1 Añetehápe, péicha heʼi Ñandejára, peñembyatyvaʼekuépe pemog̃uahẽ hag̃ua hembipota penderehegua:

2 Péina ápe, kóva iporã pene Ñandejárape g̃uarã, ha anhelkuéra ovyʼa penderehe; umi pene ánga ofrenda ojupíkuri Señor de Saboat apysápe ha ojehai umi oñesantifikapyre rerakuéra arandukápe, umi haʼéva múndo celestial-gua.

3 Upévare, Che ambou peẽme, che angirũnguéra, ambue Moangapyhyhára, oiko hag̃ua pene korasõme; ha ko ambue Moangapyhyhára haʼe upe Che aprometevaʼekue che discípulo-kuérape, ojehaiháicha Juan testimóniope.

4 Ko Moangapyhyhára haʼe promésa Che ameʼẽva peẽme tekove ijapyraʼỹva rehegua, héẽ, rréino celestial glória;

5 Ha ko glória haʼe Primohénito tupaoguáva, héẽ, Tupã mbaʼe, opágui imarangatuvéva, Jesucristo, Itaʼýra rupive—

6 Haʼe, pe ojupivaʼekue yvate, oguejy haguéicha avei opa mbaʼe guýpe, upéicha rupi oikũmbyvaʼekue opa mbaʼe, oĩ hag̃ua opa mbaʼépe ha opa mbaʼe rupive, upe añetegua resape;

7 Pe añetegua omimbíva. Kóva haʼe Cristo resape. Haʼe avei haʼe oĩháicha kuarahýpe, ha haʼe pe kuarahy resape, ha upe pokatu ojejapohague rupi.

8 Haʼe avei haʼe oĩháicha jasýpe, ha haʼe pe jasy resape, ha upe pokatu ojejapohague rupi.

9 Avei umi mbyja resapéicha, ha upe pokatu umíva ojejapohague rupive;

10 Ha avei pe yvy, ha ipokatu, héẽ, pe yvy peimeha ári.

11 Ha tesape omimbíva, pende resapéva, ou upe ohesapéva rupi pende resa, haʼéva upe tesape omoingovéva pene ñeikũmby;

12 Upe tesape oúva Tupã oĩhágui omyehyhẽ hag̃ua tenda nandi tuichakue—

13 Pe tesape opa mbaʼépe oĩva, omoingovéva opa mbaʼe, haʼéva léi opa mbaʼe oñeisãmbyhyha, héẽ, Tupã pokatu oguapýva ijapykajegua ári, oikóva ára apyraʼỹ ryepýpe, oĩva opa mbaʼe mbytépe.

14 Koʼág̃a, añetehápe Che haʼe peẽme, pe rredensiõ ojapovaʼekue penderehe rupive, ojejapo umi omanovaʼekue jeikovejey.

15 Ha espíritu ha tete haʼe yvypóra ánga.

16 Ha omanovaʼekue jeikovejey haʼe pe ánga rredensiõ.

17 Ha ánga rredensiõ ou upe omoingovéva opa mbaʼe rupive, pe hyepýpe ojeʼevaʼekue umi yvy arigua imboriahu ha hekomarangatúva ohupytytaha upe yvy jehejapyre ramo.

18 Upévare, tekotevẽ oñesantifika opa tekojojaʼỹgui, oĩ hag̃ua ñembosakoʼípe glória celestial-rã;

19 Okumpli rire ijeʼapoʼypy medída, oñembojeguáta glóriape, héẽ, Tupã pe Túva ñeime reheve.

20 Umi tete haʼéva rréino celestial-gua ohupyty hag̃ua kóva akói ha tapiaite g̃uarã; upevarã ojejapo ha ojeʼapovaʼekue, ha upevarã oñesantifika chupekuéra.

21 Ha umi noñesantifikáiva upe léi Che ameʼẽvaʼekuére peẽme, haʼéva Cristo léi, ohupytyvaʼerã ambue rréino, tahaʼe peteĩ rréino terrestre térã peteĩ rréino telestial.

22 Pe ndaikatúiva iñeʼẽrendu peteĩ rréino celestial-gua léire, ndaikatúi ogueropuʼaka peteĩ glória celestial.

23 Ha pe ndaikatúiva iñeʼẽrendu peteĩ rréino terrestre-gua léire, ndaikatúi ogueropuʼaka peteĩ glória terrestre.

24 Ha pe ndaikatúiva iñeʼẽrendu peteĩ rréino telestial-gua léire, ndaikatúi ogueropuʼaka peteĩ glória telestial. Upévare, ndahekomarangatúi peteĩ glória rreinore. Upévare, ogueropuʼakavaʼerã peteĩ rréino ndahaʼéiva glória rehegua rréino.

25 Ha avei, añetehápe Che haʼe peẽme, pe yvy iñeʼẽrenduha peteĩ rréino celestial-gua léire, okumplígui ijeʼapoʼypy medída, ha ndojapyharái upe léi—

26 Upévare, oñesantifikáta; héẽ, omanótarõ jepe, ojevivifika jeýta; ha ogueropuʼakáta upe pokatu chupe ovivifikáva, ha umi hekojojáva ohupytýta ijehejapyre ramo.

27 Omanorõ jepe hikuái, avei opuʼã jeýta hikuái, tete espiritual-kuéra.

28 Umi haʼéva peteĩ espíritu celestial-gua ohupytýta upe tete haʼevaʼekue tete natural; héẽ, peẽ pehupytýta pende rete, ha pende glória haʼéta upe pende rete oñemoingovéva rupive.

29 Peẽ umi peñemoingovéva glória celestial pehẽngue rupive, upérõ pehupytýta chugui, héẽ, peteĩ plenitu.

30 Ha umi oñemoingovéva glória terrestre pehẽngue rupive, upéicha ohupytýta chugui, héẽ, peteĩ plenitu.

31 Ha avei umi oñemoingovéva glória telestial pehẽngue rupive, upéicha ohupytýta chugui, héẽ, peteĩ plenitu.

32 Ha umi opytáva avei oñemoingovéta; upevére, ou jeýta hikuái hendag̃uáme, ovyʼa hag̃ua hikuái umi ikatúvare ohypyty, ndovyʼaséigui hikuái umi ikatúvare ohupytýkuri.

33 Ha mbaʼépa ohupytýne pe kuimbaʼe oñemeʼẽvape peteĩ don, nomog̃uahẽiramo upe don? Péina ápe, ni ndovyʼái upe oñemeʼẽvare chupe, ni ndovyʼái upe don omeʼẽvare chupe.

34 Ha avei, añetehápe Che haʼe peẽme, upe léire oñeisãmbyhýva, avei léire oñeñongatu, ha kóvare oñemoporã ha oñesantifika.

35 Upe ojapyharáva peteĩ léi, ha na iñeʼẽrendúiva upe léire, ha katu oñemoĩséva ijupe peteĩ léi ramo, ha oiporavo oiko angaipápe, ndaikatúi oñesantifika léire, ni poriahuverekóre, ni hustísiare, ni huísiore. Upévare, opyta gueteri hikuái kyʼápe.

36 Opa rréinope oñemeʼẽvaʼekue peteĩ léi;

37 Ha oĩ heta rréino; ndaipóri rupi tenda noĩrihápe rréino; ha ndaipóri rréino noĩriha tenda, tahaʼe peteĩ rréino tuichavéva térã michĩvéva.

38 Ha mayma rréinope oñemeʼẽvaʼekue peteĩ léi; ha mayma léipe g̃uarã oĩ límite ha kondisiõ.

39 Opa oikovéva okumpliʼỹva koʼã kondisiõ ndojehustifikái.

40 Akãporã ojoajúgui akãporãndi; arandu omog̃uahẽ arandúpe; añetegua oñañua añeteguápe; virtu ohayhu virtúpe; tesape ojoaju tesapére; poriahuvereko ombyasy poriahuverekópe ha ojerure imbaʼéva; hustísia oho meme ha ojerure imbaʼéva; huísio oho upe oguapýva apykajegua ári rova renondépe ha oisãmbyhy ha ojapóva opa mbaʼe.

41 Ha oikũmby opa mbaʼe, ha opa mbaʼe oĩ henondépe, ha opa mbaʼe oĩ ijerére; ha haʼe oĩ opa mbaʼe ári, ha opa mbaʼépe, ha opa mbaʼe rupive, ha ojere opa mbaʼére; ha opa mbaʼe oiko haʼe rupive ha chugui, héẽ, Tupã, akói ha tapiaite g̃uarã.

42 Ha avei, añetehápe Che haʼe peẽme, haʼe omeʼẽvaʼekue peteĩ léi opa mbaʼépe, kóva rupive umíva okuʼe hiʼára ha hiʼarajerépe;

43 Ha hapekuéra oñemoĩmbyre, héẽ, umi yvága ha yvy rape, oikehápe upe yvy ha opa umi planéta.

44 Ha umíva ojohesape hiʼára ha hiʼarajerépe, hiʼaravoʼi, hiʼaravo, idía, isemána, imése, ha hiʼarýpe. Opa koʼãva haʼe peteĩ ary Tupãme, ha katu ndaupéichai yvypórape.

45 Pe yvy ojere umi ipepo ári, ha kuarahy ohesape arakue, ha jasy ohesape pyharekue, ha umi mbyja avei ohesape, ojerévo umi ipepo ári glóriape, Tupã pokatu mbytépe.

46 Mbaʼére ambojojáta koʼã rréino ikatu hag̃ua peikũmby?

47 Péina ápe, opa koʼãva haʼe rréino, ha oimeraẽ tekove ohechavaʼekue oimeraẽva térã koʼãvagui michĩvéva, ohechavaʼekue Tupãme ombaʼapóvo ituichakue ha ipokatúpe.

48 Che haʼe peẽme, ohechákuri chupe; upevére, upe ouvaʼekue imbaʼekuérape noñeikũmbýikuri.

49 Upe tesape omimbi umi pytũmbýpe, ha umi pytũmby ndoikũmbýi; upevére, oúta ára peikũmbytaha, Tupãme jepeve, peñemoingovévo ipype ha haʼe rupive.

50 Upérõ peikuaáta cherechahague, haʼeha Che, ha haʼeha tesape añete oĩva pende pype, ha peẽ peimeha chepype; upeichaʼỹrõ ndaikatumoʼãikuri pekakuaa.

51 Péina ápe, Che ambojojáta koʼã rréino peteĩ kuimbaʼe orekóvare peteĩ ñu, ha ombou hembiguaikuéra oyvyjoʼo hag̃ua pype.

52 Ha heʼi peteĩháme: Tereho ha embaʼapo upe ñúme, ha aravo peteĩháme Che ajúta ne rendápe, ha rehecháta che rova rory.

53 Ha heʼi mokõiháme: Nde avei tereho upe ñúme, ha aravo mokõiháme Che rovisitáta che rova rorýpe.

54 Ha avei mbohapyhápe, heʼívo: Che rovisitáta;

55 Ha irundyhápe, ha péicha duodésimo peve.

56 Ha ñugua jára ou peteĩháme aravo peteĩháme, ha opyta hendive opa upe aravo pukukue, ha haʼe ovyʼa ijára rova resapére.

57 Ha upérõ osẽ peteĩha rendágui ovisita hag̃ua avei mokõiháme, ha mbohapyha, ha irundyha, ha péicha duodésimo peve.

58 Ha kóicha opavave ohupyty ijára rova resape, opa kuimbaʼe hiʼaravópe, hiʼárape, ha hiʼaraitépe.

59 Oñepyrũvo peteĩhágui, ha kóicha ipahagua peve; ha ipahagua guive peteĩha meve, ha peteĩha guive ipahagua peve;

60 Opa kuimbaʼe hiʼorden teépe, oñekumpli peve hiʼaravo, jepeve ijára omanda haguéicha chupe, ijára ojeglorifika hag̃ua hese, ha haʼe ijárare, opavave ojeglorifika hag̃ua.

61 Upévare, Che ambojojáta opa koʼã rréino ha umi ipype oikóva ko parávolare—mayma rréino hiʼaravópe ha hiʼárape ha hiʼarajerépe, apoukapy Tupã omoĩ haguéicha.

