Ստանալ Փրկչի շնորհի աստվածային պարգևը

Պողոս Առաքյալը վկայել է. «Ամեն բան կարող եմ ինձ զորացնող Քրիստոսով» (Փիլիպպեցիս 4.13): Այդ զորացնող կամ ունակ դարձնող ուժը կոչվում է շնորհ և «տրվում է մեզ Տեր Հիսուս Քրիստոսի Քավության միջոցով» (Gospel Topics, “Grace,” topics.ChurchofJesusChrist.org)

Փրկիչը բացատրել է Իր շնորհի մեր կարիքը ճշմարիտ որթի առակում:

Նկար

որթի, ճյուղի, մրգի պիտակավորված սխեմա

Նկար

պատկերակ, ուսումնասիրել

Ուսումնասիրեք դասին նախապատրաստվելիս

Կարդացեք Հովհաննես 15.1–8-ը, և մտածեք, թե այս առակի խորհրդանիշները ինչ կարող են ուսուցանել մեզ Տիրոջ օգնության մեր կարիքի մասին: (Նշում. «Կտրում է» հատված 2-ում կարող է նաև թարգմանվել որպես «էտում է» կամ «մաքրում»: «Կեցեք» բառը հատված 4-ում կարող է թարգմանվել որպես «մնալ»:)

Տասներկու Առաքյալների Քվորումից երեց Ջեֆրի Ռ. Հոլլանդը հետևյալն է ասել այդ առակի մասին․

Նկար

Երեց Ջեֆրի Ռ. Հոլլանդ

Քրիստոսն ամեն ինչ է մեզ համար, և մենք պետք է «մնանք» Նրանում ընդմիշտ, համառորեն, անսասանորեն, հավիտյան: Որպեսզի ավետարանի պտուղը ծաղկի և օրհնի մեր կյանքերը, մենք պետք է ամուր կառչած լինենք Նրանից: … Նա է որթը, որը մեր ուժի ճշմարիտ աղբյուրն է և հավերժական կյանքի միակ աղբյուրը: («Կեցեք Ինձանում», Լիահոնա, մայիս 2004, 32)

Հիսուս Քրիստոսում կենալը կամ մնալը մեզ հնարավորություն է տալիս ստանալ Նրա շնորհը, որպեսզի կարողանանք հաղթահարել մեղքը և իրականացնել մեր ողջ ներուժը: Լեքին ուսուցանել է «Չկա մարմին, որ կարող է բնակվել Աստծո ներկայության մեջ, բացի դա լինի Սուրբ Մեսիայի արժանիքների, ողորմության և շնորհի միջոցով» (2 Նեփի 2.8): Իսկ Մորոնին վկայեց, որ Քրիստոսի շնորհի միջոցով մենք կարող ենք Նրա նման դառնալ` սրբագործված, կատարելագործված և սուրբ (տես Մորոնի 10.32–33):

Նկար

արևը փայլում է երիտասարդ չափահասի վրա

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է, որ Փրկչի Քավության միջոցով մատչելի դարձած շնորհն «օգնում է մեզ տեսնել, կատարել և լավը դառնալ այն ուղիներով, որոնք մենք երբեք չէինք կարող ճանաչել և իրականացնել՝ մեր սահմանափակ մահկանացու կարողությամբ» («Տիրոջ զորությամբ», Լիահոնա, նոյ. 2004, 77):

Նկար

պատկերակ, քննարկել

Քննարկեք դասին նախապատրաստվելու համար

Հարցրեք որևէ ընկերոջ կամ ընտանիքի անդամի, թե ինչպես նա կբացատրի Հիսուս Քրիստոսի շնորհը և ինչպես է նա զգում Նրա շնորհը:

Նկար

նվերը բռնած անձնավորություն

Նկար

դրամապանակից դուրս թափվող մետաղադրամներ

Դիտարկենք երկու ուղեկցող պատկերները Այդ պատկերները կարող են ներկայացնել աստվածային շնորհի երկու տեսակետներ: Ոմանք տեսնում են շնորհը որպես պարգև, որն ազատորեն տրվում է անկախ նրանից, թե ինչ ենք անում կյանքում: Մյուսները հավատում են, որ մենք ինչ-որ ձևով վաստակում ենք Աստծո շնորհը մեր բարի գործերով: Այս երկու անավարտ տեսակետների մասին երեց Ջեֆրի Ռ. Հոլլանդն ասել է.

Նկար

Երեց Ջեֆրի Ռ. Հոլլանդ

Որոշ պարգևներ, որոնք գալիս են Քավությունից, համընդհանուր են, անսահման և ոչ պայմանական: Սրանք ներառում են Նրա ազատումը Ադամի սկզբնական օրինազանցությունից … [և] Հարությունը: …

Քրիստոսի քավող պարգեւի մյուս կողմերը պայմանական են: Մյուսները կախված են Աստծո պատվիրանները պահելիս մարդու ջանասիրությունից: Օրինակ, չնայած մարդկության ընտանիքի բոլոր անդամները ձրի ազատվում են Ադամի մեղքից առանց իրենց ջանքերի, նրանց չի տրվում ազատում իրենց սեփական մեղքերից, մինչև նրանք ուխտ չեն կապում հավատքով առ Քրիստոս [և] ապաշխարում այդ մեղքերից: …

Ակնհայտ է, որ Քավության ոչ պայմանական օրհնությունները չվաստակված են, բայց պայմանականները նույնպես լիովին արժանավորված չեն: Հավատարիմ ապրելով և Աստծո պատվիրանները պահելով՝ կարելի է լրացուցիչ արտոնություններ ստանալ. բայց դրանք միևնույն է տրվում են ձրի, ոչ թե տեխնիկապես վաստակած։ (“The Atonement of Jesus Christ,” Ensign, Mar. 2008, 36–37)

Խոսելով շնորհի պայմանական պարգևների մասին, որոնք հնարավոր են դարձվում Փրկչի Քավության միջոցով, Նեփին ասել է. «Մենք գիտենք, որ շնորհի միջոցով է, որ մենք փրկվում ենք՝ այն ամենից հետո, ինչ մենք կարող ենք անել» (2 Նեփի 25.23): Ոմանք դժվարացել են հասկանալ «այն ամենից հետո՝ ինչ մենք կարող ենք անել» արտահայտությունը: Որպեսզի օգնենք ձեզ ավելի լավ հասկանալ Նեփիի խոսքերը, կարդացեք Եկեղեցու ղեկավարների հետևյալ խոսքերը:

Նկար

Երեց Դիտեր Ֆ. Ուխդորֆ

Կարծում եմ, երբեմն գուցե սխալ ենք մեկնաբանում «այն ամենից հետո՝ ինչ մենք կարող ենք անել» արտահայտությունը: Մենք պետք է հասկանանք, որ «հետո» -ն չի նշանակում «պատճառով»:

Մենք չենք կարող փրկվել այն ամենի «պատճառով», ինչ կարող ենք անել: Մեզանից ովքե՞ր են արել այն ամենը, ինչ կարող ենք անել: Արդյո՞ք Աստված սպասում է, որ մենք սպառենք բոլոր ջանքերը, հետո նոր միջամտի մեր կյանքին Իր փրկող շնորհով: …

Ես համոզված եմ, որ Նեփին գիտեր, որ Փրկչի շնորհը թույլ է տալիս և հնարավորություն է տալիս մեզ հաղթահարել մեղքը [տես 2 Նեփի 4.19–35, Ալմա 34.31]: Ահա, թե ինչու էր Նեփին ջանասիրաբար աշխատում համոզել իր զավակներին և եղբայրներին «հավատալու Քրիստոսին և հաշտվելու Աստծո հետ» [2 Նեփի 25․23]: (Դիտեր Ֆ. Ուխդորֆ, «Շնորհի պարգևը», Լիահոնա, մայիս 2015, 110)

