LSS, Fakahā 1:1–4 (fakafehoanaki mo e Fakahā 1:1–4)
(Naʻe maʻu ʻe Sione ha fakahā meia Sīsū Kalaisi pea ne ʻoatu ia ki he kau takimuʻa ki he ngaahi siasi ʻe fitu ʻi ʻĒsiá.)
1 Ko e Fakahā kia Sione, ko ha tamaioʻeiki ʻa e ʻOtuá, ʻa ia naʻe foaki kiate ia ʻe Sīsū Kalaisi, ke fakahā ki heʻene kau tamaioʻeikí ʻa e ngaahi meʻa ʻoku vave ʻa ʻene hokó, ʻa ia naʻá ne fekau mo fakaʻilo ʻi heʻene ʻāngelo ki heʻene tamaioʻeiki ko Sioné,
2 ʻA ia naʻá ne fakamoʻoni ki he folofola ʻa e ʻOtuá, pea mo e fakamoʻoni ʻa Sīsū Kalaisí, pea mo e ngaahi meʻa kotoa pē naʻá ne mamata ki aí.
3 Monūʻia ʻa kinautolu ʻoku nau laú, mo kinautolu ʻoku fanongo pea ʻiloʻi ʻa e ngaahi folofola ʻo e kikite ní, pea tauhi ʻa e ngaahi meʻa ko ia ʻoku tohi ʻi aí, he ʻoku ofi ʻa e taimi ʻo e hāʻele mai ʻa e ʻEikí.
4 Ko ʻeni ko e fakamoʻoni ʻeni ʻa Sione ki he kau tamaioʻeiki ʻe toko fitu ʻa ia ʻoku nau tokangaʻi ʻa e ngaahi siasi ʻe fitu ʻi ʻĒsiá. Ke ʻiate kimoutolu ʻa e ʻaloʻofá, mo e melinó meiate ia ʻoku ʻi ai, pea naʻe ʻi ai, pea ʻe ʻi ai; ʻa ia kuó ne fekauʻi mai ʻa ʻene ʻāngeló mei hono taloní, ke fakamoʻoniʻi kiate kinautolu ko e kau tamaioʻeiki ʻe toko fitu ki he ngaahi siasi ʻe fitú.