Sihova
Ko e fuakava pe huafa totonu ʻo e ʻOtua ʻo ʻIsilelí. ʻOku ʻuhinga ia ki he “:ko e Ko Au taʻengatá” (ʻEke. 3:14; Sione 8:58). Ko Sihová ko Sīsū Kalaisi ia ʻi he sino fakalaumālié pea hāʻele hifo ki he māmaní ʻo hoko ko e tama ʻa Mele (Mōsaia 3:8; 15:1; 3 Nīfai 15:1–5). Ko e taimi lahi ʻoku hā ai ʻa e foʻi lea ʻEiki (Lord) ʻi he Fuakava Motuʻá ʻoku ʻuhinga ia kia Sihova.
Ko Kalaisí ʻa Sihova
Naʻe ʻiloʻi ʻe he kau palōfita ʻo e kuonga muʻá ʻa Sihova (ʻEke. 6:3; ʻĒpa. 1:16). Naʻe akoʻi ʻe he ʻAposetolo ko Paulá ko Kalaisi ʻa e Sihova ʻo e Fuakava Motuʻá (ʻEke. 17:6; 1 Kol. 10:1–4). Naʻe mamata ʻa e tokoua ʻo Sēleti ʻi he Tohi ʻa Molomoná kia Kalaisi ʻi he sino fakalaumālié peá ne hū kiate ia (ʻEta 3:13–15). Naʻe toe ui foki ʻe Molonai ʻa Kalaisi ko Sihova (Molonai 10:34). Naʻe mamata ʻa Siosefa Sāmita mo ʻŌliva Kautele ʻi he Temipale Ketilaní kia Sihova kuo toe tuʻú (T&F 110:3–4).