ການແປຂອງໂຈເຊັບ ສະມິດ ພາກຫ້ອຍທ້າຍ ຄຳນຳຕໍ່ໄປນີ້ແມ່ນພາກສ່ວນຕ່າງໆ ທີ່ຄັດເລືອກມາຈາກການແປພຣະຄຣິສຕະທຳຄຳພີ ສະບັບກະສັດເຈມສ໌ ຂອງໂຈເຊັບ ສະມິດ (ປຈສ). ພຣະຜູ້ເປັນເຈົ້າໄດ້ດົນໃຈສາດສະດາ ໂຈເຊັບ ສະມິດ ໃຫ້ຟື້ນຟູຄວາມຈິງ ໃຫ້ແກ່ຂໍ້ຄວາມໃນພຣະຄຣິສຕະທຳຄຳພີ ສະບັບກະສັດເຈມສ໌ ທີ່ສູນຫາຍໄປ ຫລື ຖືກປ່ຽນແປງໄປ ຕັ້ງແຕ່ມີການຂຽນຖ້ອຍຄຳດັ້ງເດີມໄວ້. ຄວາມຈິງເຫລົ່ານີ້ທີ່ໄດ້ຖືກຟື້ນຟູຄືນມາໃໝ່ໄດ້ໃຫ້ຄວາມແຈ່ມແຈ້ງແກ່ຄຳສອນ ແລະ ໄດ້ເພີ່ມຄວາມເຂົ້າໃຈແກ່ພຣະຄຳພີ. ປຈສ, ປະຖົມມະການ ປຈສ, ປະຖົມມະການ 1–8ເນື້ອຫານີ້ຂອງພຣະຄຣິສຕະທຳຄຳພີ ໄດ້ຖືກນຳກັບຄືນມາໂດຍ ໂຈເຊັບ ສະມິດ ແລະ ໄດ້ຖືກຈັດພິມໄວ້ໃນ ໄຂ່ມຸກອັນລ້ຳຄ່າ ເປັນພາກສ່ວນໜຶ່ງທີ່ນອກເໜືອຈາກ ໜັງສືໂມເຊ ປຈສ, ປະຖົມມະການ 9ຫລັງຈາກນ້ຳຖ້ວມ, ໂນອາໄດ້ທູນຂໍພຣະຜູ້ເປັນເຈົ້າບໍ່ໃຫ້ສາບແຊ່ງແຜ່ນດິນໂລກອີກ. ປຈສ, ປະຖົມມະການ 14ເມນຄີເສເດັກອວຍພອນອັບຣາມ. ການປະຕິບັດສາດສະໜາກິດທີ່ຍິ່ງໃຫຍ່ຂອງເມນຄີເສເດັກ ແລະ ອຳນາດ ແລະ ພອນຂອງຖານະປະໂລຫິດແຫ່ງເມນຄີເສເດັກ ໄດ້ຖືກບັນຍາຍໄວ້. ປຈສ, ປະຖົມມະການ 15ອັບຣາຮາມຮຽນຮູ້ກ່ຽວກັບການຟື້ນຄືນພຣະຊົນ ແລະ ເຫັນການປະຕິບັດສາດສະໜາກິດໃນຊ່ວງມະຕະຂອງພຣະເຢຊູ ໃນພາບນິມິດ. ປຈສ, ປະຖົມມະການ 17ຜູ້ຄົນບໍ່ສາມາດຮັກສາພິທີການຂອງພຣະກິດຕິຄຸນ, ລວມທັງການບັບຕິສະມາ. ພຣະເຈົ້າອະທິບາຍເລື່ອງພັນທະສັນຍາຂອງພິທີຕັດ ແລະ ອາຍຸທີ່ຮູ້ຈັກຮັບຜິດຊອບຂອງເດັກ ແກ່ອັບຣາຮາມ. ປຈສ, ປະຖົມມະການ 19ໂລດຕໍ່ຕ້ານຄວາມຊົ່ວຮ້າຍຂອງເມືອງໂຊໂດມ, ແລະ ທູດປົກປ້ອງລາວ. ປຈສ, ປະຖົມມະການ 21ອັບຣາຮາມນະມັດສະການພຣະເຈົ້າຜູ້ດຳລົງຢູ່ຕະຫລອດໄປເປັນນິດ. ປຈສ, ປະຖົມມະການ 48ເອຟະຣາອີມ ແລະ ມານາເຊ ໄດ້ກາຍເປັນເຜົ່າຂອງອິດສະຣາເອນ. ເຊັ່ນດຽວກັບໂຢເຊັບໃນສະໄໝບູຮານໄດ້ຊ່ວຍເຫລືອຊີວິດຄອບຄົວຂອງເພິ່ນທາງຮ່າງກາຍສັນໃດ, ລູກຫລານຂອງເພິ່ນຈະຊ່ວຍເຫລືອຊາວອິດສະຣາເອນທາງວິນຍານສັນນັ້ນ ໃນຍຸກສຸດທ້າຍ. ປຈສ, ປະຖົມມະການ 50ໂຢເຊັບໃນເອຢິບ ທຳນາຍກ່ຽວກັບໂມເຊປົດປ່ອຍຊາວອິດສະຣາເອນຈາກຄວາມເປັນທາດຂອງຊາວເອຢິບ; ກ່ຽວກັບກິ່ງງ່າຂອງລູກຫລານຂອງໂຢເຊັບ ຖືກນຳໄປສູ່ແດນໄກ, ບ່ອນທີ່ພວກເຂົາຈະຖືກຈື່ຈຳໃນພັນທະສັນຍາຂອງພຣະຜູ້ເປັນເຈົ້າ; ກ່ຽວກັບພຣະເຈົ້າເອີ້ນສາດສະດາໃນຍຸກສຸດທ້າຍຊື່ໂຈເຊັບໃຫ້ຕໍ່ບັນທຶກຂອງຢູດາ ແລະ ຂອງໂຢເຊັບ ເຂົ້າກັນ; ແລະ ກ່ຽວກັບອາໂຣນຮັບໃຊ້ເປັນຜູ້ກ່າວແທນໂມເຊ. ປຈສ, ອົບພະຍົບ ປຈສ, ອົບພະຍົບ 4ພຣະຜູ້ເປັນເຈົ້າບໍ່ຮັບຜິດຊອບສຳລັບໃຈທີ່ແຂງກະດ້າງຂອງຟາຣາໂອ. ເບິ່ງ ປຈສ, ອົບພະຍົບ 7:3, 13; 9:12; 10:1, 20, 27; 11:10; 14:4, 8, 17 ນຳອີກ; ຂໍ້ອ້າງອີງແຕ່ລະຂໍ້, ເມື່ອແປຢ່າງຖືກຕ້ອງ, ສະແດງໃຫ້ເຫັນວ່າ ຟາຣາໂອເອງໄດ້ເຮັດໃຈແຂງກະດ້າງ. ປຈສ, ອົບພະຍົບ 18ເຢທະໂຣເປັນມະຫາປະໂລຫິດ. ປຈສ, ອົບພະຍົບ 22ຄາດຕະກອນຈະຕ້ອງຕາຍ. ປຈສ, ອົບພະຍົບ 32ພຣະຜູ້ເປັນເຈົ້າຈະໄວ້ຊີວິດຊາວອິດສະຣາເອນ ຜູ້ກັບໃຈ. ປຈສ, ອົບພະຍົບ 33ບໍ່ມີມະນຸດທີ່ບາບໜາຄົນໃດ ຈະສາມາດເຫັນພຣະພັກຂອງພຣະເຈົ້າ ແລະ ມີຊີວິດ. ປຈສ, ອົບພະຍົບ 34ອີກເທື່ອໜຶ່ງ ພຣະເຈົ້າຂຽນກົດໃສ່ໃນແຜ່ນຫີນ ທີ່ໂມເຊໄດ້ຕຽມມາ ແຕ່ໄດ້ເອົາຖານະປະໂລຫິດແຫ່ງເມນຄີເສເດັກ ແລະ ພິທີການຂອງມັນໄປ ຈາກລູກຫລານຂອງອິດສະຣາເອນ. ພຣະອົງໄດ້ປະທານພຣະບັນຍັດຝ່າຍໂລກໃຫ້ພວກເຂົາແທນ. ປຈສ, ພຣະບັນຍັດສອງ ປຈສ, ພຣະບັນຍັດສອງ 10ຢູ່ໃນແຜ່ນຫີນຊຸດທຳອິດ ພຣະເຈົ້າເປີດເຜີຍພັນທະສັນຍາອັນເປັນນິດຂອງຖານະປະໂລຫິດສັກສິດ. ປຈສ, 1 ຊາມູເອນ ປຈສ, 1 ຊາມູເອນ 16ວິນຍານຊົ່ວຮ້າຍທີ່ເຂົ້າສິງຢູ່ໃນໂຊນ ບໍ່ແມ່ນມາຈາກພຣະຜູ້ເປັນເຈົ້າ. ປຈສ, 2 ຊາມູເອນ ປຈສ, 2 ຊາມູເອນ 12ພຣະເຈົ້າບໍ່ໄດ້ຍົກບາບຮ້າຍແຮງໄປຈາກດາວິດ. ປຈສ, 1 ຂ່າວຄາວ ປຈສ, 1 ຂ່າວຄາວ 21ພຣະເຈົ້າຢຸດຢັ້ງທູດບໍ່ໃຫ້ທຳລາຍເຢຣູຊາເລັມ. ປຈສ, 2 ຂ່າວຄາວ ປຈສ, 2 ຂ່າວຄາວ 18ພຣະຜູ້ເປັນເຈົ້າບໍ່ໄດ້ວາງວິນຍານເທັດໄວ້ໃນປາກຂອງສາດສະດາ. ປຈສ, ເພງສັນລະເສີນ ປຈສ, ເພງສັນລະເສີນ 11ໃນຍຸກສຸດທ້າຍ ຄົນຊອບທຳຈະໜີໄປລີ້ທີ່ພູເຂົາຂອງພຣະຜູ້ເປັນເຈົ້າ. ເມື່ອພຣະຜູ້ເປັນເຈົ້າສະເດັດມາ, ພຣະອົງຈະທຳລາຍຄົນຊົ່ວ ແລະ ໄຖ່ຄົນຊອບທຳ. ປຈສ, ເພງສັນລະເສີນ 14ຜູ້ຂຽນເພງສັນລະເສີນເຫັນຄວາມຈິງທີ່ສູນເສຍໄປໃນຍຸກສຸດທ້າຍ ແລະ ຄອງຄອຍການສ້າງຕັ້ງຂອງຊີໂອນ. ປຈສ, ເພງສັນລະເສີນ 24ພຣະເຈົ້າແຫ່ງຄວາມມີໄຊຈະໄຖ່ຜູ້ຄົນຂອງພຣະອົງ ເວລາພຣະອົງສະເດັດມາ. ປຈສ, ເພງສັນລະເສີນ 109ພວກເຮົາຕ້ອງອະທິຖານເພື່ອຜູ້ປໍລະປັກຂອງເຮົາ. ປຈສ, ເອຊາຢາ ປຈສ, ເອຊາຢາ 29ຂ່າວສານທີ່ເຄີຍສັ່ງສອນໃນເຢຣູຊາເລັມ ໂດຍສາດສະດາໃນສະໄໝບູຮານ ຈະຖືກນຳມາສັ່ງສອນໃນຍຸກສຸດທ້າຍ ຈາກພຣະຄຳພີມໍມອນ, ຊຶ່ງຂຶ້ນ “ມາຈາກພື້ນດິນ.” ປຈສ, ເອຊາຢາ 42ພຣະຜູ້ເປັນເຈົ້າສົ່ງຜູ້ຮັບໃຊ້ຂອງພຣະອົງໄປສອນຄົນທີ່ບໍ່ເລືອກເບິ່ງ ຫລື ຟັງຄວາມຈິງ; ຄົນທີ່ຟັງ ແລະ ເຊື່ອຟັງ ຈະຖືກເຮັດໃຫ້ດີພ້ອມທຸກຢ່າງ. ປຈສ, ເຢເຣມີຢາ ປຈສ, ເຢເຣມີຢາ 26ພຣະຜູ້ເປັນເຈົ້າບໍ່ຕ້ອງກັບພຣະໄທ; ມະນຸດຕ້ອງກັບໃຈ. ປຈສ, ອາໂມດ ປຈສ, ອາໂມດ 7ພຣະຜູ້ເປັນເຈົ້າບໍ່ຕ້ອງກັບພຣະໄທ; ມະນຸດຕ້ອງກັບໃຈ. ປຈສ, ມັດທາຍ ປຈສ, ມັດທາຍ 3ສາດສະດາໄດ້ບອກລ່ວງໜ້າວ່າ ເບັດເລເຮັມຈະເປັນສະຖານທີ່ເກີດຂອງພຣະເມຊີອາ. ປຈສ, ມັດທາຍ 4ພຣະເຢຊູຖືກນຳພາໂດຍພຣະວິນຍານ, ບໍ່ແມ່ນໂດຍຊາຕານ. ປຈສ, ມັດທາຍ 5ຜູ້ທີ່ຮັກສາພຣະບັນຍັດ ແລະ ສອນຄົນອື່ນໃຫ້ເຮັດເຊັ່ນດຽວກັນ ຈະລອດ. ປຈສ, ມັດທາຍ 6ພຣະຜູ້ເປັນເຈົ້າບໍ່ນຳພາເຮົາໄປສູ່ການລໍ້ລວງ. ປຈສ, ມັດທາຍ 7ຢ່າຕັດສິນຢ່າງບໍ່ຊອບທຳ. ປຈສ, ມັດທາຍ 9ພຣະເຢຊູປະຕິເສດການບັບຕິສະມາຂອງພວກຟາຣີຊາຍ; ມັນບໍ່ມີຄ່າ ເພາະພວກເຂົາບໍ່ຮັບຮູ້ພຣະອົງ. ພຣະອົງປະກາດວ່າ ພຣະອົງເປັນຜູ້ທີ່ໄດ້ມອບກົດຂອງໂມເຊໃຫ້. ປຈສ, ມັດທາຍ 11ໂຢຮັນບັບຕິສະໂຕຄື ອີລາຍ ຜູ້ຈະມາເພື່ອຕຽມທາງສຳລັບພຣະຜູ້ຊ່ວຍໃຫ້ລອດ. ປຈສ, ມັດທາຍ 12ຜູ້ໃດກໍຕາມທີ່ກ່າວຕໍ່ຕ້ານພຣະວິນຍານບໍລິສຸດ ຈະບໍ່ໄດ້ຮັບການໃຫ້ອະໄພ. ປຈສ, ມັດທາຍ 13ກ່ອນຄາວສິ້ນສຸດໂລກ (ຄວາມພິນາດຂອງຄົນຊົ່ວ), ຜູ້ສົ່ງຂ່າວທີ່ຖືກສົ່ງມາຈາກສະຫວັນ ຈະເຕົ້າໂຮມຄົນຊອບທຳ ຈາກບັນດາຄົນຊົ່ວ. ປຈສ, ມັດທາຍ 16ພຣະເຢຊູອະທິບາຍຄວາມໝາຍຂອງການ “ແບກໄມ້ກາງແຂນຂອງຕົນ” ດັ່ງນີ້: ຄືທີ່ຈະປະຕິເສດຕົນເອງຈາກຄວາມບໍ່ເປັນເໝືອນພຣະເຈົ້າ ແລະ ຄວາມໄຄ່ທັງໝົດຂອງໂລກ ແລະ ທີ່ຈະຮັກສາພຣະບັນຍັດຂອງພຣະອົງ. ປຈສ, ມັດທາຍ 17ພຣະເຢຊູສອນກ່ຽວກັບອີລາຍສອງຄົນ—ຜູ້ໜຶ່ງເພື່ອຕຽມ ແລະ ອີກຜູ້ໜຶ່ງເພື່ອຟື້ນຟູ. ປຈສ, ມັດທາຍ 18ເດັກນ້ອຍໆບໍ່ຈຳເປັນຕ້ອງກັບໃຈ. ປຈສ, ມັດທາຍ 19ເດັກນ້ອຍໆຈະລອດ. ປຈສ, ມັດທາຍ 21ມະນຸດຕ້ອງກັບໃຈກ່ອນທີ່ເຂົາຈະສາມາດເຊື່ອໃນພຣະຄຣິດ. ປຈສ, ມັດທາຍ 23ພຣະຜູ້ສະຖິດຢູ່ໃນສະຫວັນເປັນພຣະຜູ້ສ້າງຂອງເຮົາ. ປຈສ, ມັດທາຍ 26ເປັນເທື່ອທຳອິດ ພຣະເຢຊູຫັກເຂົ້າຈີ່ຂອງສິນລະລຶກເປັນປ່ຽງໆ ແລ້ວອວຍພອນມັນ. ສິນລະລຶກເປັນການລະນຶກເຖິງພຣະກາຍ ແລະ ໂລຫິດຂອງພຣະເຢຊູ. ປຈສ, ມັດທາຍ 27ການຕາຍຂອງຢູດາໄດ້ຖືກບັນຍາຍໄວ້. ປຈສ, ມາຣະໂກ ປຈສ, ມາຣະໂກ 2ບຸດມະນຸດຄື ພຣະຜູ້ເປັນເຈົ້າແຫ່ງວັນຊະບາໂຕ ເພາະພຣະອົງໄດ້ຈັດຕັ້ງວັນຊະບາໂຕຂຶ້ນ. ປຈສ, ມາຣະໂກ 3ພຣະເຢຊູຈະໃຫ້ອະໄພແກ່ຄົນບາບທຸກຄົນທີ່ກັບໃຈ ຍົກເວັ້ນແຕ່ຄົນທີ່ເວົ້າໝິ່ນປະໝາດຕ້ານພຣະວິນຍານບໍລິສຸດ. ປຈສ, ມາຣະໂກ 7ພຣະເຢຊູກ່າວໂທດຄົນທີ່ປະຕິເສດສາດສະດາ ແລະ ບໍ່ເຊື່ອຟັງກົດຂອງໂມເຊ. ປຈສ, ມາຣະໂກ 8ຜູ້ໃດທີ່ເຕັມໃຈຍອມຕາຍເພື່ອເຫັນແກ່ພຣະເຢຊູ ຈະໄດ້ຮັບຄວາມລອດ. ປຈສ, ມາຣະໂກ 9ໂຢຮັນບັບຕິສະໂຕ ໄດ້ຢູ່ເທິງພູແຫ່ງການປ່ຽນສະພາບ. ປຈສ, ມາຣະໂກ 12ພຣະເຈົ້າບໍ່ແມ່ນພຣະເຈົ້າຂອງຄົນຕາຍ, ເພາະພຣະອົງໂຜດຄົນຕາຍຈາກຫລຸມສົບຂອງພວກເຂົາ. ປຈສ, ມາຣະໂກ 14ພຣະເຢຊູຈັດຕັ້ງສິນລະລຶກ ໃນການລະນຶກເຖິງພຣະກາຍ ແລະ ໂລຫິດຂອງພຣະອົງ. ປຈສ, ມາຣະໂກ 16ທູດສອງອົງໄດ້ທັກທາຍພວກຜູ້ຍິງທີ່ອຸບມຸງຂອງພຣະຜູ້ຊ່ວຍໃຫ້ລອດ. ປຈສ, ລູກາ ປຈສ, ລູກາ 1ຊາຂາຣີຢາ, ບິດາຂອງໂຢຮັນບັບຕິສະໂຕ, ປະຕິບັດໜ້າທີ່ຂອງຖານະປະໂລຫິດ. ປຈສ, ລູກາ 2ພວກອາຈານຢູ່ໃນພຣະວິຫານກຳລັງຟັງພຣະເຢຊູ ແລະ ຖາມພຣະອົງ. ປຈສ, ລູກາ 3ພຣະຄຣິດຈະສະເດັດມາຕາມຄຳທຳນາຍ ເພື່ອນຳຄວາມລອດມາສູ່ຊາວອິດສະຣາເອນ ແລະ ຄົນຕ່າງຊາດ. ໃນຄວາມສົມບູນແຫ່ງເວລາ, ພຣະອົງຈະສະເດັດມາອີກ ເພື່ອພິພາກສາໂລກ. ປຈສ, ລູກາ 6ພຣະເຢຊູສອນວ່າ ມັນເປັນການດີກວ່າທີ່ຈະອົດທົນກັບການຂົ່ມເຫັງ ແທນທີ່ຈະຕໍ່ສູ້ກັບສັດຕູ. ປຈສ, ລູກາ 9ການມີຄວາມລ້ຳລວຍຢູ່ໃນໂລກ ແຕ່ສູນເສຍຈິດວິນຍານຂອງຕົນໄປ ຈະໄດ້ປະໂຫຍດອັນໃດ. ປຈສ, ລູກາ 11ຄວາມສົມບູນຂອງພຣະຄຳພີຄືຂໍກະແຈແຫ່ງຄວາມຮູ້. ປຈສ, ລູກາ 12ພຣະເຢຊູອະທິບາຍວ່າ ການໝິ່ນປະໝາດພຣະວິນຍານບໍລິສຸດ ຈະບໍ່ໄດ້ຮັບການໃຫ້ອະໄພ. ປຈສ, ລູກາ 14ຜູ້ທີ່ຮູ້ຈັກໂມເຊ ແລະ ສາດສະດາ ເຊື່ອໃນພຣະເຢຊູ. ປຈສ, ລູກາ 16ກົດ ແລະ ສາດສະດາເປັນພະຍານເຖິງພຣະເຢຊູ. ພວກຟາຣີຊາຍພະຍາຍາມທຳລາຍອານາຈັກ. ພຣະເຢຊູເລົ່າຄຳອຸປະມາເລື່ອງເສດຖີກັບລາຊາໂຣ. ປຈສ, ລູກາ 17ອານາຈັກຂອງພຣະເຈົ້າມາເຖິງແລ້ວ. ປຈສ, ລູກາ 18ການໄວ້ວາງໃຈໃນຄວາມຮັ່ງມີ ກີດກັນບຸກຄົນຈາກການເຂົ້າໄປໃນອານາຈັກຂອງພຣະເຈົ້າ. ປຈສ, ລູກາ 21ພຣະເຢຊູກ່າວເຖິງເຄື່ອງໝາຍບາງຢ່າງຂອງການສະເດັດມາຂອງພຣະອົງ. ປຈສ, ລູກາ 23ພຣະເຢຊູຂໍການອະໄພໂທດໃຫ້ແກ່ພວກທະຫານຊາວໂຣມ ຜູ້ຄຶງພຣະອົງ. ປຈສ, ລູກາ 24ພວກແມ່ຍິງເຫັນທູດສອງອົງ ຢູ່ທີ່ອຸບມຸງຂອງພຣະເຢຊູ. ປຈສ, ໂຢຮັນ ປຈສ, ໂຢຮັນ 