1 Thiab nyob rau hnub ntawd nej yuav hais tias: Au tus Tswv, kuv yuav qhuas koj; txawm tias koj tau npau taws rau kuv lawm los koj txoj kev npau taws twb ncaim mus lawm, thiab koj twb nplij kuv.

2 Saib seb, Vajtswv yog kuv txoj kev cawm seeg; kuv yuav cia siab, thiab yuav tsis ntshai; vim tus Tswv Yehauvas yog kuv lub zog thiab kuv zaj nkauj; nws kuj tau rais los mus ua kuv txoj kev cawm seeg.

3 Yog li ntawd, nej yuav daus cov dej tawm ntawm tej qhov dej cawm seeg nrog txoj kev xyiv fab hlo.

4 Thiab nyob rau hnub ntawd nej yuav hais tias: Qhuas tus Tswv, hu rau nws lub npe, tshaj tej uas nws ua rau cov neeg sawv daws, qhia hais tias nws lub npe yog lub uas raug tsa siab lawm.

5 Cia li hu nkauj rau tus Tswv; vim nws tau ua tej xwm txheej uas zoo kawg nkaus li; zaj no yeej paub thoob plaws nyob hauv lub ntiaj teb no.

6 Cia li quaj thiab qw nrov nrov, nej cov neeg ntawm Xi-oos; vim qhov tseem ceeb yog Ixayees Tus Dawb Huv twb nyob hauv nej nruab nrab.