VJS, Maciu 6:14. Veidutaitaka Maciu 6:13; a vakayacori na veisau vata oqo ena Luke 11:4
E sega ni dau kauti keda ki na veitemaki na Turaga.
14 Ka mo ni kakua ni laiva me keimami kau yani ki na veitemaki, ia ni sereki keimami mai na ca.
VJS, Maciu 6:22. Veidutaitaka Maciu 6:22
Kevaka sa vakatabakidua na nomuni rai ena nona vakalagilagi na Kalou, ena vakasinaiti na yagoda ena rarama.
22 Na rarama ni yago na mata; ia kevaka sa vakatabakidua na matamudou ki na lagilagi ni Kalou, sa na vakasinaiti na yagomudou taucoko ena rarama.
VJS, Maciu 6:25–27. Veidutaitaka Maciu 6:25; 10:10
Sa vakasalataki ira na Nona tisaipeli ko Jisu ena dredre ni nodra cakacaka ia sa yalataka ni na vakarautaka ko Koya na sala ia na Tamada Vakalomalagi ena veivakarautaki vei ira.
25 Ia, kau sa kaya tale vei kemudou, dou lako yani ki vuravura, ka kakua ni kauwaitaka na vuravura; ni na cati iko ko vuravura, ka na vakacacani iko, ka na vakasavi iko tani mai na nodra valenilotu.
26 Ia, mo dou lako yani mai na dua na vale ki na dua tale, ka vakavulici ira na tamata; kau na liu vei kemudou.
27 Na Tamamudou Vakalomalagi enaivakarautaka vei kemudou, na veika kecega dou gadreva me kemudou, na veika mo dou kania; kei na isulu, na veika mo dou daramaka se tokara.
VJS, Maciu 6:38. Veidutaitaka Maciu 6:33
Sa dodonu me da vakasaqara taumada me da tara cake na matanitu ni Kalou.
38 O koya mo dou kakua kina ni vakasaqara na veika ni vuravura oqo ia vakasaqara taumada mo dou tara cake na matanitu ni Kalou, ka tauyavutaka na nona buladodonu, ia na veika kece oqo ena qai kena ikuri vei kemudou.