Klumech er a First Presidency

Aki chemat er a kau er a tial kmal ungil techall el mo misionari er a Ikelesia er a Jesus Kristo er a Uriul-klebesei el Santo. Ng diak a llmuut el klou a ututelel el ureor er a sel cheldellel a Israel.

A moktek er a Molisechakl er a Ebangkelio er Ngak a olngeseu er a kau el mo ungil keltmokl, e uldellomel a rengum el misionari. A tara dirrek el moktek er a ngii a olngeseu er a kau el mo ungil sensei. Aki olngit er a kau me a chedam el mo ousbech er ngii er a subeliu er a bek el sils. Aki dirrekl el olngit er a kau el mo ousbech er a ngii er a miting er a district council me a zone conference. Mosuub aikel keltmokl el chedaol llechukl e msubii aikel osisechakl ra ebangkelio me a suobel.

Aki siotai er a kau el smisichii a rengum el mo olngeseu er a Demad er a Babeluades er a chetengakl el Urerel. A bek el misionari a ngarngii a klou a belkul el ngerachelir el olngeseu er a urerel a Rubak el urerel me a klebkellel a msa diak el luut el kodall me a diak a ulebengelel klengar el mora chad (mesa Moses 1:39).

A Rubak a mo omekngeltengat er a kau sel le medemedemek a rengum e blak a rengum el mesiou er Ngii. Bom nguu a deurreng el deu a rengum sel mosiou er a delongelir a rengelekel a Demad er a Babeluades.