1 Thesalonikasve 1–3

Shikoji këto figura të Jezu Krishtit ose mendo për ndodhi të tjera nga shkrimet e shenjta të ndërveprimeve të Tij me të tjerët. Në ditarin tënd të studimit, rendit fjalë dhe fraza që përshkruajnë atë që Shpëtimtari po bën për individët me të cilët Ai ndërvepron.

Pamja

Jezusi i ulur me një djalë të vogël në prehrin e Tij. Skenat përfshijnë njerëz brenda shtëpisë në Kapernaum, Filipin, Jezusin, Gjonin, Pjetrin, Mateun, Jezusin të ulur në një tryezë me disa prej dishepujve që duken dhe Maria Magdalenën.

Pamja

Burrit të verbër i kthehet shikimi. Skenat përfshijnë Jezusin duke i vajosur sytë atij dhe shkuarjen në pellgun e Siloamit.

Pamja

Jezu Krishti po jep mësim në tempull dhe po i afrohen krerët e priftërinjve, pleqtë dhe skribët të cilët e pyetin për burimin e autoritetit të Tij. Krishti i pyet ata nëse pagëzimi nga Gjon Pagëzori ishte nga qielli ose nga njeriu. Pjesë e xhiruar jo e përfshirë në film me pamje nga afër të njerëzve në turmë dhe të Kajafës.

Pamja

Portretizim i Jezusit dhe gruas së kapur duke shkelur kurorën. Ata janë të dy të gjunjëzuar dhe ajo e ka kapur për dore. Skenat përfshijnë burra të zemëruar që e sjellin gruan dhe e hedhin atë përtokë, gruan e mbledhur kruspull në tokë, Shpëtimtarin e gjunjëzuar pranë saj, Jezusin duke e ngritur atë në këmbë dhe Shpëtimtarin duke qëndruar në këmbë me të.

• Po të kishe qenë një nga individët pranë Shpëtimtarit, çfarë mendon se do të kishe ndier për shkak të veprimeve të Shpëtimtarit? Pse?

• Duke parë listën që bëre, cilat fjalë ose fraza do të doje t’i zbatoje kur u shërben të tjerëve? (Nëse dëshiron, mund t’i shenjosh ose theksosh fjalët që janë më kuptimplota për ty.)

Në Kishë, shpesh veprimeve të tilla u referohemi si dhënie shërbese.

Vëllai Dejvid L. Bek, ish-President i Përgjithshëm i Të Rinjve, dha mësim:

Pamja

Portreti i fundit zyrtar i Dejvid L. Bek, president i përgjithshëm i Të Rinjve, prill 2009. Liruar nga thirrja në konferencën e përgjithshme të prillit 2015.

“Të shërbesh do të thotë t’i duash të tjerët e të kujdesesh për ta. Do të thotë t’u përgjigjesh nevojave të tyre fizike dhe shpirtërore. E thënë thjesht, do të thotë të bësh atë që Shpëtimtari do të bënte po të ishte këtu.”

(Dejvid L. Bek, “Detyra Juaj e Shenjtë për të Shërbyer”, Liahona, maj 2013, f. 56)

• Çfarë të bën përshtypje nga thënia e Vëllait Bek?

• Duke marrë parasysh thënien e Vëllait Bek dhe fjalët që shenjove në listën tënde, sa mirë mendon se po u jep shërbesë të tjerëve?

Ti mund të kesh pyetje ose shqetësime rreth dhënies së shërbesës ndaj të tjerëve. Merr parasysh t’i mbash shënim këto në ditarin tënd të studimit dhe të kërkosh përgjigje teksa studion sot kapitujt te 1 Thesalonikasve 1–3. Nëse dëshiron, ti mund ta ftosh Shpirtin të të ndihmojë të kërkosh mënyra se si mund t’i bekosh dhe të ndikosh tek të tjerët teksa përpiqesh fort të japësh shërbesë ashtu siç dha Shpëtimtari Jezu Krisht. Mbaji shënim mendimet dhe përshtypjet e tua në mënyrë që të mund të veprosh me lutje në bazë të tyre.

Gjatë udhëtimit të tij të dytë misionar, Apostulli Pal dhe shokët e tij misionarë patën sukses në predikimin ndaj popullit në Thesaloniki, por udhëheqësit judeas i nxorën ata me forcë nga qyteti (shih te Veprat e Apostujve 17:1–9). Pali mësoi më vonë se shenjtorët në Thesaloniki kishin qëndruar besnikë dhe po e shpërndanin mesazhin e ungjillit, edhe pse përjetuan përndjekje ngaqë e bënë këtë (shih te 1 Thesalonikasve 1:6–8). Pali shkroi letrën e tij të parë drejtuar thesalonikasve me mirënjohje për besimin e tyre dhe shpresën te Jezu Krishti (shih te 1 Thesalonikasve 1:2–3).

