Alama

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

Alama

Pene 1
Tē ha’api’i ra Nehora i te mau ha’api’ira’a hape, tē fa’ati’a ra i te hō’ē ’ēkālesia, tē ha’api’i ra i te mau ’ohipa ha’avare a te mau tahu’a, ’e ’ua taparahi ia Gideona—’Ua ha’apohehia Nehora nō tāna mau hara—’Ua parare te mau ’ohipa ha’avare a te mau tahu’a ’e te mau hāmani-’ino-ra’a i rotopū i te mau ta’ata—’Ua pāturu te mau tahu’a ia rātou iho, ’ua tauturu te mau ta’ata i te feiā veve, ’e ’ua tupu rahi te ’Ēkālesia. Fātata 91–88 H.M.
Pene 2
’Ua tītau ’Amaliki ’ia riro ’ei ari’i ’e ’ua pāto’ihia te reira e te reo o te mau ta’ata—’Ua fa’arirohia ’oia ’ei ari’i ’e te mau ta’ata i pe’e atu iāna—’Ua fa’atupu te mau ’āti ’Amaliki i te ’arora’a i te mau ’āti Nephi ’e ’ua pau rātou—’Ua ’āmui tāhō’ē te mau ’āti Lamana ’e te mau ’āti ’Amaliki i tō rātou mau nu’u fa’ehau ’e ’ua pau rātou—’Ua taparahi ha’apohe Alama ia ’Amaliki. Fātata 87 H.M.
Pene 3
’Ua tāpa’o te mau ’āti ’Amaliki ia rātou iho mai te au i te parau tohu—’Ua ’anatemahia te mau ’āti Lamana nō tō rātou ’ōrurehau—’Ua fa’atae mai te ta’ata i te mau ’anatemara’a i ni’a ia rātou iho—’Ua ha’apau te mau ’āti Nephi i te tahi atu nu’u fa’ehau ’āti Lamana. Fātata 87–86 H.M.
Pene 4
’Ua bāpetizo Alama e rave rahi tauatini melo fa’afāriuhia—’Ua ō mai te mau ’ohipa ’ī’ino i roto i te ’Ēkālesia, ’e ’ua tāfifihia te tupura’a o te ’Ēkālesia—’Ua fa’ata’ahia Nephiha ’ei ha’avā rahi—E tahu’a rahi Alama, ’e ’ua hōro’a ’oia i tōna iho taime nō te tāvini. Fātata 86–83 H.M.
Pene 5
Nō te fāri’i i te fa’aorara’a, e mea ti’a roa i te mau ta’ata ’ia tātarahapa ’e ’ia ha’apa’o i te mau fa’auera’a, ’ia fānau-fa’ahou-hia, ’ia tāmā i tō rātou mau ’ahu nā roto i te toto o te Mesia, ’ia fa’aha’eha’a ’e ’ia fa’a’ore i te te’ote’o ’e te fe’i’i, ’e ’ia rave i te mau ’ohipa parauti’a—Tē pi’i mai ra te Tīa’i māmoe maita’i i tōna mau ta’ata—’O rātou ’o tē rave i te mau ’ohipa ’ino e mau tamari’i ïa rātou nā te diabolo—Tē fa’a’ite pāpū ra Alama i te parau mau nō tāna mau ha’api’ira’a tumu ’e tē fa’aue mai ra ’oia i te mau ta’ata ’ia tātarahapa—E pāpa’ihia te i’oa o te feiā parauti’a i roto i te buka nō te ora. Fātata 83 H.M.
Pene 6
’Ua tāmāhia ’e ’ua fa’anahonaho-maita’i-hia te ’Ēkālesia i Zarahemela—’Ua haere atu Alama i Gideona nō te a’o atu. Fātata 83 H.M.
Pene 7
E fānauhia mai Iesu e Maria—E ha’amatara ’oia i te mau tā’amu nō te pohe ’e e amo ’oia i te mau hara a tōna mau ta’ata—’O rātou ’o tē tātarahapa, ’e ’o tē bāpetizohia, ’e ’o tē ha’apa’o i te mau fa’auera’a e fāri’i ïa rātou i te ora mure ’ore—E’ita te mau ’ohipa vi’ivi’i e fāri’i i te bāsileia o te Atua—E mea tītauhia te ha’eha’a, te fa’aro’o, te ti’aturi, ’e te here. Fātata 83 H.M.
Pene 8
’Ua a’o ’e ’ua bāpetizo Alama i Meleke—’Ua pāto’ihia ’oia i Amoniha ’e ’ua haere ’ē atu ’oia—’Ua fa’aue mai te hō’ē melahi iāna ’ia ho’i atu ’e ’ia a’o atu i te parau nō te tātarahapa i te mau ta’ata—’Ua fāri’ihia mai ’oia e Amuleka, ’e ’ua haere atu rāua e a’o haere i Amoniha. Fātata 82 H.M.
Pene 9
’Ua fa’aue atu Alama i te mau ta’ata o Amoniha ’ia tātarahapa—E aroha mai te Fatu i te mau ’āti Lamana i te mau mahana hope’a—Mai te mea e fa’aru’e te mau ’āti Nephi i te māramarama, e ha’amouhia rātou e te mau ’āti Lamana—E tae vave mai te Tamaiti a te Atua—E fa’aora ’oia i te feiā ’o tē tātarahapa, ’o tē bāpetizohia, ’e ’o tē ti’aturi noa i tōna i’oa. Fātata 82 H.M.
Pene 10
E hua’ai Lehi nō Manase—’Ua fa’a’ite mai Amuleka i te fa’auera’a a te melahi ’ia poihere ’oia ia Alama—Nā te mau pure a te feiā parauti’a i fa’aora i te mau ta’ata—Nā roto i te mau pāruru ture parauti’a ’ore ’e te mau ha’avā parauti’a ’ore i tupu ai te ha’amoura’a o te mau ta’ata. Fātata 82 H.M.
Pene 11
Te fa’ata’ara’a i te huru nō te moni ’āti Nephi—’Ua mar’ō Amuleka ia Zeezeroma—E’ita te Mesia e fa’aora i te mau ta’ata i roto i tā rātou mau hara—’O rātou ana’e ’o tē fāri’i i te bāsileia o te ao ra te fa’aorahia—E fāri’i te mau ta’ata ato’a i te tino tāhuti ’ore—’Aita e pohe i muri iho i te Ti’afa’ahoura’a. Fātata 82 H.M.
Pene 12
’Ua paraparau Alama ia Zeezeroma—E hōro’ahia mai te mau parau ’aro a te Atua i te feiā ha’apa’o maita’i ana’e—E ha’avāhia te ta’ata nei nā roto i tō rātou mau ferurira’a, tō rātou mau ti’aturira’a, tā rātou mau parau, ’e tā rātou mau ’ohipa—E fāri’i te feiā parauti’a ’ore i te pohe pae vārua—’Ua riro teie orara’a tāhuti nei ’ei vāhi tāmatara’a—Nā te ’ōpuara’a nō te fa’aorara’a e fa’atae mai i te Ti’afa’ahoura’a, ’e nā roto i te fa’aro’o e tae mai ai te ha’amatarara’a nō te mau hara—E ti’a i te feiā tātarahapa ’ia fāri’i i te aroha nā roto i te Tamaiti fāna tahi. Fātata 82 H.M.
Pene 13
’Ua pi’ihia te mau tāne ’ei mau tahu’a rahi nō tō rātou fa’aro’o rahi ’e tā rātou mau ’ohipa maita’i—’Ua tītauhia rātou ’ia ha’api’i i te mau fa’auera’a—Nā roto i te parauti’a e ha’amo’ahia rātou ’e e tomo atu rātou i roto i te fa’aeara’a o te Fatu—’O Melehizedeka te hō’ē o rātou—Tē fa’a’ite haere ra te mau melahi i te mau parau nō te ’oa’oa nā roto i te mau fenua ē ’ati noa a’e—E parau mai rātou nō te taera’a mai te Mesia. Fātata 82 H.M.
Pene 14
’Ua hurihia Alama ’e Amuleka i roto i te fare tāpe’ara’a ’e ’ua tā’irihia rāua—’Ua tūtu’ihia te feiā fa’aro’o ’e tā rātou mau pāpa’ira’a mo’a i te auahi—’Ua fāri’ihia teie feiā i taparahi-ha’apohe-hia e te Fatu i roto i tōna hanahana—’Ua vāvāhihia te mau papa’i o te fare tāpe’ara’a ’e ’ua topa i raro—’Ua fa’aorahia Alama ’e Amuleka, ’e ’ua taparahihia te feiā i hāmani ’ino ia rāua. Fātata 82–81 H.M.
Pene 15
’Ua haere Alama rāua ’o Amuleka i Sidoma ’e ’ua fa’ati’a rāua i te hō’ē ’Ēkālesia—’Ua fa’aora ’o Alama ia Zeezeroma, ’o tei tomo mai i roto i te ’Ēkālesia—E rave rahi tei bāpetizohia, ’e ’ua manuia te ’Ēkālesia—’Ua haere atu Alama rāua ’o Amuleka i Zarahemela. Fātata 81 H.M.
