1 Kiiō lo, inaaj kwaļo̧k n̄an kom̧ bwe raar jab kajutak juon kiin̄ ioon āneo; a ilo ejja iiō in wōt, aaet, kajiln̄uul iiō eo, raar ko̧kkure ioon jea in ekajet eo, aaet, raar uror e riekajet eo eutiej an āneo.

2 Im armej ro raar ajej juon ņae bar juon; im raar jepelļo̧k jān doon ilo bwij ko, aolep em̧m̧aan ekkar n̄an ro nukwin im ro jeran; im āindein raar ko̧kkure kien eo an āneo.

3 Im aolep bwij eaar jitōn̄ juon irooj ak juon ritōl ioer; im āindein raar erom bwij ko im ritōl ro an bwij ko.

4 Kiiō lo, eaar ejjeļo̧k em̧m̧aan ilubwiljier ijello̧kun n̄e eaar wōr an nokwe eļap im elōn̄ ro nukwin im ro jeran; kōn menin bwij ko aer raar kanooj ļap otem ļap.

5 Kiiō aolep men in eaar kōm̧m̧an, im eaar ejjeļo̧k tariņae ko ilo tōre in ilubwiljier; im aolep kalijekļo̧k in eaar itok ioon armej ro kōnke raar ^akōtļo̧k er n̄an kajoor an Setan.

6 Im kakien ko an kien eo kar ko̧kkuri, kōnke ^akanejnej ittino an ro jeran im ro nukwin ro raar m̧an rikanaan ro.

7 Im raar kōmour juon epelon̄lon̄ eļap ilo āneo, jon̄an m̧ōttan eo eļapļo̧k in ro rejim̧we renan̄in aolep kar erom rinana; aaet, eaar wōr jet wōt armej rejim̧we ilubwiljier.

8 Im āindein jiljino iiō eaar jab eļļā jān iien eo m̧ōttan eo eļapļo̧k in armej ro eaar eļļo̧k jān aer jim̧we, āinwōt kidu eo n̄an ^aem̧m̧ōj eo an, ak āinwōt piik kokōrā ej dāpilpil ilo pedkat.

9 Kiiō kanejnej ittino in, eo eaar bōktok ekanooj ļap kalijekļo̧k ioon armej ro, eaar kobaiktok er ippān doon, im kar likūt ilo jepāer juon em̧m̧aan eo raar ān̄inn̄in e Jekab;

10 Im raar ān̄inn̄in e aer kiin̄; kōn menin eaar kiin̄ ioon jar nana eo; im eaar juon iaan ro reutiejtata eaar kwaļo̧k ainikien ņae rikanaan ro raar kam̧ool kōn Jisōs.

11 Im ālikin men kein raar jab kanooj kajoor ilo oran āinwōt bwij ko an armej ro, ro raar koba ippān doon ijello̧kun wōt n̄e eaar ritōl ro aer raar kajutak kien ko aer, aolep kajjojo iaer ekkar n̄an bwij eo an; mekarta raar rikōjdat an doon; mekarta n̄e raar jab armej jim̧we, ijoke raar juon wōt ilo dike ro raar deļo̧n̄ ilo bujen eo n̄an ko̧kkure kien eo.

12 Kōn menin Jekab ke eaar lo bwe ro aer rikōjdat raar bwijlepļo̧k jān er, e kōnke eaar kiin̄ in jar eo, kōn menin eaar jiron̄ armej ro an bwe ren koļo̧k n̄an turōk tata in āneo, im ijo kajutak n̄an er juon ^aaelōn̄ in kiin̄, m̧ae aer kar kobaļo̧k ippāer jān ribōrojepel ro, (bwe eaar m̧oņe er bwe en kar wōr elōn̄ ribōrojepel) im raar bwe aer kajoor n̄an aitwerōk ippān bwij ko an armej ro; im raar kōm̧m̧an āinwōt.

13 Im ekanooj m̧ōkaj kar ko eo aer im eban kar apan̄ m̧ae aer kar jako jān an armej ro tōpar er. Im āindein eaar jem̧ļo̧k jon̄ouljilu iiō eo; im āindein kar m̧akūtkūt ko an armej in Nipai.

14 Im ālikin men kein ilo jiln̄uul im juon iiō eo raar ajej ilo bwij ko, aolep armej ekkar n̄an baam̧le eo an, ro nukwin im ro jeran; mekarta raar itok n̄an juon errā bwe ren kar jab ilo̧k n̄an tariņae ippān doon; a raar jab juon wōt bōro ilo kien ko aer, im wāween aer kajeikik kien ko aer, bwe rekar jutak ekkar n̄an ļōmņak ko an irooj ro aer im ritōl ro aer. A raar kajutak kakien ko juon bwij en jab kar bōd ņae bar juon, jon̄an ilo juon wāween eaar wōr aer aenōm̧m̧an ilo āneo; mekarta, burueer raar oktakļo̧k jān Irooj aer Anij, im raar kade rikanaan ro im joļo̧k er jān ilubwiljier.

