5. Esutsen Susquehanna
Mfonyin yi kyerɛ Esutsen Susquehanna a ɔwɔ Harmony Kurow mu, wɔ Pennsylvania.
Dza Osisii Tsitsir: Joseph Smith Kakraba dzii kan baa Harmony 1825 mu dɛ ɔrobɔhwehwɛ edwuma ayɛ. Ɔno na n’egya bɛtsenaa Isaac Hale ne fie a ɔbɛn ha, bea a Joseph dzii kan hyiaa Emma Hale, na ekyir no ɔbɛyɛɛ ne yer (JS—Aba 1:56–57). Joseph na Emma waar Sanda 18, 1827 mu. Nkɔnhyɛnyi no ne nsa kãa sika mprɛtse no Fankwa 22, 1827 mu, wɔ Manchester, New York, ekyir no, annkyɛr na ɔnye Emma tui fii hɔ kɔr Harmony, hɔ na ɔhyɛɛ ase dɛ ɔrekyerɛ mprɛtse no ase Ber a ɔrekyerɛ Mormon Nwoma no ase no, Joseph na Oliver pɛɛ dɛ wɔtse enuma n’ase yie ntsi wɔnantsewee kɔr bea bi wɔ ndua a ɔbɛn ha no mu dɛ wɔrokɔbɔ mpaa ama Ewuradze wɔ dɛm adze no ho. Mpaabɔ yi ho mbuae no John Onumanyi no puee hɔ Esusow Aketseaba 15, 1829 mu (JS—Aba 1:66–74; N&A 13). Ɔdze Aaron Asɔfodzi maa Joseph na Oliver. Nkyii wɔkɔr esutsen no mu na wonumaa hɔnho nkorkor dze maa bɔnfakyɛ. John Onumanyi no kyerɛɛ Joseph na Oliver mbrɛ wonsi nhyɛ hɔnho Aaron Asɔfodzi no. Ekyir no annkyɛr koraa nna Peter, James, na John puee wɔ Harmony and Colesville ntamu na wɔdze Melchizedek Asɔfodzi no maa Joseph na Oliver (N&A 27:12–13; 128:20).