Pene 16
’Ua ha’amou te mau ’āti Nephi i te mau ta’ata o Amoniha—’Ua arata’i Zorama i te mau ’āti Nephi ’e ’ua upo’oti’a rātou i ni’a a’e i te ’āti Lamana—’Ua a’o haere Alama rāua ’o Amuleka ’e te mau ta’ata e rave rahi i te parau—’Ua ha’api’i rātou ē i muri iho i tō te Mesia ti’afa’ahoura’a e fā mai ’oia i te mau ’āti Nephi. Fātata 81–77 H.M.
Pene 17
’Ua fāri’i te mau tamari’i tamāroa a Mosia i te vārua nō te tohu ’e te heheura’a—’Ua haere rātou i tō rātou mau haere’a ta’a ’ē nō te a’o atu i te parau i te mau ’āti Lamana—’Ua haere atu Amona i te fenua nō Isema’ela ’e ’ua riro ’oia ’ei tāvini nō te ari’i Lamoni—’Ua fa’aora Amona i te mau nana māmoe a te ari’i ’e ’ua taparahi i tōna mau ’enemi i te pae pape nō Sebusa. ’Īrava 1–3, fātata 77 H.M. ; ’īrava 4, fātata 91–77 H.M. ; ’īrava 5–39, fātata 91 H.M.
Pene 18
’Ua mana’o te ari’i Lamoni ē ’o Amona ’o te hō’ē ïa Vārua Rahi—’Ua ha’api’i Amona i te ari’i nō ni’a i te Hāmanira’ahia o te ao nei, te mau ’ohipa a te Atua i rotopū i te ta’ata nei, ’e te fa’aorara’a ’o tē tae mai nā roto i te Mesia—’Ua ti’aturi Lamoni ē ’ua ma’iri ’oia i raro i te repo mai te mea ra ē ’ua pohe ’oia. Fātata e 90 H.M.
Pene 19
’Ua fāri’i Lamoni i te māramarama nō te ora mure ’ore ’e ’ua ’ite ’oia i te Tāra’ehara—’Ua vare’a tōna ’utuāfare pā’āto’a i te ta’oto mai te mea ra ē, ’ua pohe rātou, ’e ’ua ’ite atu e rave rahi i te mau melahi nā roto i te ’ōrama—’Ua fa’aorahia ’o Amona nā roto i te semeio—’Ua bāpetizo ’oia e rave rahi ta’ata ’e ’ua fa’ati’a ’oia i te ’ēkālesia i rotopū ia rātou. Fātata 90 H.M.
Pene 20
’Ua tono atu te Fatu ia Amona i Midoni nō te fa’aora i tōna mau taea’e i tāpe’ahia i roto i te fare tāpe’ara’a—’Ua fārerei atu Amona ’e Lamoni i te metua tāne o Lamoni, ’o ’oia ho’i te ari’i i ni’a i te fenua tā’āto’a—’Ua fa’ahepo Amona i te ari’i ruhiruhiā ’ia hōro’a i te parau fa’ati’a nō te tātara mai i tōna mau taea’e. Fātata e 90 H.M.
Pene 21
Tē ha’api’i ra Aarona i te mau ’ati Amaleka nō ni’a i te Mesia e Tāna Tāra’ehara—’Ua hurihia Aarona ’e tōna mau taea’e i roto i te fare tāpe’ara’a i Midoni—I muri iho i tō rātou fa’aorara’ahia mai, ’ua ha’api’i atu rātou i roto i te mau sunago ’e ’ua fa’afāriu rātou e rave rahi ta’ata—’Ua hōro’a Lamoni i te ti’amāra’a nō te pae fa’aro’o i te mau ta’ata i te fenua ra nō Isema’ela. Fātata e 90–77 H.M.
Pene 22
Tē ha’api’i ra Aarona i te metua tāne o Lamoni nō ni’a i te Hāmanira’a o te Ao nei, te Hi’ara’a o Adamu, ’e te ’ōpuara’a nō te fa’aorara’a nā roto i te Mesia—’Ua fa’afāriuhia te ari’i e tōna ’utuāfare pā’āto’a—Te ha’amāramaramahia nei te vahira’ahia o te fenua i rotopū i te mau ’āti Nephi ’e te mau ’āti Lamana. Fātata e 90–77 H.M.
Pene 23
’Ua ha’apararehia te parau nō te ti’amāra’a pae fa’aro’o—’Ua fa’afāriuhia te mau ’āti Lamana i roto i te mau fenua ’e te mau ’oire e hitu—’Ua pi’i rātou ia rātou iho e mau Aneti-Nephi-Lehi ’e ’ua ti’amā rātou i te ’anatemara’a—’Ua pāto’i te mau ’āti Amaleka ’e te mau ’āti Amulona i te parau mau. Fātata e 90–77 H.M.
Pene 24
’Ua haere mai te mau ’āti Lamana e ’aro i te mau ta’ata o te Atua—’Ua ’oa’oa te mau Aneti-Nephi-Lehi i roto i te Mesia ’e ’ua fārereihia rātou e te mau melahi—’Ua mā’iti rātou ’ia tāota i te pohe i te ’aro atu nō te pāruru ia rātou iho—’Ua rahi roa atu te mau ’āti Lamana i fa’afāriuhia mai. Fātata e 90–77 H.M.
Pene 25
’Ua parare te mau hāmani-’ino-ra’a a te mau ’āti Lamana—’Ua mou te hua’ai o te mau tahu’a o Noa mai tei tohuhia e Abinadi—E rave rahi mau ’āti Lamana i fa’afāriuhia ’e ’ua ’āmui atu rātou i te mau ta’ata nō Aneti-Nephi-Lehi—’Ua ti’aturi rātou i te Mesia ’e ’ua ha’apa’o i te ture a Mose. Fātata 90–77 H.M.
Pene 26
Tē ’oa’oa nei Amona i te Fatu—’Ua ha’apūaihia te feiā ha’apa’o maita’i e te Fatu ’e ’ua fāri’i rātou i te ’ite—Nā roto i te fa’aro’o e ti’a ai i te mau ta’ata ’ia ’āfa’i mai i te mau ta’ata e rave rahi tauatini i te tātarahapa—Tei te Atua ra te tā’āto’ara’a nō te mana ’e ’ua ’ite ’oia i te mau mea ato’a. Fātata e 90–77 H.M.
Pene 27
’Ua fa’aue te Fatu ia Amona ’ia arata’i i te mau ta’ata o Aneti-Nephi-Lehi i te vāhi pe’ape’a ’ore—I tō Amona fārereira’a ia Alama, ’ua hau roa atu tōna ’oa’oa i tōna pūai—’Ua hōro’a te mau ’āti Nephi i te fenua ra nō Ieresona i te mau ta’ata nō Aneti-Nephi-Lehi—’Ua pi’ihia rātou te mau ta’ata nō Amona. Fātata 90–77 H.M.
Pene 28
’Ua pau te mau ’āti Lamana i roto i te hō’ē ’arora’a rahi—’Ua ’ahuru ti’ahapa tauatini tei taparahihia—E tu’uhia te feiā parauti’a ’ore i te vāhi nō te ’oto hope ’ore ; ’e e fāri’i te feiā parauti’a i te ’oa’oa hope ’ore. Fātata 77–76 H.M.
Pene 29
’Ua hina’aro Alama ’ia a’o atu i te parau nō te tātarahapa ma te itoito o te melahi—’Ua fa’ati’a mai te Fatu i te mau ’orometua nō te mau nūna’a ato’a—’Ua fa’ahanahana Alama i te ’ohipa a te Fatu ’e te manuia o Amona ’e tōna mau taea’e. Fātata 76 H.M.
Pene 30
’Ua fa’a’ino Korihora, te aneti-Mesia, i te Mesia, i te Tāra’ehara, ’e i te vārua nō te tohu—Tē ha’api’i ra ’oia ē ’aita e Atua, ’aita tō te ta’ata e hi’ara’a, ’aita e utu’a tō te hara, ’e ’aita e Mesia—Tē fa’a’ite pāpū ra Alama e haere mai te Mesia ’e tē fa’a’ite pāpū nei te mau mea ato’a ē tē vai nei te Atua—’Ua tītau Korihora nō te hō’ē tāpa’o ’e ’ua ha’avāvahia ’oia—’Ua fā mai te diabolo ia Korihora mai te hō’ē melahi te huru ’e ’ua ha’api’i iāna i te mau mea e parau—’Ua ta’ata’ahihia ’o Korihora ’e ’ua pohe. Fātata 76–74 H.M.
Pene 31
’Ua haere atu Alama nō te hō’ē misiōni ’ia fa’afāriu mai i te mau ’āti Zorama i tāiva na—’Ua huna te mau ’āti Zorama i te Mesia, ’ua ti’aturi rātou i te ha’api’ira’a hape nō ni’a i te mā’itira’ahia, ’e ’ua ha’amori rātou ma te fa’a’ohipa i te mau pure ana’e iho i fa’ata’ahia—’ua ’ī te mau misiōnare i te Vārua Mo’a—’Ua horomi’ihia tō rātou mau ’ati nā roto i te ’oa’oa o te Mesia. Fātata 74 H.M.
