Atravè dispansasyon sa a, manm Premye Prezidans lan ak Kolèj Douz Apot yo pale trè souvan sou òdonans ak alyans tanp yo. Pi ba la a gen yon kantite sitasyon, ki òganize pa sijè, ki ilistre kijan sijè sakre sa yo te diskite nan yon varyete sitiyasyon. Klike pou w elaji yon seksyon. Kote sa disponib, yo founi yon lyen pou aksede nan dokiman orijinal la.
Batèm ak Konfimasyon
Prezidan Russell M. Nelson
Chak fwa ou fè nenpòt bagay ki ede nenpòt moun—sou nenpòt bò vwal la—fè yon pa nan direksyon pou l fè alyans avèk Bondye epi resevwa òdonans esansyèl batèm ak tanp yo, w ap ede rasanble Izrayèl. Se osi senp ke sa.”
Lespwa Izrayèl, devosyon mondyal pou jèn yo, 3 Jen 2018
Prezidan Thomas S. Monson
“Kounyeya, chè jèn zanmi m yo ki nan laj adolesan nou, toujou fikse tanp la kòm bi nou. Pa fè anyen ki pral anpeche nou antre nan pòt li pou n al pataje benediksyon sakre ak etènèl ki ladan l yo. Mwen konplimante moun nan nou yo ki deja ale nan tanp regilyèman pou fè batèm pou mò yo, ki leve byen bonè nan maten pou nou kapab patisipe nan batèm sa yo anvan lekòl kòmanse. Mwen pa ka panse ak yon pi bon fason pou kòmanse yon jounen.
Tanp Sakre a—yon Limyè pou Mond lan, konferans jeneral Avril 2011
Èldè David A. Bednar
“Mwen envite jèn moun nan Legliz la pou yo aprann kisa Espri Eli a ye epi fè eksperyans li. Mwen ankouraje nou pou nou etidye, chèche zansèt nou yo, epi prepare tèt nou pou nou akonpli batèm pa pwokirasyon yo nan kay Senyè a pou fanmi nou ki mouri yo [gade Doktrin ak Alyans 124:28–36]. Epi mwen ankouraje nou pou nou ede lòt moun idantifye istwa fanmi yo. Si nou reponn envitasyon sa a ak lafwa, kè nou ap vire tounen sou zansèt nou yo. Temwayaj nou ak konvèsyon nou nan Sovè a ap vin pi pwofon ak dirab. Epi mwen pwomèt nou n ap gen pwoteksyon kont enfliyans advèsè a k ap entansifye. Si nou patisipe nan travay sakre sa a epi nou renmen li, n ap pwoteje pandan jenès nou e pandan tout lavi nou.”
Kè Pitit yo Pral Retounen Sou Papa yo, Oktòb 2011 konferans jeneral
Èldè Quentin L. Cook
“Konbinezon kantite tanp k ap ogmante yo ak pwogrè teknoloji pou ranpli responsablite sakre nou nan zafè istwa familyal pou zansèt nou yo fè epòk sa a vin epòk ki pi beni nan tout listwa. Mwen rejwi nan fidelite ekstraòdinè jèn nou yo nan endeksing ak nan jwenn zansèt yo epi fè travay batèm ak konfimasyon pou yo nan tanp lan. Nou literalman fè pati pwofesi sovè sou Mòn Siyon an."
Wè tèt Ou nan Tanp la, Avril 2016 konferans jeneral
Èldè Gary E. Stevenson
“Premye Prezidans lan envite ‘manm adilt yo pou yo genyen yon rekòmandasyon tanp ki ajou epi vizite tanp lan pi souvan’ kote tan ak sikonstans yo pèmèt sa epi li ankouraje manm yo ‘pou yo ranplase kèk nan aktivite lwazi yo avèk sèvis nan tanp.’ Yo ankouraje ‘nouvo manm yo ak jèn yo nan Legliz la ki gen laj 12 ane ak plis yo tou pou yo viv diy pou asiste nan gran travay sa a nan sèvi kòm nan batèm ak konfimasyon pa pwokirasyon.’ [Lèt Premye Prezidans, 11 Mar, 2003.]”
Kay Sakre, Tanp Sakre, Avril 2009 konferans jeneral
Èldè Richard G. Scott
“Èske noumenm jèn yo vle yon fason sèten pou nou elimine enfliyans advèsè a nan lavi nou? Plonje tèt nou nan chèche jwenn zansèt nou yo, prepare non yo pou òdonans sakre pa pwokirasyon yo ki disponib nan tanp lan, epi apresa ale nan tanp lan pou ofri sèvis pa pwokirasyon pou yo ka resevwa òdonans batèm ak don Sentespri a. Pandan n ap vin pi gran, nou pral gen posiblite pou nou patisipe nan resevwa lòt òdonans yo tou. Mwen pa panse ke gen okenn pi gwo pwoteksyon pase sa kont enfliyans advèsè a nan lavi nou.”
Lajwa nan Rachte Mò yo, Oktòb 2012 konferans jeneral
Gaman ak Rad Seremoni Tanp yo
Prezidan Russell M. Nelson
“Mete gaman tanp lan gen yon siyifikasyon senbolik pwofon. Li reprezante yon angajman kontinyèl. Menm jan Sovè a te bay egzanp sou bezwen pou nou pèsevere jiska lafen an, nou mete gaman an fidèlman kòm yon pati nan zam dirab Bondye yo. Konsa nou demonrte lafwa nou nan Li ak nan alyans etènèl Li yo avèk nou.”
