¶ 1 OKU behe mai e Jihova ki he kau Amoni; Ikai oku ma‘u e Isileli ae gaahi foha? Ikai oku ai hono hoko? koeha oku ma‘u e ho nau tu‘i a Kata, bea nofo a hono kakai i hono gaahi kolo?

2 Koia, vakai, oku behe e Jihova, Oku hoko mai ae gaahi aho, aia teu fakatubu ai ae ogoogo tau i Laba, i he kau Amoni; bea e hoko ia koe tuuga mea liaki, bea e fakaauha aki ae afi a hono gaahi ofefine: bea e toki ma‘u e Isileli ae nofoaga onautolu naa nau ma‘u hono nofoaga, oku behe e Jihova.

3 E Hesiboni, he ke tagi mamahi, he kuo maumau‘i a Ai: bea tagi akimoutolu koe gaahi ofefine o Laba, mou ai ae tauagaa; bea tagilāulāu, bea fema-leleaki ki he gaahi a; koeuhi e ave fakabobula a ho nau tu‘i, mo ene kau taulaeiki bea mo hono houeiki fakataha.

4 Koeha oku ke bolebole ai i he gaahi telea, ko ho gaahi telea mahu, E ofefine fakaholomui? aia nae falala ki he ene gaahi koloa, o behe, Kohai te ne ha‘u kiate au?

5 Vakai, oku behe e Jihova koe Otua oe gaahi kau tau, Teu omi ae ilifia kiate koe, meiate kinautolu kotoabe oku takatakai koe; bea e kabuji atu akimoutolu ae tagata taki taha; bea e ikai toe omi e ha taha aia kuo hola.

6 Bea hili ia teu toe omi ae fakabobula oe kakai Amoni, oku behe e Jihova.

¶ 7 Koe mea oku kau ki Itomi: oku behe e Jihova oe gaahi kau tau; Ikai oku kei toe ae boto i Timani? Kuo oji ae fakakaukau i he kau fakabotoboto? kuo mole e nau boto?

8 Mou hola, o foki mai, alu ki lalo bea nofo, ae kakai o Titani; koeuhi teu omi kiate ia ae tuutamaki o Isoa, koe aho teu aahi ai kiate ia.

9 Kabau e ha‘u kiate koe ae kau tanaki kalebi, e ikai te nau fakatoe ha kalebi? kabau koe kau kaihaa i he bouli, te nau kaihaa o fakatatau moe nau manako.

10 Ka kuou fakatelefua‘i a Isoa, kuou fakailo hono gaahi toitoiaga, bea e ikai te ne faa fai ke fakafufu ia: kuo maumau‘i hono hoko, bea mo hono kaiga, bea mo hono kaugaabi, bea oku ikai ia.

11 Tuku hoo fānau tamai mate, teu fakamoui akinautolu, bea tuku ke falala kiate au ho kau fefine kuo mate ho nau unoho.

12 He oku behe e Jihova; Vakai, ko kinautolu nae totonu ke oua naa nau inu; kuo nau inu mooni ki he ibu; bea te ke hao aubito koe i he tautea? e ikai te ke hao, ka koe mooni te ke inu ki ai.

13 He oku behe e Jihova, Kuou fuakava iate au, ke fakahoko a Bosila koe mea fakaofo, moe ogo kovi, moe liaki, bea moe malaia; bea e lala mau ai be hono gaahi kolo.

¶ 14 Kuou fanogo ki he ogoogo mei a Jihova, kuo fekau ae kau talafekau ki he gaahi buleaga, o behe, Mou fakataha akimoutolu, bea ha‘u kiate ia, bea mou tuu hake ki he tau.

15 Vakai, ke teu gaohi koe he jii i he gaahi buleaga; bea koe fehianekina i he kakai.

16 Kuo kākā‘i koe e hoo malohi, moe fielahi o ho loto, akoe oku ke nofo i he gaahi ana‘i maka, bea ma‘u ae maoluga oe mouga: kabau te ke gaohi ho bunuga ke maoluga o hage koe ikale, teu fakahifo koe mei ai, oku behe e Jihova.

17 Bea e hoko a Itomi koe mea liaki: bea e fakatumutumu ae tagata taki taha oku fonoga ofi ki ai, bea e fakaiseisa koeuhi ko hono gaahi tautea kotoabe.

18 Oku behe e Jihova, Hage koe fakaauha o Sotoma mo Komola, moe gaahi kolo ofi ki ai, e ikai nofo ai ha tagata, bea e ikai aunofo ki ai ae foha oe tagata.

19 Vakai, te ne alu hake o hage koe laione mei he fonu mahakehake o Joatani ki he nofoaga oe malohi: koe mooni teu bule kiate ia ke ne lele vave mei ai: bea kohai ae tagata kuo fili keu tuutuuni ke bule ia? he kohai oku tatau mo au? be kohai te ne akonaki‘i au? be kohai ae tauhi koia te ne faa tuu i hoku ao?

