Sección 131
Tekomboʼekuéra omeʼẽvaʼekue José Smith upe Proféta, Ramus, Illinois-pe, mayo 16 ha 17, 1843-pe.
1–4, Pe ñemenda yvagaguáre oñeikotevẽte ojehupyty hag̃ua exaltasiõ yvága ijyvatevévape; 5–6, Oñemyesakã mbaʼéicha tapichakuéra ojesella tekove ijapyraʼỹvape g̃uarã; 7–8, Opa espíritu haʼe matéria.
1 Glória yvagaguápe oĩ mbohapy yvága térã grádo;
2 Ha ojehupyty hag̃ua upe ijyvatevéva, pe tekove oikevaʼerã ko sacerdocio orden-pe [péva heʼise, upe ñemenda konvénio pyahu ha opaveʼỹva];
3 Ha ndojapóirõ, ndaikatúi ohupyty upéva.
4 Ikatúta oike ambuévape, ha katu kóva haʼe pe irréino opaha; ndaikatúi okakuaave.
5 (Mayo 17, 1843-pe). Upe ñeʼẽ profétika isegurovéva heʼise peteĩ tekove oikuaaha, rrevelasiõ ha profesía espíritu rupive, ojesellaha tekove ijapyraʼỹvape g̃uarã, Santo Sacerdocio puʼaka rupive.
6 Ndaikatúi peteĩ tekove ojesalva jeikuaaʼỹme.
7 Ndaipóri aipo matéria inmaterial. Opa espíritu haʼe matéria, ha katu iñapesỹive térã ndojoparái, ha umi tesa ipotĩvéva añónte ikatu ohechakuaa;
8 Ndaikatúi jahecha umíva; ha katu ñande rete oñemopotĩ vove, jahecháta opa mbaʼe haʼeha matéria.