eo ej ņa etan “juon riekajet eļap” ilo ward eo an (Katak im Bujen Ko 107:74; lale barāinwōt 7.1.3). Stake būreejtōn eo ej barainwōt jerbal āinwōt juon riekajet eļap (lale 6.2.3). Ritōl rein rej kabwijer ki ko an priesthood eo n̄an kōmālim kain̄i ko. Kōn un kein, ewōr jet intōrpiu ko er wōt remaron̄ kōm̧m̧ani. Rej maron̄ kappeik intōrpiu ko jet n̄an rikakpilōklōk ro. Tebōļ in ej kōllaajrak wōn eo emaron̄ kōm̧m̧an kajjojo intōrpiu.
|
Wōn eo emaron̄ kōm̧m̧ane intōrpiu eo |
Jibadbad eo an intōrpiu eo |
|---|---|
Wōn eo emaron̄ kōm̧m̧ane intōrpiu eo Bisop eo wōt | Jibadbad eo an intōrpiu eo
|
Wōn eo emaron̄ kōm̧m̧ane intōrpiu eo Bisop eo ak juon rikakpilōklōk ej kappeiki | Jibadbad eo an intōrpiu eo
|
Wōn eo emaron̄ kōm̧m̧ane intōrpiu eo Stake būreejtōn eo wōt | Jibadbad eo an intōrpiu eo
|
Wōn eo emaron̄ kōm̧m̧ane intōrpiu eo Stake bureejtōn eo ak juon rikakpilōklōk ej kappeiki | Jibadbad eo an intōrpiu eo
|
Mijenede ro rej jerbal aolep raan rej intōrpiuik riotak ro n̄an peptaij im kapene (lale 31.2.3.2).
Membōr ro an būreejtōnji ko an doulul eo an elder ro im Doulul eo an Kōrā ro rej kōm̧m̧ani intōrpiu in jerbal in karejar eo (lale 21.3).
31.2.3
Intōrpiu n̄an Peptaij im Kapene
31.2.3.1
Ajri ro Ewōr Aer Rekoot
Bisop eo ej kabwijer priesthood ki ko n̄an peptaiji membōr in rekoot ro 8 aer iiō ilo ward eo an. Kōn un in, e ak juon rikakpilōklōk kar kappeiki ej intōrpiuik armej rein n̄an peptaij.
-
Ajri ro 8 iiō ro ewōr aer rekoot.
-
Ajri ro 8 aer iiō rejjab membōr in rekoot ak eo jinen ak jemen ak eo ej bōk eddo in rej membōr.
-
Membōr ro ewōr aer rekoot 9 iiō im rūttoļo̧k me kar karum̧wijļo̧k peptaij eo aer kōn wōt utam̧we ko ilo kōļmenļo̧kjeņ.
Ilo intōrpiu eo, membōr in bisoprik eo ej kanooj lale bwe ajri ro ej meļeļe jibadbad ko an peptaij (lale 2 Nipai 31:5–20). Ej barāinwōt kanooj lale bwe ajri eo en meļeļe kōn bujen eo an peptaij im en wūjlepļo̧k n̄an mour kake (lale Mosaia 18:8–10). E ejjab aikuj in kōjerbal juon laajrak in kajjitōk ko rein juon. Menin ejjab juon intōrpiu n̄an kōmlet erreo eo, kōnke “ajri ro reddik reaikuj jab ukeļo̧k” (Moronai 8:11).
Mālim eo an pāāren ro ak ribōk eddo ro ej menin aikuj m̧okta jān an juon ajri maron̄ peptaij (lale 38.2.8.2).
31.2.3.2
Rioktak ro
Mijen būreejtōn eo ej kabwijer priesthood ki ko n̄an peptaiji ro rej oktak tok. Kōn un in, juon mijenede ej jerbal aolep raan ej intōrpiu:
-
Armej ro 9 iiō im rūttoļo̧k ro rejjan̄in peptaij im kapen. Lale 31.2.3.1 kōn juon kōtļo̧k eo n̄an ro ewōr utam̧we ko ilo kōļmenļo̧kjeņ.
-
Ajri ro 8 iiō dettaer im rūttoļo̧k me ro jinen im jemen rejjab membōr in Kabun̄ in.
-
Ajri ro 8 iiō dettaer im rūttoļo̧k me jinen ak jemen ej barāinwōt peptaij im kapen.
Ritōl mijenede an district eo ak ritōl mijenede an zone ej ej kōm̧m̧ane intōrpiu eo. N̄an meļeļeko kōn jekjek ko me rej aikuji kōmālim ejenolo̧k, lale 38.2.8.6).
Kajjojo ro rej pojān oktak rej aikuj barāinwōt kweilo̧k ippān bisop eo m̧okta jān peptaij. Ijoke, bisop eo ejjab intōrpiuik armej eo n̄an peptaij. Ejjab barāinwōt kōmlet erreo eo. Jibadbad eo an kweilo̧k in ej n̄an kalōk juon jemjerā ippān armej eo.