Pene 32
’Ua ha’api’i Alama i te feiā veve ’o tei fa’aha’eha’ahia nā roto i tō rātou mau ’ati—Te fa’aro’o ’o te ti’aturi ïa i te mea ’aore i ’ite-mata-hia, ’o tei riro rā ’ei parau mau—’Ua fa’a’ite pāpū Alama ē, e rave te mau melahi i te ’ohipa i rotopū i te mau tāne, i te mau vahine, ’e i te mau tamari’i—’Ua fa’aau Alama i te parau mai te huero te huru—E mea ti’a roa i te reira ’ia tanuhia ’e ’ia ’atu’atuhia—E tupu mai te reira i muri iho ’ei tumu rā’au, ’e nō ni’a mai ho’i i te reira e fa’ifa’ihia mai ai te hotu nō te ora mure ’ore. Fātata 74 H.M.
Pene 33
’Ua ha’api’i Zenosa e mea ti’a i te mau ta’ata ’ia pure ’e ’ia ha’amori i te mau vāhi ato’a, ’e ’ua fa’afāriu-’ē-hia atu te mau ha’avāra’a nā roto i te Tamaiti—’Ua ha’api’i Zenoke e fa’ataehia mai te aroha nā roto i te Tamaiti—’Ua fa’ateitei Mose i roto i te mēdēbara i te hō’ē taipe nō te Tamaiti a te Atua. Fātata 74 H.M.
Pene 34
’Ua fa’a’ite pāpū Amuleka ē tei roto te parau i te Mesia e tae atu ai i te ora—’Āhiri ē ’aita e tāra’ehara, e mou te mau ta’ata ato’a—Tē fa’a’ite nei te tā’āto’ara’a nō te ture a Mose i te huru nō te tusia a te Tamaiti a te Atua—’Ua fa’atumuhia te ’ōpuara’a mure ’ore nō te fa’aorara’a i ni’a i te fa’aro’o ’e te tātarahapa—’A pure nō ni’a i te mau ha’amaita’ira’a pae tino ’e pae vārua—Teie nei orara’a ’o te taime ïa nō te fa’aineine i te ta’ata ’ia fārerei i te Atua—’A rave māite i te ’ohipa nō tō ’outou fa’aorara’a ma te mata’u i mua i te Atua. Fātata 74 H.M.
Pene 35
Nā roto i te porora’ahia te parau i ha’amou i te ’ohipa ha’avare a te mau ’āti Zorama—’Ua ti’avaru rātou i te feiā fa’afāriuhia, ’o tei ’āmui atu i te mau ta’ata o Amona i Ieresona—’Ua ’oto Alama nō te mau ’ohipa ’ī’ino a te mau ta’ata. Fātata 74 H.M.
Pene 36
’Ua fa’a’ite pāpū atu Alama ia Helamana nō ni’a i tōna fa’afāriura’ahia i muri iho i tōna ’itera’a atu i te melahi—’Ua fāri’i ’oia i te māuiui nō te hō’ē vārua i fa’ahapahia ; ’ua ti’aoro atu ’oia i te i’oa o Iesu, ’e i muri iho ’ua fānauhia i te Atua ra—’ua ’ī roa tōna vārua i te ’oa’oa mau—’Ua ’ite atu ’oia i te mau melahi e rave rahi i te ’āruera’a i te Atua—E rave rahi feiā fa’afāriuhia tei tāmata ’e tei ’ite mai tāna i tāmata ’e i ’ite. Fātata 74 H.M.
Pene 37
’Ua fa’ahereherehia te mau ’api veo ’e te tahi atu mau pāpa’ira’a mo’a nō te ’āfa’i mai i te mau ta’ata i te fa’aorara’a—’Ua ha’amouhia te mau ’āti Iareda nō tā rātou mau ’ohipa ’ī’ino—E mea ti’a roa ’ia ’ore ’ia fa’a’itehia tā rātou mau tapura’a huna ’e tā rātou mau fafaura’a huna i te mau ta’ata—’A paraparau atu i te Fatu i roto i te mau mea ato’a tā ’outou e rave ra—Mai tā te Liahona i arata’i i te mau ’āti Nephi, e nā reira ato’a te parau a te Mesia i te arata’i i te ta’ata i te ora mure ’ore. Fātata 74 H.M.
Pene 38
’Ua hāmani-’ino-hia Sibelona nō tōna huru parauti’a—Tei roto i te Mesia te fa’aorara’a, ’e ’o ’oia te ora ’e te māramarama o te ao nei—’A fa’atītī’aifaro i tō ’oe mau hina’aro pae tino ato’a. Fātata 74 H.M.
Pene 39
’Ua riro te hara pae mōrare ’ei mea ’ino roa—Nā roto i te mau hara a Korianetona ’aita roa te mau ’āti Zorama i hina’aro ’ia fāri’i i te parau—Nā roto i te rāve’a fa’aorara’a a te Mesia e ti’a i te feiā ha’apa’o maita’i i pohe nā mua atu iāna ’ia fa’aorahia. Fātata 74 H.M.
