Blong gat tras long wan samting o long wan. Olsem we oli yusum plante taem long ol skripja, fet hem i taem wan i putum ful tingting o i gat tras long Jisas Kraes we i lidim hem blong obei long Jisas Kraes. Fet, i mas stap long Jisas Kraes blong i lidim yumi long fasin blong sevem man. Ol Lata-dei Sent oli biliv tu long God we i Papa, Tabu Spirit, prishud paoa mo ol nara impoten pat blong gospel we i kambak.
Fet, hem i tu blong gat hop from ol samting we yumi no save luk, be oli tru (Hib 11:1 ; Alma 32:21 ; Ita 12:6 ). Fet i stap laet taem wan i harem gospel, mo ol wokman we God i sendem olgeta mo i givim raet long olgeta oli tijim hem (Rom 10:14â17 ). Ol merikel oli no mekem man i gat fet, be strong fet i kam antap tru long fasin blong stap obei long gospel blong Jisas Kraes. Long nara toktok, fet i kam tru long stret mo gud fasin (Alma 32:40â43 ; Ita 12:4, 6, 12 ; D&K 63:9â12 ).
Fet we i tru, i mekem ol merikel oli kam, i mekem man i luk visen, i gat ol drim, i gat hiling mo i mekem evri presen we God i givim i go long olgeta Sent blong Hem oli kam. Tru long fet, wan i kam klin aot long ol sin, mo long en, i save stap long ples we God i stap long hem. Taem wan i no gat fet, i lidim hem blong i no gat hop, mo hemia i kam from rabis fasin (Moro 10:22 ).
Bilif blong yu i mekem yu kam gud bakegen, Mat 9:22 (Mak 5:34 ; Luk 7:50 ).
Bae yu kasem samting i folem bilif blong yu, Mat 9:29 .
Sapos yu gat bilif we i bigwan olsem wan sid blong nambangga, bae i no gat wan samting we bae i no posibol blong yu mekem, Mat 17:20 (Luk 17:6 ).
Be mi mi prea finis from yu, blong bilif blong yu bambae i no save foldaon, Luk 22:32 .
From we mifala i bilif long Jisas, leg blong man ya i kam gud, Wok 3:16 .
Fet i kam taem wan i harem toktok blong God, Rom 10:17 .
Sapos hem i no laef bakegen, hem i min se mifala i stap talemaot gud nius ya be blong nating nomo, yufala i stap bilif be blong nating nomo, 1Â Kor 15:14 .
Bilif i wok tru long lav, Gal 5:6 .
Tru long gladhat blong Hem Lod i sevem yufala tru long bilif blong yufala, Efes 2:8 (2Â Nif 25:23 ).
Werem sil blong fet, Efes 6:16 (D&K 27:17 ).
Mi finisim resis blong mi, mo mi stap holem strong yet fasin blong bilif, 2Â Tim 4:7 .
Bilif, hem i ol samting we yumi putum tingting blong yumi long hem we yumi hop from, Hib 11:1 .
Sapos man i no bilif long God, hem i no save mekem God i glad, Hib 11:6 .
Sapos bilif blong man i stanap hemwan we i no gat ol gudfala wok i go wetem, bilif blong hem i ded nomo, Jem 2:17â18, 22 .
Bae mi go mo mekem ol samting we Lod i bin talem, 1Â Nif 3:7 .
Lod i save mekem evri samting long ol pikinini blong ol man, sapos oli praktisim fet long hem, 1Â Nif 7:12 .
Tufala samting olsem nidel long Liahona i wok folem fet blong olgeta, 1Â Nif 16:28 .
Sakem sin, mo kasem baptaes long nem blong hem, wetem stret fet long Tabu Wan, 2Â Nif 9:23 .
Kraes i mekem ol bigfala merikel long medel blong ol pikinini blong ol man folem fet blong olgeta, 2Â Nif 26:13 (Ita 12:12 ; Moro 7:27â29, 34â38 ).
Lod i fogivim ol sin blong Inos from bilif blong hem long Kraes, Inos 1:3â8 .
Fasin blong sevem man i no kam long eniwan olsem, be tru long fasin blong sakem sin mo fet long Lod Jisas Kraes, Mos 3:12 .
Hat blong yufala i bin jenis tru long fet we yufala i gat long nem blong hem, Mos 5:7 .
Ol prea blong ol wokman blong God i save gat ansa folem fet blong olgeta, Mos 27:14 .
Givim paoa long mitufala folem fet blong mitufala we i stap long Kraes, Alma 14:26 .
Prea long nem blong God wetem fet, Alma 22:16 .
Fet i no blong gat wan stret save long ol samting, Alma 32:21 (Ita 12:6 ).
Taem we i stat blong solap long wei ia, givim gudfala kaekae long hem wetem fet blong yufala, Alma 33:23 (Alma 32:28 ).
Fasin ia we oli laef i stap i from merikel paoa blong God, from bigfala bilif blong olgeta, Alma 57:25â27 .
Olgeta we bae oli lukluk long Pikinini blong God wetem fet bae oli laef, Hil 8:15 .
Mi luk se fet blong yufala i inaf blong mi mas mekem yufala i oraet, 3Â Nif 17:8 .
Fet i ol samting we yumi hop from mo yumi no luk olgeta, Ita 12:6 .
Olgeta evriwan we oli bin mekem ol merikel oli bin hapen, oli bin mekem tru long fet, Ita 12:12â18 .
Sapos oli gat fet long mi, ol samting we oli no strong long olgeta, bae mi mekem olgeta oli kam strong long olgeta, Ita 12:27â28, 37 .
Momon i bin tij abaot fet, hop mo jareti, Moro 7 .
Eni samting we bae yufala i askem Papa God long nem blong mi, we i gud, long fet we yufala i biliv se bae yufala i kasem, luk, bae Papa i mekem long yufala, Moro 7:26 .
Olgeta we oli gat fet long Kraes bae oli hang long evri gudfala samting, Moro 7:28 .
Sapos bae yufala i askem, wetem fet long Kraes, bae hem i soemaot trutok blong ol samting ia long yufala, Moro 10:4 .
Sapos yu no gat fet, yu no save mekem wan samting, D&K 8:10 .
Bambae oli kasem folem wanem oli bin askem wetem fet long prea blong olgeta, D&K 10:47, 52 .
Evri man i mas stanap strong wetem fet long nem blong hem kasem en, D&K 20:25, 29 .
Bae mi givim Spirit long yufala tru long prea blong fet, D&K 42:14 .
Fet i no kam tru long ol saen, be ol saen oli stap folem olgeta we oli biliv, D&K 63:9â12 .
Ol papa mo mama oli mas tijim ol pikinini blong olgeta blong gat bilif long Kraes, D&K 68:25 .
Lukaotem blong lanem samting, tru long stadi, mo tu, tru long fet, D&K 88:118 .