Preparasyon Pèsonèl pou Benediksyon Tanp yo, Konferans Jeneral, Avril 2001.
Prezidan Russell M. Nelson
“Si ou ta vrèman renmen konnen plis konsènan antikite vètman tanp, chèche jwenn li poukont ou nan Ansyen Testaman an. Ansyen Testaman an ranpli referans sou vètman spesyal pou tanp.”
Ansèyman Russell M. Nelson yo, 372
Prezidan Boyd K. Packer
“An koneksyon avèk òdonans sa yo, nan tanp lan yo pral abiye nou ofisyèlman avèk gaman an epi pwomèt nou benediksyon mèveye ki an koneksyon avèk li. Li enpòtan pou nou koute atantivman pandan y ap adminsitre nou òdonans sa yo epi pou nou eseye sonje benediksyon yo pwomèt yo ak kondisyon ki dwe ranpli pou yo reyalize.”
Vètman Sakre Tanp
“Wòb tanp yo nan Legliz Jezikri pou Sen dènye jou yo, ki rele wòb prètriz sen an, nou abiye avèk yo sèlman andedan tanp Sen Dènye Jou yo epi yo rezève pou sakreman lafwa ki pi eleve yo. Blan senbolize purte. Pa gen okenn nivo ni grad. Apot ki pi ansyen an ak manm ki pi nouvo a pa ka diferansye lè yo abiye nan menm fason an. Gason ak fi yo mete rad similè. Vètman senp yo konbine senbolis relijye avèk enfòmasyon sou tan lontan yo ki reflete nan ekriti ansyen yo ki nan liv Egzòd la."
Vètman Sakre Tanp
“Anpil Sen dènye jou fidèl mete yon gaman anba rad yo ki gen yon siyifikasyon relijye pwofon. Li sanble ak souvètman òdinè modès, li vini an de pyès epi you souvan rele li ‘gaman tanp.’ ... Gaman tanp yo se manm adilt nan Legliz la ki mete yo apre yo fin fè pwomès fidelite nan kòmandman Bondye yo ak nan levanjil Jezikri a nan tanp yo nan Legliz Jezikri pou Sen dènye jou yo. Pou manm Legliz yo, gaman tanp modès la, ke yo mete anba rad òdinè yo a, ansanm ak vètman senbolik yo mete pandan adorasyon nan tanp yo, reprezante aspè sakre ak pèsonèl relasyon yo avèk Bondye ak angajman yo pou viv bon lavi onorab."
Dotasyon Inisyasyon – Lavaj ak Onksyon
Prezidan Gordon B. Hinckley
“[G]enyen yon objektif odela Rezirèksyon an. Se egzaltasyon nan wayòm Papa nou an. Li pral akonpli lè nou obeyi kòmandman Bondye yo. Li pral kòmanse nan aksepte li kòm Papa Etènèl nou ak Piti Gason L la kòm Redanmtè vivan nou. Li pral enplike patisipasyon nan diferan òdonans, ki yo chak enpòtan ak nesesè. Premye nan yo se batèm pa imèsyon nan dlo, ki san li, dapre Sovè a, yon moun pa ka antre nan wayòm Bondye a. Apresa dwe genyen yon nesans nan Lespri a, don Sentespri a. Apresa, youn apre lòt, atravè ane yo, pral genyen, pou gason yo, òdinasyon nan prètriz la, ki suiv pa benediksyon tanp pou gason ansnam ak fi ki diy pou antre nan tanp yo. Benediksyon tanp sa yo enkli lavman ak onksyon nou pou nou ka pwòp devan Senyè a. Yo enkli sèvis enstriksyon kote nou resevwa yon dotasyon obligasyon ak benediksyon ki motive nou pou nou gen konpòtman ki konpatib avèk prensip levanjil yo. Yo enkli òdonans sèlman yo ki pèmèt ke sa ki liye sou tè a liye nan syèl la tou, pou fasilite fanmi yo kontinye egziste.”
Tanp ak Travay Tanp, Ensign, Fevriye 1982
Prezidan Spencer W. Kimball
“Joseph Smith te konfere douz apot yo tout kle ak otorite ak pouvwa ke limenm li te posede yo, ke l te resevwa nan men Senyè a. Li te ba yo tout dotasyon, tout lavman ak onksyon, epi li te administre òdonans sèlman yo pou yo.”
Seigneur, merci pour le prophète, Oktòb 1972 konferans jeneral
Prezidan Boyd K. Packer
“Yo souvan fè referans a òdonans lavman ak onksyon yonan tanp lan kòm òdonans inisyatwa. Sa ap sifi, selon objektif pa nou, pou nou sèlman di bagay sa yo: Asosye avèk dotasyon an genyen lavman ak onksyon—ki pou pifò senbolik nan nati yo, men ki gen pwomès benediksyon byen klè ak imedyat ansanm ak benediksyon pou lavni.”
Prepare pou Antre nan Tanp Sen an
Èldè James E. Talmage
“Sou kote nò sal batèm nan genyen sal abiman chaje espas ak konvenab ke frè yo itilize, epi sou kote sid la genyen sal abiman ki egalman apwopriye pou sè yo tou. Genyen sal ki prepare pou akonpli kèk òdonans onksyon patikilye tou. Nan seremoni sa yo se sèI fi ki administre yo pou fi, epi gason pou gason.”
