“Mensahe gikan sa Unang Kapangulohan,” Kabataan ug Kabatan-onan sa Ang Simbahan ni Jesukristo sa mga Santos sa Ulahing mga Adlaw: Usa ka Pasiunang Giya alang sa mga Ginikanan ug mga Lider (2019)
“Mensahe gikan sa Unang Kapangulohan”
Mensahe gikan sa Unang Kapangulohan
Among minahal nga kaigsoonan,
Ang kabataan ug kabatan-onan sa Ang Simbahan ni Jesukristo sa mga Santos sa Ulahing mga Adlaw hinigugma nga mga anak sa Dios. Aduna silay potensyal nga makaimpluwensya pag-ayo sa kalibutan.
Ang mga baruganan nga gitudlo niini nga paningkamot alang sa kabataan ug kabatan-onan nagrepresentar og mas taas, mas balaan nga paagi sa pag-awhag sa nagtubong henerasyon sa pagsunod ni Jesukristo ug sa paggamit sa Iyang ebanghelyo sa tanang aspeto sa ilang kinabuhi. Kining dako nga paningkamot maglakip sa pagkat-on sa ebanghelyo, sa pribilehiyo sa pagserbisyo, personal nga kalamboan, ug makapahinam nga mga kalihokan. Kini nga paningkamot magsugod sa panimalay. Ang mga ginikanan adunay sagrado nga responsibilidad sa pagtudlo sa ilang mga anak diha sa kahayag ug kamatuoran. Ang mga lider sa Simbahan nagtanyag og bililhong suporta ug giya ngadto sa kabataan, kabatan-onan, ug sa ilang mga pamilya.
Gimahal namo kamo. Kami adunay pagsalig kaninyo. Mosaad kami nga ang atong Amahan sa Langit magpadayon sa pagpanalangin ug pagsuporta kaninyo samtang inyong agakon ug giyahan ang Iyang mga anak diha sa pagtuo.
Ang Unang Kapangulohan ug Korum sa Napulog Duha ka Apostoles