1ພຣະກິດຕິຄຸນຂອງພຣະເຢຊູຄຣິດໄດ້ຖືກສັ່ງສອນຕັ້ງແຕ່ຕົ້ນ. ໂຢຮັນບັບຕິສະໂຕແມ່ນອີລາຍ ຜູ້ຕຽມທາງໄວ້ໃຫ້ພຣະຄຣິດ, ແລະ ພຣະເຢຊູຄຣິດແມ່ນອີລາຍ ຜູ້ຟື້ນຟູທຸກສິ່ງທັງປວງ ແລະ ຄວາມລອດມາເຖິງຜ່ານພຣະອົງ. ປຈສ, ໂຢຮັນ 4ພວກຟາຣີຊາຍພະຍາຍາມຂ້າພຣະເຢຊູ. ພຣະອົງໃຫ້ບັບຕິສະມາຈຳນວນໜຶ່ງ, ແຕ່ສານຸສິດຂອງພຣະອົງໃຫ້ບັບຕິສະມາຫລາຍກວ່າ. ປຈສ, ໂຢຮັນ 6ພຣະປະສົງຂອງພຣະບິດາຄື ຢາກໃຫ້ທຸກຄົນຮັບເອົາພຣະເຢຊູ. ຜູ້ທີ່ເຮັດຕາມພຣະປະສົງຂອງພຣະເຢຊູ ຈະຖືກຍົກຂຶ້ນໃນການຟື້ນຄືນຊີວິດຂອງຄົນທີ່ທ່ຽງທຳ. ປຈສ, ໂຢຮັນ 13ພຣະເຢຊູລ້າງຕີນຂອງອັກຄະສາວົກ ເພື່ອເຮັດໃຫ້ກົດຂອງຊາວຢິວສຳເລັດຄົບຖ້ວນ. ປຈສ, ໂຢຮັນ 14ເຈົ້າຊາຍແຫ່ງຄວາມມືດ, ຫລື ຊາຕານ, ເປັນຂອງໂລກນີ້. ປຈສ, ກິດຈະການ ປຈສ, ກິດຈະການ 9ຜູ້ຄົນທີ່ຢູ່ກັບໂປໂລໃນຂະນະທີ່ລາວກຳລັງສົນທະນາຢູ່ ເຫັນແສງສະຫວ່າງ, ແຕ່ພວກເຂົາບໍ່ໄດ້ຍິນສຸລະສຽງ ຫລື ເຫັນພຣະຜູ້ເປັນເຈົ້າ. ປຈສ, ກິດຈະການ 22ນາຍພັນໄດ້ສັ່ງໃຫ້ແກ້ໂສ້ອອກຈາກໂປໂລ. ປຈສ, ໂຣມ ປຈສ, ໂຣມ 3ໂປໂລສອນວ່າ ຜູ້ຄົນບໍ່ສາມາດເຮັດຄວາມຊົ່ວ ເພື່ອໃຫ້ຄວາມດີເກີດຂຶ້ນ. ປຈສ, ໂຣມ 4ມະນຸດສາມາດລອດໄດ້ພຽງແຕ່ໂດຍພຣະຄຸນຂອງພຣະເຢຊູຄຣິດ, ບໍ່ແມ່ນໂດຍການປະຕິບັດທີ່ກ່ຽວພັນກັບການຮັກສາກົດຂອງໂມເຊ. ປຈສ, ໂຣມ 7ພຽງແຕ່ພຣະຄຣິດເທົ່ານັ້ນທີ່ສາມາດປ່ຽນຈິດວິນຍານຂອງມະນຸດໄປໃນທາງດີແບບຖາວອນ. ປຈສ, ໂຣມ 8ຄົນທີ່ເປັນໄປຕາມວິທີທາງຂອງເນື້ອໜັງ ບໍ່ສາມາດເຮັດໃຫ້ພຣະເຈົ້າພໍພຣະໄທ. ປຈສ, ໂຣມ 13ຄົນທີ່ນັບຖືສິດອຳນາດບ້ານເມືອງ ເຮັດໃຫ້ການນັບຖືພຣະເຈົ້າຍິ່ງໃຫຍ່ກວ່າ ແລະ ສົມບູນກວ່າ. ປຈສ, 1 ໂກຣິນໂທ ປຈສ, 1 ໂກຣິນໂທ 7ໂປໂລສອນວ່າ ການແຕ່ງງານເປັນສິ່ງທີ່ໜ້າເພິ່ງປາດຖະໜາ. ເຖິງຢ່າງໃດກໍຕາມ, ຄົນທີ່ຖືກເອີ້ນໃຫ້ເປັນຜູ້ສອນສາດສະໜາ, ຈະຮັບໃຊ້ພຣະເຈົ້າໄດ້ດີກວ່າ ຖ້າເຂົາເຈົ້າຍັງໂສດ ໃນໄລຍະທີ່ເຂົາເຈົ້າປະຕິບັດສາດສະໜາກິດຂອງເຂົາເຈົ້າ. ປຈສ, 1 ໂກຣິນໂທ 15ມີລັດສະໝີພາບຢູ່ສາມລະດັບ ໃນການຟື້ນຄືນຊີວິດ. ປຈສ, 2 ໂກຣິນໂທ ປຈສ, 2 ໂກຣິນໂທ 5ໂປໂລແນະນຳໄພ່ພົນຂອງພຣະເຈົ້າບໍ່ໃຫ້ດຳລົງຊີວິດຕາມທາງຂອງເນື້ອໜັງ. ປຈສ, ຄາລາເຕຍ ປຈສ, ຄາລາເຕຍ 3ໂມເຊເປັນຜູ້ເປັນກາງຂອງພັນທະສັນຍາທຳອິດ, ຫລື ກົດ. ພຣະເຢຊູຄຣິດເປັນຜູ້ເປັນກາງຂອງພັນທະສັນຍາໃໝ່. ປຈສ, ເອເຟໂຊ ປຈສ, ເອເຟໂຊ 4ການໃຈຮ້າຍທີ່ບໍ່ຊອບທຳເປັນຄວາມຜິດບາບ. ປຈສ, ໂກໂລຊາຍ ປຈສ, ໂກໂລຊາຍ 2ບັນຍັດຂອງມະນຸດ ອາດມີຄ່າໃນຄຳສອນ ດັ່ງເຊັ່ນ ການບັງຄັບຕົນເອງ, ແຕ່ມັນບໍ່ເປັນການນັບຖືພຣະເຈົ້າ ຫລື ຊ່ວຍມະນຸດໃຫ້ລອດ. ປຈສ, 1 ເທສະໂລນິກ ປຈສ, 1 ເທສະໂລນິກ 4ຜູ້ຄົນທີ່ຊອບທຳທີ່ຍັງມີຊີວິດຢູ່ໃນເວລາທີ່ພຣະຜູ້ເປັນເຈົ້າສະເດັດມາ ຈະບໍ່ໄດ້ປຽບຜູ້ຕາຍທີ່ຊອບທຳ. ປຈສ, 2 ເທສະໂລນິກ ປຈສ, 2 ເທສະໂລນິກ 2ຊາຕານຈະກໍ່ໃຫ້ເກີດການຕົກໄປ ຫລື ການປະຖິ້ມຄວາມເຊື່ອ ກ່ອນພຣະຜູ້ເປັນເຈົ້າຈະສະເດັດກັບມາ. ປຈສ, 1 ຕີໂມທຽວ ປຈສ, 1 ຕີໂມທຽວ 2ພຣະຄຣິດເປັນພຣະບຸດອົງດຽວທີ່ຖືກຳເນີດ ແລະ ເປັນຜູ້ເປັນກາງ. ປຈສ, 1 ຕີໂມທຽວ 3ສາດສະໜາຈັກໄດ້ຖືກຈັດຕັ້ງຂຶ້ນ ເທິງຫລັກທຳທີ່ສຳຄັນ ວ່າພຣະເຢຊູໄດ້ກາຍເປັນມະນຸດ, ໄດ້ສອນພຣະກິດຕິຄຸນ, ແລະ ໄດ້ກັບຄືນໄປຫາພຣະບິດາຂອງພຣະອົງ. ໝາຍເຫດ: ການປ່ຽນທີ່ເລິກຊຶ້ງຢູ່ໃນຂໍ້ດັ່ງຕໍ່ໄປນີ້ ເນັ້ນໜັກວ່າ “ເສົາ ແລະ ຮາກແຫ່ງຄວາມຈິງ” ຄືພຣະເຢຊູຄຣິດ. ປຈສ, 1 ຕີໂມທຽວ 6ຜູ້ທີ່ມີຄວາມສະຫວ່າງຂອງຄວາມເປັນອະມະຕະ (ພຣະກິດຕິຄຸນ) ຢູ່ກັບຕົນ ສາມາດເຫັນພຣະເຢຊູ. ປຈສ, ເຮັບເຣີ ປຈສ, ເຮັບເຣີ 1ເຫລົ່າທູດສະຫວັນເປັນວິນຍານຂອງຜູ້ຮັບໃຊ້. ປຈສ, ເຮັບເຣີ 4ຜູ້ທີ່ເຮັດໃຈແຂງກະດ້າງຈະບໍ່ລອດ; ຜູ້ທີ່ກັບໃຈຈະໄດ້ເຂົ້າໄປໃນທີ່ພັກຂອງພຣະຜູ້ເປັນເຈົ້າ. ປຈສ, ເຮັບເຣີ 6ຫລັກທຳຂອງຄຳສອນຂອງພຣະຄຣິດ ນຳໄປສູ່ຄວາມດີພ້ອມ. ປຈສ, ເຮັບເຣີ 7ເມນຄີເສເດັກເປັນປະໂລຫິດຕາມລະບຽບຂອງພຣະບຸດຂອງພຣະເຈົ້າ. ທຸກຄົນທີ່ຮັບເອົາຖານະປະໂລຫິດນີ້ ສາມາດກາຍເປັນເໝືອນດັ່ງພຣະບຸດຂອງພຣະເຈົ້າ. ປຈສ, ເຮັບເຣີ 11ສັດທາຄືຄວາມແນ່ນອນໃຈໃນສິ່ງທີ່ເຮົາຫວັງໄວ້. ປຈສ, ຢາໂກໂບ ປຈສ, ຢາໂກໂບ 1ຄວາມທຸກຍາກລຳບາກ, ບໍ່ແມ່ນການລໍ້ລວງ, ຊ່ວຍຊຳລະເຮົາໃຫ້ບໍລິສຸດ. ປຈສ, ຢາໂກໂບ 2ສະມາຊິກບໍ່ຄວນນັບຖືຄົນໜຶ່ງສູງກວ່າອີກຄົນໜຶ່ງ. ປຈສ, 1 ເປໂຕ ປຈສ, 1 ເປໂຕ 3ວິນຍານບາງດວງໃນຄຸກ ເຄີຍເປັນວິນຍານບໍ່ຊອບທຳໃນສະໄໝຂອງໂນອາ. ປຈສ, 1 ເປໂຕ 4ພຣະກິດຕິຄຸນຖືກສັ່ງສອນແກ່ຄົນທີ່ຕາຍໄປແລ້ວ. ປຈສ, 2 ເປໂຕ ປຈສ, 2 ເປໂຕ 3ໃນຍຸກສຸດທ້າຍ, ຜູ້ຄົນຢ່າງຫລວງຫລາຍຈະປະຕິເສດອົງພຣະເຢຊູຄຣິດເຈົ້າ. ເມື່ອພຣະອົງສະເດັດມາ, ໄພພິບັດທາງທຳມະຊາດຈະເກີດຂຶ້ນ. ຖ້າຫາກເຮົາອົດທົນໃນຄວາມຊອບທຳ, ເຮົາຈະໄດ້ຮັບແຜ່ນດິນໂລກໃໝ່. ປຈສ, 1 ໂຢຮັນ ປຈສ, 1 ໂຢຮັນ 2ພຣະຄຣິດເປັນຜູ້ວິງວອນແທນພວກເຮົານຳພຣະບິດາ ຖ້າພວກເຮົາກັບໃຈ. ປຈສ, 1 ໂຢຮັນ 3ຜູ້ໃດທີ່ເກີດຈາກພຣະເຈົ້າ ຈະບໍ່ຢູ່ໃນບາບອີກຕໍ່ໄປ. ປຈສ, 1 ໂຢຮັນ 4ພຽງແຕ່ຄົນທີ່ເຊື່ອໃນພຣະເຈົ້າເທົ່ານັ້ນ ທີ່ສາມາດເຫັນພຣະອົງ. ປຈສ, ພຣະນິມິດ ປຈສ, ພຣະນິມິດ 1ອັກຄະສາວົກໂຢຮັນໄດ້ຮັບການທຳນາຍໃນໜັງສືພຣະນິມິດ. ພຣະເຢຊູຄຣິດ ແລະ ທູດອົງໜຶ່ງ ໄດ້ມາຢ້ຽມຢາມເພິ່ນ. ປຈສ, ພຣະນິມິດ 2ຄົນຊົ່ວຈະຖືກໂຍນລົງນະລົກ. ປຈສ, ພຣະນິມິດ 5ຜູ້ຮັບໃຊ້ສິບສອງຄົນຂອງພຣະເຈົ້າໄດ້ຖືກສົ່ງອອກໄປທົ່ວໂລກ. ປຈສ, ພຣະນິມິດ 12ໂຢຮັນອະທິບາຍເຄື່ອງໝາຍກ່ຽວກັບແມ່ຍິງ, ເດັກນ້ອຍ, ຄ້ອນເຫລັກ, ພະຍານາກ, ແລະ ມີຄາເອນ. ສົງຄາມທີ່ໄດ້ເລີ່ມຕົ້ນຢູ່ສະຫວັນ ຍັງດຳເນີນຕໍ່ໄປຢູ່ເທິງແຜ່ນດິນໂລກ. ໃຫ້ສັງເກດເບິ່ງການປ່ຽນລຳດັບຂໍ້ພຣະຄຳພີ ໃນ ປຈສ. ປຈສ, ພຣະນິມິດ 19ພຣະເຈົ້າໃຊ້ພຣະຄຳຂອງພຣະຄຣິດ ເພື່ອລົງທັນປະຊາຊາດທັງປວງ.