1 Ndien ke usen oro, iban itiaba eyemum erenowo kiet, ete: Nnyin iyita uyo idem nnyin, inyuŋ isine edisine-ŋkpɔ idem nnyin; edi yak ekot nnyin ke enyiŋ fo man emen but nnyin efep.

2 Ke usen oro ke ŋkɔk Jehovah edidi uyai ye ediye; mfri isɔŋ ɔfɔn-ama onyuŋ eye ɔnɔ nditɔ Israel emi ebɔhɔde.

3 Ndien eyedikem, mmɔ ekekpɔŋde ke Zion ye emi esuhɔre ke Jerusalem eyekot mmɔ ndisana, kpukpru owo emi ewetde nte odu uwem ke Jerusalem—

4 Ke ini Jehovah ediyetde ndek nditɔ iban Zion isio, onyuŋ eyet iyip Jerusalem ke idem esie osio oto ke spirit ubiere ikpe ye spirit ufɔp.

5 Ndien Jehovah oyobot ke kpukpru ebiet-iduŋ obot Zion, ye ke mme esop esie, obubit enyɔŋ ye nsuŋikaŋ ke uwemeyo ye edisak edeme ikaŋ ke okoneyo; koro ke kpukpru ubɔŋ Zion ke ŋkpɔ ukpeme edidu.

6 Ndien ataya eyetie nte mfut ke uwemeyo mbak ufiop, ye nte ebiet ubɔhɔ, ye udibe mbak oyobio ye edim.