Գլուխ 46
Երկրորդ Գալուստը
Հիսուսը նրանց ասաց, որ Իր Երկրորդ Գալստից առաջ կեղծ մարգարեներ կլինեն, որոնք կհայտարարեն, թե իրենք Քրիստոսն են: Շատ մարդիկ կհետևեն նրանց: Բայց եթե Նրա հետևորդները հնազանդվեն Իր խոսքերին, ապա կեղծ մարգարեները չեն կարողանա խաբել իրենց: Նրանք կփրկվեն:
Հիսուսը նաև ասաց, որ Իր երկրորդ գալստից առաջ կլինեն շատ պատերազմներ, սով, սաստիկ հիվանդություններ և երկրաշարժեր: Շատ մարդիկ այլևս չեն օգնի մյուսներին և կդառնան ամբարիշտ:
Ավետարանը կքարոզվի ողջ աշխարհում, սակայն շատ մարդիկ չեն լսի:
Արևը կխավարի, լուսինը չի փայլի և աստղերը կընկնեն երկնքից:
Երբ Հիսուս Քրիստոսը կրկին գա, մարդիկ կտեսնեն, ինչպես է Նա իջնում ամպերից զորությամբ և փառքով: Նա կուղարկի Իր հրեշտակներին, որոնք բոլոր արդարներին կհավաքեն:
Մենք կարող ենք պատրաստվել Երկրորդ Գալստին, կատարելով ճիշտը: Երբ մենք տեսնենք այն նշանները, որոնք խոստացավ Հիսուսը, մենք կիմանանք, որ Փրկիչը շուտով գալու է: Ոչ ոք ճշգրիտ չգիտի, թե երբ Հիսուսը նորից կգա: Եթե մենք պատրաստ լինենք, մենք կարող ենք Նրա հետ լինել: