4. Kirtland, Ohio, 1830–1838

Rochoch laj Newel K. Whitney Laj Jose ut li xEmma ke’wan arin chiru junjunq xamaan naq ke’wulak xb’een wa Kirtland sa’ 1831. Laj Jose kixk’ul junjunq li k’utb’esinb’il na’leb’ arin.

Awimq re laj Isaac Morley Laj Jose ut li xEmma ke’wan arin chalen Marzo toj Septiembre 1831. Li xb’een taqenaqil aj tij ke’k’ojob’aak arin. Laj Jose Smith kik’anjelak rik’in li Santil Hu Jaltesinb’il ru xb’aan laj Jose Smith (JJS).

Xk’ayib’aal laj Newel K. Whitney Arin kik’eeman lix laawil li awa’b’ejihom re li Xb’eenil Awa’b’ejil re li Iglees. Li tzoleb’aal reheb’ li profeet kiwan arin sa’ li hab’alq’e re 1833. Li JJS yoo chi choymank arin sa’ 1833. Laj Jose ut li xEmma ke’wan arin chalen 1832 toj 1833. Laj Jose kixk’ul k’iila k’utb’esinb’il na’leb’ arin.

Ochochnal re laj John Johnson Sa’ li ochochnal kiwan li xb’een k’anjeleb’aal re k’uub’ank hu sa’ Kirtland. Kik’uub’aman choq’ hu arin li perel hu The Evening and the Morning Star (Li Chahim re Ewu ut Eq’la) chirix naq kisache’ li k’uubleb’aal hu sa’ li Condado Jackson, Missouri. Eb’ li Kab’laju chi Apostol ke’el chaq arin sa’ 4 Mayo 1835 re xb’aanunkil li xb’een taqlanb’il xk’anjeleb’.

Rochoch laj Jose Smith, alalb’ej Laj Jose ut li xEmma ke’wan arin chalen xraqik li 1833 toj sa’ xtiklajik li 1838. Kichoyman xjaltesinkil ru lix hu laj Abraham, ut laj Jose kixk’ul xkomoneb’ chik li k’utb’esinb’il na’leb’ arin.

K’anjeleb’aal re k’uub’ank hu Li K’utb’il Aatin chirix li Paab’aal kiyeeman sa’ li kab’l a’in. Eb’ li Kab’laju chi Apostol ut li Xb’een Xmolameb’ laj Setenta ke’boqe’ ut ke’k’ojob’aak arin. Li Tzol’leb’ ut Sumwank (xb’een xk’uub’lajik), lix Hu laj Mormon (xkab’ xk’uub’lajik) ut eb’ li perel hu The Evening and the Morning Star (Li Chahim re Ewu ut Eq’la), Latter Day Saints’ Messenger and Advocate (Aj Yehol Esil ut aj Ch’olob’anel reheb’ laj Santil Paab’anel sa’ Roso’jikeb’ li Kutan), ut li xb’een xk’uub’lajik li Elders’ Journal (Perel Hu choq’ reheb’ li Xb’eenil) ke’k’uub’aman arin.

Santil ochoch re Kirtland Li santil ochoch a’in a’an li xb’een re li jun k’ojlajik a’in. Li Jesukristo kixk’ut rib’ ut kixk’ulub’a li santil ochoch. Laj Moises, laj Eliyah, ut laj Elias ke’xk’ut rib’ ut ke’xk’ojob’ wi’chik junjunq xlaawil li tijonelil (chi’ilmanq Tz. ut S. 110). Li Tzoleb’aal reheb’ li Profeet kich’utla arin. Eb’ li k’utb’esinb’il na’leb’ li ke’k’ule’ arin: Tz. ut S. 109–110; 137.

Kirtland Sa’ 17 Agosto 1835, kik’ulub’aman li Tzol’leb’ ut Sumwank choq’ loq’laj hu. Li k’utb’esinb’il na’leb’ li ke’k’ule’ Kirtland a’aneb’ Tz. ut S. 41–50; 52–56; 63–64; 72; 78; 84–98; 101–104; 106–110; 112; 134; ut 137. Li tasal 104 naxye naq taak’eemanq junjunq li eechej reheb’ li komon sa’ li Iglees re te’tz’aqonq sa’ li k’anjelil sa’ junajil (chi’ilmanq li raqal 19–46).