1 Mo nao, luk, mi wantem toktok lelebet long ^asmol haf blong ol pipol ia we oli stap laef yet, sapos i olsem se God i save givim long olgeta ol toktok blong mi, blong oli save gat save long saed blong ol samting blong ol papa blong olgeta; yes, mi toktok long yufala, yufala smol haf blong laen blong Isrel we i laef yet; mo hemia i ol toktok we mi stap talem:

2 “Yufala i save se yufala i blong ^alaen blong Isrel.

3 Yufala i save se yufala i mas kam blong sakem sin, o Kraes i no save sevem yufala.

4 Yufala i save se yufala i mas putumdaon ol tul blong faet blong yufala, mo nomo glad blong mekem blad i ron, mo no tekem olgeta bakegen, be nomo sapos God i givim oda long yufala.

5 Yufala i save se yufala i mas kam blong gat ^asave long saed blong ol papa blong yufala, mo sakem evri sin mo ol rabis fasin blong yufala, mo ^bbiliv long Jisas Kraes, se hem i Pikinini blong God, mo we Ol Jiu oli bin kilim hem i ded, mo tru long paoa blong Papa, hem i bin girap bakegen, tru long samting ia hem i bin ^dwin ova long gref; mo tu, tru long hem, hem i kavremap harem nogud blong ded.

6 Mo hem i mekem i hapen ^alaef bakegen long ded blong ol dedman, tru long samting ia, ol man oli mas girap blong stanap long fored blong ^bjea blong jajmen blong hem.

7 Mo hem i bin mekem i hapen, ^afasin blong pemaot wol, tru long samting ia hem we oli faenem se hem i ^bno gat rong long fored blong hem long dei blong jajmen, hem i bin givim long hem blong ^dstap long fes blong God long kingdom blong hem, blong singsing ol pres we i no gat en wetem ol ^ekwaea antap, i go long Papa, mo long Pikinini, mo long Tabu Spirit, we oli ^fwan God, long wan ples blong ^gglad we i no gat en.

8 From hemia, sakem sin, mo kasem baptaes long nem blong Jisas, mo tekem mo folem ^agospel blong Kraes, we bae i stap long fored blong yufala, i no long histri ia nomo, be tu long ^bhistri we bae i go long Ol Jentael we ^di kam long Ol Jiu, we histri ia bae i kam long Ol Jentael i go ^elong yufala.

9 From luk, mi mi raetem ^ahemia wetem tingting se bae yufala i save ^bbilivim ol narafala histri ia; mo sapos yufala i bilivim ol narafala histri ia, bae yufala i bilivim histri ia tu; mo sapos yufala i bilivim histri ia, bae yufala i save long saed blong ol papa blong yufala, mo tu, ol gudfala wok we oli bin hapen tru long paoa blong God long medel blong olgeta.

10 Mo tu, bae yufala i save se yufala i wan smol haf blong ol pikinini blong Jekob we i laef yet; from hemia, oli kaontem yufala wetem ol pipol blong fasfala kavenan; mo sapos i olsem se yufala i biliv long Kraes, mo i kasem baptaes, fastaem wetem wota, afta wetem faea mo wetem Tabu Spirit, mo stap folem ^aeksampol blong Sevya blong yumi, folem wanem we hem i bin givim oda long yumi, bae i gud wetem yufala long dei blong jajmen. Amen.”