LSS, Mātiu 9:18–21 (Ko e fakamatala ʻeni naʻe fakafoki mai ʻe he Palōfita ko Siosefa Sāmitá, pea ʻoku fakahū ia ʻi he vahaʻa ʻo e Mātiu 9:15 mo e Mātiu 9:16)
(Naʻe ʻikai tali ʻe Sīsū ʻa e papitaiso ʻa e kau Fālesí; naʻá ne foaki ʻa e fono ʻa Mōsesé.)
18 Pea naʻe toki pehē ʻe he kau Fālesí kiate ia, Ko e hā ʻoku ʻikai te ke tali ai ʻa kimautolu mo homau papitaisó he ʻoku mau tauhi ʻa e fonó kotoa?
19 Ka naʻe pehē ange ʻe Sīsū kiate kinautolu, ʻOku ʻikai te mou tauhi ʻa e fonó. Kapau naʻa mou tauhi ʻa e fonó, pehē kuo mou tali au, he ko au Ia naʻe foaki ʻa e fonó.
20 ʻOku ʻikai te u tali ʻa kimoutolu mo homou papitaisó, koeʻuhí he ʻoku taʻeʻaonga ia kiate kimoutolu.
21 He ʻo ka hoko mai ʻa e meʻa ʻoku foʻoú, ʻoku taau leva ke liʻaki ʻa e meʻa motuʻá.