15 Im ālikin men kein ^aNipai—kōnke enjeļ raņ raar loļo̧k e im barāinwōt ainikien Irooj, kōn menin kōnke eaar lo enjeļ ro, im kōnke eaar rikam̧ool, im kōnke kar leļo̧k n̄an e kajoor bwe en maron̄ jeļā kōn jerbal eo an Kraist, im barāinwōt kōnke eaar rikam̧ool n̄an aer innitōt n̄an ro̧o̧l jān jim̧we n̄an aer nana im mennin jōjō ko;

16 Kōn menin, kōnke eaar būrom̧ōj kōn pen in burueer im pilo in koļmānļo̧kijeņ ko aer—ar ilo̧k ilubwiljier ilo ejja iiō eo wōt, im kar jino in kam̧ool, ilo kajoor, kōn ukeļo̧k im jeorļo̧k in jero̧wiwi ko kōn tōmak ilo Irooj Jisōs Kraist.

17 Im eaar kōnono elōn̄ men ko n̄an er; im aolepāer rejjab maron̄ kar jeje, im jidik m̧ōttaer eban bwe, kōn menin rejjab jeje ilo bok in. Im Nipai eaar kōnono kōn ^akajoor im kōn maron̄ eļap.

18 Im ālikin men kein raar illu ippān, em̧ool kōnke eaar ļapļo̧k an kajoor jān er, bwe eaar ^apen aer jab tōmak naan ko an, bwe jon̄an an ļap tōmak eo an ilo Irooj Jisōs Kraist enjeļ raar jipan̄ e raan otemjej.

19 Im ilo etan Jisōs eaar kadiwōjļo̧k devil ko im ^ajetōb ko rettoon; im em̧ool ļeo jatin eaar kōjerkak jān ro remej, ālikin kar an armej ro kade e im eaar mej.

20 Im armej ro raar lo e, im kar rikam̧ool kōn e, im kar illu ippān kōnke kajoor eo an; im eaar barāinwōt kōm̧m̧an ^aelōn̄ mennin bwilōn̄ ko, ilo mejān armej ro, ilo etan Jisōs.

21 Im ālikin men kein jiln̄uul im juon iiō eo eaar eļļā, im eaar wōr jet wōt ro raar oktak n̄an Irooj; a jon̄an lōn̄ in wōt ro raar oktak em̧ool raar kaalikkar n̄an armej ro bwe kar loļo̧k er jān kajoor im Jetōb in Anij, eo eaar ilo Jisōs Kraist, eo raar tōmak ilo E.

22 Im jon̄an lōn̄ in wōt eo raar kadiwōjļo̧k devil ko jān er, im kar kōmour er jān nan̄inmej ko im m̧ōjņo̧ ko aer, eaar lukkuun kaalikkar n̄an armej ro bwe kar jelōt er kōn Jetōb in Anij, im kar kōmour er; im raar kwaļo̧k kakōļļe ko barāinwōt im kar kōm̧m̧an jet mennin bwilōn̄ ko ilubwiljin armej ro.

23 Āindein eļļāļo̧k eaar jiln̄uul im ruo iiō eo barāinwōt. Im Nipai eaar kūr n̄an armej ro ilo jinoin jiln̄uul im jilu iiō eo; im eaar kwaļo̧k n̄an er ukeļo̧k im jeorļo̧k jero̧wiwi ko.

24 Kiiō ikōņaan bwe kom̧in keememej barāinwōt, bwe eaar ejjeļo̧k en kar bōktok e n̄an ukeļo̧k eo eaar jab ^apeptaij kōn dān.

25 Kōn menin, ekar wōr ro kapit er jān Nipai, em̧m̧aan ro n̄an jerbal in, bwe aolep āinwōt er ren itok n̄an er ren peptaij kōn dān, im men in āinwōt juon kam̧ool im juon naan in kam̧ool im̧aan Anij, im n̄an armej ro, bwe raar ukeļo̧k im raar bōk ^ajeorļo̧k in jero̧wiwi ko aer.

26 Im eaar lōn̄ ilo jinoin iiō in raar peptaij n̄an ukeļo̧k; im āindein eļapļo̧k m̧ōttan iiō eo eaar eļļā.