Նկար

Երեց Դ. Թոդ Քրիստոֆերսոն

Աստվածային օգնությանն արժանանալու համար մենք կարիք չունենք հասնելու կարողությունների կամ բարության ինչ-որ նվազագույն աստիճանի. աստվածային օգնությունը մերը կարող է լինել ամեն ժամ, ամեն օր, անկախ նրանից, թե հնազանդության ճանապարհի որ մասում ենք գտնվում: … Իմ խնդրանքն է պարզապես պատասխանատվություն ստանձնել և գործի անցնել, որ Աստծո օգնության համար հնարավորություն ստանանք: (Դ. Թոդ Քրիստոֆերսոն, «Ազատ հավիտյան՝ գործելու ինքնուրույն» Լիահոնա, նոյեմբեր 2014,19)

Նկար

Երեց Բրուս Ս. Հեյֆեն

Փրկչի շնորհի պարգևը «անպայման չէ, որ ժամանակով սահմանափակվի, այսինքն, տրվի միայն մեր կողմից ամեն ինչ անելուց «հետո»: Մենք կարող ենք ստանալ Նրա շնորհը մեր ջանքերը գործադրելուց առաջ, ընթացքում և հետո: (Bruce C. Hafen, The Broken Heart: Applying the Atonement to Life’s Experiences [1989], 155–56)

Նկար

պատկերակ, խորհել

Խորհեք դասին նախապատրաստվելիս

Ի՞նչ սխալ պատկերացումներ եք լսել Փրկչի շնորհի մասին։ Ինչպե՞ս կարող է շնորհի մասին սովորելն օրհնել ձեզ և մյուսներին, ում դուք ճանաչում եք:

Հիսուս Քրիստոսը զգացել է մահկանացու կյանքի բոլոր ցավերը, գայթակղությունները, տկարությունները և թուլությունները, ուստի Նա գիտի, թե ինչպես օգնել մեզ (տես Եբրայեցիս 2.18, 4.15, Ալմա 7.11–12, Վարդապետություն և Ուխտեր 62.1): Քանի որ Հիսուս Քրիստոսը և կամեցող, և կարողունակ Փրկիչ է, մենք կարող ենք « համարձակութիւնով մօտենալ շնորհի աթոռին, որ ողորմութիւն ընդունենք եւ շնորհ գտնենք պատշաճ ժամանակին օգնելու» (Եբրայեցիս 4.16):

Նկար

աղոթող երիտասարդ չափահաս

Նկար

պատկերակ, ուսումնասիրել

Ուսումնասիրեք դասին նախապատրաստվելիս

Մտածեք, թե ինչ կարող եք սովորել Տիրոջ շնորհը փնտրելիս կամ ստանալիս՝ սուրբ գրությունների հետևյալ մեկ կամ ավելի պատմություններից:

• Եթեր 12.23–28. Մորոնին անհանգստանում է գրելու իր թուլության համար:

• 2 Նեփի 4.17–26, 30–33. Նեփին անհանգստանում է իր մեղքերի համար:

• Մոսիա 24.8–16.Ալմայի ժողովուրդը մաքառում է գերության մեջ:

• Մովսես 6.27, 31–32, 7.10–13. Ենովքը անհամապատասխան է զգում քարոզելու և մարգարեանալու համար:

• Բ Կորնթացիս 12.7–10. Պողոսը խոսում է «մարմնի խայթի» մասին, փոխաբերություն, որը հուշում է, որ նա ապրում էր մի տկարությամբ, որն անհանգստացնում էր նրան:

Կարդալիս մտածեք հետևյալ հարցերի շուրջ.

1. Ինչպե՞ս է դրսևորվում շնորհը:

2. Ի՞նչ արեց այդ մարդը (կամ մարդիկ) հրավիրելու կամ ապավինելու Տիրոջ շնորհին:

3. Ի՞նչպես կարող եմ այս պատմությունը կապել իմ կյանքի հետ:

Նկար

պատկերակ, գրել

Գրի առեք ձեր մտքերը

Մտածեք և գրեք մի ժամանակի մասին, երբ զգացել եք, որ ստացել եք Տիրոջ շնորհը։ Ձեր մտքում պահեք, որ մեծամասամբ շնորհը գալիս է, փոքր ու հասարակ ուղիներով: Պատրաստ եղեք դասի ժամանակ կիսվել ձեր օրինակներով:

Ստեղծել գրառում