Ilo intōrpiu eo, mijende eo ej ļoor tōl eo an Jetōb n̄an kōmlet eļan̄n̄e armej eo etōpar men ko aikuji kar kōmeļeļeik ilo Katak im Bujen Ko 20:37 (lale barāinwōt Mosaia 18:8–10; Moronai 6:1–4). Mijenede eo ej kōjerbal kajjitōk kein: E ej ukukōti n̄an iiō eo an armej eo, ekeke eo an, im jekjke eo.
-
Kwōj ke tōmak bwe Anij ej Jemed Indeeo? Kwōj ke tōmak bwe Jisōs Kraist ej Nejin Anij im Rilo̧mo̧o̧r im Ripinmuur eo an laļ?
-
Kwōj ke tōmak bwe Kabun̄ in im gospel eo an Jisōs Kraist emōj an kar jepļaaktok kōn Rikanaan Josep Smith? Kwōj ke tōmak bwe [Būreejtōn eo an Kabun̄ in kiiō] ej juon rikanaan an Anij? Ta meļeļein menin n̄an eok?
-
Ta meļeļe in n̄an kwe n̄an ukweļo̧k? Kwoj ke en̄jake bwe kwar ukweļo̧k jān jerawiwi ko am̧ jem̧aan?
-
Emōj ke am kar katakin ro uwaan Kabun̄ eo an Jisōs Kraist im Armej ro Rekwojarjar ilo Raan ko Āliktata ekkeijeļļo̧k ilo mour kaki jon̄n̄ak ko an ko̧jpeļ eo. Ta eo kwōj meļeļe kake kōn laajrakin jon̄ak ko? Kwōj ke m̧ōņōņō in pokaki?
-
Kien erreo eo, eo ej kamo jabdewōt jemjerā in m̧ōm̧ an kanniōk ilikin pād ko an juon m̧are kōmālim ikōtaan juon em̧m̧aan im juon kōrā.
-
Kien juōn m̧ōttan jon̄oul
-
Naan in Mālōtlōt
-
Kōjparok ekwojarjar eo an raan in Jabōt, ekoba bōk m̧ōttan kwojkwoj eo wiik otemjeļo̧k im jerbal n̄an ro jet.
-
-
Emōj ke am̧ kar kōm̧m̧ane juon jorrāān enana? Eļan̄n̄e innām, kwōj ke pād ilo juon tōre in mālijjon̄ ak parole?
-
Kwonan̄in ke ļo̧k wōt n̄an jidik bōk koņaan ilo m̧an lo̧jien? (lale 38.6.1).
-
N̄e kwoj peptaij, kwōj bujen ippān Anij bwe kwoj m̧ōņōņō in bōk ioom̧ make etan Kraist, jerbal n̄an ro jet, jutak āinwōt juon rikam̧ool an Anij ilo aolep iien, im kōjparok kien ko An ilo aolepān am̧ mour. Kopojak ke n̄an kōm̧m̧ane bujen in im wōnm̧aanļo̧k wōt im tōmake menin?
N̄an kōmeļeļe ko eļan̄n̄e armej eo ej uwaak ilo errā n̄an kajjitōk 5 ak 6, lale 38.2.8.6). Lale barāinwōt 38.2.8.7).
Eļan̄n̄e armej eo ej kōppopo n̄an peptaij, eo ej intōrpiu ej kanne (Baptism and Confrimation Record) Rekoot in Peptaij im Kapen eo (lale 18.8.3).
31.2.4
Intōrpiu ko n̄an Ekkapit n̄an juon Opiij ilo Priesthood eo an Aron
Bisop eo ej kabwijer priesthood ki ko n̄an leļo̧k Priesthood eo an Aron. E ej barāinwōt kabwijer ki ko n̄an ekkapit n̄an opiij ko an tikōn, rūkaki, im pris. Bisop eo ak juon rikakpilōklōk kar kappeiki ej intōrpiuiki ro me rej pojān kapit er tikōn ro ak rūkaki ro n̄an kōmlet eļan̄n̄e rej pojak ilo jetōb. Bisop eo ej intōrpiuiki ro rej pojān kapit er pris ro.
N̄an meļeļe ko reļļapļo̧k, lale 18.10.2.
31.2.5
Intōrpiu ko an Peba in Mālim n̄an Deļo̧n̄e Tampeļ
Tampeļ eo ej m̧weo im̧ōn Irooj. Deļo̧n̄e tampeļ eo im bōk koņaan ilo kain̄i ko ewōr juon jim̧we ekwojarjar. Jim̧we in ej jerbal n̄an ro me rej pojak ilo jetōb im kajjieon̄ n̄an mour kōn jon̄ak ko an Irooj, āinwōt kar kōmlet jān ritōl ro an priesthood rōmālim.