Kay Bondye a [1976], 83
Èldè Robert D. Hales
“Nan tanp la, yo eksplike plan sali a epi nou fè òdonans sakre. Alyans sa yo, ansanm avèk mete gaman sakre tanp yo, fòtifye ak pwoteje moun ki dote a kont pouvwa advèsè a. Apre l fin resevwa dotasyon pèsonèl li, yon jèn gason oswa jènfi kapab ale nan tanp pou akonpli òdonans pa pwokirasyon pou rann benediksyon prètriz yo disponib pou moun ki te mouri yo san yo pa t gen opòtinite pou resevwa benediksyon sa yo pandan mòtalite a.”
Bnediksyon yo nan Prètriz la, Oktòb 1995 konferans jeneral
Apèsi sou Dotasyon an
Prezidan Russell M. Nelson
“Tanp lan literalman ranpli ak verite. Verite konènan plan Papa a ekspoze tou louvri devan nou avèk klète ak pouvwa. Pawòl verite konènan Papa nou, Pitit Gason Li a, ak relasyon Yo avèk nou eksprime nan alyans ak òdonans yo nan tanp lan. Tanp lan se yon kay revelasyon kote verite a koule antre nan nanm nou epi klere konpreyansyon nou [gade Doktrin ak Alyans 109:15]. Nou aprann idantite ak objektif etènèl nou ak pwomès mèvèye Senyè a fè nou. Pwomès sa yo se verite, paske Bondye nou an se yon Bondye verite epi Li pa ka bay manti [gade Etè 3:2]. ... Si frè ak sè nou yo ale nan tanp lan pou yo chèche fòs ak konpreyansyon, Senyè a Limenm pral anseye yo konsènan verite ki pi enpòtan pou yo nan moman bezwen yo.”
Ansèyman Russell M. Nelson, 2018), 373.
Prezidan Ezra Taft Benson
“Lwa selès yo, ki reprezante nan kèk òdonans ki apatni sèlman a Legliz Jezikri a, an konfòmite avèk alyans volontè yo. Lwa yo spirityèl. Konsa, Papa nou ki nan Syèl la te òdone kèk sanktyè sakre, ki rele tanp, kote lwa sa yo jwenn eksplikasyon konplè yo. Lwa yo enkli lwa obeyisans ak sakrifis, lwa levanjil la, lwa chastete a, ak lwa konsekrasyon an.”
A Vision and a Hope for the Youth of Zion, Brigham Young University devotional, Avril 12, 1977
Prezidan Boyd K. Packer
“La a manm yo nan Legliz la ki rann tèt yo elijib ka patisipe nan òdonans redansyon ki pi egzalte ak sakre yo ki te revele pou tout limanite. La a nou ka resevwa lavaj ak onksyon ak enstriksyon epi dotasyon ak sèlman. Epi lè nou resevwa benediksyon sa yopou tèt nou, nou ka ofisye moun moun yo ki te mouri san yo pa te jwenn menm opòtinite a.”
Vini nan Tanp la, Ensign, Oktòb 2007
Èldè Robert D. Hales
"Dezi nou pou retounen jwenn Pè Selès la ogmante pandan ke, anplis pran sentsèn nan, nou vin diy pou nou gen yon rekòmandasyon tanp. ... Apresa, kòm detantè rekòmandasyon tanp ki dote, nou etabli modèl lavi selon Kris la. Sa yo enkli obeyisans, fè sakrifis pou kenbe krete chast nan panse ak nan aksyon, epi angaje tèt nou nan bati wayòm Bondye a. Atravè Ekspyasyon Sovè a epi suiv modèl debaz fidelite sa yo, nou resevwa 'pouvwaki soti anwo' pou nou fè fas ak defi yo nan lavi a. Nou bezwenpouvwa diven chak jou plis pliske jamè. Se pouvwa nou resevwa sèlman atravè òdonans tanp yo.”
Rantre nan Noumenm: Sentsèn nan, Tanp, ak Sakrifis nan Sèvis, Avril 2012 koferans jeneral
Eldè James E. Talmage
“Dotasyon tanp lan, jan l administre nan tanp modèn yo, genyen ladan enstriksyon ki gen pou wè ak siyifikasyon ak sekans dispansasyon pase yo. ... Chema enstriksyon sa a enkli yon narasyon sou evenman ki pi eminan yo, sitiyasyon premye paran nou yo nan jaden Edèn nan, dezobeyisans yo ak ekspilsyon ki te vini apresa soti nan bèl abitasyon sa a, sitiyasyon yo nan mond solitè ak tris la kote yo te oblije viv selon travay ak swè fwon yo, plan redanmsyon ki ta pral pèmèt ekspyasyon pou gwo transgresyon an.”
Kay Senyè a [1976], 84
Eldè James E. Talmage
“Òdonans dotasyon an enkane yon kantite obligasyon sou do moun nan, tankou alyans ak pwomòs pou obsève lwa vèti strik chastete a, pou gen charite, byenveyan, toleran ak pur; pou devwe alafwa talan ak mwayen materyèl yo pou gaye verite a epi edifye ras [imèn] nan; pou rete devwe nan koz verite a; epi pou chèche tout fason pou kontribye nan gran preparasyon pou a ka vin pare pou resevwa Wa li a—Senyè a Jezikri. Avèk chak alyans ki konplete epi chak obligasyon ki asime genyen yon pwomès menediksyin ki pwononse, ki chita sou obsèvasyon fidèl kondisyon sa yo.”