62 Ha avei, añetehápe Che haʼe peẽme, che anguirũnguéra, Che aheja peẽme koʼã ñeʼẽ pejepyʼamongeta hag̃ua hese pene korasõme, ko tembiapoukapy Che ameʼẽva reheve peẽme, cherenói hag̃ua Che aime ag̃ui aja—

63 Peñemboja cherehe, ha Che añembojáta penderehe; chereka jesarekópe ha chejuhúta; pejerure ha oñemeʼẽta peẽme; pembota ha ojepeʼáta peẽme.

64 Oimeraẽ mbaʼe Túvape pejeruréva che rérape oñemeʼẽta peẽme, iporãramo peẽme g̃uarã;

65 Ha pejerurérõ peteĩ mbaʼe naiporãiva peẽme g̃uarã, haʼéta penekondenasiõrã.

66 Péina ápe, ko pehendúva haʼe peteĩ taveʼỹme osapukáiva ñeʼẽpúicha—taveʼỹme, ndaikatúigui pehecha chupe—che ñeʼẽpu, che ñeʼẽpu haʼégui Espíritu; pe che Espíritu añetegua; pe añetegua opyta ha ndaijapýrai; ha oĩramo pendepype, okakuaáta.

67 Ha pemaʼẽramo che glóriare añónte, pende retepy henyhẽta tesapégui ha ndaiporimoʼãi pytũmby pendepype; ha tete tesapégui henyhẽva, oikũmby opa mbaʼe.

68 Upévare, peñesantifika, pemoĩ hag̃ua umi pene akã Tupãre añónte, ha oúta umi ára pehechataha chupe; haʼe ohechaukátagui hova peẽme, ha hiʼárape, ha haʼe oipotaháicha, ha hembipotáicha.

69 Penemanduʼáke promésa guasu ha ipaháva Che ajapoʼakue peẽme; peipeʼa tekorei pene akãgui ha pukareiguasu pende apytégui.

70 Pepyta, pepyta ko tendápe, ha pehenói peteĩ asamblea solemne umi haʼévape g̃uarã peteĩha tembiapohára ko rréino pahápe.

71 Ha tohenói Ñandejárape umi haʼekuéra oamonestavaʼekue ijeʼóipe, ha tojepyʼamongeta ikorasõmekuéra, peteĩ ára mbyky aja, upe ñemomarandu oñemeʼẽvaʼekuére chupekuéra.

72 Péina ápe, péicha Che añangarekóta pende ovechaʼatýre, ha amopuʼãta elder-kuéra ha omboúta chupekuéra.

73 Péina ápe, Che ambopyaʼéta che rembiapo hiʼárape.

74 Ha Che ameʼẽ peẽme, haʼéva tembiapohára peteĩha ko rréino pahápe, tembiapoukapy peñembyaty hag̃ua, ha peñemohenda, peñembosakoʼi ha peñesantifika hag̃ua; héẽ, pepurifika pene korasõ ha pemopotĩ pende po ha pende py che renondépe, Che pomopotĩ hag̃ua;

75 Che atestifika hag̃ua pende Rúpe, ha pende Tupã ha che Tupãme, penepotĩha ko ñemoñareaty ñaña ruguýgui; Che akumpli hag̃ua peẽme ko promésa, ko tuicha ha ipaháva promésa Che ajapovaʼekue peẽme, haʼe jave Che rembipota.

76 Avei, Che ameʼẽ peẽme tembiapoukapy peñemboʼe ha peʼajuna meme hag̃ua koʼág̃a guive tenondeve gotyo.

77 Ha Che ameʼẽ peẽme tembiapoukapy peñomboʼe hag̃ua rreinogua doctrina.

78 Peñomboʼe jesarekópe, ha che grásia oĩta penendive, peñehekomboʼe porãve hag̃ua teoría, principio, doctrina, evanhélio léi, ha opa mbaʼe haʼévape Tupã rreinogua, iporãva peikũmby;

79 Umi mbaʼe yvága ha yvygua, ha yvy guypegua; umi mbaʼe haʼevaʼekue, haʼéva ha pyaʼe oikótava; umi tetãmegua mbaʼe, umi mbaʼe okapegua; umi tetãnguéra ñorairõguasu ha mbaʼevaiete, ha umi huísio oúva upe tetã ári; ha umi tetã ha rreinokuéra kuaapy—

80 Peime hag̃ua ñembosakoʼípe opa mbaʼépe, Che pombou jey vove pembotuicha hag̃ua upe llamamiénto Che pohenoihague, ha misiõ Che pokomisionahague reheve.

