1 Se volonte m pou ou chwazi epi pou òdone sèvitè m nan, Warren A. Cowdery kòm yon gran prèt prezidan sou tèt legliz mwen an, nan peyi ^alibète a ak nan rejyon alantou yo;

2 Epi pou l preche levanjil etènèl mwen an, epi pou l leve vwa l pou l avèti pèp la, pa sèlman nan plas pa li a, men, nan peyi alantou yo;

3 Epi pou l dedye tout tan l nan gran apèl sen sa a m ba li kounyeya, pou l ^achèche ^bwayòm syèl la ak lajistis li avèk dilijans, epi tout bagay ki nesesè pral ajoute apre sa; paske ^ctravayè a diy pou rekonpans li.

4 Epi ankò, an verite m di w, ^aaparisyon Senyè ^ba ap pwoche, epi l ap pran mond lan daso tankou yon ^cvòlè nan nuit—

5 Se poutèt sa, mare senti w pou w kapab pitit ^alimyè, pou jou sa a pa ^bpran ou daso tankou yon vòlè.

6 Epi ankò, an verite m di w, te gen lajwa nan syèl la lè sèvitè m nan, Warren te bese devan kòmandman m yo, epi l te separe tèt li avèk fo doktrin mond lan;

7 Se poutèt sa, sèvitè m nan, Warren, beni, paske m ap gen mizèrikòd pou li; epi, malgre ^avanite ki nan kè li, m ap leve l toutotan li gen imilite devan mwen.

8 Epi m ap ba li ^alagras ak asirans kote pou l kapab kanpe; epi si l kontinye kòm yon temwen fidèl ak yon limyè pou legliz la, m ap prepare yon kouwòn pou li nan ^bkay Papa m yo. Se konsa sa ye. Amèn.