Ikɔ Ntiense mme Ntiense Itiaita

Yak ofuri idut, iman, usem, ye owo, emi utom emi edisimde efiɔk: Ete ke Ekpri Joseph Smith, andikabare utom emi, owut nnyin mme usan emi etiŋde ikɔ ebaŋa, emi enyenede mbiet gold; ndien kpa nte ediwak ikɔŋ emi Smith emi etiŋde ebaŋa ama akabare nnyin imimum ye ubɔk nnyin; ndien nnyin nko ima ikut se ekemiŋde ke enye, kpukpru emi enyenede mbiet utom eset, ye utom emi etimde enam. Ndien emi ke nnyin itie ntiense ye mme ikɔ uteŋe, ite ke Smith emi etiŋde ebaŋa mi owut nnyin, koro nnyin imikut inyuŋ imum, inyuŋ ifiɔk ke akpanikɔ ite ke Smith emi etiŋde ebaŋa mi enyene mme usan emi nnyin itiŋde ibaŋa. Ndien nnyin inɔ ererimbot enyiŋ nnyin, man itie ntiense inɔ ererimbot ibaŋa se nnyin ikutde. Ndien nnyin isuhu-nsu, Abasi edi ntiense enɔ enye.