JST, Rom 4:2–5. Komperem long Rom 4:2–5
Man i save kasem laef nomo tru long gladhat blong Jisas Kraes, be i no taem man i mekem wok we i folem loa blong Moses.
2 From we sapos Ebraham i no gat rong folem loa blong stap mekem ol wok, nao hem i kasem glori long fes blong hemwan nomo; be i no long fes blong God.
3 ?Be wanem nao skripja i talem? Ebraham i bin bilif long God, mo from hemia, God i bin kaontem hem se hem i wan stret mo gud man.
4 Nao, man we i no gat rong tru long loa blong ol wok, hem i kasem pei blong hem, be i no olsem wan gladhat, be i olsem wan kaon.
5 Be man we i no mekem samting folem loa blong ol wok, be i bilif se God i save mekem man nogud i kam stret man, man ia, God i kaontem hem se hem i wan stret mo gud man from bilif blong hem.
JST, Rom 4:16. Komperem long Rom 4:16
I nid blong gat tugeta samting ia, fet mo ol wok, tru long gladhat, blong kasem fasin blong sevem man.
16 From hemia, yufala i no gat rong from fet mo ol wok blong yufala, tru long gladhat, blong mekem se promes i stap long evri laen; i no long olgeta nomo we oli stap folem loa, be tu, long olgeta we oli gat semfala bilif olsem Ebraham, we i papa blong yumi evriwan;