1 Apunchijca Jacobta llaquinga, Israeltapash ajllangara, paicunata paicunapaj pambapi tiachinga; na rijsishcacunapash paicunahuan tandanajunga, Jacobpaj huasihuan paipura tucunga.

2 Llactapuracunaca japinga paicunapaj pushtuman pushanga; ari, carumanda alpa tucurinacaman; paicuna cushapacha nishca alpacunaman tigramunga. Israelpaj huasi paicunata chasquinga, Apunchijpaj alpaca sirvij runacunapa sirvij huarmicunapa cangami; huatai tucushcashna cachun japinga picunapami huatai tucushcashna carca; paicunapaj llaquichijcunataca paicuna mandanga.

3 Yalishca jipa chai punllapi Apunchijca quiquinda samachinga, quiquinba llaquirinamanda, quiquinba manllaimanda, shinlli huatai tucushcashna sirvishpa causashcamanda.

4 Yalishca jipa chai punllapi, cai proverbiota japingui Babiloniapaj jatun mandajpaj contra, nishpa: Imashna llaquichij tucurishca, curilla llactaca tucurishca!

5 Apunchijca na alita rurajpa varata faquishca can, mandajcunapaj caspicunata.

6 Pimi chugrichirca llactapuracunata fiñaipi macajushpalla, jatun llactacunata mandajca, na ricunayachi tucushca can, pipash na mitsan.

7 Tucui alpaca saman, casilla can; runacuna cushijuihuan cantai callarin.

8 Ari, cipréscuna quiquinmanda cushijun, Líbanopaj cedrocunapash, nishpa: Quiquin urmashcamanda na cuchuj ñucanchipaman vichai shamushcachu.

9 Ucu pacha alpa ucumanda chujchushca can quiquinmanda quiquinba shamuita tuparingapa; quiquinmanda huañushcacuna rijcharin, alpapaj tucui jatun mandajcunapash; jatarichishca can paicunapaj jatun tiarinamanda tucui jatun llactacunapaj jatun mandajcuna.

10 Tucuilla quiquinda parlanga, ningapash: Quiquinbash irquiyarcangui ñucanchishna? Quiquinbash ñucanchishna tucushcangui?

11 Quiquinba punchapamba pambana pushtuman uriajuchishca can; quiquinba violíngunapaj bulla na uyarinllu; jurucuna quiquinba ucuta jicharishca can, jurucuna quiquinda quilpan.

12 Imashna urmarcangui jahua pachamanda, Oh Lucifer, tutamandapaj churi! alpacaman shitai tucushcangui, jatun llactacunata irquiyachishcangui!

13 Quiquinba shungupi nircangui: jahua pachacaman Ñuca vitsiasha; ñuca jatun tiarinata Diospaj lucerocunatapash yalishpa jatun alicachisha; tandanajushcapaj urcu jahuapi ñuca tiarishapash, vichai ladocunapi;

14 Ñuca vitsiasha fuyucunatapash yalishpa ashtahuan jahuaman risha; ñuca Ninan Jahua Jahuapachapi tiaj laya casha.

15 Shina cajpipash quiquin ucu pachaman urai apamui tucushca cangui, ucu ucu huaicu patacunaman.

16 Quiquinbaman quimirishpa ali ricunga, yashpa ricunga, ningami: cai runachu alpata chujchuchirca, reinocunatapash chaspirca?

17 Cai pachatapash jichushca pambata rurarca, llactacunatapash tucuchirca, paipaj prezucunapaj huasita na pascarca?

18 Jatun llactacunapaj tucui jatun mandajcuna, ari, tucui paicuna, punchalla caipi pambarishca, tucuillacuna paicunapallata huasicunapi.

19 Ashtahuangari quiquinga shitai tucushca cangui quiquinba pambana pushtumanda shuj millanayai malquishna, huañuchishcacunapaj puchushcashna, espadahuan tujsi tucushpa, rumicunapaj utujuman ringa; shuj huañushcapaj tullushna chaquicunahuan sarushca.

20 Paicunahuan na pacta pambashca canguichu, alpata tucuchishcangui quiquinba llactapuracunatapash huañuchishcangui; juchata rurajcunapaj cati aillucunaca nimaura na rijsi tucushca canga.

21 Paicunapaj taitacuna na ali ruraicunamanda paicunapaj huahuacunata tandachishpa huañuchinata rurai callarichi, paicuna ama jatarichun, ama alpatapash charichun, ama llactacunahuan alpa jahuata jundachun.

22 Paicunapaman ñuca jatarishpaca, Tucuita Mandaj Apunchijca nin: Babiloniamanda shutita huañuchisha, puchushcatapash, churi, sobrinotapash, Apunchij nin.

23 Avetorocuna causaj pushtumanbash tigrachisha, yacupaj cochacunaman; ñuca fichasha tucuchina fichanahuan, Tucuita Mandaj Apunchijca nin.

24 Tucuita Mandaj Apunchijca jurashca nishpa: Ciertopacha imashna yuyashcani, shina yalishca jipa canga; rurangapa yarijushcata pactachishami—

25 Ñuca alpaman Asiriota apamusha, ñuca urcucunapimi paitaca chaquihuan sarusha; shina paipaj yugo anchuringa, paipaj rigra jahuacunamanda llashai anchuringa.

26 Caimi rurangapa yarinaca tucui alpata rurangapa yarishca, caimi can maqui tucui jatun llactacunaman chutashca.

27 Tucuita Mandaj Apunchijmi caita rurangapa yarishca, pita jarcanga? paipaj maqui chutashca can, pita huashaman tigrachinga?

28 Acaz jatun mandaj huañushca huatapi cai villai carca.

29 Ama cushijuichu, tucui Filistea, quiquinda chugrichijpa vara faquirishca caimanda; culebrapaj sapimanda áspid culebra llujshinga, paipaj mirai shuj rupajuj angashpa rij culebra canga.

30 Huajchacunapaj callari churicuna micunga, minishtita charijcunapash manllai illa samanga; quiquinba sapita ninan yarjaihuan huañuchisha, quiquinba puchushcata pai huañuchinga.

31 Huacai, Oh pungu; capari, Oh llacta; quiquin tucui Filistea, jacuyanshna canguichi; vichaimanda shamunga shuj cushni, pipash na pailla cangachu paipaj ricuchishca punllapi.

32 Imatashi tigrachinga jatun llactacunapaj villaicunata apajcunaca? Apunchijca Siónda shayachirca, paipaj llactapuracunapaj huajchacunaca caipimi shuyanga.