¶ 1 OKU behe e Jihova, koeuhi koe talagataa e tolu a Moabe, mo hono fa, e ikai teu fakaafe  hono tautea oia; he naa ne ta‘o ae gaahi hui ae tu‘i o Itomi ke lahe:

2 Ka teu fekau ae afi ki Moabe, bea te ne kai o oji ae gaahi fale fakaeieiki o Kiliote: bea e mate a Moabe i he maveuveu, moe kaila, bea moe ogo oe mea lea:

3 Bea teu motuhi ae fakamāu mei ho nau haohaoga, bea tamate‘i ae houeiki kotoabe mo ia: oku behe e Jihova.

¶ 4 Oku behe e Jihova; koeuhi koe talagataa e tolu a Juta, bea mo hono fa, e ikai teu fakaafe  hono tautea oia; he kuo nau vaiga aki ae fono a Jihova, bea nae ikai te nau tauhi ene gaahi fekau, bea naa nau he koe mea i he e nau loi, aia nae muimui ki ai e nau gaahi tamai:

5 Ka teu fekau ae afi ki Juta, bea te ne kai o oji ae gaahi fale fakaeieiki o Jelusalema.

¶ 6 Oku behe e Jihova; koeuhi koe talagataa e tolu a Isileli, bea mo hono fa, e ikai teu fakaafe  hono tautea oia; he kuo nau fakatau ae kakai maonioni ki he siliva, bea moe kakai majiva aki ha tobuva‘e;

7 Aia oku feiga ke ai ae efu oe kelekele i he ulu oe kakai majiva, bea oku fakahe‘i ae hala oe agamalu: bea koe tagata mo ene tamai oku na mohe ki he fefine be taha, ke fakaogokovi hoku huafa tabuha:

8 Bea oku nau tokoto i he gaahi kofu oku tuku koe fakamooni ki he totogi i he vee feilaulauaga kotoabe, bea oku nau inu ae uaine oe halaia i he fale oe nau tamabua.

¶ 9 Ka naaku fakaauha ae kakai Amoli i ho nau ao, aia nae maoluga hage koe sita, bea nae malohi hage koe oke; ka naaku fakaauha hono fua mei oluga, bea mo hono aka i lalo.

10 Bea naaku omi foki akimoutolu mei he fonua ko Ijibite, bea naaku tataki akimoutolu i he toafa i he ta‘u e fagofulu, ke ma‘u ae fonua oe kakai Amoli.

11 Bea naaku tuutuuni mei ho gaahi foha ae kau balofita, bea mei hoo kau talavou ae kakai nae fakamavahe. Ikai oku behe be, e fānau a Isileli? oku behe e Jihova.

12 Ka naa mou atu ae uaine ke inu e he kau Fakamavahe; bea ne mou fekau ae kau balofita, o behe, Oua naa kikite.

13 Vakai, oku ou taomia iate kimoutolu, hage koe saliote i he gaahi u koane.

14 Koia e mole ae faa lele mei he vee vave, bea koe malohi e ikai te ne fakamalohi‘i eia ia; bea e ikai fakahaofi ae malohi eia ia:

15 Bea e ikai tuu ia oku ne teke ae kaufana; bea e ikai fakahaofi ae vee vave eia ia: bea koia oku heka hose e ikai fakahaofi eia ia.

16 Bea koia oku loto to‘a i he kau malohi te ne hola telefua i he aho koia, oku behe e Jihova.