1 Oh met kedekedeo I alehdi kisin likou ehu sang rehn Amoron, nanmwarkio, me mahsanih ma se pahn mweidala sounpei me se kalowehdih kan re pahn mweidehng kiht kahnihmw en Andipara.

2 Ahpw I kadaralahng nanmwarkio kisin likou ehu, me kasalehiong me se kamehlele me nait sounpei kan kak kalowehdi kahnihmw en Andipara nan mahwin; oh ma se pahn mweidala sounpei selidi kan met e sohte wia mwekid marain, oh ihte ma se pahn mweidala ma se pahn kaweliali.

3 Oh Amoron kasohwe nei kisin likouo, pwe e sohte men kaweliali me selidi kan; eri se tepida kaunopada sen kohlahng kahnihmw en Andipara.

4 Ahpw aramas en Andipara tangasang nan kahnihmwo, oh kohla nan ekei arail kahnihmw kan, me re kolokolete, pwe re en kakehlakahla; oh met kahnihmw en Andipara lohdiengehr pahn aht manaman.

5 Oh met keimwsekala pahr rieisek waluh en mwehin sounkopwung kan.

6 Kedekedeo ni tepidahn pahr rieisek duwauo, se alehdi aht sawas akan, oh pil kapatahieng ekei nait sounpei, sang nan sahpw en Saraemla, oh sang nan sahpw akan me kapilpene, uwen tohtohn ohl meh wenekid, likin pwutak meh wenehk sang Mehn Amon kan me pil iang kohdo patehng riarail kan, nei kisin pwihn riekido. Oh met kilang, se kehlail, ei, oh tohto sawasapat oh aht dipwisou me wisikdohng kiht.

7 Kedekedeo se inangih sen mahweniong sounpei kan me sinsile kahnihmw en Kumenai.

8 Oh met kilang, I pahn kasalehionguhk me aht ineng wet pahn pweida; ei, sang nait sounpei kehlail, de ekei nait sounpei kehlail kan, se kapilkinirailpene nihpwong, nan kahnihmw en Kumenai, mwohnte arail pahn alehdi arail sawas akan.

9 Kedekedeo se ahpw kapilpene kahnihmwo oh pweidi erein pwohng kei; ahpw se kin meir nait kedilahs kan karanih kiht, oh mie nait soun silasil kan, kahrehda Mehn Leimen kan sohte kak kohdohng kiht nihpwong oh kemeikihtla, ahpw irail kin song pak tohto; ahpw pak tohto me re kin song wia ntahrail kin keredi.

10 Arail sawas akan ahpw lelledo, oh re aptehn pahn pidelong nan kahnihmwo nihpwohngo. Oh pwehki kaidehn kiht Mehn Leimen, se wia Mehn Nihpai kei; eri, se koliraildi oh kihsang arail sawas akan.

11 Oh mehndahte Mehn Leimen kan ar lipsangehr arail wasa akan ni mwohmw wet, re pil koasoanehdihte me re pahn kolokolete kahnihmwo; eri e konehng me se pahn ale arail mehn sawas ko oh kadarala nan Sudia, oh me se saliedi kan nan sahpw en Saraemla.

12 Kedekedeo e sohte pwandasang rahn kei mwohn Mehn Leimen kan tepida sohla koapworopworki me re kak alehdi ar sawas kan; eri irail mweidala kahnihmwo ong pahn aht manaman; oh met aht koasoandi en alehdi kahnihmw en Kumenai pweidahr.

13 Ahpw kedekedeo irail akan me se saliedi kan uwen arail pokon, mehndahte uwen tohtohn kiht, se kin itoitieng en doadoahngki nait sounpei kan en sinsile irail, de kemeirailla.

14 Pwe kilang, re kin song en tang ni ar pokon, oh re kin peiki takai kan, oh iangahki lepin tuhke, de soahng kan me re kin kak koledi nan pehrail kan, kahrehda se kemehla uwen tohtohn irail meh riekid mwurin arail mweidala re en wiahla aramas selidi sang nan mahwin.

15 Eri e konehng ong kiht, me se pahn kemeirailla, de sile irail, ni aht kolokol nait kedlahs, kohdihla nan sahpw en Saraemla; oh pil kanat mwonge de sawas kan sohte itar ong pein nait aramas akan, mehndahte aht kihsang kenen Mehn Leimen kan.

16 Oh met, nan irair kesempwal ko, e wiahla mehkot kesempwal sen koasonehdi duwen aramas me selidi kan nan mahwin; ahpw, se pilada me se pahn kadarirailla nan sahpw en Saraemla; eri se pilada ekei nait ohl akan, oh kihong irail pwukoa en wahdihla me selidi kan nan sahpw en Saraemla.

17 Ahpw kedekedeo mandahn rahno irail pwurehng pwurodo. Oh met kilang, se sohte kalelapak duwen me selidi ko; pwe kilang, Mehn Leimen kan kohkohdohng kiht, oh re pwurodo nan ahnsou mwau pwe re en sawas doareikiht sang pahn arail manaman. Pwe kilang, Amoron kadaralahng irail arail sawas oh pil pokon en ohl sounpei kei.