N̄an kōm̧m̧ane kōmlet in, ritōl ro an priesthood eo rej intōripuik membōr eo kōjerbal kajjitōk ko ilo LCR eo (lale barāinwōt unin tōl ko ilo 26.3). Ritōl ro rej aikuj jab kobaik ak kōm̧akūt jabdewōt men ko aikuji. Ijoke, remaron̄ ukukōt kajjitōk ko n̄an dettan iiō eo im jekjek ko an membōr eo.
31.2.6
Intōrpiu ko n̄an Ekkapit n̄an juon Opiij in Melkesidek Priesthood eo
Stake būreejtōn eo ej kabwijer ki ko an priesthood n̄an leļo̧k Melkisedek Priesthood eo. E ej barāinwōt kabwijer ki ko n̄an kapit n̄an opiij ko an elder im pris eo eutiej.
Kōn mālim eo jān stake būreejtōnji eo, bisop eo ej intōrpiuik membōr eo kōjerbal kajjitōk kein ilaļ. M̧okta jān kōm̧m̧ane, ej kam̧oole bwe rekoot in membership eo an armej eo n̄an ejjab naan in kōmeļeļe ko ie (annotation), mo ilo kain̄i eo, ak juon mo ilo uwaan an Kabun̄ in.
Eļan̄n̄e, ālkin etale, bisop eo ej en̄jake bwe membōr eo ej pojak n̄an ekkapit, ej kadedeļo̧k im jilkinļo̧k Melchizedek Priesthood Ordination Record eo. Innām juon membōr in stake būreejtōnji eo ej intōrpiuik membōr eo, barāinwōt kōjerbal kajjitōk ko itulaļ.
Em̧m̧aan eo me ej bōk Melkisedek Priesthood eo ej deļo̧n̄ ilo juon kallim̧ur im bujen an priesthood eo. Menin ej kōmeļeļeik ilo Katak im Bujen Ko 84:33–44. Ilo iien intōrpiu ko, bisop eo im membōr in stake būreejtōnji eo ej kanooj lale bwe membōr eo ej meļeļe kallim̧ur in im bujen in im ej errā n̄an mour kaki. Innām ritōl eo ej kajjitōk kajjitōk kein:
-
Ewōr ke am̧ tōmak ilo im naan in kam̧ool kōn Anij, Jemed Indeeo; Nejin, Jisōs Kraist, im Jetōb Kwojarjar?
-
Ewōr ke am̧ naan in kam̧ool kōn Pinmuur eo an Jisōs Kraist im jerbal eo An āinwōt am̧ Rilo̧mo̧o̧r im Ripinmuur?
-
Ewōr ke am̧ naan in kam̧ool kōn Jepļaaktok eo an gospel eo an Jisōs Kraist?
-
Kwoj ke rejtake Būreejtōn eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata āinwōt rikanaan, rilolo, im ribōk revelesōn im armej eo de eo ioon laļ in kar kōmālimi n̄an kōjerbal aolep priesthood ki ko?
Kwoj ke rejtake ro uwaan Būreejtōnji eo Kein Kajuon im Doulul eo an Jon̄oulruo Rijilōk ro āinwōt rikanaan ro, rilolo ro, im ribōk revelesōn ro?
Kwoj ke rejtake Ritōl ro jet Routiej an Kabun̄ in im ritōl ro ijo jokwe ie an Kabun̄ in?
-
Irooj ekar ba bwe aolep men ko rej aikuj “kōm̧m̧an ilo erreo” im̧aan E (Katak im Bujen Ko 42:41).
Kwoj ke kajjieon̄ n̄an mour erreo ilo ļōmņak ko am̧ ak m̧wiliūm̧?
Kwoj ke pokake kien erreo?
-
Kwoj ke ļoor katak ko an Kabun̄ eo an Jisōs Kraist ilo m̧wilūm̧ ilo eņņojak (private) im lo̧bwilej (public) ippān membōr ro an baam̧le eo am̧ ak ro jet?
-
Kwoj ke rie ak kōketak jabdewōt katak ko, iminene ko, ak katak rej jum̧ae ko an Kabun̄ eo an Jisōs Kraist im Armej ro Rekwojarjar ilo Raan-ko Āliktata?
-
Kwoj ke kajjieon̄ n̄an kōjparok kwojarjar eo an raan in Jabōt, jim̧or ilo m̧weo im m̧ōn jar eo; pād ilo kweilo̧k ko am̧; m̧aanjabpopo n̄an im bōk kwojkwoj eo ilo erreo; im mour mour eo am̧ ilo jokkun wōt ippān kakien ko im kien ko an gospel eo?
-
Kwoj ke kajjieon̄ n̄an m̧ool ilo aolep kōm̧man ko am̧?
