Tshooj 40
Kev tshwm sim uas tus Yaj Saub Joseph Smith thiab Sidney Rigdon tau txais, hauv Fayette, New York, lub Ib Hlis Ntuj hnub tim 6, xyoo 1831. Ua ntej zaj ceev xwm txheej ntawm txoj kev tshwm sim no, tus Yaj Saub zaj keeb kwm hais tias, “Vim James [Covel] tau xyeej tus Tswv txoj lus, thiab rov qab mus rau nws tej kev cai qub thiab cov neeg qub, tus Tswv tau muab txoj kev tshwm sim no los rau kuv thiab Sidney Rigdon” (saib tshooj 39).
1–3, Kev ntshai kev tsim txom thiab kev txhawj xeeb txog tej yam ntawm lub ntiaj teb ua rau neeg xyeej txoj moo zoo.
1 Saib seb, kuv hais tseeb rau neb tias, kuv tau pom tias kuv tus tub qhe James Covel muaj lub siab ncaj ncees, vim nws tau khi lus nrog kuv tias nws yuav ua raws li kuv txoj lus.
2 Thiab nws tau txais txoj lus nrog kev zoo siab, tiam sis tib pliag xwb Dab Ntxwg Nyoog ntxias nws; thiab nws ntshai kev tsim txom thiab muaj kev txhawj xeeb txog tej yam ntawm lub ntiaj teb nws thiaj xyeej txoj lus.
3 Yog li ntawd nws tau rhuav kuv txoj kev khi lus, thiab nyob ntawm kuv seb yuav ua li cas rau nws raws li kuv pom zoo. Amees.