Kay Senyè a, 100
Lwa Obeyisans la
Prezidan Thomas S. Monson
“Frè m ak sè m yo, gwo tès lavi a se obeyisans. ‘Nou pral pase yo anba eprèv, jan Senyè a di, ‘pou nou wè si yo pral fè tout bagay Senyè Bondye yo a pral kòmande yo.' Sovè a te deklare, ‘Paske, tout moun ki resevwa yon benediksyon nan men m dwe obeyi lalwa ki gen rapò avèk benediksyon sa a, ak kondisyon yo jan sa te tabli anvan fondasyon mond lan.' Pa gen pi gwo egzanp obeyisans ki egziste pase obeyisans Sovè nou an. Konsènan Li, Pòl te obsève: 'Malgre li te pitit Bondye, li vin konnen sa ki rele yon moun obeyisan, avèk tout soufrans li soufri yo, lè li fin bon nèt, li tounen yon delivrans pou tout moun ki obeyi li.'”
Obeyisans Pote Benediksyon, Avril 2013 konferans jeneral
Prezidan Gordon B. Hinckley
“Mwen rann temwayaj mwen ke bonè Sen Dènye Jou yo, lapè Sen Dènye Jou yo, pwogresyon Sen Dènye Jou yo, pwosperite Sen Dènye Jou yo, ak sali etènèl ak egzaltasyon pèp sa a chita nan mache nan obeyisans konsèy yo nan prètriz Bondye a.”
Si w Dispoze ak Si w Obeyisan, Oktòb 1971 konferans jeneral
Prezidan James E. Faust
“Obeyisans mennen nan vrè libète. Pi plis nou obeyi verite revelle a, se plis n ap vin pi libere. ... Menn jan lòd te bay lavi ak bote sou tè a lè li te kouvri ak tenèb epi vid, konsa li fè menm bagay la pou nou. Obeyisans ede nou devlope potansyèl konplè Papa nou ki nan Syèl la vle nou akonpli nan vin tounen èt selès ki diy pou viv yon jou nan prezans Li a.”
Obeyisans: Chemen ki mennen nan Libète, Avril 1999 konferans jeneral
Èldè Jeffrey R. Holland
“Obeysans se pa sèlman premye lwa nan syèl la. Obeyisans se premye lwa nan tout bagay. Tout bagay mwen konnen ki gen enpòtans mande angajman inisyal sa a pou obeyi pawòl ak volonte Senyè a. Se premye alyans ke nou fè nan tanp lan.”
Èldè Jeffrey R. Holland Vizite Filipin, Pataje Mesaj sou Lanmou, Newsroom.ChurchofJesusChrist.org
Èldè L. Tom Perry
“Toudabò, nou dwe rete obeyisan anvè lwa Senyè a bay yo. Sa se youn nan premye leson yo te anseye Adan ak Ėv: obeyisans pote lafwa. Li pwodui benedisyon selès. Dezobeyisans pwodui chagren ak dezespwa. Apre lwa obeyisans lan nou jwenn obligasyon pou nou ofri tèt nou nan sèvis pou pitit Papa nou ki nan Syèl la. Sakrifye sa nou genyen nan benefis frè ak sè nou yo se yon tès siprèm nan levanjil la. Youn nan objektif yo nan eksperyans mòtalite a se pou wè si nou pral suiv konsèy Sovè a pou ‘chèche bati wayòm Bondye a premyèman, epi pou tabli lajistis li, epi tout bagay sa yo ap vin yon diplis ajoute pou ou’ [gase Matye 6:33].”
Behold, the Lord Hath Shown unto Me Great and Marvelous Things, Oktòb 1992 konferans jeneral
Èldè Joseph B. Wirthlin
“Nou tout vle genyen siksè nan lavi sa a epi kalifye pou pi gwo nan don Bondye yo—lavi etènèl nan wayòm selès la. Pou reyalize objektif nou yo nan lavi mòtèl sa a ak pwouve tèt nou diy pou benediksyon etènèl yo, aprann obeyi. Pa gen okenn lòt mwayen. Obeyisans pote gwo fòs ak pouvwa nan lavi nou.”
Viv nan Obeyisans, Avril 1994 konferans jeneral
Lwa Sakrifis la
Prezidan Russell M. Nelson
“Nou toujou anba kòmandman pou fè sakrifis, men se pa nan koule san zannimo yo. Sans sakrifis ki pi elve a akonpli lè nou rann tèt nou pi sakre oswa sen. Nou fè sa nan obeyi kòmandman Bondye yo. Konsa, lwa obeyisans ak sakrifis yo antrelase yon fason seresere. Konsidere kòmandman yo pou obeyi Pawòl Sajès la, pou kenbe jou Saba a sen, pou peye yon dim onèt. Lè nou respekte sila yo ak lòt kòmandman yo, yon bagay mèvèye rive pou nou. Nou vin disipline! Nou vin disip! Nou vin pi sakre ak sen—tankou Senyè nou an!”