18 Kedekedeo ohl akan me se kadarala re en kahrehla me selidi ko pwurodo nan ahnsou mwahu en tehk irail, ni arail kereniong kaloweikihtdi.

19 Ahpw kilang, nei kisin pwihn riekid wenehko pei ni sohte masepwehk; ei, irail kehlail mwohn Mehn Leimen kan, oh kemehla koaros me pelian irail.

20 Oh ni luhwen nait sounpei kan ar kereniongehr pweiek sang mwohn Mehn Leimen kan, kilang, irail meh riekid wenehko tengedi oh sohte pweiek.

21 Ei, oh irail kapwaiada oh nantihong idawehn mahsen koaros ni pwung; ei, oh nin duwen arail pwoson e kin wiawihong irail; oh I kin tamatamante koasoi kan me irail kin ndaiong ie me arail nohno kan padahkihong irail.

22 Oh met kilang, iei nei pwutak pwukat, oh irail ohl oko me pilipilda pwe re en wahla me selidi ko, iei irail me kitail kapingkihong irail pweidahn mahwen lap wet; pwe iei irail me kemehda Mehn Leimen kan; kahrehda irail pweiekla wasa re kohsang ie nan kahnihmw en Mandai.

23 Oh se kalowehdi atail kahnihmw en Kumenai, oh pali laud sohte ohkihla kedlahs; ahpw, se lokolongki ohla laud.

24 Kedekedeo mwurin Mehn Leimen kan ar tang, I mwadangete ruwesehiong irail me nei ohl akan me ohla re en kihsang nan pwungen me mehla kan, oh kidimpene arail ohla kan.

25 Kedekedeo irail meh riepwuki, sang nan nei sounpei riekid wenehko, me lipwongmaskihla nta kerasang irail; ahpw, nin duwen kalahngan en Koht, oh me kapwuriamwei mehlel ong kitail, oh pil kaperen ong neitail sounpei kan koaros, pwehki sohte emen irail me mehla; ei, oh sohte emen nan pwungarail me sohte ohla.

26 Oh met, arail komourla udahn kapwuriamwei ong nait sounpei kan koaros, ei, pwehki irail kin mourla a kid en riatail kan me kin mehla. Oh se kamehlele me kapwuriamwei wet sang ni manaman en Koht, pwehki arail pwoson kowahlap dahme irail kaweidkihda re en kamehlele—me mie Koht pwung men, oh mehmen me sohte pahn peikasalki, me re pahn poadoandoarala sang ni sapwellime manaman kapwuriamwei.

27 Met iei pwoson me irail ahneki me I koasokosoia; irail pwulopwul, oh arail madamadau kehlail, oh re kin koapworopworiki Koht ahnsou koaros.

28 Oh met kedekedeo mwurin aht apwaliadahr nait ohl akan me ohla, oh sarepidier aht mehla kan oh pil ahn Mehn Leimen kan mehla kan, me tohto, kilang, se ahpw kalelapak rehn Kid duwen me selidi kan me irail wie kahkarehdila nan sahpw en Saraemla.

29 Eri Kid me wia kaun lapalap en pwihn en sounpei me pwukoahki sile irail kohdihla nan sahpwo.

30 Eri met, iet duwen dahme Kid ndaiong ie: Kilang, se tepida kahrehdila neitail aramas selidi kan nan sahpw en Saraemla. Kedekedeo se ahpw tuhwong lipoahrok en nait sounpei kan, me se kadarewei pwe re en tehk wasa Mehn Leimen kan mih ie.

31 Oh re ahpw werikihdohngkiht, ndinda—Kilang, nein Mehn Leimen sounpei kan karkarihs kohlahng kahnihmw en Kumenai; oh kilang, re pahn mahwiniong irail, ei, oh kamwomwala neitail aramas kan.

32 Kedekedeo aramas me se saliedi ko ahpw rongada arail weriweriki, me kahrehda arail loallapada; oh re ahpw peiong kiht.

33 Kedekedeo pwehki arail peiong kiht, se ahpw pelehkin iraildi nait kedlahs kan. Kedekedeo ni arail pwonte tangodong nait kedlahs kan, me kahrehda, pali laud en irail kamakamala; oh luwen irail pitila oh tangasang kiht.

34 Oh kilang, ahnsou me re tang oh se sohte kak koliraildi, se ahpw pwurodo ni kahnihmw en Kumenai; oh kilang, se lelledo ni ahnsou mwahu pwe sen kak sowese riat akan doarehla kahnihmw wet.

35 Oh kilang, kitail pwurehng poadoandoarala sang nan pehn atail imwintihtih kan. Oh meid pai mwaren atail Koht; pwe kilang iei ih me ketin doarei kitaila; ei, me ketin wiahiong kitailehr doadoahk lap wet.

36 Met kedekedeo ahnsou me ngehi, Ilemen, rongehr koasoi pwukat sang Kid, I direkihla peren kowahlap pwehki sapwellimen Koht kupwur kalahngan en doandoarei kiht, pwe kiht koaros en dehr mehla; ei, oh I koapworopworiki me ngenin irail akan koaros me mehla pwuralahng wasahn komoal rehn arail Koht.