Koe Tohi a Baula koe Abosetolo ki he Kakai Hebelu

¶ 1 KOE Otua, aia nae folofola i mu‘a i he gaahi kuoga kehekehe moe gaahi aga kehekehe ki he gaahi tamai i he kau balofita,

2 Kuo ne folofola i he gaahi aho ki mui ni kiate kitautolu i  hono Alo, aia kuo ne tuutuuni ke aana ae gaahi mea kotoabe, aia ne ne gaohi ai foki ae gaahi mama;

3 Koe malama ia o  hono nāunāu, moe tatau aubito o ene afio, bea oku ne boubou hake ae mea kotoabe aki ene folofola malohi, bea kuo hili ene fai eia ae totogi i he e tau gaahi agahala, bea nofo hifo ia i he nima toomatau oe Fugani Maoluga;

4 Bea kuo maoluga lahi auhito ia i he kau agelo, koe mea i he ene ma‘u totonu ae huafa lelei lahi iate kinautolu.

5 He nae behe eia anefe ki ha agelo fe, Ko hoku Alo koe, kuou fakatubu koe i he aho ni? Bea toe behe, Teu hoko au koe Tamai kiate ia, bea e hoko ia koe Alo kiate au?

6 Bea i he omi eia ae uluaki fakatubu ki mamani, nae toe behe eia, Ke hu kiate ia ae kau agelo kotoabe ae Otua.

7 Bea ki he kau agelo oku behe eia, Oku ne gaohi ene kau agelo  ke hage koe matagi, mo ene kau tauhi  ke hage koe ulo afi.

8 Ka ki he Alo,  oku ne behe, E Otua, ko ho nofoaga oku lauikuoga bea taegata: koe tokotoko o ho buleaga koe tokotoko maonioni ia.

9 Kuo ke ofa ki he maonioni, bea fehia ki he agahala; koia koe Otua, ko ho Otua, kuo ne tākai aki koe ae lolo oe fiefia o lahi hake i ho kaiga.

10 Bea, Ko koe, e Eiki, naa ke ai i he kamataaga ae tuuga o mamani; bea koe gaahi lagi koe gaue ia a ho nima:

11 E auha ia; ka e behe ai be akoe; e fakaaau ia kotoabe ke motua o hage koe kofu;

12 Bea hage koe bulubulu te ke takatakai ia, bea e fakakehe ia: ka e behe ai be akoe, bea e ikai gata a ho gaahi ta‘u.

13 Ka nae behe eia anefe ki ha agelo fe, Nofo koe i hoku nima toomatau, kae oua keu gaohi ho gaahi fili ko ho tuuga va‘e?

14 Ikai koe kau laumalie tauhi be akinautolu kotoabe, oku fekaua ke tauhi‘i akinautolu e ma‘u ae fakamoui;