Leson nan men Eve, Oktòb 1987 konferasn jeneral
Prezidan Harold B. Lee
“Byennèt nou kounyea ta ka byen se egzèsis 'preparatwa' pou wè a ki nivo legliz sa a prepare pou viv plan sa a, konsa pou, jan pèp sou kontinan sa a te reyalize l ak lajwa a, selon sa ki ekri nan yon ansyen ekriti ke nou rele Liv Mòmon an, apre yo tout te konvèti nan Senyè a, ‘pa t genyen ni rich ni pòv, esklav oswa lib, men yo tout te … resevwa don ki te soti nan syèl la’ epi ‘asireman pa t ka genyen yon pèp ki gen plis kè kontan’ sou sifas tè a (4 Ne. 1:3, 16) nan viv konplètman lwa sakrifis ak konsekrasyon an.”
Anseye Levanjil Sali a, Oktòb 1972 konferans jeneral
Prezidan M. Russell Ballard
“Dabitid, premye bagay moun panse lè yo tande 'lwa Moyiz la' se sakrifis bèt. Nati vrèman òrib sakrifis bèt yo te fè kèk moun mande, ‘Kijan yon kalite aktivite konsa ka gen anyen pou wè avèk levanjil lanmou an?’ Nou ka pi byen konprann repons pou kesyon sa a lè nou konprann de objektif majè pou lwa sakrifis la. Objektif sa yo te aplike pou Adan, Abraram, Moyiz, ak Apot yo nan Nouvo Testaman an, epi yo aplike pou nou jodia lè nou aksepte ak viv lwa sakrifis la. De objektif majè yo se pou teste ak epwouve nou epi pou asiste nou nan vin jwenn Kris la.”
Lwa Sakrifis la, Lyawona, Mas 2002
Èldè L. Tom Perry
“Èske sa se pa yon mèvèy ke Senyè a, depi lontan nan kòmansman an, te vle kenbe plan familyal li a ankre nan lespri pitit li yo sou tè a? Pami lwa yo te bay Adan ak Ėv yo, lwa sakrifis la te enstitye pou raple yo gran evenman ki t ap gen pou rive nan midi tan yo. ... Depi soti nan tan sa a rive nan tan Sovè a te vini sou tè a, kèlkeswa lè prètriz la te prezan sou tè a, lòm te ofri sakrifis pou te fè l sonje moman kote Pitit Gason Lòm nan t ap vini sou tè a pou akonpli sakrifis siprèm nan pou nou tout.”
Sentsèn Soupe Senyè a, Avril 1996 konferans jeneral
Èldè Neal A. Maxwell
“[S]akrifis, pèsonèl se pa t janm mete yon bèt sou yon lotèl. Okontrè, se yon dispozisyon pou mete bèt ki nan nou an sou lotèl la epi pou kite l boule! Se konsa ‘sakrifis devan Senyè a … yon kè brize ak yon lespri kontri,’ an (Doktrin ak Alyans 59:8), yon kondisyon preyalab pou nou pran kwa a, pandan n aprale ‘lwen tout peche [nou] yo’ pou nou ka vin ‘konnen Bondye’ (Alma 22:18) paske renye tèt nou dwe vini avan nou aksepte Li konplètman.”
(“Refusez-vous Toute Impiété, Avril 1995 konferans jeneral
Lwa Levanjil la
Prezidan Russell M. Nelson
“Kòm manm endividyèl nan Legliz la, ou ak mwen patisipe nan 'pwòp fason Senyè a.' Omwen yon fwa pa mwa, nou jene epi kontribye ofrann jenere nan fon ki pèmèt evèk yo ofri asistans. Sa fè pati lwa levanjil la. Nou chak ka vrèman ede pòv yo ak moun ki nan nesesite yo, kounyea, ak kèlkeswa kote yo ye a. Epi nou, tou, n ap beni ak pwoteje kont apostazi lè nou fè sa.”
Nan Fason Pa Senyè a, Avril 1986 konferans jeneral
Prezidan Ezra Taft Benson
“Nou fè alyans pou nou viv lwa levanjil la. Lwa levanjil la anbrase tout lwa, prensip, ak òdonans ki nesesè pou egzaltasyon nou yo. Nou dakò pou nou egzèse lafwa nan Jezikri ak repantans sensè ki soti nan yon kè brize ak yon lespri kontri. Lè nou konfòme nou ak òdonans batèm ak konfimasnyon yo, epi nou kontinye nan lafwa ak lapriyè, pouvwa sakrifis ekspyastwa Sovè a kouvri peche nou yo epi nou vin netwaye anba tou enjistis. ... Lwa levanjil la plis pase konprann plan sali a. Li genyen ladan patisipe nan òdonans yo ak pouvwa sèlman yo ki kilmine nan yon moun resevwa sèlman pou antre nan lavi etènèl. ‘Ne denouvo,’ jan Pwofèt Joseph Smith te di a, ‘vini pa lespri Bondye atravè òdonans yo.’"
Les Enseignements de Ezra Taft Benson, 337
Prezidan John Taylor
“Men li te vin nesesè ke Adan te dwe obeyi, obsève, ak kenbe lwa levanjil la, epi li te vin nesesè tou ke posterite li, ki t ap posede menm egzaltasyon ak benediksyon yo, ta dwe kenbe ak obsève menm lwa a.”
Wayòm Levanjil la, 279
Prezidan Wilford W. Woodruff
“Tout moun ki anbrase prensip yo nan levanjil Kris la pral jwenn sali nan yo. Moun ki respekte yon lwa prel prezève gras ak li. Tout moun ki respekte lwa nan levanjil lapral jwenn sali epi resevwa egzaltasyon ak laglwa gras ak li.”
