1 Péina ápe, péicha heʼi peẽme Ñandejára pene Tupã, O che tupaogua elder-kuéra, pejapysaka ha pehendu, ha pemog̃uahẽ che rembipota penderehegua.

2 Añetehápe Che haʼégui peẽme, Che aipota tapendepuʼaka múndore; upévare, Che poiporiahuverekóta.

3 Oĩ pende apytépe umi ojapoʼakue angaipa; ha katu añetehápe Che haʼe peẽme, ko peteĩ javénte, che gloriarã, ha umi ánga salvasiõrã, Che aperdonákuri pene angaipakuéra.

4 Che cheporiahuverekóta penendive, Che ameʼẽgui peẽme upe rréino.

5 Ha umi rreinogua mbaʼeñemimby llavekuéra ndojeipeʼamoʼãi che rembiguái, José Smith, upe taʼýragui, umi Che ahechaukavaʼekue rupive, haʼe oikove aja, iñeʼẽrendúramo che ordenansakuérare.

6 Oĩ umi oñeʼakue japu hese mbaʼeveʼỹre;

7 Upevére, haʼe iñangaipákuri; ha katu añetehápe Che haʼe peẽme, Che, Ñandejára, aperdona umi che renondépe omombeʼúva iñangaipakuéra, ha ojeruréva perdón, ndojapóiramo jejuka angaipa.

8 Che discípulo-kuéra, ára ymaguarépe, oñeʼẽʼakue japu ojuehe, ha noñoperdonái hikuái ikorasõme; ha ko tekoñaña rupi ohasaʼasy ha ojejaʼo mbarete hikuái.

9 Upévare, Che haʼe peẽme, peñoperdonavaʼerã ojupe; pe noperdonáiva ijoykeʼy rembiapovaikue, oĩ kondenádo Ñandejára renondépe; hese opytágui tuichave angaipa.

10 Che, Ñandejára, aperdonáta umi Che aperdonasévape, ha katu peẽ pe perdonavaʼerã opa tekovépe.

11 Ha perevaʼerã pene korasõme—Tohusga Tupã nde ha che mbytépe, ha tomyengovia ndéve ne rembiapokuére.

12 Ha pe noñearrepetíriva iñangaipakuéragui, ha nomombeʼúiva umíva, peguerúta tupao renondépe, ha pejapóta hendive umi escritura-pe heʼiháicha, tahaʼe tembiapoukapy térã rrevelasiõ rupive.

13 Ha pejapóta kóva Tupãme ojeglorifika hag̃ua—ndahaʼéi napeperdonái haguére, ndapeguerekóivo poriahuvereko, ha katu pejehustifika hag̃ua umi léi resa renondépe, ani hag̃ua pejapo angaipa pene mbojovakehárare—

14 Añetehápe, Che haʼe peẽme, upéva rupi pejapotaha koʼã mbaʼe.

15 Péina ápe, Che, Ñandejára, che pochýkuri che rembiguái Ezra Booth ndive, ha péicha avei che rembiguái Isaac Morley ndive, haʼekuéra noñongatúigui léi, ni tembiapoukapy;

16 Haʼekuéra ohekákuri pe ivaíva ikorasõme, ha Che, Ñandejára, ajokókuri che Espíritu. Haʼekuéra okondenákuri ivaívaramo ndaiporihápe ivaíva; upevére, Che aperdonákuri che rembiguái Isaac Morley-pe.

17 Ha péina ápe, che rembiguái Edward Partridge, iñangaipákuri avei, ha Satana oñehaʼã ohundi hiʼánga; ha katu ojeikuaauka vove chupekuéra koʼã mbaʼe, ha oñearrepenti hikuái upe ivaívagui, oñeperdonáta chupekuéra.

18 Ha koʼág̃a, añetehápe Che haʼe peẽme, iporã chéve che rembiguái Sidney Gilbert, mbovymi semána rire, toho jey inegósiope ha iñahénsiape, Sion retãme;

19 Ha umi haʼe ohecha ha ohenduvaʼekue tojeikuaauka che discípulo-kuérape, ani hag̃ua omano hikuái. Ha péva rupi Che haʼékuri koʼã mbaʼe.

20 Ha avei, Che haʼe peẽme, ani hag̃ua che rembiguái Isacc Morley ojeipyʼaraʼãve haʼe ikatúvagui ogueropuʼaka, ha oñemoñeʼẽ avy pene ñeimevairã, Che amandákuri toñevende igránha.

21 Che ndaipotái che rembiguái Frederick G. Williams ovende igránha, Che, Ñandejára, ahejaségui peteĩ ñeime mbarete Kirtland retãme, cinco ary pukukue, ha upe aja Che nahundimoʼãi umi iñañávape, upéicha Che asalva hag̃ua mbovymi.

