1 Lisin gud, O yufala Ol Jentael, mo harem ol toktok blong Jisas Kraes, Pikinini blong God we i stap laef, we hem i bin ^agivim komanmen long mi se mi mas talemaot long saed blong yufala, from, luk hem i givim komanmen long mi se mi mas raetemdaon, mo hem i talem:

2 “Tanem, evriwan long yufala Ol ^aJentael, tanem yufala aot long ol fasin nogud blong yufala; mo ^bsakem sin, sakem ol nogud wok blong yufala, ol giaman mo ol trik blong yufala, mo sakem ol fasin blong yufala blong slip olbaot, mo ol sikret rabis fasin blong yufala, mo ol fasin blong yufala blong wosipim aedol, mo ol fasin blong yufala blong kilim man i ded, mo ol giaman pris fasin blong yufala, mo ol tingting blong yufala blong wantem samting blong narafala man, mo ol fasin blong yufala blong rao, mo evri fasin nogud mo ol rabis sin blong yufala, mo kam long mi, mo kasem baptaes long nem blong mi, blong yufala i save kam klin aot long ol sin blong yufala, mo kam fulap wetem Tabu Spirit, blong oli save ^dkaontem yufala wetem ol pipol blong mi, we oli blong laen blong Isrel.”