Diskou Wilford Woodruff, 22
Èldè Bruce R. McConkie te ansenye:
“Nan analiz final la, levanjil Bondye a ekri, non pa an karaktè sanvi nan rejis ekriti yo, men nan lavi Sen yo. Li pa ekri avèk plim ak lank sou papye k ap kreye moun, men avèk aksyon ak reyalite nan liv lavi a pou chak moun ki kwè epi obeyisan. Li grave nan chè ak zo yo ak tandon moun yo ki viv yon lwa selès, ki se lwa nan levanjil la. Li la pou lòt moun ka li, dabò, moun yo ki, lè yo wè bon zèv Sen yo, pral reponn nan glorifye Papa nou ki nan syèl la (gade Mat. 5:16) epi finalman Gran Jij la ki gen aksè a lavi chak moun tankou yon liv tou louvri.”
Our Gospel Came Not Unto You in Word Only…, Oktòb 1968 konferans jeneral
Lwa Chastete a
Prezidan Russell M. Nelson
“Modèl lavi Sovè a bon. Modèl li a enkli chastete avan maryaj ak fidelite total anndan maryaj. Modèl Senyè a se sèl fason pou nou ka eksperyans lajwa dirab. Modèl li a pote konsolasyon soutni pou nanm nou ak lapè dirab nan fwaye nou. Epi sa k pi bon nan tout, modèl li a kondui nou tounen lakay pou jwenn Li ak Papa nou ki nan Syèl la, pou lavi etènèl ak egzaltasyon. Sa a se vrè esans travay ak laglwa Bondye a.”
Desizyon pou Letènite, Oktòb 2013 konferans jeneral
Prezidan Dallin H. Oaks
“Pouvwa pou kreye lavi nan mòtalite a se pouvwa ki pi siblim Bondye bay pitit Li yo. Itilizasyon l te mandate nan premye kòmandman Bondye pou Adan ak Ėv (gade Jenèz 1:28), men lòt kòmandman enpòtan yo te ba yo sete pou anpeche moun abize l (gade Egzòd 20:14; 1 Tesalonisyen 4:3). Aksan nou mete sou lwa chastete a jwenn eksplikasyon nan jan nou konprann objektif pouvwa pwokreyasyon nou yo nan akonplisman plan Bondye a. Andeyò lyen maryaj ant yon gason ak yon fi yo, tout itilizasyon pouvwa pwokreyasyon an nan yon degre oubyen yon lòt, se yon peche epi li kontrè ak plan Bondye pou egzaltasyon pitit Li yo.
Okenn Lòt Bondye, Oktòb 2013 konferans jeneral
Èldè David A. Bednar
“Mwen pwomèt ke obeyisans pou lwa chastete a pral ogmante lajwa nou nan mĖtalite a epi rann pwogresyon nou nan letènite posib. Chastete ak vèti se kounya, sete toujou, epi pral toujou ‘pi chè ak presye pase tout bagay’ (Mowoni 9:9)."
Nou Kwè nan Rete Chast, Avril 2016 konferans jeneral
Èldè Neil L. Andersen
“Genyen anpil adilt selibatè nan Legliz la ki depase lontan premye ane lavi adilt yo. Pandan yo jwenn lavi yo kounya diferan de sa yo te antisipe, yo respekte lwa chastete a. Se kapab yon eprèv pou lafwa yo. Mwen eksprime pwofon respè ak admirasyion m pou disip Kris sa yo.”
Eprèv Lafwa Ou, Oktòb 2012 konferans jeneral
Fanmi: Yon Pwoklamasyon pou Mond lan
“Premye kòmandman Bondye te bay Adan ak Èv la te mansyone potansyèl yo kòm paran antanke mari ak madanm. Nou deklare ke kòmandman Bondye te bay pitit li yo pou yo miltipliye epi pou yo ranpli latè a toujou valab. Nou deklare pi lwen ke Bondye kòmande pou pouvwa sakre pwokreyasyon yo sèvi sèlman ant gason ak fi ki marye legalman. Nou deklare mwayen pou kreye lavi mòtèl sou latè a se yon bagay Bondye tabli. Nou afime lavi a sakre epi li enpòtan nan plan etènèl Bondye a.”
Fanmi an: Yon Pwoklamasyon pou Mond lan
Pou Fòs Jèn yo
“Lè w pur seksyèlman, ou prepare tèt ou pou w fè ak kenbe alyans sakre yo nan tanp la. Ou prepare tèt ou pou w bati yon maryaj solid epi mennen timoun vini nan mond lan pou fè pati yon fanmi etènèl plen lanmou. Ou pwoteje tèt ou kont domaj espirityèl ak emosyonèl ki soti nan pataje entimite seksyèl andeyò maryaj. Ou pwoteje tèt ou kont maladi grav tou. Rete pur seksyèlman ede w gen konfyans ak vrèman kontan epi ogmante kapasite w pou w pran bon desizyon kounyea ak nan lavni. Prensip Senyè a konsènan purte seksyèl yo klè ak enchanjab. Pa antre nan okenn relasyon seksyèl avan maryaj, epi rete totalman fidèl anvè konjwen ou apre maryaj. Pa patisipe nan diskisyon ni okenn medya ki reveye sansasyon sèksyèl. Pa patisipe nan okenn fòm pònografi.
Lwa Konsekrasyon an
Prezidan Ezra Taft Benson
“Nou fè alyans pou viv lwa konsekrasyon an. Lwa sa a se ke nou konsakre tan, talan, fòs, pwopriyete, ak lajan nou pou ede nan konstriksyon wayòm Bondye a sou tè sa a ak etablisman Siyon. Pazavan yon moun respekte lwa obeyisans la, sakrifis, levanjil la, ak chastete, li pa kapab respekte lwa konsekrasyon an, ki se lwa ki gen pou wè avèk wayòm selès la. “Paske, si nou vle m ba nou yon plas nan mond selès la, nou dwe fè bagay m kòmande nou yo ak bagay m mande nou yo pou nou kapab pare nou (D&C 78:7)."
Enseignements de Taft Benson, 121
Prezidan Spencer W. Kimball te di:
[N]ou konsekre tan, talan ak mwayen nou selon jan dirijan lokal yo mande sa a epi selon jan chichotman Lespri a enspire nou. Nan Legliz la, menmjan nan sistem Antrèd la, nou ka tradui nan reyalite a chak kapasite, chak dezi jis, chak refeleksyon sensè. Kit se yon volontè, yon papa, yon enstriktè nan fwaye, eveèk, oswa vwazen, kit se yon fi enstriktris nan fwaye, manman, fi nan fwaye, oswa zanmi—genyen anpil opòtinite pou nou bay tout noumenm. Epi lè nou bay, nou reyalize ke ‘sakrifis pwodui benedisyon ki soti nan syèl la!’ (Cantiques, no. [16]) Epi alafen, nou aprann se pa t yon sakrifis ditou.”
Vin Pur nan Kè, Avril 1978 konferans jeneral
Èldè D. Todd Christofferson
“Lavi nou sou tè a se yon entandans sou tan ak chwa ke Kreyatè a akòde nou. Mo entandans la fè monte nan espri nou lwa konskrasyon Senyè a (gade, pa egzanp, Doktrin ak Alyans 42:32, 53), ki gen yon wòl ekonomik men, plis pase sa, se yon aplikasyon lwa selès nan lavi isit l aepi kounya (gade Doktrin ak Alyans 105:5). Konsakre vle di mete apa oswa dedye yon bagay kòm sakre, konsakre pou bi sen.” Vrè siksè nan vi sa a vini lè nou konsakre lavi nou—sa vledi tan nou ak chwa nou yo— pou objektif Bondye yo (gade Jan 17:1, 4; Doktrin ak Alyans 19:19). Nna aji konsa, nou pèmèt Li leve nou rive nan pi gwo destine nou.”
Refleksyon sou yon Lavi Konsakre, Oktòb 2010 konferans jeneral
Eldè Neal A. Maxwell
“Nou gen tandans pou nou panse a konsekrasyon sèlman kòm abandone byen materyèl nou yo, lè nou resevwa enstriksyon diven pou nou fè sa. Men konsekrasyon final la vledi abandone tèt nou bay Bondye. Kè, nanm, ak panse sete mo Kris la te itilize pou dekri premye kòmandman an, ki konstaman, pa pweryodikman, rete anvigè (gade Mat. 22:37). Si n fè sa, kòm konsekans pèfòmans nou pral, an retou, totalman konsakre pou byennèt dirab nan nou (gade 2 Ne. 32:9).”
Konsakre Pèfòmans ou, Avril 2002 konferans jeneral
Prezidan Henry B. Eyring
"Papa nou ki nan Syèl la tande piit Li yo tout kote sou tè a... Li te toujou tande siplikasyon sa yo depi lè l te mete gason ak fi sou tè a.
Paske Senyè a tande kriye yo e santi konpasyon pwofon nou pou yo, depi nan kòmansman tan an, li te bay mwayen pou disip li yo ede. Li envite pitit li yo pou konsakre tan yo, mwayen yo, ak tèt yo pou potekole avèk li nan sèvi lòt moun. Mwayen li pou ede a pafwa konn rele viv lwa konsekrasyon an.
Opòtinite pou Fè Byen, Avril 2011 konferans jeneral
Èldè David A. Bednar
“Konsekrasyon gen pou wè ak epi bati sou sakrifis. Mo konsakre a vledi pou devlope epi ‘dedye pou yon objektif sakre.’ Sakrifis se sa nou pral ofri, abandone, remèt, oswa sede. Konsekrasyon, sou yon lòt bò, se pou devlope konplètman epi devwe pou yon objektif sakre.. … Lè n ap viv lwa konsekrasyon an, nou dispoze pou non sèlman ofri nenpòt bagay ak tout bagay ke nou posede nan enterè levanjil la—men nou pwomèt tou pou n devlope ak devwe sa ki pi bon nan nou—tan nou, talan nou yo, ak k apsite n nan pwogresyon li—pou konstriksyon wayòm Bondye a sou tè a. Angajman nou se: M ap ofri tèt mwen ak tout sa mwen ka devni, epi mwen pral viv pou levanjil Jezikri a. Prensip sakrifis la se yon pi piti lwa preparasyon pou prensip konsekrasyon an. Konsecrasyon enkli epi anglobe sakrifis ak pi plis toujou. … Vrè konsekrasyon an motive pa charite epi pwodui yon pi gwo dezi pou sèvi. Nan dènye jou sa yo, nou gen plis obligasyon kòm timoun nan alyans lan pase pajan, sibstans, ak tan nou. Nou bezwen konsakre tout nanm nou pou Senyè a.