81 Péina ápe, Che pombouvaʼekue petestifika ha peʼamonesta hag̃ua tavayguakuérape, ha iporã opa tekove oñeʼamonestavaʼekue, toʼamonesta hapichápe.

82 Upévare, opyta hikuái heʼikuaaʼỹre mbaʼeve, ha iñangaipakuéra opyta iñakã arikueraite.

83 Upe voi cherekáva, chejuhúta, ha ndojehejareimoʼãi.

84 Upévare, pepyta, ha jesarekópe pembaʼapo, peñemoporãmba hag̃ua pene ministériope, peho hag̃ua hentilkuéra apytépe ipahaite, mayma Ñandejára juru ohenóiva, ojokua hag̃ua pe léi ha osella hag̃ua pe testimónio, ha ombosakoʼi hag̃ua santokuérape huísio oútava aravópe g̃uarã.

85 Umi hiʼánga okañy hag̃ua Tupã ñekoʼõigui, mbaʼevaiete oporohundívagui, ohaʼarõva umi iñañávape, ko múndo ha múndo oútavape. Añetehápe, Che haʼe peẽme, umi ndahaʼéiva elder-kuéra peteĩha toĩnte upe víñape, Ñandejára juru ohenói peve chupekuéra, hiʼarakuéra neĩragui og̃uahẽ gueteri; ijaokuéra naipotĩgui ko ñemoñareaty ruguýgui.

86 Pepyta pe tekosãso peñemosãsóvape; anive peike angaipápe, ha katu taipotĩ umi pende po Ñandejára ou peve.

87 Ndaʼaréi ko ára guive, pe yvy oryrýita ha ovaváta peteĩ tekove kaʼúicha; ha pe kuarahy omokañýta hova ha ndohesapesemoʼãi; ha umi jasy oñemopytãta tuguýicha; ha hoʼáta yvy gotyo pe ígo igéragui hoʼaháicha.

88 Ha pene testimónio rire ou umi ñekoʼõi ha pochykue ko tavayguakuéra ári.

89 Pende testimónio rire oúgui umi yvyryrýi testimónio omopyahẽtava pe yvy mbyte, ha tekovekuéra hoʼáta yvýpe ha ndaikatumoʼãi opyta ñemboʼyhápe.

90 Ha avei ou umi arasunu ñeʼẽpu testimónio, ha umi aratiri ñeʼẽpu, ha umi aravai ñeʼẽpu, ha umi yguasu puʼã ñeʼẽpu osẽva umi hembeʼýgui.

91 Ha opa mbaʼe oĩta ñemomyipyvaípe; ha añetehápe, tekovekuéra korasõ ikangýta, kyhyje oútagui opa tavayguakuéra ári.

92 Ha anhelkuéra ovevéta yvága mbyte rupi, osapukáivo ñeʼẽpu atãme, ombopúvo Tupã turu, heʼívo: Peñembosakoʼíke, peñembosakoʼíke, O yvy ári peikovéva, ñande Tupã huísio og̃uahẽmagui. Péina ápe, péicha, pe Menarã ou; pesẽke pemoirũ hag̃ua ichupe.

93 Ha upe riremi ojekuaáta peteĩ techaukaha yvágape, ha opa tavayguakuéra ohecháta oñondivepa.

94 Ha ambue ánhel ombopúta ituru, heʼívo: Pe tupao guasu, umi tembiapokyʼa sy, ojapóva opa umi tetã toyʼu hembiapovaikuéra ñekoʼõi vínogui, omuñáva Tupã santokuérape, oñohẽva huguykuéra—upe oguapýva heta y ári ha umi yguasu ísla ári—péina ápe, haʼe pe ñanavai yvy arigua; ojejokuáva atýpe; umi ijokuaha imbaretéva, ha avave ndaikatúi ojora; upévare, oĩma ojehapy hag̃uáicha. Ha haʼe ombopúta ituru puku ha hatãporã, ha opa tetãnguéra ohendúta.

