1 Mo nao luk, mi talem long yufala se taem we Lod bae i luk se i stret, long waes tingting blong hem, blong ol toktok ia bae oli ^akam long Ol Jentael folem toktok blong hem, long taem ia yufala i save gat save ia se, ^bkavenan we Papa i bin mekem wetem ol pikinini blong Isrel, long saed blong kambak blong olgeta long ol graon blong olgeta we i kam long ol papa, i stat finis blong hapen.

2 Mo yufala i save gat save ia se, ol toktok blong Lod, we ol tabu profet i bin tokbaot, bae evriwan i hapen; mo yufala i no nid blong talem se Lod i ^apusumbak taem we bae hem i kam long ol pikinini blong Isrel.

3 Mo yufala i no nid blong traem tingting long hat blong yufala se ol toktok we oli bin talemaot oli blong nating, from luk, Lod bae i tingbaot kavenan blong hem we hem i bin mekem wetem ol pipol blong hem blong laen blong Isrel.

4 Mo taem we bae yufala i luk ol toktok ia oli stap kamaot long medel blong yufala, ale yufala i no nid blong tok agensem ol wok blong Lod, from ^anaef blong faet blong ^bjastis blong hem i stap long raet han blong hem; mo luk, long dei ia, sapos bae yufala i tok agensem ol wok blong hem, bae hem i mekem se hem i winim yufala i no long taem.

5 !^aSore tumas long hem we i ^btok agensem ol wok blong Lod; yes, sore tumas long hem we bae i ^dtanem baksaed long Kraes mo ol wok blong hem!

6 Yes, !^asore tumas long hem we bae i tanem baksaed long ol revelesen blong Lod, mo we bae i talem se Lod i nomo wok tru long revelesen, o tru long profesi, o tru long ol ^bpresen, o tru long ol fasin blong toktok long ol lanwis, o tru long ol fasin blong mekem ol sikman oli kam oraet, o tru long paoa blong Tabu Spirit!

7 !Yes, mo sore tumas long hem we bae i talem long dei ia, blong kasem ^asamting, se i ^bno save gat wan merikel we i hapen tru long Jisas Kraes; from hem we i mekem samting ia, bae i kam olsem ^dpikinini blong tudak, from God i no gat sore long hem, folem toktok blong Kraes!

8 Yes, mo yufala i no nid blong ^awesil eni moa, o ^btok agensem, o jikim Ol ^dJiu, o eni long smol haf blong laen blong Isrel we i stap laef yet; from luk, Lod i stap tingbaot kavenan blong hem wetem olgeta, mo bae hem i mekem long olgeta folem, ol samting we hem i bin promes long hem.

9 From hemia, yufala i no nid blong ting se yufala i save tanem raet han blong Lod i go long lef, blong hem i no save mekem jajmen blong mekem kavenan we hem i bin mekem wetem laen blong Isrel i hapen.