2. Israel n’Edzifir fi Egypt na Canaan mu Nhɛnee

Rameses Pharaoh paam Israelfo fii Egypt (Ex. 12; Nka. 33:5).

Succoth Ber a Hebrewfo fii nseraben a odzi kan mu hɔ ekyir no, Ewuradze bɛkãa hɔnho wɔ mununkum mu adzekyee na wɔ ogya fadum mu anago (Ex. 13:20–22).

Pi-hahiroth Israelfo duaa Po Memen no mu (Ex. 14; Nka. 33:8).

Marah Ewuradze saa Marah esu yarba (Ex. 15:23–26).

Elim Israelfo bɔɔ nseraban wɔ nsunyiwa 12 no ho (Ex. 15:27).

Sin Sar do Ewuradze maa manna na nkokɔhwerɛw tɔree fi sor ma Israelfo eedzi (Ex. 16).

Rephidim Israelfo nye Amalekfo kõe (Ex. 17:8–16).

Bepɔw Sinai (Bepɔw Horeb anaa Jebel Musa) Ewuradze daa Mbra Du no edzi (Ex. 19–20).

Sinai Sar do Israelfo sii ehyiadzibuw no (Ex. 25–30).

Sar do Nseraban Wɔfrɛɛ elderfo eduosuon dɛ wɔmboa Moses ma ɔnhwɛ nkorɔfo no do (Nka. 11:16–17).

Ezion-geber Israelfo kotwaa mu wɔ Esau na Ammon hɔn nsaase do asomdwee mu (Deut. 2).

Kadesh-barnea Moses somaa nkorɔfo dɛ wɔnkɛsera anohoba asaase no; Israelfo tseew etua na woenntum annhɛn asaase no mu; Kadesh yɛɛ Israelfo hɔn nseraban bea tsitsir mfe pii (Nka. 13:1–3, 17–33; 14; 32:8; Deut. 2:14).

Boka Sar do Israelfo ammpɛ dɛ wɔnye Edomfo na Moabfo no bɔkõ (Nka. 20:14–21; 22–24).

Esutsen Arnon Israelfo sɛɛ Amorfo no a wɔkõe tsiaa hɔn no (Deut. 2:24–37).

Bepɔw Nebo Moses hwɛɛ anohoba asaase no (Deut. 34:1–4). Moses maa ne nsɛmpa ebiasa a odzi ewiei no (Deut. 1–32).

Moab tɛtɛr mu Ewuradze kãa kyerɛɛ Israelfo no dɛ wɔnkyekyɛ asaase no mu na wɔmpam hɔn a wɔtse do no (Nka. 33:50–56).

Esutsen Jordan Israelfo twaa Esutsen Jordan wɔ asaase kɛsɛɛ do. Gilgal ne nkyɛn hɔ na woyiyii abo fii Esutsen Jordan n’ase na wɔdze yɛɛ ahyɛnsewdze wɔ Jordan n’esu a no mu kyɛɛ no (Josh. 3:1–5:1).

Jericho Israelmba no gyee kuropɔn no na wɔsɛɛ no (Josh. 6).