9 Mo oli talem long hem: “Yu kamaot.” Mo oli bin kros tumas long hem.

10 Mo oli toktok long medel blong olgetawan bakegen: “!Man ia, hem i bin kam long narafala ples mo stap wetem yumi, mo naoia hem i wantem se bae hem i jaj! Naoia bae yumi mekem long hem i mowas bitim we yumi bin mekem long olgeta.”

11 Taswe, oli bin talem long man ia: “Bae mifala i karem ol man, mo ol gel blong yu tu; mo bae mifala i mekem long olgeta wanem we mifala i luk se i gud.”

12 Nao, hemia i from fasin nogud blong Sodom.

13 Mo Lot i bin talem: “Luk, naoia mi gat tufala gel we tufala i no go wetem man yet; mi plis long yufala, letem mi askem long ol brata blong mi se bae mi no tekem tufala i kam aotsaed long yufala; mo bambae yufala i no mekem olgeta olsem we yufala i ting se i gud long ae blong yufala.

14 From se God bae i no talem se wokman blong hem i no gat rong long samting ia; taswe, letem mi askem long ol brata blong mi, long taem ia nomo, se bae oli no mekem wan samting long tufala man ia, blong oli save gat pis insaed long haos blong mi, from se tufala i kam long haos blong mi.”

15 Mo oli bin kros long Lot mo oli kam kolosap blong brekemdaon doa, be ol enjel blong God, we tufala i ol tabu man, tufala i putum han blong tufala long Lot, mo pulum Lot i kam insaed long haos, mo tufala i sarem doa.