Pene 40
E fa’atupu te Mesia i te ti’afa’ahoura’a o te mau ta’ata ato’a—E haere te feiā pohe parauti’a i te pāradaiso, ’e te feiā parauti’a ’ore i te vāhi pōiri ta’ota’o, ’e i reira rātou e tīa’i noa ai i te mahana nō tō rātou ti’afa’ahoura’a—E fa’aho’ihia te mau mea ato’a i tō rātou iho huru mau ’ia tae i te Ti’afa’ahoura’a. Fātata 74 H.M.
Pene 41
’Ia tae i te Ti’afa’ahoura’a, e ti’a mai te mau ta’ata ato’a ma te fāri’i i te ’oa’oa hope ’ore ’e ’aore rā i te mamae hope ’ore—E ’ere roa te mea ’ino i te mea ’oa’oa—’Aita tō te feiā hina’aro pae tino e Atua i pīha’i iho ia rātou i roto i te ao nei—E fāri’i fa’ahou te mau ta’ata ato’a i roto i te Fa’aho’ira’a mai, i te mau huru ’e te mau peu maita’i ’o tāna i fāri’i i roto i te tāhuti nei. Fātata 74 H.M.
Pene 42
’Ua riro te orara’a tāhuti nei ’ei taime tāmatara’a ’ia ti’a i te ta’ata ’ia tātarahapa ’e ’ia tāvini i te Atua—Nā te Hi’ara’a i fa’atae mai i te pohe pae tino ’e te pohe pae vārua i ni’a iho i te mau ta’ata ato’a—E tae mai te fa’aorara’a nā roto i te tātarahapara’a—’Ua riro te Atua iho ’ei tāra’ehara nō te mau hara a tō te ao nei—Nō te feiā i tātarahapa te aroha—’E te toe’a ra tei raro a’e ïa i te parauti’a a te Atua—’Ua tae mai te aroha nā roto i te Tāra’ehara—’O te feiā ana’e ’o tei tātarahapa mau tē fa’aorahia. Fātata 74 H.M.
Pene 43
’Ua a’o atu Alama ’e tāna mau tamari’i tamāroa i te parau—’Ua riro te mau ’āti Zorama ’e te mau ta’ata ’āti Nephi tāiva ’ei mau ’āti Lamana—’Ua haere mai te mau ’āti Lamana e ’aro i te mau ’āti Nephi—’Ua fa’a’ahu Moroni i te mau ’āti Nephi i te mau ’ahu pāruru tama’i—’Ua heheu mai te Fatu ia Alama i te mau ’ōpuara’a nō te tama’i a te mau ’āti Lamana—’Ua pāruru atu te mau ’āti Nephi i tō rātou mau fare, tō rātou ti’amāra’a, tō rātou mau ’utuāfare, ’e tā rātou ha’apa’ora’a—’Ua ha’a’ati atu te mau nu’u fa’ehau o Moroni ’e tō Lehi i te mau ’āti Lamana. Fātata 74 H.M.
Pene 44
’Ua fa’aue atu Moroni i te mau ’āti Lamana ’ia fa’aoti i te hō’ē fafaura’a ’ia vai te hau, ’e mai te mea ē ’aita e ha’amouhia rātou—’Ua pāto’i Zerahemana i taua anira’a ra, ’e ’ua ha’amata fa’ahou te ’arora’a—’Ua upo’oti’a te mau nu’u fa’ehau o Moroni i ni’a a’e i te mau ’āti Lamana. Fātata 74–73 H.M.
Pene 45
’Ua ti’aturi Helamana i te mau parau a Alama—’Ua tohu Alama nō ni’a i te ha’amoura’a o te mau ’āti Nephi—’Ua ha’amaita’i ’e ’ua ’anatema ’oia i te fenua—’Ua rave-’ē-hia atu paha Alama e te Vārua mai ia Mose te huru—’Ua tupu rahi te ’āmahamahara’a i roto i te ’Ēkālesia. Fātata 73 H.M.
Pene 46
’Ua fa’atupu ’Amalikia i te hō’ē ’ōpuara’a ’ino ’ia riro ’ei ari’i—’Ua huti Moroni i te reva nō te ti’amāra’a i ni’a—’Ua fa’aitoito ’oia i te mau ta’ata ’ia pāruru i tā rātou ha’apa’ora’a—’Ua pi’ihia te mau ta’ata i ti’aturi mau e mau Cherisetiano—E fa’ahereherehia te toe’a o te hua’ai o Iosepha—’Ua horo ’ē atu ’Amalikia ’e te mau ta’ata fa’atupu pe’ape’a i te fenua ra nō Nephi—’Ua taparahihia te mau ta’ata ’o tei ’ore i pāturu i te tumu nō te ti’amāra’a. Fātata 73–72 H.M.