22 Ha upe ára rire, Che, Ñandejára, ndaguerekomoʼãi hembiapovaíva ramo, mavave ojupívape, peteĩ korasõ añete reheve Sion retãme; Che, Ñandejára, ajerurégui yvypóra raʼykuéra korasõ.

23 Péina ápe, ára ag̃agua ojehero ko ára, pe Kuimbaʼe Raʼy jeju peve; ha añetehápe kóva haʼe peteĩ jehasaʼasy ára, ha peteĩ ára ojejerure hag̃ua che tavayguakuéra diésmo; upe oñediesmáva ndojehapymoʼãi haguére ijejúpe.

24 Ko ára rire oúgui jehapy—kóva haʼe, ñañeʼẽrõ Ñandejára oñeʼẽháicha—añetehápe Che haʼégui peẽme, koʼẽrõ, opa umi oñembotuicha ha umi ojapóva ñaña haʼéta ñana pirúicha; ha Che ahapýta chupekuéra, Che haʼégui Señor de los Ejércitos; ha naperdonamoʼãi ni peteĩ opytáva Babilonia-pe.

25 Upévare, chegueroviáramo, pembaʼapóta hiʼare aja pe ojeheróva ko ára.

26 Ha naiporãi che rembiguaikuéra Newel K. Whitney ha Sidney Gilbert ovende iñalmasẽ ha imbaʼerepykuéra koʼápe orekóva; naiñarandúigui kóva, sino umi tupao miembro-kuéra rembyre, opytáva ko tendápe, ojupi peve Sion retãme.

27 Péina ápe, umi che léipe ojeʼéma, térã oñembotove, pedeve hag̃ua umi penderayhuʼỹvape;

28 Ha katu péina ápe, ndojeʼeiʼakue arakaʼeve Ñandejára ndojapyhymoʼãiha haʼe oipota vove, ha ohepymeʼẽ oĩporãháicha chupe.

29 Upévare, haʼévo peẽ ahentekuéra, peime Ñandejára rembiapópe; ha umi pejapóva Ñandejára rembipotápe heʼiháicha, haʼe Ñandejára apoukapy.

30 Ha haʼe penemoĩʼakue pemeʼẽ hag̃ua hemikotevẽ isantokuérape koʼã ára pahápe, ohupyty hag̃ua hikuái peteĩ jehejapyre Sion retãme.

31 Ha péina ápe, Che, Ñandejára, haʼe peẽme, ha umi che ñeʼẽ añetete ha ndojavymoʼãi, haʼekuéra ohupytytaha.

32 Ha katu opa mbaʼe ojehuvaʼerã hiʼárape.

33 Upévare, ani penekaneʼõ tembiapo porãgui, pemoĩgui hína peteĩ tembiapo guasu pyenda. Ha umi mbaʼe michĩvagui ou umi tuichavéva.

34 Péina ápe, Ñandejára ojerure korasõ, ha peteĩ akã ikyreʼỹva; ha umi ipyʼaporãva ha iñeʼẽrendúva hoʼúta mbaʼeporã osẽva Sión retãgui koʼã ára pahápe.

35 Ha umi hekoñemoĩva ojepeʼáta Sion retãgui, ha oñemosẽta, ha ndohupytymoʼãi pe yvy jehejapyréramo.

36 Añetehápe, Che haʼégui peẽme, umi hekoñemoĩva ndahaʼéi Efraín ruguyguigua, upévare, ojepeʼáta chupekuéra.

37 Péina ápe, Che, Ñandejára, koʼã ára pahápe, ajapókuri che tupao peteĩ hue oguapývaicha yvyty ári, térã, peteĩ tenda yvatépe, ohusga hag̃ua tetãnguérape.

38 Ha ojehúta umi Sion-pe oikóva ohusgáta opa mbaʼe haʼéva Sion-pegua.

39 Ha oipyʼaraʼãta hikuái umi ijapúva ha umi hovamokõivape, ha ojekuaáta umi haʼeʼỹva apóstol ha profetakuéra.

40 Ha jepeve upe obispo, haʼéva hue, ha ikonseherokuéra, ndaijeroviarekóirõ imajordomíape, oñekondenáta, ha oñemoĩta ambue hendaguépe.

41 Péina ápe, Che haʼégui peẽme, Sion ipotytaha, ha Ñandejára glória opytuʼúta hiʼári;

42 Ha haʼéta mbaʼerechaukaha ramo tavayguakuérape, ha ojejúta upépe opa tetãgui yvága guýpe.

43 Ha og̃uahẽta ára umi yvy arigua tetã oryrýita hese rupi, ha okyhyjéta umi oporomondýiva rupive. Ñandejára oñeʼẽvaʼekue upéva. Amén.