ປຈສ, ລູກາ 17:21. ປຽບທຽບໃສ່ກັບ ລູກາ 17:20–21
ອານາຈັກຂອງພຣະເຈົ້າມາເຖິງແລ້ວ.
21 ບໍ່ມີຜູ້ໃດຈະເວົ້າວ່າ, ເບິ່ງແມ, ຢູ່ທີ່ນີ້! ຫລື ເບິ່ງແມ, ຢູ່ທີ່ນັ້ນ! ເພາະ, ຈົ່ງເບິ່ງ, ອານາຈັກຂອງພຣະເຈົ້າຢູ່ໃນທ່າມກາງພວກເຈົ້າແລ້ວ.
ປຈສ, ລູກາ 17:36–40. ປຽບທຽບໃສ່ກັບ ລູກາ 17:37
ພຣະເຢຊູເລົ່າຄຳອຸປະມາເລື່ອງຝູງແຮ້ງ ເພື່ອອະທິບາຍເຖິງການເຕົ້າໂຮມໄພ່ພົນຂອງພຣະອົງ ໃນຍຸກສຸດທ້າຍ.
36 ແລະ ເຂົາເຈົ້າໄດ້ຕອບ ແລະ ກ່າວກັບພຣະອົງວ່າ, ພຣະອົງເຈົ້າເອີຍ, ເຫດການນັ້ນຈະເກີດຂຶ້ນຢູ່ທີ່ໃດ?
37 ແລະ ພຣະອົງໄດ້ກ່າວກັບເຂົາເຈົ້າວ່າ ຊາກສົບຢູ່ບ່ອນໃດ; ຫລື ອີກຄຳໜຶ່ງ, ໄພ່ພົນຂອງພຣະເຈົ້າເຕົ້າໂຮມຢູ່ບ່ອນໃດ, ຝູງແຮ້ງກໍຈະຈຸ້ມກັນຢູ່ບ່ອນນັ້ນ; ຫລື ຢູ່ທີ່ນັ້ນ ຜູ້ທີ່ເຫລືອຢູ່ຈະຖືກພາມາເຕົ້າໂຮມກັນ.
38 ເລື່ອງນີ້ພຣະອົງໄດ້ກ່າວ, ໂດຍໝາຍເຖິງການເຕົ້າໂຮມຂອງໄພ່ພົນຂອງພຣະອົງ; ແລະ ເຫລົ່າທູດໄດ້ລົງມາ ແລະ ເຕົ້າໂຮມຜູ້ທີ່ເຫລືອຢູ່ໄວ້ກັບພວກເຂົາ; ຄົນໜຶ່ງຈາກຕຽງນອນ, ອີກຄົນໜຶ່ງຈາກບ່ອນໂມ້ແປ້ງ, ແລະ ຄົນໜຶ່ງອີກຈາກທົ່ງ, ບ່ອນໃດກໍຕາມທີ່ພຣະອົງປະສົງ.
39 ເພາະຕາມຈິງແລ້ວ ຈະມີຟ້າສະຫວັນໃໝ່, ແລະ ແຜ່ນດິນໂລກໃໝ່, ຊຶ່ງໃນນັ້ນ ຄວາມຊອບທຳຈະດຳລົງຢູ່.
40 ແລະ ຈະບໍ່ມີສິ່ງທີ່ບໍ່ສະອາດ; ເພາະແຜ່ນດິນໂລກຈະເລີ່ມເກົ່າລົງ, ແມ່ນແຕ່ເປັນເໝືອນເສື້ອຜ້າ, ເລີ່ມເນົ່າເປື່ອຍລົງເລື້ອຍໆ, ດັ່ງນັ້ນ ມັນຈຶ່ງສູນຫາຍໄປ, ແລະ ທີ່ຮອງພຣະບາດຍັງຢູ່ໃນສະພາບທີ່ໄດ້ຮັບການຊຳລະໃຫ້ບໍລິສຸດແລ້ວ, ຖືກຊຳລະລ້າງຈາກບາບທັງໝົດ.