1 Im em̧ool, em̧ool, Ij ba n̄an kom̧ bwe ewōr ^abar Aō sip, ko rejjab jān āniin, im jab jān āneen Jerusalem, im jab ilo jabdewōt m̧ōttan ko ilo eo ipeļaakin Iaar ilo̧k n̄an jipan̄.

2 Bwe ro Iaar kōnono rej er ro rejjan̄in kar ron̄ Ainikiō; im Iaar jab ilo jabdewōt iien kwaļo̧k Eō n̄an er.

3 A Iaar bōk juon naan in jiron̄ jān Jema bwe Inaaj ilo̧k n̄an ^aer, im bwe renaaj ron̄ Ainikiō, im naaj bōnbōn ilubwiljin sip ko Aō, bwe en maron̄ wōr juon bwij im juon seperd; kōn menin Ij ilo̧k n̄an kwaļo̧k Eō n̄an er.

4 Im Ij jiron̄ kom̧ bwe kom̧ naaj jeje ^aennaan kein ālikin Aō jako, bwe eļan̄n̄e āindein bwe armej ro doō ilo Jerusalem, ro raar lo Eō im kab pād Ippa ilo jerbal eo Aō, rejjab kajjitōk jān Jema ilo Eta, bwe ren maron̄ bōk jeļā kōn kom̧ jān Jetōb Kwōjarjar, im barāinwōt ro jet jān bwij ko rejjab jeļā kaki, āindein bwe ennaan kein ko kom̧ naaj jeje naaj kōjparoki im naaj kwaļo̧ki n̄an ro ^briAelōn̄ ko, bwe kōn tarlep in ro riAelōn̄ ko, m̧ōttan eo in ineer, ro renaaj ejjeplōklōkļo̧k ioon mejān laļ kōnke aer jab tōmak, ren maron̄ bōktok er, ak ren maron̄ bōktok er n̄an juon ^cjeļā kōn Eō, aer Ripinmuur.

5 Innām Inaaj ^aaintok er jān m̧ōttan ko emān in laļ; innām Inaaj kakūrm̧ool ^bbujen eo Jema eaar kōm̧m̧an n̄an aolep armej in ^cm̧weo im̧ōn Israel.

6 Im em̧ōņōņō ro ^ariAelōn̄ ko, kōnke aer tōmak ilo N̄a, ilo im kōn ^bJetōb Kwōjarjar, eo ej kam̧ool n̄an er kōn Eō im kōn Jema.

7 Lo, kōnke aer tōmak ilo N̄a, Jema ej ba, im kōnke jab tōmak eo ami, O m̧weo im̧ōn Israel, ilo ^araan eo āliktata m̧ool eo enaaj ilo̧k n̄an ro riAelōn̄ ko, bwe tarlep in men kein naaj kwaļo̧ki n̄an er.

8 A wo, Jema ej ba, n̄an jab tōmak eo an ro riAelōn̄ ko bwe mekarta raar itok ioon mejān āniin im kar ^akajjeplōklōk armej ro Aō ro rej jān m̧weo im̧ōn Israel im armej ro Aō jān m̧weo im̧ōn Israel kar ^bkadiwōjļo̧k er jān ilubwiljier, im kar jujuri er ium̧win ne jān er;

9 Im kōnke tūriam̧okake ko an Jema n̄an ro riAelōn̄ ko, im barāinwōt ekajet ko an Jema ioon armej ro Aō ro rej jān m̧weo im̧ōn Israel em̧ool, em̧ool, Ij ba n̄an kom̧, bwe ālikin aolep men in, im Iaar kōm̧m̧an bwe armej ro Aō ro rej jān m̧weo im̧ōn Israel ren den̄ļo̧ke er, im ren metak, im ren ^amej, im ren kadiwōjļo̧k er jān ilubwiljier, im ren matōrtōre er, im ren erom aln̄ūrn̄ūr im naan in kinaak ilubwiljier—

10 Im āindein Jema eaar jiron̄ bwe In ba n̄an kom̧: Im ilo raan en n̄e ro riAelōn̄ ko renaaj jero̧wiwi ņae gospel eo Aō, im naaj jab bōk tarlep in gospel eo Aō, im naaj ^akotak er ilo juwa in burueer ilōn̄ in aolep laļ ko, im naaj obrak kōn aolep riab ko, im m̧oņ ko, im etao ko otemjeļo̧k, im aolep etao, im uror ko, im ^bpriestcraft ko, im jerbal in ļōn̄ ko, im jerbal nana ko rettino otemjeļo̧k; im eļan̄n̄e renaaj kōm̧m̧an aolep men kein, im naaj jab bōk tarlep in gospel eo Aō, lo, Jema ej ba, Inaaj bōk tarlep in gospel eo Aō jān ilubwiljier.

11 Innām Inaaj ^akeememej bujen eo Aō eo Iaar kōm̧m̧an n̄an armej ro Aō, O m̧weo im̧ōn Israel, im Inaaj bōkļo̧k gospel eo Aō n̄an er.

12 Im Inaaj kwaļo̧k n̄an eok, O m̧weo im̧ōn Israel, bwe ro riAelōn̄ ko renaaj jab wōr aer kajoor ioom̧; a Inaaj keememej bujen eo Aō n̄an eok, O m̧weo im̧ōn Israel, im kwōnaaj itok n̄an ^ajeļā kōn tarlep in gospel eo Aō.

13 A eļan̄n̄e ro riAelōn̄ renaaj ukeļo̧k im ro̧o̧ltok n̄an Eō, Jema ej ba, lo renaaj ^abōnbōn ilubwiljin armej ro Aō, O m̧weo im̧ōn Israel.

14 Im Ij jamin kōtļo̧k armej ro Aō, ro rej jān m̧weo im̧ōn Israel, n̄an deblo̧keļo̧k ilubwiljier, im jujur er ilaļ, Jema ej ba.

15 A eļan̄n̄e rej jamin oktak tok n̄an Eō, im eo̧ron̄ Ainikiō, Inaaj kōtļo̧k er, aaet, Inaaj kōtļo̧k armej ro Aō, O m̧weo im̧ōn Israel, bwe ren naaj deblo̧kļo̧k ilubwiljier, im naaj ^ajujur er ilaļ, im renaaj āinwōt jo̧o̧ļ eo ejako nemān, eo jān iien eo ejjeļo̧k tokjān im rej joļo̧k e, im rej jujuri ium̧win neen armej ro Aō, O m̧weo im̧ōn Israel.

16 Em̧ool, em̧ool, Ij ba n̄an eok, āindein Jema eaar jiron̄ Eō—bwe In leļo̧k n̄an armej rein āniin n̄an aer jolōt.

17 Innām ^anaan ko an rikanaan Aiseia renaaj kūrm̧ool, ko rej ba:

18 ^aRiiaron̄ron̄ ro ^bam renaaj kotak ainikien eo; kōn ainikien eo ippān doon renaaj al, bwe renaaj lo māj n̄an māj n̄e Irooj enaaj bar bōktok Zaion.

19 Kom̧in n̄irļo̧k ilo lan̄lōn̄, kom̧in al ippān doon, kom̧ jikin ko relo̧urō ilo Jerusalem; bwe Irooj eaar kaenōm̧m̧an armej ro An, Eaar bar wiaik Jerusalem.

20 Im Irooj eaar kakeelwaan pein ekwōjarjar ilo mejān aolep laļ ko otemjej; im aolep jeban ko an laļ renaaj lo lo̧mo̧o̧r an Anij.