-
Kwoj ke juon eo elikio an kōļļā juon m̧ōttan jon̄oul?
-
Kwoj ke meļeļe im pokake Naan in Mālōtlōt?
-
Ewōr ke am̧ jabdewōt eddo ko ikkijien jāān ak ko jet n̄an eo pāleem̧ m̧okta ak ajri ro?
Eļan̄n̄e aaet, kwoj ke kiiō kōm̧m̧ani eddo ko?
-
Ewōr ke jeraiwiw ko reļļap ilo mour eo am̧ me rej aikuj in ņa mejļaer ippān ritōl ro an priesthood rōmālim ejja m̧ōttan wōt ukweļo̧k eo am̧?
-
Kwoj ke wattōk eok make erreo n̄an ekkapit n̄an juon opiij ilo Melkisedek Priesthood eo?
31.3
Iien ko Jet Rem̧m̧an n̄an Ritōl ro n̄an Kweilo̧k ippān Membōr ro.
Ritōl ro elōn̄ aer iien ko rem̧m̧an n̄an kweilo̧k ippān membōr ro kajjojo. N̄an waanjon̄ok:
-
Membōr ro remaron̄ kajjitōk n̄an kweilo̧k ippān juon ritōl an Kabun̄ in n̄e rej aikuj tōl ilo jetōb ak ewōr inepata ko aer make reddo. Ilo jet jekjek ko, ritōl eo emaron̄ en̄jake im̧we n̄an karōk juon kweilo̧k ippān juon membōr. Membōr ro rej jab kōketak er n̄an kepaak Riutiej ro an Kabun̄ in kōn jekjek ko an juon make (lale 38.8.25).
N̄an maron̄ joļo̧k eļapļo̧k iien ippān jodikdik ro, bisop eo emaron̄ kappeik juon iaan kweilo̧k kein n̄an ritōl ro jet ilo ward eo. Membōr ro an būreejtōnji ko an Doulul eo an Kōrā ro, doulul eo an elder ro, im Doulul eo an Jiron̄ ro remaron̄ lukkuun jipan̄. Ijoke, bisop eo emaron̄ jab kappeik jerbal ko me rej aikuji jerbal eo an āinwōt juon riekajet eļap, eo āinwōt ukweļo̧k jān jerawiwi eo eļap.
-
Bisop eo ak juon eo ej jitōn̄e ej kweilo̧k ippān membōr ro me ewōr an aikuj ko ilo kanniōk (lale 31.3.4 im 22.6).
-
Būreejtōn eo an doulul eo an elder ro ej kweilo̧k ippān kajjojo membōr in doulul eo kajjojo juon alen juon iiō. Er rej ekōnono kōn jeraam̧m̧an eo an membōr ro im baam̧le eo an. Rej barāinwōt ekōnono kōn eddo ko an ilo priesthood eo. (Lale 8.3.3.2.)
-
Būreejtōn eo an Doulul eo Kōrā ro ej kweilo̧k ippān membōr in Doulul eo an Kōrā ro juon alen juon iiō. Rej ekōnono kōn jeraam̧m̧an eo an sister eo im baam̧le eo an. (Lale 9.3.2.2.)
-
Juon membōr in bisoprik eo ej kweilo̧k ippān kajjojo ro 11 aer iiō ilo an armej eo em̧m̧akūt jān Būraimere n̄an doulul eo an tikōn ro ak kūlaaj an Doulul eo an Jiron̄ ro. Ilo iien kweilo̧k eo ippān membōr in bisoprik eo ej barāinwōt intōrpiuk likao ro n̄an bōk Priesthood eo an Aron (lale 18.10.2).
-
Juon membōr in bisoprik eo ej kweilo̧k ippān membōr ro me rej deļo̧n̄e jerbal in jarin tariņae (lale 38.9.2).
-
Juon membōr in bisoprik eo ej kweilo̧k ippān kajjojo jodikdik ruo alen juon iiō (lale 31.3.1).
-
Juon membōr in bisoprik eo ej kweilo̧k ippān kajjojo rūm̧m̧an ded ejjeļo̧k rejtan dik tata juon alen juon iiō (lale 31.3.2).
-
Membōr ro an stake būreejtōnji eo, bisoprik eo, im ritōl ro jet rej kweilo̧k iien otemjej ippān ritōl ro me rej jerbal ium̧win tōl eo aer (lale 31.3.3).
N̄e ritōl ro rej kweilo̧k ippān membōr ro, rej ļoor pedped in katak ko ilo 31.1.
Kōn meļeļe ko rejipan̄ kōn unin kōnono ko rejenolo̧k me remaron̄ waļo̧k n̄e kweilo̧k ippān membōr ro,lale Counseling Resourcese ilo Gospel Library eo. Ritōl ro remaron̄ barāinwōt ba n̄an membōr ro kōn meļeļe eo ilo Jipan̄ Mour.