95 Ha oĩta kirirĩ yvágape médio aravo mbyte rupi; ha upe riremi ojepeʼáta pe yvága vélo, peteĩ rrólloicha ojejoráva ojelia rire, ha Ñandejára rova ojekuaáta.

96 Ha umi santo oĩva yvy arigua oikovéva, oñemoingovéta ha ojehupíta yvate omog̃uahẽ hag̃ua chupe.

97 Ha umi okevaʼekue iñeñotỹháme osẽta, ojepeʼátagui umi iñeñotỹha; ha avei haʼekuéra ojehupíta yvate omog̃uahẽ hag̃ua chupe yvága pyenda jokoha mbytépe—

98 Haʼekuéra Cristo ndivegua, umi ñepyrũmbýva, umi hendive oguejy raẽvétava, ha umi oĩva yvy ári ha iñeñotỹha ryrúpe, umi ojehupi raẽtava yvate omog̃uahẽ hag̃ua chupe; ha opa koʼãva Tupã ánhel turu pu ñeʼẽpu rupive.

99 Ha kóva rire, ambue ánhel ombopúta, ha turu mokõiháta; ha upérõ ou umi Cristo mbaʼéva ijeju rredensiõme, umi ohupytyvaʼekue ipárte upe kaʼirãi oñembosakoʼiʼakuépe chupekuéra g̃uarã, ohupyty hag̃ua evanhélio, ha ojehusga hag̃ua yvypóraicha hetépe.

100 Ha avei, ambue turu ipúta, haʼéva turu mbohapyha; ha upérõ ou umi tekove espíritu ojehusgavaʼerã, ha oĩva kondenasiõ guýpe.

101 Ha koʼãva haʼe umi omanovaʼekue rembyre; ha ndoikove jeymoʼãiva ohasapa peve mil ary, ni ndoikove jeymoʼãvéitava yvy paha peve.

102 Ha ambue turu ipúta, haʼéva turu irundyha, heʼívo: Umi ára tuicha ha paha peve opytátava apytépe, héẽ, ipaha, haʼe umi ikyʼátava gueteri.

103 Ha ambue turu ipúta, haʼéva upe kínto turu, haʼéva kínto ánhel, ovevéva yvága mbyte rupive, ha omeʼẽ pe evanhélio opaveʼỹva opa tetãnguéra, avaretãnguéra, ñeʼẽnguéra ha tavakuérape;

104 Ha kóva haʼéta ituru pu, heʼívo opa tavayguakuérape, yvága ha yvýpe, ha yvy guýpe—opa apysa ohendútagui, ha opa tenypyʼa oñesũta, ha opa ñeʼẽ omombeʼúta, ohendu aja upe turu pu, heʼíva: Pekyhyjéke Tupãgui, ha pemeʼẽ glória upe apykajegua ári oguapývape, akói ha tapiaite g̃uarã; ihuísio aravo og̃uahẽmagui.

105 Ha avei, ambue ánhel, haʼéva sexto ánhel, ombopúta ituru, heʼívo: Hoʼákuri upe ojapóva opa umi tetã toyʼu hembiapovaikuéra ñekoʼõi vínogui; haʼe hoʼákuri, hoʼákuri!

106 Ha avei, ambue ánhel, haʼéva sétimo ánhel, ombopúta ituru, heʼívo: Oikopáma; oikopáma! Tupã Cordero ipuʼaka ha opyrũmbákuri haʼeño pe uvañamiháre, jepeve Tupã Ipuʼakapáva ñekoʼõi ñarõ uvañamiháre.

107 Ha upérõ anhelkuéra oñekoronáta ipuʼaka glória reheve, ha santokuéra henyhẽta iglóriagui, ha ohupytýta ijehejapyrekuéra ha peteĩchapáta hendive.

108 Ha upérõ pe ánhel peteĩha ombopu jeýta ituru opa oikovéva apysápe, ha ohechaukáta tekovekuéra rembiapo ñemi ha umi Tupã rembiapo hechapyrãva upe milénio peteĩha aja.

