1 Te huru nō tā te mau pipi, ’o tei pi’ihia ’ei mau peresibutero nō te ’ēkālesia, fa’atōro’ara’a i te mau tahu’a ’e te mau ’orometua—

2 I muri iho i tō rātou purera’a atu i te Metua nā roto i te i’oa o te Mesia, ’ua tu’u atu ra rātou i tō rātou rima i ni’a iho i te mau ta’ata, ’e ’ua nā ’ō atu ra :

3 Nā roto i te i’oa o Iesu Mesia tē fa’atōro’a nei au ia ’oe ’ei tahu’a, (’e mai te mea e ha’api’i ’oia, tē fa’atōro’a nei au ia ’oe ’ei ha’api’i) nō te a’o atu i te parau nō te tātarahapa ’e te ha’amatarara’a i te mau hara nā roto ia Iesu Mesia, nā roto i te fa’aro’o tāmau i tōna ra i’oa ē tae noa atu i te hope’a ra. ’Āmene.

4 ’E ’ua nā reira rātou i te fa’atōro’a i te mau ta’ata ’ei mau tahu’a ’e ’ei mau hapi’i, mai te au i te mau hōro’a ’e te mau pi’ira’a a te Atua nō te ta’ata nei ; ’e ’ua fa’atōro’a rātou ia rātou nā roto i te mana o te Vārua Maita’i, i roto ia rātou ra.