20 Koia fanogo ki he fakakaukau a Jihova aia kuo ne folofola ki Itomi; bea mo ene tuutuuni kuo ne tuutuuni ki he kakai o Timani: koe mooni e taki kitua akinautolu e he toko jii be: koe mooni te ne gaohi ho nau nofoaga koe mea fakaofo iate kinautolu.

21 Oku galulu ae kelekele i he logoaa oe nau to, nae ogo atu ae logoaa oia i he tagi i he Tahi Kulokula.

22 Vakai, te ne alu hake bea buna o hage koe ikale, bea mafola hono kabakau ki Bosila: bea i he aho koia e hoko ae loto oe tagata malohi o Itomi o hage koe loto oe fefine i he ene laga.

¶ 23 Koe mea oku kau ki Tamasikusi. Kuo bubutuu a Hamati bea mo Aabati: he kuo nau fanogo ki he gaahi ogoogo kovi: oku vaivai ho nau loto; kuo fakavai akinautolu i he mamahi ke hage koe tahi, aia oku ikai aubito mālōlō.

24 Kuo vaivai a Tamasikusi, kuo tafoki mai ia ke hola, bea kuo moua ia i he manavahe: bea kuo ma‘u ia e he feiga moe mamahi, o hage koe fefine oku laga.

25 Koeha nae ikai tuku ai ae kolo ogoogolelei, koe kolo naaku fiefia ai?

26 Koia e to hono kau talavou i hono gaahi hala, bea e tuuji ae kau tagata tau kotoabe i he aho koia, oku behe e Jihova oe gaahi kau tau.

27 Bea teu tutu ae afi i he a o Tamasikusi, bea e auha ai ae gaahi fale fakaeieiki o Benihatati.

¶ 28 Koe mea oku kau ki Keta, moe gaahi buleaga o Hasoa, aia e teia e Nebukanesa koe tu‘i o Babilone, oku behe e Jihova; Mou tuu, o alu hake ki Keta, bea maumau‘i ae kau tagata mei nahake.

29 Te nau ave ho nau gaahi fale fehikitaki bea moe nau faga manu: bea te nau ave ma anautolu ae gaahi buibui, moe nau gaahi ibu kotoabe, bea moe nau faga kameli; bea te nau tagi kiate kinautolu o behe, Oku i he botu kotoabe ae manavahe.

¶ 30 Ae kakai o Hasoa, Oku behe e Jihova Mou hola o alu mamao, bea nofo maulalo; koeuhi ko Nebukanesa koe tu‘i o Babilone, kuo ne fakakaukau ha mea kiate kimoutolu, bea tuutuuni ha mea ke fai kiate kimoutolu.

31 Oku behe mai e Jihova, Mou tuu, bea alu hake ki he kakai oku fakafiemalie, aia oku nofo fakafiemalie, bea oku ikai ha gaahi mataba be ha gaahi fakamau, oko nofo taha be akinautolu.

32 Bea e vetea ae nau faga kameli, bea ave moe nau faga manu lahi: bea teu fakamovetevete akinautolu ki he gaahi botu kotoabe, ko kinautolu oku i he gaahi muileleu mamao; bea teu omi e nau mamahi mei he gaahi botu kotoabe, oku behe e Jihova.

33 Bea e hoko a Hasoa koe nofoaga oe faga talakone, bea moe botu liaki o taegata: e ikai nofo mau i ai ha tagata, bea e ikai nofo ai ha foha oe tagata.

¶ 34 Koe folofola a Jihova nae hoko kia Jelemaia koe balofita ki Ilami i he kāmataga oe bule a Setikia koe tu‘i o Juta, o behe,

35 Oku behe e Jihova oe gaahi kau tau, Vakai, teu feji‘i ae kaufana o Ilami, ko ho nau malohiaga.

36 Bea teu omi ki Ilami ae matagi e fa, mei he gataaga e fa oe lagi, bea e fakamovetevete akinautolu i he feituu matagi koia kotoabe; bea oku ikai ha kakai, e tae hoko ki ai ae kau liekina o Ilami.

37 Bea teu fakailifia‘i a Ilami i he ao o hono gaahi fili, bea i he ao onautolu oku kumi ki he e nau moui: bea teu omi kiate kinautolu ae kovi, io koe kakaha o eku tubutamaki, oku behe e Jihova; bea teu omi kiate kinautolu ae heleta, kae oua keu fakaauha aubito akinautolo:

38 Bea teu fokotuu hoku nofoaga fakaeieiki i Ilami, bea fakaauha mei ai ae tu‘i bea moe houeiki, oku behe e Jihova.

39 Ka e hoko i he gaahi aho fakamui, a eku toe omi ae fakabobula o Ilami, oku behe e Jihova.