31.3.1
Kweilo̧k ippān Jodikdik ro
Eddo eo eļap tata an bisop eo ej n̄an jipan̄ diktak in epepen eo ilo ward eo an eddōkļo̧k ilo jetōb. Juon wāween aorōk ej kōm̧m̧an menin ej kōn kweilo̧k ippān jodikdik ro kajjojo (ak ippān bar juon rūtto ej pād; lale 31.1.4. Bisop eo ak juon iaan rikakpilōklōk ro an ej kweilo̧k ippān jodikdik ro ruo alen juon iiō. Juon iaan kweilo̧k kein en jab dikļo̧k juon kōttan an kōm̧m̧an juon iiō ippān bisop eo. Jinoin iiō eo jodikdik eo ej tōpar 16, kweilo̧k kein jim̧or ilo iiō eo aikuj in ippān bisop eo eļan̄n̄e emaron̄.
Ilo kakkobaba n̄an kweilo̧k kein, jodikdik ro rej aikuj anemkwoj n̄an ko̧o̧njeļ ippān bisop eo jabdewōt iien rej aikuj tōl ak rejtak. Bisop eo ej kajjieon̄ in kalōk jemjerā ko rekajoor, lōke ippān jodikdik ro bwe ren en̄jake aenōm̧m̧an ko̧o̧njeļ ippān.
Būreejtōn eo an Doulul eo an Jiron̄ ro ebarāinwōt wōr an eddo n̄an jerbal in karejar n̄an kajjojo jiron̄ ro. Liin emaron̄ kōm̧m̧an menin kōn kweilo̧k ippān jiron̄ ro juon illo̧k juon (ak ippān bar juon rūtto ej pād; lale 31.1.4).
N̄e rej kweilo̧k ippān jodikdik ro, ritōl ro rej ļoor pedped in katak ko ilo 31.1. Elōn̄ iaan pedped in katak kein rej aorōk eļap tata n̄e kweilo̧k ippān jodikdik ro.
31.3.1.1
Ekōnono ippān Pāāren Ro
Ilo kijejeto ko aer n̄an kōkajoorļo̧k jodikdik ro, ritōl ro rej jerbal epaake ro pāāren ro. Rej pukōt n̄an rejtake ro pāāren ro ilo eddo eo aer n̄an katakin ajri ro nejier gospel eo an Jisōs Krasit.
Ritōl ro rej kwaļo̧k meļeļe kein ippān jodikdik ro im ro pāāren ro.
-
Jinen im jemān ajri ro ewōr juon aer eddo eļap n̄an katakin im kōkaajririki ajri ro nejier.
-
Bisop eo ak juon iaan rikakpilōklōk ro an rej kweilo̧k ippān kajjojo jodikdik en jab dikļo̧k jān ruo alen juon iiō. Būreejtōn eo Doulul eo an Likao ro emaron̄ barāinwōt kweilo̧k ippān kajjojo jiron̄ jān iien n̄an iien. Ilo kweilo̧k kein, ritōl ro remaron̄ uwaaki kajjitōk ko, leļo̧k rejtak, leļo̧k ijjitōn̄ ko, im ekōnono kōn unin kōnono ko kar kōllaajraki ilo 31.3.1.2.
-
N̄an jipan̄ jodikdik ro m̧aanjabpopo ilo jetōb, intōrpiu ko rej menin aikuj n̄an men ko rekwojarjar āinwōt mālim n̄an deļo̧n̄e tampeļ eo, ekkapit ko an priesthood, im kūr ko n̄an mijen. Ritōl ro rej jerbal ippān pāāren ajri ro n̄an jipan̄ jodikdik ro m̧aanjabpopo n̄an intōrpiu kein.
-
Ro pāāren ro rej kōketak ajri ro nejier n̄an ko̧o̧njeļ ippān bisop eo ak bar juon ritōl an Kabun̄ in n̄e rej aikuj jipan̄ kōn tōl ilo jetōb ak kōn ukweļo̧k.
-
N̄e juon jodikdik ej kweilo̧k ippān juon ritōl an Kabun̄ in, juon jinen ak jemān ak bar juon rūtto ej aikuj pād. Jodikdik ro remaron̄ kajjitōk ippān juon rūtto n̄an koba ilo kweilo̧k eo ak kōttar inam̧ōj in ruum̧ eo.
31.3.1.2
Unin Kōnono ko n̄an Ekōnono kaki
Jibadbad eo eļap tata an kweilo̧k ko ippān jodikdik ro ej n̄an kalōk tōmak ilo Jemed Ilan̄ im Jisōs Kraist im jipan̄ jodikdik ro ļoor Er. Kweilo̧k kein rej aikuj in en̄jake ko rōkōbōkakak ilo jetōb. Ritōl ro rej kajjieon̄ in jipan̄ kajjojo jodikdik en̄jake iakwe, kōketak, im im̧we n̄an eromļo̧k āinwōt Rilo̧mo̧o̧r eo.
