10 Sa sauma ko Jisu ka kaya vei ira, me na lako taumada mai ko Iliesa, ka vakalesuya na ka kecega, me vaka era sa vola na parofita.

11 Kei na dua tale au sa kaya vei kemudou ni sa lako oti mai ko Iliesa, ni sa volai me baleti koya, Raica, au na tala yani na noqu italai, ka na vakarautaka e mataqu ko koya na sala; ia era sa sega ni kilai koya, ka ra sa kitaka vua na ka kecega era sa vinakata.

12 Era na vakararawataka vakatalega kina na Luve ni tamata.

13 Ia au kaya mada vei kemudou, Ko cei ko Iliesa? Raica, ko Iliesa oqo, o koya au sa tala yani me vakarautaka na sala e mataqu.

14 Era sa qai kila na tisaipeli ni sa vosa vei ira ko koya me baleti Joni na Dauveipapitaisotaki, ka vakakina e dua e dodonu me na lako mai ka vakalesuya mai na veika kecega, me vaka era sa vola na parofita.