“உங்கள் குடும்ப வேதப் படிப்பை மேம்படுத்துவதற்கான ஆலோசனைகள்,” வேதப் படிப்பு ஆலோசனைகள் (2021)
“உங்கள் குடும்ப வேதப் படிப்பை மேம்படுத்துவதற்கான ஆலோசனைகள்,” வேதப் படிப்பு ஆலோசனைகள்
உங்கள் குடும்ப வேதப் படிப்பை மேம்படுத்துவதற்கான ஆலோசனைகள்
சுவிசேஷத்தைக் கற்றுக்கொள்ள உங்கள் குடும்பத்தினருக்குதவ, வழக்கமான குடும்ப வேதப் படிப்பு ஒரு ஆற்றல் மிக்க வழி. ஒரு குடும்பமாக நீங்கள் எவ்வளவு படித்தீர்கள் எவ்வளவு நேரம் படித்தீர்கள் என்பது, உங்கள் முயற்சிகளில் சீராக இருப்பதைப்போல முக்கியமானதல்ல. உங்கள் குடும்ப வாழ்க்கையில் வேதப் படிப்பை ஒரு முக்கியமான பகுதியாக நீங்கள் செய்யும்போது, இயேசு கிறிஸ்துவண்டை நெருக்கமாக வரவும் அவருடைய வார்த்தையின் அஸ்திபாரத்தின்மேல் அவர்களுடைய சாட்சிகளைக் கட்டவும் உங்கள் குடும்ப உறுப்பினர்களுக்கு நீங்கள் உதவுகிறீர்கள்.
பின்வரும் கேள்விகளைக் கருத்தில்கொள்ளவும்:
-
அவர்களாகவே வேதங்களைப் படிக்க உங்கள் குடும்ப உறுப்பினர்களை நீங்கள் எவ்வாறு ஊக்குவிக்க முடியும்?
-
அவர்கள் கற்றுக்கொண்டிருப்பனவற்றை பகிர்ந்துகொள்ள குடும்ப உறுப்பினர்களை ஊக்குவிக்க உங்களால் என்ன செய்யமுடியும்?
-
அன்றாட போதித்தல் தருணங்களில், வேதங்களில் நீங்கள் கற்றுக்கொண்டிருக்கிற கொள்கைகளை நீங்கள் எவ்வாறு வலியுறுத்தமுடியும்?
சுவிசேஷம் கற்றுக்கொள்ளுதலுக்கும் கற்றுக்கொடுப்பதற்கும் வீடுதான் சிறந்த இடம் என்பதை நினைவில் கொள்ளுங்கள். சபை வகுப்பில் சாத்தியமில்லாத வழிகளில், வீட்டில் சுவிசேஷத்தை நீங்கள் கற்றுக்கொள்ளவும் கற்றுக்கொடுப்பதற்கும் முடியும். வேதங்களிலிருந்து உங்கள் குடும்பத்தினர் கற்றுக்கொள்ள உதவும் வழிகளை நீங்கள் சிந்திக்கும்போது ஆக்கபூர்வமாயிருங்கள். உங்கள் குடும்ப வேதப் படிப்பை மேம்படுத்த பின்வரும் ஆலோசனைகளில் சிலவற்றை கருத்தில் கொள்ளுங்கள்.
இசையைப் பயன்படுத்தவும்
வேதங்களில் போதிக்கப்பட்ட கொள்கைகளை வலுப்படுத்த பாடல்களைப் பாடவும்.
அர்த்தமுள்ள வேதங்களைப் பகிரவும்
அவர்களுடைய தனிப்பட்ட படிப்பின்போது அர்த்தமுள்ளதாக அவர்கள் கண்டுபிடித்த வேதத்தின் பத்திகளைப் பகிர்ந்துகொள்ள குடும்ப உறுப்பினர்களுக்கு நேரம் கொடுக்கவும்.
உங்கள் சொந்த வார்த்தைகளைப் பயன்படுத்தவும்
நீங்கள் படிக்கிற வசனங்களிலிருந்து அவர்கள் கற்றுக்கொண்டவற்றை அவர்களுடைய சொந்த வார்த்தைகளில் தொகுக்கும்படி குடும்ப உறுப்பினர்களை அழைக்கவும்.
உங்கள் வாழ்க்கையில் வேதங்களைப் பிரயோகிக்கவும்
ஒரு வேத பாகத்தைப் படித்த பின்னர், அவர்களுடைய வாழ்க்கையில் அந்தப் பத்தியைப் பொருந்துகிற வழிகளைப் பகிர்ந்துகொள்ள குடும்ப உறுப்பினர்களைக் கேட்கவும்.
ஒரு கேள்வியைக் கேட்கவும்
சுவிசேஷ கேள்வி ஒன்றைக் கேட்க குடும்ப உறுப்பினர்களை அழைத்து, பின்னர் அந்த கேள்விக்கு பதிலளிக்க உதவுகிற வசனங்களுக்காக தேடுவதில் நேரத்தை செலவழிக்கவும்.