Jodikdik ro im ritōl eo remaron̄ ekōnono kōn:
-
En̄jake ko ilo jetōb me rej kalōk naan in kam̧ool eo an jodikdik eo kōn Jemed Ilan̄, Jisōs Kraist, im gospel eo kar kōjepļaaktok.
-
Ekōjkan an jodikdik ro kōjparok bujen in peptaij ko an.
-
M̧aanjabpopo ko an jodikdik ro n̄an kōm̧m̧an im kōjparok bujen ko an tampeļ.
-
Kōttōpar ko an juon make an jodikdik ro n̄an eromļo̧k āinwōt Rilo̧mo̧o̧r eo ilo aolep eria ko an mour (lale “Ajri ro im Jodikdik ro”).
-
Aorōk eo an jar an juon make im baam̧le im ekktak jeje ko rekwojarjar.
-
Ekōjkan kōkajoorļo̧k jemjerā ko ippān ro pāārenim ro jet uwaan baam̧le eo.
-
Pedped in katak ko im jon̄ak ko ilo bok jidikdik eo N̄an Kōkajoorļo̧k Jodikdik ro.
-
Wāween ko jodikdik ro remaron̄ bōk koņaer ilo jerbal in lo̧mo̧o̧r im mour ijo eutiej tata an Anij (lale 1.2).
-
Ippān juon likao, en̄jake ko an ilo kakūrm̧ool eddo ko an priesthood eo an im m̧aanjabpopo eo an n̄an ekkapit n̄an opiij in priesthood eo tok juon.
-
Kōjeraam̧m̧an ko an bōk koņaan ilo jemenere.
-
M̧aanjabpopo n̄an jerbale juon mijen aolep raan (lale 24.0 im 24.3). Irooj ej kajjitōk ippān aolep likao ro rerreeo, ļaddik ro rōkeke n̄an jerbale juon mijen. N̄an ļaddik ro Rekwojarjar ilo Raan ko Āliktata, jerbal in mijinede ej eddo eo an juon priesthood (lale Katak im Bujen Ko 36:1, 4–7). Irooj ej bar karuwaineneik jiron̄ ro rerreeo, n̄an jerbale juon mijen n̄e rekōņaan. N̄an jiron̄ ro, juon mijen ej juon kajoor, ak ej jokālet, iien em̧m̧an. Kōppopo n̄an juon mijen enaaj kōjeraam̧m̧an juon jiron̄ men̄e ej kālet n̄an jerbal āinwōt juon mijenede ak jaab.
Ritōl ro rej aikuj mejmejkaruo kōn ro me remaron̄ jab maron̄ jerbal āinwōt mijenede ro rej jerbal aolep raan (lale 24.4.4).
Kōn meļeļe ko kōn jerbal in jipan̄ mijen (service mission) ko, lale 24.2.2.
N̄e ekōnono kōn pokake kien ko, ritōl ro remaron̄ kōnono kōn kajjitōk in intōrpiu ko an peba in mālim n̄an deļo̧n̄ tampeļ im bok jidikdik eo N̄an Kōkajoorļo̧k Jodikdik ro. Rej kanooj lale bwe iien ekōnono ko kōn mour erreo ren jab kōketak itok limo ak ekkatak kake.
31.3.2
Kweilo̧k ippān Rūm̧m̧an Ded ro Ejjeļo̧k Pāleer
Bisop eo ej likūt jibadbad eo aorōk tata ioon eddōkļo̧k in jetōb eo an rūm̧m̧an ded ro ejjeļo̧k pāleer ilo ward eo an. E ak juon rikakpilōklōk kar kappeik ej kweilo̧k ippān kajjojo rūm̧m̧an ded ejjeļo̧k pāleer diktata juon alen ilo juon iiō.
Membōr in bisoprik eo im rūm̧m̧an ded eo ejjeļo̧k rejtan remaron̄ ekōnono kōn aitōm ko rekkar ilo 31.3.1.2. Remaron̄ barāinwōt ekōnono kōn jerbal ko rejenolo̧k raorōk n̄an rūm̧man ded ro, eo āinwōt kōļapļo̧k un̄are peid make.
31.3.3
Kweilo̧k ippān Membōr ro n̄an Ekōnono kōn Kūr ko Aer im Eddo ko
Stake būreejtōnji ro, bisoprik ro, im ritōl ro jet rej kweilo̧k kajjojo make ippān membōr ro me rej reboot n̄an er kōn kūr ko aer. N̄an waanjon̄ok:
-
Stake būreejtōn eo ej kweilo̧k aolep iien ippān kajjojo bisop ilo stake eo (lale 6.2.1.2).
-
Juon membōr in stake būreejtōn eo ej kweilo̧k aolep iien ippān kajjojo būreejtōn an doulul eo an elder ro ilo stake eo (lale 8.3.1).
