Seksyon 131
Enstriksyon Joseph Smith, Pwofèt la te bay nan Ramus, Illinois, 16 ak 17 Me 1843.
1–4, Maryaj selès esansyèl pou egzaltasyon nan pi wo degre syèl la; 5–6, Yo esplike kòman lèzòm kapab sele pou lavi etènèl; 7–8, Tout lespri se matyè.
1 Nan laglwa selès la gen twa syèl oubyen degre;
2 Pou jwenn pi wo degre a, yon nonm dwe antre nan lòd sa a ki nan prètriz la [ki vle di nouvo alyans etènèl maryaj la];
3 San sa li pa kapab jwenn li.
4 Li kapab antre nan lòt la, men, se la wayòm li an fini; li pa kapab grandi.
5 (Me 17, 1843.) Pawòl pwofesi ki pi asire a vle di yon moun konnen li sele pou lavi etènèl, nan revelasyon ak lespri pwofesi, pa mwayen pouvwa Prètriz Sen an.
6 Li enposib pou yon moun sove nan iyorans.
7 Matyè imateryèl pa egziste. Tout lespri se matyè, sepandan, li pi rafine oubyen pi, epi se sèlman je ki pi tout bon an ki kapab wè l.
8 Nou pa kapab wè l; men, lè kò nou pirifye, n ap wè li se matyè.