109 Ha upérõ pe ánhel mokõiha ombopúta ituru ha ojehechaukáta tekovekuéra rembiapo ñemi, ha ikorasõ remiandu ha pyʼapota, ha umi Tupã rembiapo hechapyrãva milénio mokõiha aja.

110 Ha upéicha, pe séptimo ánhel ombopu peve ituru; ha oĩta ñemboʼyhápe yvy ári ha yguasu ári, ha ohuráta upe oguapýva apykajegua ári rérape, pe ára opataha; ha Satana ojejokuáta, upe mbói yma oñehenóiva aña, ha ndojejoramoʼãi mil ary pukukue aja.

111 Ha upérõ ojepoíta chugui peteĩ ára mbyky aja, ombyaty hag̃ua umi ijehérsito.

112 Ha Miguel, pe séptimo ánhel, upe arkánhel jepe, ombyatýta ijehersitokuéra, héẽ, umi yvagagua tekoveʼaty.

113 Ha pe aña ombyatýta ijehersitokuéra; jepeve umi tekoveʼaty añaretãmegua, ha ohóta ñorairõme Miguel ha ijehersitokuéra rehe.

114 Ha upérõ ou Tupã guasu ñorairõ; ha pe aña ha ijehersitokuéra oñemombóta hendag̃uáme, anivéma hag̃ua ipuʼaka hikuái santokuérare.

115 Miguel oñorairõtagui iñorairõnguéra, ha ipuʼakáta upe apykajegua oipotávare, upe oguapýva apykajegua árigui, héẽ, upe Cordero.

116 Kóva haʼe Tupã glória, ha umi oñesantifikapyre; ha ndohechamoʼãvéima hikuái ñemano.

117 Upévare, añetehápe Che haʼe peẽme, pehenói pende asamblea solemne, Che amanda haguéicha.

118 Ha opavave ndojeroviáigui, peheka jesarekópe ha peñomboʼe umi arandu ñeʼẽ; héẽ, peheka arandu ñeʼẽ umi aranduka iporãvévagui; peheka kuaapy, jepeve ñemoarandu ha jerovia rupive.

119 Peñemohenda; pembosakoʼi opa mbaʼe tekotevẽva; ha pemoĩ peteĩ óga, héẽ, peteĩ ñemboʼe róga, peteĩ ajúno róga, peteĩ jerovia róga, peteĩ ñehekomboʼe róga, peteĩ glória róga, peteĩ orden róga, peteĩ Tupã róga;

120 Pende jeike haʼe hag̃ua Ñandejára rérape; pende ñesẽ haʼe hag̃ua Ñandejára rérape; ha opa pene ñemomaitei haʼe hag̃ua Ñandejára rérape, po jehupi reheve pe Ijyvatevéva gotyo.

121 Upévare, pepoi opa umi peneñemongeta reígui, opa jepukágui, opa tete potapýgui, opa pende orgúllo ha ñemboharái rekógui, ha opa penerembiapo ñañágui.

122 Pehenói pende apytégui peteĩ mboʼehára; ha ani peñeʼẽ jovaipa; ha katu peñeʼẽ peteĩteĩ ha opavave pehendu upe heʼíva, opavave oñeʼẽmba vove, opavave pejeʼedifika hag̃ua opavavére, ha opa tekove toreko peteĩchagua mbaʼeporã.

123 Pejohayhúke; anive peipota umi penembaʼeʼỹva; peikuaa mbaʼéicha pemeʼẽvaʼerã ojupekuéra evanhélio ojerureháicha.

124 Anive penderekorei; anive pende rekokyʼa; anive peñeʼẽvai ojuehe; anive peke areve peikotevẽvagui; peke voi ani hag̃ua penekaneʼõ; pepuʼã voi pende rete ha pene akã oñemombarete hag̃ua.

125 Ha opa mbaʼe ári, peñemonde, ahoja reheguáicha, karida rehegua ñembojoajúpe, haʼéva porãmba ha pyʼaguapy joaju.

126 Akóinte peñemboʼe, ani hag̃ua penekangy, Che aju peve. Péina ápe, ha péicha, Che pyaʼe ajúta, ha pojapyhýta chembaʼerã. Amén.

