18. Salt Lake Temple
Salt Lake Temple a wɔrohwɛ no fi etsifi-boka afamu. Nda a Odzi Ekyir Ahotseweefo edzikamfo ekuw no mu dza odzii kan no hɛɛn Salt Lake Bɔnsa no mu nda kakra ekyir no, President Brigham Young dze no poma bɔɔ famu na ɔpaa mu kãa dɛ “Ha na yeribesi hɛn Nyankopɔn ne temple no.” Wotuu famu Kwakwar 14, 1853. Ebɔbira 6, 1853, na wɔtoow kutuwdo-bo. Wowiee temple no si na wotui hyɛɛ Nyame nsa mfe eduanan ekyir wɔ Ebɔbira 6, 1893. President a Odzi Kan na n’Apamfo nye Asomafo Duebien Quorum no hyia mu dapɛn biara dze dwendwen na wɔhwehwɛ Ewuradze hɔ kwankyerɛ mfa mbrɛ wonsi nhwɛ do na wɔnkyekyer Nyankopɔn n’ahenman no.
Dza Osisii Tsitsir: Ewuradze ehuei nyikyerɛ sunsum egu Asɔr ne Presidentfo nye Dzibewdzi Etumfo Etsitsir no hɔn do wɔ ha a, Asɔr Dawurbɔ 2 no kã ho bi. Ɔnnkyɛree biara, President a Odzi Kan na n’Apamfo nye Asomafo Duebien Baguafo yɛɛ adwen kor gyee too mu tsintsiim “Ebusua No: Dawurbɔ a wɔdze ma Wiadze no” no na wɔdze puee guado. Temple ayɛdze a wɔyɛ ma atseasefo na ewufo nyinara no ayɛ nhyira ama akra ɔpepe.