Vahe 22
ʻE fakafetaʻi ʻa e kakai kotoa pē ki he ʻEikí ʻi he nofo tuʻí—Te ne ʻafio ʻi honau lotolotongá—Fakafehoanaki mo e ʻĪsaia vahe 12. Taʻu 559–545 K.M. nai.
1 Pea ʻi he ʻaho ko iá te ke pehē: ʻE ʻEiki, te u fakafetaʻi kiate koe; neongo naʻá ke houhau kiate au kā kuo lolou atu ʻa ho houhaú, pea kuo fakafiemālieʻi au.
2 Vakai, ko e ʻOtuá ʻa hoku fakamoʻuí; te u afalala, kae ʻikai manavahē; he ko e ʻEiki ko bSihová ʻa hoku mālohí ia mo ʻeku hivá; kuó ne hoko foki ko hoku fakamoʻuí.
3 Ko ia, te mou ʻutu fiefia ʻa e avai mei he ngaahi vai ʻo e fakamoʻuí.
4 Pea ʻi he ʻaho ko iá te mou pehē: aFakafetaʻi ki he ʻEikí, ui ki hono huafá, tala ʻa ʻene ngaahi ngāué ʻi he lotolotonga ʻo e kakaí, pea fakahā ʻa e lāngilangi ʻo hono huafá.
5 aHiva ki he ʻEikí; he kuó ne fai ha ngaahi meʻa lelei lahi; he kuo ʻiloʻi ia ʻi he māmaní kotoa.
6 aKalanga pea mavava, ʻa kimoutolu ʻa e kakai ʻoku nofo ʻi Saioné; he ʻoku māfimafi ʻa e Tokotaha Māʻoniʻoni ʻo ʻIsileli ʻa ia ʻoku ʻi homou lotolotongá.