-
Bisop eo ej kweilo̧k allōn̄ otemjej ippān būreejtōn eo an Doulul eo an Kōrā ro (lale 9.3.1). E ej barāinwōt kweilo̧k iien otemjej ippān būreejtōn eo an doulul eo an elder ro im būreejtōn eo an Doulul eo an Jiron̄ ro (lale 8.3.1 im 11.3.1).
-
Juon membōr in bisoprik eo ej kweilo̧k aolep iien ippān būreejtōn eo an Būraimere im būreejtōn eo an Jabōt Jikuuļ (lale 12.3.1 im 13.2.1).
-
Membōr ro an būreejtōnji eo an doulul eo an elder ro im būreejtōnji eo an Doulul eo an Kōrā ro rej kweilo̧k ippān rikarejar m̧aan im rikarejar kōrā ak ministering brothers im sisters. (lale 21.3).
Ilo kweilo̧k kein, ritōl eo ej im̧we im katakin membōr eo ilo eddo ko an. Ritōl eo ej kwaļo̧k kam̧m̧oolol kōn jerbal in jipan̄ eo an membōr eo im leļo̧k kōketak. Membōr eo ej riboot kōn eddōkļo̧k eo im jeraam̧m̧an eo an armej eo ej jerbal n̄an e. Ippān doon rej ekōnono kōn kōttōpar ko, apan̄ ko, im iien ko rem̧m̧an. N̄e ewōr, rej barāinwōt etale bajet ko im men wiaiki.
31.3.4
Kweilo̧k ippān Membōr ro n̄an Ekōnono kōn Aikuj ko ilo Kanniōk im Un̄are Peid Make.
Kea kōn ro me rej pād ilo aikuj ej m̧ōttan jerbal in lo̧mo̧o̧r an Anij im mour āinwōt Anij (lale 1.2). Ilo an ritōl ro kweilo̧k ippān membōr ro me ewōr aer aikuj ko ilo kanniōk, rej jipan̄ er ņa mejļan aikuj ko ekadu kitier im kalōk un̄are peid make aitok kitien (lale 22.3).
Bisop eo emaron̄ kappeik ro jet ilo ward eo, ro āinwōt būreejtōnji ko an Doulul eo an Kōrā ro im doulul eo an elder ro, n̄an kweilo̧k ippān membōr ro me ewōr aer aikuj ko ilo kanniōk. Ijoke, bisop eo wōt emaron̄ kōmālim kōjerbal jāān in jortak in jitlo̧k ko (lale 22.6.1).
Pedped in katak ko jet im kakien ko n̄an jipan̄ ro ewōr aer aikuj ko ilo kanniōk rej kōmeļeļeik ilo jepta 22.
31.3.5
Kweilo̧k ippān Membōr ro kōn M̧are im Jepel
Ritōl ro an Kabun̄ in rej aikuj jab ko̧o̧njeļ juon armej kōn wōn eo n̄an m̧areik. Barāinwōt rejjab aikuj ko̧o̧njeļe juon armej eļan̄n̄e aaet ak jaab n̄an jepel jān eo pāleen. Ilo an jepel juon kōļmenļo̧kjeņ eo ejetjet ilo jet jekjek ko, kain jokāālet rōt in aikuj in pād wōt ippān kajjojo armej.
Ļoor tōl eo an Jetōb, ritōl ro an Kabun̄ in emakijkij aer kweilo̧k ippān ripālele ro im kajjojo armej ro me rej makeļo̧k (seperate) ak tōn jepel. Ritōl ro remaron̄ barāinwōt pukōt n̄an jipan̄ juon ripālele kōkajoorļo̧k m̧are eo aer. Rej katakin kōn kōkajoorļo̧k im kemour ta eo ej itok jān kōjparok bujen ko raar kōm̧m̧ani ippān Irooj im mour kōn katak ko An. Katakin kein rekitbuuj tōmak, ukweļo̧k, jeorļo̧k bōd, iakwe, im jar.
Membōr eo me rej makeļo̧k (seperate) jān eo pāleen ak ej pād ilo juon jepel aikuj jab jerā (date) m̧ae iien eo jepel eo ej dedeļo̧k.
31.3.6
Naan in Kapilōk an Ritijem̧ļo̧k im Terpi (Therapy)
Ritōl ro an Kabun̄ in rejjab kūrļo̧k professional counselor ro ak leļo̧k therapy. Jipan̄ eo rej leļo̧k ej ilo jetōb, pedped ioon kōkajoorļo̧k, kaenōm̧m̧an, kajoor in lo̧mo̧o̧r eo an Jisōs Kraist. Ilo kakkobaba n̄an jipan̄ in aorōk im im̧we, jet membōr remaron̄ jeraam̧m̧an jān kapilōk an ritijem̧ļo̧k ijo ewōr ie. Kain kapilōk in ak terpi (therapy) remaron̄ jipan̄ membōr ro meļeļe im ņa mejļan apan̄ ko an mour in wāween ko rāājmourruur.