ஒரு வேத வசனத்தை காட்சியாக வைக்கவும்
அர்த்தமுள்ளதாக நீங்கள் காண்கிற ஒரு வசனத்தை தேர்ந்தெடுத்து, குடும்ப உறுப்பினர்கள் அடிக்கடி பார்க்கக்கூடிய ஒரு இடத்தில் அதைக் காட்சியாக வைக்கவும். தினமும் ஒரு வசனத்தைக் காட்சிப்படுத்த முறைவைத்து குடும்ப உறுப்பினர்களை தேர்ந்தெடுக்க அழைக்கவும்.
ஒரு வேத வசனப் பட்டியலை உருவாக்கவும்
வரப்போகிற வாரத்தின்போது கலந்துரையாட நீங்கள் விரும்புகிற பல்வேறு வசனங்களை ஒரு குடும்பமாக தேர்ந்தெடுக்கவும்.
வேத வசனங்களை மனப்பாடம் செய்யவும்
உங்கள் குடும்பத்துக்கு அர்த்தமுள்ளதாயிருக்கிற ஒரு வேத பத்தியைத் தேர்ந்தெடுத்து, அதை தினமும் திருப்பி திருப்பி சொல்லி, அல்லது மனப்பாட விளையாட்டை விளையாடி அதை மனப்பாடம் செய்ய குடும்ப உறுப்பினர்களை அழைக்கவும்.
பொருள்சார் பாடங்களைப் பகிர்ந்துகொள்ளவும்
ஒரு குடும்பமாக நீங்கள் வாசித்துக்கொண்டிருக்கிற அதிகாரங்களுக்கும் வசனங்களுக்கும் சம்பந்தப்பட்ட பொருட்களைக் கண்டுபிடிக்கவும். வேதங்களிலுள்ள போதனைகளுக்கு ஒவ்வொரு பொருளும் எவ்வாறு சம்பந்தப்பட்டிருக்கிறது என்பதைப்பற்றிப் பேச குடும்ப உறுப்பினர்களை அழைக்கவும்.
ஒரு தலைப்பை எடுத்துக்கொள்ளவும்
குடும்பம் ஒன்றுசேர்ந்து படிக்கப்போகிற ஒரு தலைப்பை தேர்ந்தெடுப்பதில் குடும்ப உறுப்பினர்கள் முறை எடுத்துக்கொள்ளட்டும். தலைப்பைப்பற்றி வேத பத்தியைக் கண்டுபிடிக்க Topical Guide, Bible Dictionary, அல்லது Guide to the Scriptures (scriptures.ChurchofJesusChrist.org) பயன்படுத்தவும்.
ஒரு படத்தை வரையவும்
ஒரு குடும்பமாக ஒரு சில வசனங்களை வாசித்து, பின்னர், நீங்கள் படித்ததற்கு தொடர்புடைய ஒன்றை வரைய குடும்ப உறுப்பினர்களுக்கு நேரத்தை அனுமதிக்கவும். ஒருவருக்கொருவரின் ஓவியங்களைப்பற்றி கலந்துரையாட நேரம் செலவழிக்கவும்.
ஒரு கதையை நடிக்கவும்
ஒரு கதையை வாசித்த பின்னர், அதை நடித்துக்காட்ட குடும்ப உறுப்பினர்களை அழைக்கவும். அதன் பின்னர், தனிப்பட்டவர்களாகவும், குடும்பமாகவும் நீங்கள் அனுபவித்துக்கொண்டிருக்கிற காரியங்களுக்கு கதை எவ்வாறு சம்பந்தப்பட்டிருக்கிறது என்பதைப்பற்றி பேசவும்.
மூப்பர் டேவிட் ஏ. பெட்னார் போதித்தார்: “ஒவ்வொரு குடும்ப ஜெபமும், ஒவ்வொரு குடும்ப வேதப் படிப்பும், மற்றும் ஒவ்வொரு இல்ல மாலையும் நம்முடைய ஆத்துமாக்களின் திரையில் வரைபடம் ஆகும். எந்த ஒரு நிகழ்ச்சியும் மிகவும் ஈர்க்கக்கூடியதாகவோ நினைவில் வைத்திருக்கக்கூடியதாகவோ தோன்றாமலிருக்கலாம். ஆனால், மஞ்சள், தங்கம் மற்றும் மர நிற வண்ணப்பூச்சுகள் ஒன்றுக்கொன்று நிறைவுசெய்வதாக அமைந்து, ஒரு மனம்கவரும் தலைசிறந்த படைப்பை உருவாக்கும், ஆகவே சிறியவைகளாகத் தோன்றும் காரியங்களை நாம் சீராகச் செய்வதால் குறிப்பிடத்தக்க ஆவிக்குரிய விளைவுகளுக்கு வழிநடத்த முடியும்” (“More Diligent and Concerned at Home,” Ensign or Liahona, Nov. 2009, 19–20).