Mosuub e Molisechakl er a Ebangkelio er a Jesus Kristo

Sel mongedmokl el mo olisechakl, e momes aikel tekoi el ngara chelsel a Molisechakl er a Ebangkelio er Ngak app. Mrelii a suobel lultuil er a usbechellel a chad. Momtab aikel kirel mo medengei e omelchesiu sel molisechakl er ngii. A Chedaol Reng a mo choisois a klisichem sel mchoit a temem el mengedmokl a suobel.

Aikakid a bebil er a ker el kirem kau ma kldemem el mngara nglunguuch e melbedebek sel mongedmokl el mo olisechakl.

• Ngeral siotai a bo de delii el mo ngoseuir a chad el mekdebechii a klaumera er ngii er a Kristo e melemolem el meleketek er ngii? A siotai a ngii a ngosuterir a rechad el mo ouchel a rengrir e melchesuar a “klisichel a Osobel” (Helaman 5:11). Momtab er a omesubel a chad, teletelel, me a usbechellel. E modekiar a tang ma lechub eng betok el siotai er a suobel.

• Ngera el osisechakl me a suobel a mo ngoseuir a chad el mo oltirakl aikel bla desiotai er ngii el mo mesuul? Mngara nglunguuch el kirel osisechakl me a suobel el mo ngosuterir a rechad el mo medengelii a klou el ultutelel a loltirakl a telbiil el kirir me a dirrek el Rubak.

• Ng mekera dengeseuir a chad el subii osisechakl? Sel bo mongetmokl ra osischeklem er a suobel, e mchederoder e mkedeb aikel bo molisechakl lousbech er a suobel 1–4. Msiik a ker, bades er a chedaol llechukl, okesiu, me a siasing el mo ngoseuir a chad el mo medengei omolisechakl el suobel. Mesa bliongel 10 el kirel omesodel el ngosuir a teletelel sel molsisechakl.

• Ngera el klengeltengat a blal yaksok a Dios sel mkengei e moltirakl a telbiil? Sel mosuub aikel losisechakl, e mosiik aikel blal yaksok a Dios el klengeltengat. E sel molisechakl, e mouchais a klengeltengat me a klaumera er kau el kirel.

• Techa el chedal a ikelesia a sebechel mo olngeseu lolisechakl? Aikel temel a miting er a bek el sandei, e mngiltii a chedal a ikelesia el sebechel mo ngosukau lolisechakl e olngeseu er a chad. Uchei er a osisechakl, e mouchais aikel bo loruul. Mesa bliongel 10.

• Ngera sebeched el rulii el ngosuterir a rechad el mo oltirakl a telbiil sel dorael? Bo moldingel eldi telkib el taem el lodars a ngeseu me bol loltirakl a telbilir. Mosiik rolel e a rechedal a ikelesia bol ngosuterir tirkel molisechakl er tir el mo oltirakl a telbiil. Tial lodingel a sebechel omengiuel a Babier er a Mormon ma lechub a kuk bebil er a chedaol llechukl. A lsekum a chad a diak loltirakl a telbiil e ngungil omngesuterir lotireklii sel telbiil ruchei er a kuk le bora chimong. Mesa bliongel 11.

• Ng mekera bo dungil ngosuterir er a ikel merael mei el taem? Uriul er a bek el osisechakl, e momes a teletael er a omesubir tirkal chad. A klaumera er tir er a Kristo ng merael mo klou? Te melchesuar Chedaol Reng? Te ouchel a rengrir e meruul e oltirakl a telbiil? Te meluluuch, menguiu er a Babier er a Mormon e ngara ikelesia? Mketmokl a uldasu el mo ngosuterir.

Ng cheldechederir el mora rebek el elders me a rodos, e a Kot el Presidency me a Chelechad er a Teruich me a teru el Apostol a millekoi:

“A moktek er kid a olisechakl a klemechel a mla moluut el ebangkelio er a teletael el luchul ea Chedaol Reng a mo omekrael er a remisionari me tirkel mosisechakl. Ng klou a belkul msuub a teletelel aikal [suobel], eng di aika diak el kirel el kuk di suobel el domelekl e ouchais. A misionari a sebechel ousbech a kuk di tekingel loltirakl er a odbechel Chedaol Reng. Ng diak el kirel melekoi a kuk di ngara uldesuel tekoi, ng bai ikel ngara rengul. Ng sebechel kuk dmung a bebil er a tekoi, a lsekum eng omelchesiu el uaisei, lultuil er a ikel soal me a usbechellel a [chad]. Me sel louchais a klemerang lolab a di tekingel, eng kirel lochotii a klemerang er a osischeklel.”

siasing/Llecheklel

remisionari lomes er a chad

Molisechakl e Msiotai lultuil er a Usbechellel a Chad

Ng sebechem lolisechakl a suobel er sel teletael el mo ngosuterir a rechad el mo mui el kldmokl el kirel a techolbechelid me a oterkeklir. Ngera el suobel a bo molisechakl, e oingerang, e uangera klemengetel a taem el lungil mousbech el kirel a usbechellel a chad el molisechakl er ngii me a dirrek el odbechel Chedaol Reng. Okesiul tiang, sel molisechakl er a rechad el diak el Kristiano, eng sebechem lomuchel el sumecheklii a deleuill er tir me a Chedam er a Babeluades me a Uldesuel (mesa “Teaching People Who Do Not Have a Christian Background” ngara bliongel 10).

A Chedaol Reng bo lomekrael er kau er a ikel siotai el bom mdung e oingerang e ke mo dmung. A ungil siotai er a ungil taem a sebechel ngosuterir a rechad el mo remuul a tekoi el toketekii a klaumera er tir. Aikaikid el teletael a sebechel ngosuterir a rechad el mo ngmodech a rengrir (mesa Mosiah 5:2; Alma 5:12–14).

Molisechakl a suobel el beot, bleketakl, e mekedeb. Oumesingd er a taem, e a osisechakl a diak el kirel lengelakl er a okedei el bung, e sebechem lolisechakl er a chad er a di chelsel eim el bung.

Ng blechoel betok el taem el bom kebetech e olisechakl a suobel er a chelsel a dersta losisechakl. A rechad a blechoel mo medengei osisechakl a lsekum eng mekedeb, e blechebech, e derstelkib el bliongel.