Kweilo̧k ippān juon eo rikapilōk etijem̧ļo̧k n̄an bōk kōļmenļo̧kjeņ eo im kapeel ko kōn ājmour eo an en̄jake ejjab juon kakōļļe in m̧ōjņo̧. Ijjeļo̧kin, emaron̄ juon kōkaļļe in ettā im kajoor.
Membōr ro rej aikuj lukkun kōkm̧anm̧an ilo aer kālet rikapilōk ro retijem̧ļo̧k ro ewōr aer license. Rikapilōk ro rej aikuj kautiej anemkwoj eo, aorōkier, im tōmak ko an ro rej kappukot jipan̄. Ekoba aorōk kein rekkar im jejjet ilo kapilōk ko an ritijem̧ļo̧k.
N̄e membōr ro rej kappukot kapilōk kōn epaak ko ilo ānbwin (physical intimacy), bisop ro remaron̄ leļo̧k er n̄an ro retijemļo̧k (professional) me ewōr aer peba ilo kain kapilōk rōt in im ro im tōmak ko im iminene ko aer rej jokkun wōt juon ippān katak ko an Kaubun̄ in.
Kabun̄ in ejjab kōmālim jabdewōt jerbal in terpi (therapy) ikkijeen an armej ukot moraer ak jekjekier ak m̧wijm̧wij n̄an ukot er n̄an kōttōpar ko ikkijeen jerbal in kakkure ko. (Lale “Kōņak Eo Kōjellin (Same-Sex Attraction)” im “Ukōt M̧ōran (Transgender)” ilo Jipan̄ Mour.)
Ilo United States im Canada, bisop ro im stake būreejtōn ro remaron̄ kepaake LDS Family Services ko n̄an lale kein jipan̄ ko n̄an liļo̧ki āinwōt ko̧o̧njeļ ilo inem̧m̧an ippān pedped ko an gospel. Meļeļe ko n̄an tōpar ej pād itulaļ:
1-801-240-1711
1-800-453-3860, extension 2-1711
FamilyServices.ChurchofJesusChrist.org
Ilo eria ko jet, ritōl ro remaron̄ kūrļo̧k specialist eo an Family Services eo ak mānija eo an welfare self-reliance ilo eria opiij eo.
Eļan̄n̄e membōr ro rejjab maron̄ kōļļāik kapilōk an ritijem̧ļo̧k eo kōn er make ak kōn injurōn, bisop ro remaron̄ kōjerbal jortak in jitlo̧k ko n̄an jipan̄ (lale 22.4).
31.4
Kweilo̧k ippān Membōr ro ilo Intōrnet
Ilo m̧ool, ritōl ro rej kweilo̧k ippān membōr ro ilo kanem armej n̄an intōrpiu ko im n̄an leļo̧k jipan̄ ilo jetōb im jerbal in karejar. Ijoke, āinwōt juon men kōtļo̧k, remaron̄ kweilo̧k ilo intōrnet n̄e kweilo̧k ilo kanem armej ejjab maron̄. N̄an waanjon̄ak, juon membōr emaron̄ kweilo̧k ippān juon ritōl ilo intōrnet n̄e membōr eo ej:
-
Jokwe ilo juon jikin ettoļo̧k im ejabwe iaļ in itok itak.
-
Ewōr an apan̄ in ājmour ko ilo ānbwin, kōļmenļo̧kjeņ, ak en̄jake
-
Ej kaoik juon eo ej pād wōt m̧weo im̧ōn im ejjab maron̄ kōmakeļo̧k iaan.
Intōrpiu ko ikōtaan mijen būreejtōn ro im mijenede ro rej jerbal aolep raan maron̄ barāinwōt kōm̧m̧an ilo intōrnet, ijo kar kōmālim.
Intōrpiu ko im kweilo̧k ko jet ikōtaan ritōl ro im membōr ro rej aikuj jab rekooti.
Ak intōrpiu ko im kweilo̧k ko ilo kanem armej, membōr ro emaron̄ kajjitōk ippān bar juon n̄an pād ilo iien intōrpiu eo ak kweilo̧k ilo intōrnet.
N̄e juon intōrpiu n̄an juon peba in mālim an n̄deļo̧n̄e tampeļ ej kōm̧m̧an ilo intōrnet, peba in mālim n̄an deļo̧n̄e tampeļ eo ekāāl maron̄ jilkinļo̧k n̄an membōr eo ālkin an jaiin jān ritōl ro an priesthood eo. Ijoke, stake kūļōk eo ejjab aikuj jinoe (activate) m̧ae iien eo ekar kam̧oole bwe membōr eo ekar bōke.