¶ 1 FANOGO ki he folofola ni a Jihova aia kuo ne folofola aki kiate kimoutolu, e fānau a Isileli, ki he kau nofoaga kotoabe naaku omi mei he fonua ko Ijibite, o behe,

2 Ko kimoutolu be kuou ilo i he gaahi faahiga kotoabe o mamani: koia teu tautea akimoutolu koeuhi ko hoo mou agahia kotoabe.

3 E faa aeva ha toko ua, ka oku ikai te na feofoofani be?

4 E gugulu ha laione i he vao akau, oka ikai ha mea kai? e tagi ha laione mui i hono ana, i he ikai te ne moua ha mea?

5 E moua ha manu buna i he fonua oka ikai tauhele‘i? e too ae tauhele mei he fonua, oku heeki ke to ki ai ha mea jii e taha?

6 E ifi ae mealea i he kolo, ka e ikai manavahe ae kakai? e hoko ha kovi ki he kolo, ka kuo ikai fai ia e Jihova?

7 Koe mooni e ikai fai ha mea e Jihova koe Otua, kae tae fakaha ia ki he ene kau tamaioeiki koe kau balofita.

8 Kuo gugulu ae laione, kohai e ikai manavahe? kuo folofola a Jihova koe Otua, kohai e ikai kikite?

¶ 9 Fanogonogo i he gaahi fale fakaeieiki o Asitoti, bea i he gaahi fale fakaeieiki o Ijibite, o behe, Fakataha akimoutolu ki he gaahi mouga o Samelia, bea vakai ae gaahi maveuveu lahi i ai, bea moe fakamalohia i he lotolotoga oia.

10 Oku behe e Jihova, oku ikai te nau ilo ke fai totonu, oku fokotuu ae fakamalohi moe kaihaa i ho nau fale fakaeieiki.

11 Koia oku behe e Jihova koe Otua, E ai ha fili te ne takatakai ae fonua; bea te ne holoki hoo malohi meiate koe, bea e maumau‘i ho gaahi fale fakaeieiki.

12 Oku behe e Jihova, Hage oku too e he tagata tauhi manu ae alaga e ua, be koe koga oe teliga, mei he gutu oe laione; e behe ae too ae fānau a Isileli, oku nofo i he tuliki oe moheaga i Samelia, bea i he tokotoaga i Tamasikusi.

13 Mou fanogo, bea fakaha i he fale o Jekobe, oku behe e Jihova koe Otua, koe Otua oe gaahi kau tau,

14 Koeuhi i he aho koia, teu aahi ki he gaahi talagataa a Isileli iate ia, teu aahi foki ki he gaahi feilaulauaga o Beteli: bea e tutuu ae gaahi nifo oe feilaulauaga, bea te nau to ki he kelekele.

15 Bea teu ta‘i ae fale oe faahita‘u momoko fakataha moe fale oe faahita‘u mafana; bea moe gaahi fale lei e auha, bea e oji ae gaahi fale lahi, he oku behe e Jihova.