Mokapo 5
Banefi koyambola mpe batiki masumu ma bango—Molomoni akomi mambi ma bato ba ye mpe asakoli liloba lya libela—Yisalaele ekosangana o kati uta o bopanzani bolai. Penepene na 22–26 ya Mobu mwa Mokonzi.
1 Mpe sikawa tala, ezalaki moto te o ntei ya bato banso ba Banefi oyo atiaki ntembe ata moke na maloba ma baprofeta basantu banso baye balobaki; mpo bayebaki ete esengelaki mpenza ezala ete masengeli kokokisama.
2 Mpe bayebaki ete esengeli elongobana ete Klisto ayaka, na ntina ya bilembo mingi biye bipesamaki, engebene na maloba ma baprofeta; mpe na ntina ya makambo masalemaki kala bayebaki ete esengelaki mpenza ete makambo mango manso makosalema engebene na maye malobamaki.
3 Yango wana batikaki masumu ma bango manso, mpe bonsomo bwa bango, mpe pite ya bango, mpe basalelaki Nzambe na etingia enso moi mpe butu.
4 Mpe sikawa esalemaki ete ekamataka bango bayongoli manso bato ba boloko, mpenza ete moko te aponiokaki oyo abomamaki te, babwakaki bato ba bango ba boloko o kati ya boloko, mpe basalaki liloba lya Nzambe liteyama epai ya bango; mpe mingi lokola koyambolaki masumu ma bango mpe bakotaki o kati ya boyokani boko ete bakoboma lisusu te, batiaki bango o lipanda.
5 Kasi mingi lokola bazalaki baye bakotaki te o kati ya boyokani boko, mpe baye bakobaki kozala na bobomi bona bwa nkuku o mitema mya bango, iyo, mingi lokola bamonoki kofulaka bokaneli na bandeko ba bango bakweyisamaki mpe batumbolamaki engebene na mobeko.
6 Mpe boye batiaki nsuka yoko na makelemba mana ma nkuna, ma nkuku, mpe ma nsomo na mango esalamaki nkuna nzike, mpe bobomi mingi boye.
7 Mpe boye mobu mwa tuku mibale na mibale elekaki, mpe mwa tuku mibale na misato lokola, mpe mwa tuku mibale na minei, mpe mwa tuku mibale na mitano, mpe boye mibu tuku mibale na mitano milekaka.
8 Mpe esalemaka makambo mingi, maye, o miso mya boko, makozala manene mpe ma bokamwi; nzokande, makoki te manso kokomama o buku eye; iyo, buku eye ekoki te kokwa kutu eteni yoko ya nkama ya nini esalemaki o ntei ya bato mingi boye o ntaka ya mibu tuku mibale na mitano;
9 Kasi tala, ezali makundoli maye makwi bitamboleli binso bya bato baye; mpe likunduli lyoko likuse kasi lya solo lipesamaki na Nefi.
10 Yango wana nasali likundoli ya ngai lya makambo maye engebene na likundoli lya Nefi, liye likomamaki likolo lya palaki iye ibiangemaki palaki ya Nefi.
11 Mpe tala, nasali likundoli likolo lya palaki iye nasali na maboko ma ngaimei.
12 Mpe tala, nabiangemi Molomoni, kobiangemaka nsima ya mboka ya Molomoni, mboka o yango Alama atiaki eklezia o ntei ya bato, iyo, eklezia ya yambo eye etiamaki o ntei ya bango nsima ya bobuki mobeko bwa bango.
13 Tala, nazali moyekoli wa Yesu Klisto, Mwana Mobali wa Nzambe. Nabiangemi na ye mpo ya kosakola liloba o ntei ya bato ba ye, ete bakoka kozala na bomoi bwa libela.
14 Mpe ekomaki elongobani ete ngai, engebene na bolingi bwa Nzambe, ete nsambo ya baye bakufaki, baye bazalaki basantu, ikokisama engebene na bondimi bwa bango, nasala likundoli lyoko lya makambo maye masalemi—
15 Iyo, likundoli lyoko like lya eye esalemi uta o ntango Lehi atikaki Yelusaleme, kutu kina o ntango ya lelo.
16 Yango wana nasali likundoli lya ngai uta o nsango iye ipesami na bango baye bazalaki yambo ya ngai, kina o ebandeli ya mokolo mwa ngai;
17 Mpe nde nasali likundoli lyoko lya makambo maye namoni na miso mya ngaimei.
18 Mpe nayebi ete likundoli liye nasali lizali likundoli lyoko liyengebene mpe lya solo; nzokande makambo mingi maye, engebene na lokota la biso, tokoki te kokoma.
19 Mpe sikawa natii nsuka yoko ya bolobi bwa ngai, boye bozali bwa ngaimei, mpe nabandi kopesa nsango ya makambo maye mazalaki ya ngai.
20 Nazali Molomoni, eboto moko ya peto ya Lehi. Nazali na ntina ya kopambola Nzambe wa ngai mpe Mobikisi wa ngai Yesu Klisto, ete amemeki batata ba biso libanda lya mboka ya Yelusaleme, (mpe moko te ayebaki yango longola se yemei mpe bango baye amemeki libanda lya mboka ena) mpe ete apesi ngai mpe bato ba ngai boyebi boike boye mpo ya lobiko la bozo bwa biso.
21 Iyo, apamboli ndako ya Yakobo, mpe ayokaki ngolu mpo ya nkona ya Yosefe.
22 Mpe mbala nzike lokola bana ba Lehi babateli mitindo mya ye, apamboli bango mpe apesi bango bomengo engebene na liloba lya ye.
23 Iyo, mpe solo akomeme lisusu montika moko mwa nkona ya Yosefe na boyebi bwa Nkolo Nzambe wa bango.
24 Mpe solo lokola Nkolo azali na bomoi, akosangisa uta o ntaka inei ya mabele montika monso mwa nkona ya Yosefe, baye bapalanganisami mosika likolo lya etando mobimba ya mabele.
25 Mpe lokola ayokani elongo na ndako mobimba ya Yakobo, kutu boye boyokani na bwango ayokani elongo na ndako ya Yakobo bokokokisama o ntango esengeli ya yemei, mpo ya bozongisi ndako mobimba ya Yakobo epai ya boyebi bwa boyokani boye ayokani elongo na bango.
26 Nde ekoyeba bango Mosikoli wa bango, oyo azali Yesu Klisto, Mwana Mobali wa Nzambe; mpe nde bakosangana o kati uta o ntaka inei ya mabele epai ya mboka ya bangomei, uta wapi bapanzanaki; iyo, lokola Nkolo azali na bomoi boye ekozala. Amene.