Pene 47
’Ua fa’a’ohipa ’Amalikia i te ’ohipa ha’avare, te taparahi ta’ata, ’e te ’ohipa huna ’ia riro ’oia ’ei ari’i nō te mau ’āti Lamana—’Ua riro te mau ta’ata tāiva nō te ’āti Nephi ’ei feiā parauti’a ’ore roa atu ’e te ’ōviri atu i te mau ’āti Lamana. Fātata 72 H.M.
Pene 48
’Ua tūra’i ’Amalikia i te mau ’āti Lamana ’ia ’ino’ino atu i te mau ’āti Nephi—’Ua fa’aineine Moroni i tōna mau ta’ata ’ia pāruru i te ti’ara’a o te mau Cherisetiano—Tē ’oa’oa ra ’oia i te ti’amāra’a ’e e ta’ata mana rahi ’oia nō te Atua. Fātata 72 H.M.
Pene 49
’Aita roa i ti’a i te mau ’āti Lamana ’o tei haere mai e ’aro ’ia haru i te mau ’oire nō Amoniha ’e Noa ’o tei pāruru-maita’i-hia—’Ua fa’a’ino ’Amalikia i te Atua ’e ’ua hōreo ’oia nō te inu i te toto o Moroni—’Ua tāmau noa Helamana ’e tōna mau taea’e ’ia ha’apūai i te ’Ēkālesia. Fātata 72 H.M.
Pene 50
’Ua pāruru ha’apa’ari Moroni i te mau fenua o te mau ’āti Nephi—’Ua patu rātou e rave rahi mau ’oire ’āpī—’Ua tae mai te mau ’arora’a ’e te mau ha’amoura’a i ni’a i te mau ’āti Nephi i te mau mahana nō tā rātou mau ’ohipa parauti’a ’ore ’e te mau ’ohipa vi’ivi’i—’Ua pau Morianitona ’e tōna mau ta’ata tāiva ia Teanekuma—’Ua pohe Nephiha ’e ’ua mono mai tāna tamaiti ra o Pahorana i tōna ti’ara’a ha’avā. Fātata 72–67 H.M.
Pene 51
’Ua tītau te mau ta’ata-hina’aro-ari’i ’ia fa’ahuru ’ē i te ture ’e ’ia mā’iti i te hō’ē ari’i—’Ua pāturuhia Pahorana e te feiā-ti’amā nā roto i te reo o te mau ta’ata—’Ua ha’avī Moroni i te mau ta’ata-hina’aro-ari’i ’ia ’aro nō tō rātou fenua ’e mai te mea ’aita, e taparahihia rātou—’Ua haru ’Amalikia ’e te mau ’āti Lamana e rave rahi mau ’oire ’o tei pāruru-maita’i-hia—’Ua pāruru atu Teanekuma i te ’arora’a a te mau ’āti Lamana ’e ’ua taparahi ia ’Amalikia i roto i tōna ti’ahapa. Fātata 67–66 H.M.
Pene 52
’Ua mono mai Amorona ia ’Amalikia ’ei ari’i nō te mau ’āti Lamana—’Ua arata’i Moroni, Teanekuma, e Lehi i te mau ’āti Nephi nō te ’aro atu i te mau ’āti Lamana, ’e ’ua upo’oti’a rātou—’Ua haru-fa’ahou-hia te ’oire nō Muleka, ’e ’ua taparahihia Iakoba nō roto i te ’āti Zorama. Fātata 66–64 H.M.
Pene 53
’Ua fa’a’ohipahia te feiā mau-’āuri ’āti Lamana nō te pāruru ha’apa’ari i te ’oire nō ’Auhune—Nā roto i te mau mārōra’a i tupu i rotopū i te mau ’āti Nephi, ’ua upo’oti’a ihora te mau ’āti Lamana—’Ua rave ihora Helamana i te fa’aterera’a i te mau tamari’i tamāroa ’āpī e piti tauatini a te mau ta’ata nō Amona. Fātata 64–63 H.M.
Pene 54
’Ua fa’aau Amorona ’e Moroni nō te taui i te feiā mau-’āuri—’Ua tītau Moroni i te mau ’āti Lamana ’ia ho’i ’e ’ia fa’aea i tā rātou mau ’ohipa taparahi ta’ata—’Ua tītau Amorona i te mau ’āti Nephi ’ia tu’u i tā rātou mau mauha’a tama’i i raro ’e ’ia riro ’ei tītī nā te mau ’āti Lamana. Fātata e 63 H.M.
Pene 55
’Ua pāto’i Moroni ’ia taui i te feiā mau-’āuri—’Ua fa’ata’erohia te mau tīa’i ’āti Lamana i te ’ava, ’e ’ua fa’aorahia te feiā mau-’āuri ’āti Nephi—’Ua haruhia te ’oire nō Gida ma te tama’i ’ore. Fātata 63–62 H.M.
Pene 56
’Ua fa’atae atu Helamana i te hō’ē ’episetole ia Moroni, ma te fa’a’ite atu iāna i te huru nō te ’arora’a i te mau ’āti Lamana—’Ua upo’oti’a rahi Anitipusa ’e Helamana i ni’a a’e i te mau ’āti Lamana—’Ua ’aro atu te mau tamari’i tamāroa e piti tauatini a Helamana ma te mana semeio, ’e ’aita roa te hō’ē ’o rātou i pohe. ’Īrava 1, fātata 62 H.M. ; ’īrava 2–19, fātata 66 H.M. ; ’e ’īrava 20–57, fātata 65–64 H.M.
Pene 57
Tē fa’a’ite ra Helamana i te harura’ahia o Anetipara ’e te rirora’a te reira ’e i muri iho te pārurura’ahia o Kumeni—’Ua ’aro pūai te feiā ’āpī ’āti Amona ; ’e ’ua pēpē rātou pā’āto’a, ’āre’a rā ’aita roa te hō’ē a’e i pohe—’Ua fa’a’ite mai Gida i te taparahira’ahia ’e te orara’a te feiā mau-’āuri ’āti Lamana. Fātata 63 H.M.
Pene 58
’Ua haru Helamana, Gida, ’e Teomenera i te ’oire nō Maniti nā roto i te hō’ē rāve’a ’aravihi—’Ua horo ’ē atu te mau ’āti Lamana—’Ua fa’ahereherehia te mau tamaiti a te feiā o Amona a ti’a māite atu ai rātou nō te pāruru i tō rātou ti’amāra’a ’e te fa’aro’o. Fātata 63–62 H.M.
Pene 59
’Ua ani Moroni ia Pahorana ’ia ha’apūai i te mau nu’u fa’ehau o Helamana—’Ua haru te mau ’āti Lamana i te ’oire nō Nephiha—’Ua riri Moroni i te hau fenua. Fātata 62 H.M.
Pene 60
’Ua amuamu Moroni ia Pahorana nō te ha’apa’o ’ore o te hau fenua i te mau nu’u fa’ehau—’Ua vaiiho noa te Fatu i te feiā parauti’a ’ia taparahihia—’Ua tītauhia i te mau ’āti Nephi ’ia fa’a’ohipa i tō rātou pūai ato’a ’e tā rātou rāve’a ato’a nō te fa’aora ia rātou iho i tō rātou mau ’enemi—’Ua tītau Moroni ’ia ’aro atu i te hau fenua, maori rā ’ia fāri’ihia te tauturura’a nō tōna mau nu’u fa’ehau. Fātata 62 H.M.
Pene 61
’Ua fa’a’ite atu Pahorana ia Moroni i te huru nō te pāto’ira’a ’e te ’ōrurehau i tupu i ni’a i te hau fenua—’Ua haru te mau ta’ata-hina’aro-ari’i ia Zarahemela ’e ’ua tāhō’ē atu i te mau ’āti Lamana—’Ua ani atu Pahorana i te hō’ē tauturura’a fa’ehau nō te ’aro atu i te mau ta’ata ’ōrurehau. Fātata 62 H.M.
Pene 62
’Ua haere atu Moroni e tauturu ia Pahorana i te fenua ra nō Gideona—’Ua taparahihia te mau ta’ata-hina’aro-ari’i ’o tei pāto’i ’ia pāruru i tō rātou fenua—’Ua haru fa’ahou mai Pahorana ’e Moroni i te ’oire nō Nephiha—E rave rahi mau ’āti Lamana i ’āmui atu i te mau ta’ata o Amona—’Ua taparahi Teanekuma ia Amorona ’e i muri iho ’ua taparahihia ’oia—’Ua ti’avaruhia atu te mau ’āti Lamana mai ni’a atu i te fenua, ’e ’ua tupu te hau—’Ua ho’i atu Helamana nō te tāvini ’e nō te ha’apūai i te ’Ēkālesia. Fātata 62–57 H.M.
Pene 63
’Ua ha’apa’o Sibelona i te mau pāpa’a parau ’e ’o Helamana i muri iho—E rave rahi mau ’āti Nephi i haere atu i te fenua i te pae apato’erau—’Ua hāmani Hagota i te mau pahī, ’e ’ua tere atu te reira i te miti nō te pae tō’o’a o te rā—’Ua ha’apau Moroniha i te mau ’āti Lamana i roto i te ’arora’a. Fātata 56–52 H.M.