ក.យ.ស., លូកា ១៧:២១ (ចូរប្រៀបធៀបនឹងគម្ពីរលូកា ១៧:២០–២១)
(នគរព្រះបានមកដល់រួចស្រេចហើយ)។
២១គ្មានអ្នកណានឹងថា មើលនៅទីនេះ ឬថា មើលនៅទីនោះទេ! ត្បិតមើលចុះ នគរព្រះបានមកដល់អ្នករួចស្រេចហើយ។
ក.យ.ស., លូកា ១៧:៣៦–៤០ (ចូរប្រៀបធៀបនឹងគម្ពីរលូកា ១៧:៣៧)
(ព្រះយេស៊ូវទ្រង់បានពន្យល់ប្រាប់ពីការប្រមូលពួកសុចរិត)។
៣៦ហើយពួកគេបានឆ្លើយ ហើយទូលទៅទ្រង់ថា ព្រះអម្ចាស់អើយ តើពួកគេនឹងត្រូវយកទៅឯណា?
៣៧ហើយទ្រង់ក៏មានព្រះបន្ទូលទៅពួកគេថា នៅកន្លែងណាដែលរូបកាយប្រមូលគ្នា ឬម្យ៉ាងទៀត នៅកន្លែងណាដែលពួកបរិសុទ្ធប្រមូលគ្នា គឺកន្លែងនោះហើយដែលសត្វឥន្ទ្រីនឹងប្រមូលគ្នា ឬនៅកន្លែងនោះហើយដែលពួកនៅសល់ទាំងប៉ុន្មាននឹងត្រូវបានប្រមូលគ្នា។
៣៨នេះទ្រង់បានមានព្រះបន្ទូលអំពីការប្រមូលពួកបរិសុទ្ធរបស់ទ្រង់ និងអំពីពួកទេវតាដែលចុះមក ហើយប្រមូលពួកអ្នកនៅសល់ទាំងប៉ុន្មានចំពោះពួកគេ ម្នាក់ពីដំណេក ម្នាក់ទៀតពីកន្លែងកិនម្សៅ ហើយម្នាក់ទៀតពីចម្ការ គឺពីកន្លែងនានាដែលទ្រង់សព្វព្រះហឫទ័យ។
៣៩ត្បិតប្រាកដជានឹងមានផ្ទៃមេឃថ្មី និងផែនដីថ្មី ដែលមានសុទ្ធតែសេចក្ដីសុចរិត។
៤០ហើយនឹងគ្មានអ្វីដែលមិនស្អាតឡើយ ត្បិតផែនដីនឹងក្លាយទៅជាចាស់ ដូចជាសំលៀកបំពាក់ ដោយកាន់តែធំឡើងក្នុងសេចក្ដីពុករលួយ ហេតុដូច្នោះហើយ វានឹងបាត់ទៅ ហើយកំណល់កល់ជើងនឹងនៅតែបានញែកជាបរិសុទ្ធ ដោយបានស្អាតបាតពីអស់ទាំងអំពើបាប។