127 Ha avei, upe óga oñembosakoʼíva profetakuéra mboʼehao presidencia-pe g̃uarã orden, oñemoĩva iñehekomboʼerã opa mbaʼe chupekuéra iporãvape g̃uarã, héẽ, opa tupao oficial-kuérape g̃uarã, térã ambue ñeʼẽme, umi oñehenóiva tupao ministériope, oñeñepyrũvo sumo sacerdote-kuéragui, umi diácono peve jepeve—

128 Ha kóva haʼéta upe mboʼehao presidencia rogapegua orden: Pe oñehenóiva presidente térã maestro, opytáta hendag̃uáme, upe óga oñembosakoʼívape chupe g̃uarã.

129 Upévare, haʼéta peteĩha Tupã rógape, peteĩ tenda, umi oñembyatýva upe ógape, ikatuhágui ohendu umi iñeʼẽ jesareko ha jehechakuaápe, ndahaʼéi ñeʼẽ atãme.

130 Ha oikévo Tupã rógape, haʼétagui peteĩha upe ógape—péina ápe, kóva iporãite, haʼe hag̃ua tembiecharã—

131 Toñemeʼẽ ñemboʼépe, ñesũháme Tupã renondépe, techaukaha térã ñemomanduʼa ramo upe konvénio ijapyraʼỹvagui.

132 Ha oĩramo oikéva haʼe rire, topuʼã pe maestro, ha omopuʼãvo umi ipo yvága gotyoite, tomomaitei ijoykeʼýpe térã ijoykeʼykuérape koʼã ñeʼẽme:

133 Ndépa hermano térã hermano-kuéra? Pomomaitei Ñandejára Jesucristo rérape, techaukaha térã ñemomanduʼa ramo upe konvénio ijapyraʼỹvagui, konvénio pomog̃uahẽvape mborayhuporãme, peteĩ determinasiõ okuʼeʼỹvape, oñemoambueʼỹva ha ovaʼỹvape, haʼe hag̃ua pene angirũ ha hermano, Tupã grásia rupive mborayhu joajúpe, ojeiko hag̃ua opa Tupã rembiapoukapykuérape heʼiháicha, kulpaʼỹre, aguyje meʼẽme, akói ha tapiaite g̃uarã. Amén.

134 Ha pe ndahekojojáivape ko maiteirã, ndorekomoʼãi hendag̃ua pende apytépe; ndapehejamoʼãigui omongyʼa che róga.

135 Ha pe oikéva ha ijeroviarekóva che renondépe, ha haʼe peteĩ hermano, térã hermano-kuéra, omomaiteíta presidente térã maestro-pe, oipysóvo ipo yvága gotyo, koichagua ñemboʼe ha konvénio reheve, térã heʼívo Amén, kóva ohechaukávo.

136 Péina ápe, añetehápe, Che haʼe peẽme, kóva haʼe peteĩ apoukapy peẽme g̃uarã, peñomomaitei hag̃ua Tupã rógape, profetakuéra mboʼehaópe.

137 Ha oñemanda peẽme pejapo hag̃ua kóva ñemboʼe ha aguyjemeʼẽme, pe Espíritu oñandukaháicha peẽme peje hag̃ua, opa penerembiapópe Ñandejára rógape, profetakuéra mboʼehaópe, haʼe hag̃ua peteĩ santuário, pe Espíritu Santo renda marangatu pene edifikasiõrã.

138 Ha napemog̃uahẽmoʼãi pende apytépe avave ko mboʼehaópe, ndahaʼéirõ ipotĩva ko ñemoñareaty ryguýgui;

139 Ha oñemog̃uahẽta chupe py jejohéi ordenansa rupive, pevarã oñemoĩgui.

140 Ha avei, py jejohéi rehegua ordenansa odministráta upe tupaogua presidente térã elder presidente.

141 Oñeñepyrũta peteĩ ñemboʼe reheve; ha ojeʼu rire mbujape ha víno, kóva ojejapovaʼerã apopyre oñemeʼẽháicha Juan testimónio, capítulo decimotercero-pe, che reheguáva. Amén.