Lexo me kujdes vargjet te 1 Thesalonikasve 2:7–14; 3:9–13. Nëse dëshiron, mund t’i shenjosh fjalët dhe frazat që gjen, të cilat të kujtojnë dashurinë dhe kujdesin që Shpëtimtari do të kishte dhënë. Merre parasysh t’i shtosh përshtypjet e tua në listën tënde.

Një e vërtetë që mund të mësojmë rreth dhënies së shërbesës nga këto vargje, është se teksa u japim shërbesë të tjerëve me dashuri, ne mund t’i ndihmojmë ata të bëhen ndjekës më të mirë të Jezu Krishtit (shih te 1 Thesalonikasve 2:10–14).

Pamja

Fotografi e aktorit që portretizon Jezu Krishtin në Materialet Filmike nga Bibla.

Ndonjëherë detyrat në Kishë do të të japin mundësi formale për të dhënë shërbesë. Më shpesh, ti do të kesh mundësi të japësh shërbesë gjatë ndërveprimeve të përditshme me pjesëtarët e familjes, miqtë dhe të tjerët.

Presidentja Xhin B. Bingham, Presidente e Përgjithshme e Shoqatës së Ndihmës, dha disa ide për mënyrën se si të japësh shërbesë ashtu siç dha Jezu Krishti. Shiko materialin filmik “Dhënia e Shërbesës Ashtu Siç e Jep Shpëtimtari” nga kodi kohor 0:45 deri në 1:54, ose lexo fjalët e Presidentes Bingham. Nëse dëshiron, mund t’i shtosh disa nga sugjerimet e saj në listën tënde të dhënies së shërbesës.

Pamja

Portreti Zyrtar i Motrës Xhin B. Bingham. Fotografuar në vitin 2017.

“Nganjëherë ne mendojmë se duhet të bëjmë diçka madhështore dhe heroike që të ‘llogaritet’ si shërbim ndaj të afërmve tanë. Sidoqoftë, veprime të thjeshta të shërbimit mund të kenë një ndikim të thellë tek të tjerët – si edhe te ne vetë. Çfarë bëri Shpëtimtari? Nëpërmjet dhuratave të Tij hyjnore të Shlyerjes dhe Ringjalljes … ‘asnjë tjetër nuk ka pasur një ndikim kaq të thellë mbi të gjithë ata që kanë jetuar dhe do të jetojnë ende në tokë’ [“Krishti i Gjallë”, ChurchofJesusChrist.org]. Por Ai gjithashtu u buzëqeshi njerëzve, bisedoi me ta, eci me ta, i dëgjoi, gjeti kohë për ta, i nxiti, u dha mësim, i ushqeu dhe i fali ata. Ai u shërbeu njëlloj familjes dhe miqve, të afërmve dhe të huajve, dhe i ftoi të njohurit dhe njerëzit e dashur që të gëzonin bekimet e pasura të ungjillit të Tij. Ato veprime ‘të thjeshta’ shërbimi dhe dashurie japin një model për dhënien e shërbesës sonë sot.”

(Xhin B. Bingham, “Dhënia e Shërbesës ashtu siç e Jep Shpëtimtari”, Liahona, maj 2018, f. 104)

• Çfarë të mësojnë fjalët e Motrës Bingham për dhënien e shërbesës siç e dha Jezu Krishti?

• Përse mund të jetë e rëndësishme të mbash mend se dhënia e shërbesës mund të përmbushet përmes veprimeve të thjeshta të shërbimit?

Shqyrto listën tënde lidhur me domethënien e dhënies së shërbesës dhe shto ndonjë mendim tjetër nga ajo që ke mësuar sot. Përcakto dy ose tri fjalë që mund të të ndihmojnë të bëhesh më i ngjashëm me Jezu Krishtin teksa jep shërbesë.

Kërko me lutje ndihmën e Atit Qiellor për të ditur se kujt dëshiron Ai që t’i japësh shërbesë sot dhe mënyrën se si mund ta bësh këtë. Ti mund të kesh marrë tashmë nxitje nga Shpirti në bazë të të cilave mund të veprosh tani.

Nëse emri i një personi të caktuar nuk të vjen në mendje, merre parasysh të lutesh për ndihmën e Atit Qiellor për të dalluar një mundësi për të dhënë shërbesë dhe për të vepruar kur të të kujtohet. Mirëbeso se Ai do të të udhërrëfejë teksa përpiqesh fort të japësh shërbesë siç dha Shpëtimtari.