Vahe 8
1 Koe mea i he gaue fakataulasiki o tasgata a Kalaisi huo oji hono aoga, bea gata ae gaue fakataulaeiki akinautolu mei he faahiga o Livai. 7 Bea gata ae uluaki fuakava nae fai moe mātua i mu‘a, i he fuakava taegata oe agoogolelei.
¶ 1 BEA ko hono mea lahi eni i he gaahi lea ni: Oku tau ma‘u ae fugani taulaeiki behe, bea kuo nofo ia i he nima toomatau oe afioaga oe Fugani Maoluga i he gaahi lagi;
2 Koe tauhi oe botu tabu, moe fale fehikitaki mooni, aia nae fokotuu e he Otua, kae ikai koe tagata.
3 He koe taulaeiki lahi kotoabe, kuo fakanofo ke ne o hake ae gaahi mea foaki moe gaahi feilaulau: koia nae totonu mei ai ki he tagata ni ke o hake foki eia ha mea.
4 He ka ne i mamani ia, e ikai taulaeiki ia, koeuhi oku ai ae kau taulaeiki oku nau o hake ae gaahi mea foaki o fakatatau moe fono:
5 Akinautolu oku tauhi o fakatatau moe ata oe gaahi mea oe lagi, o hage koe valoki‘i e he Otua a Mosese i he ene teu ke laga ae fale fehikitaki: he nae behe mai eia, Vakai ke ke gaohi ae mea kotoabe o fakatatau ki hono fakatātā nae fakaha kiate koe i he mouga.
6 Ka koeni, kuo ma‘u eia ae gaue oku lelei lahi, o hage ko hono lelei lahi oe fuakava oku fakalaloa ai ia, aia oku fokotuu i he gaahi talaofa lelei lahi.
7 He ka ne haohaoa ae uluaki fuakava koia, behe, ne ikai kumi ha botu mo hono ua.
8 Koeuhi i he ene taefiemalie, nae behe eia kiate kinautolu, Vakai, oku behe e Jihova, e hoko mai ae gaahi aho teu fai ai ae fuakava foou moe fale o Isileli moe fale o Juta:
9 O ikai tatau moe fuakava aia neu fai moe nau gaahi tamai, i he aho neu buke ai ho nau nima ke tataki akinautolu mei he fonua ko Ijibite; oku behe e Jihova, koeuhi nae ikai ke nau tuu mau i he eku faukava, bea neu taetokaga‘i akinautolu.
10 He ko eni ae fuakava aia teu fai moe fale o Isileli oka hiliage ae gaahi aho koia, oku behe e Jihova; Teu ai eku gaahi fekau ki ho nau loto, bea tohi ia i ho nau laumalie: bea teu hoko ko ho nau Otua, bea e hoko akinautolu ko hoku kakai:
11 Bea e ikai te nau taki taha ako ki hono kaugaabi, mo taki taha ki hono kaiga, o behe, Ke ilo a Jihova: he koeuhi e ilo‘i au kotoabe, mei he iki o a‘u ki he lalahi.
12 He teu aloofa ki he e nau taemaonioni, bea koe nau gaahi agahala moe nau hia, e ikai teu kei manatu‘i.
13 Bea i he ene behe, Koe fuakava foou, kuo ha ai kuo motua ae uluaki. Bea koia kuo motua mo vaivai, kuo tei mole ia.