Adapte apati yon diskou devosyon ki te fèt nan BYU-Idaho, “Nanm ou Konplè kòm yon Ofrann Pou Li,” David A. Bednar, 5 Janvye, 1999
Sèlman
Prezidan Russell M. Nelson
“Frè m ak sè m yo, byen materyèl ak onè mond lan pa dire lontan. Men inyon nou kòm madanm, mari, ak fanmi kapab. Sèl dire nan lavi familay ki satisfè atant ki pi elve yo nan nanm lòm se pou tout tan. Okenn sakrifis pa twò gran pou jwenn benediksyon yon fanmi etènèl. Pou kalifye, yon moun dwe non sèlman depouye tèt li de tout enpite epi onore òdonans tanp yo. Nan fè ak kenbe alyans sakre tanp yo, nou montre prèv lanmou pou Bondye, pou konpayon nou, ak vrè respV nou pou pwosterite nou—menm sila yo ki poko menm fèt. Fanmi nou se fokis pou pi gwo travay ak lajwa nan lavi sa a; donk kit se pral atravè tout letènite, lè nou kapab ‘n ap eritye twòn, wayòm, prensipote, … pouvwa, dominasyon, … egzaltasyon ak lagwa.’ Benediksyon sanpri sa yo ka vin pou nou si nou òganize kay nou yo avèk lòd kounya epi fidèlman atache nan levanjil la.”
Mete Kay Ou nan Lòd, Oktòb 2001 konferans jeneral
Prezidan Dallin H. Oaks
“Objektif Legliz Jezikri pou Sen dènye jou yo se pou ede tout pitit Bondye yo konprann potansyèl yo epi reyalize pi gwo destine yo. Legliz sa a egziste pou ofri pitit gason ak pitit fi Bondye yo mwayen yo pou antre nan egzaltasyon ann wayòm selès la. Sa a se yon Legliz ki santre sou fanmi nan doktrin ak nan pratik. Konpreyansyon nou sou nati ak objektif Bondye Papa Etènèl la ekspliek destine nou ak relasyon nou nan fanmi etènèl li a. Teyoloji nou an kòmanse avèk paran selès. Pi gran aspirasyon nou se pou nou vin tankou yo. Anba plan mizerikòd Papa a, tout sa yo posib atravè ekspyasyon Sèl Pitit Gason Byenneme Papa a, Senyè ak Sovè nou an, Jezikri. Antanke paran terès nou patisipe nan plan levanjil la lè nou ofri kò mòtèl nou pou espri pitit Bondye yo. Plenitid sali etènèl la se yon bagay familyal.
Apostazi ak Retablisman, Avril 1995 konferans jeneral
Prezidan Henry B. Eyring
Tout sa nou fè dwe gen maryaj selès kòm fokis ak objektif li. Sa vledi nou dwe fè efò pou nou sele avèk yon konpay etènèl nan tanp Bondye a. Nou dwe ankouraje lòt moun tou pou yo fè ak kenbe alyans ki lye yon mari ak yon madanm ansanm, avèk fanmi yo, nan lavi sa a ak nan mond ki gen pou vini an.
Fanmi Etènèl, Avril 2016 konferans jeneral
Prezidan Boyd K. Packer
“Finalite siprèm tout aktivite yo nan Legliz la se pou wè yon mari ak madanm li ak pitit yo kontan nan fwaye yo, pwoteje pa prensip ak lwa yo nan levanjil la, sele an sekirite nan alyans nan prètriz etènèl la.”
Epi Yon Timoun Piti Va Kondui Yo, Avril 2012 konferans jeneral
Prezidan Dieter F. Uchtdorf
“Mwen rekonesan dèske m fè pati yon legliz ki bay maryaj ak fanmi valè. Yo rekonèt manm Legliz Jezikri pou Sen Dènye Jou yo toupatou nan mond lan kòm moun ki gen pi bon maryaj ak pi bon fanmi nou ka jwenn. M kwè ke sa, an pati, se gras a verite presye Joseph Smith te retabli yo ki di maryaj yo ak fanmi yo sdestine pou yo rete etènèlman. Fanmi pa la sèlman pou fè bagay yo mache pi byen isit sou tè a epi apre sa pou nou voye yo jete lè nou rive nan syèl la. Okontrè, fanmi se konsa bagay yo òganize nan syèl la. Yo se eko yon modèl selès la ak imitasyon fanmi etènèl Bondye a.”
In Praise of Those Who Save, Avril 2016 konferans jeneral
“Fanmi: Yon Pwoklamasyon pou Mond lan“
“Plan bonè diven an pèmèt relasyon familyal yo kontinyerete depase limit tonbo a. Òdonans ak alyans sakre yo rann posib pou chak moun retounen nan prezans Bondye epi pou fanmi yo rete ini pou letènite.
Benediksyon Adorasyon nan Tanp
Prezidan Russell M. Nelson
“Chak èt vivan ki vini sou tè sa a se pwodui plizyè jenerasyon paran. Nou gen yon dezi natirèl pou konekte avèk zansèt nou yo. Dezi sa a demere nan kè nou, kelkeswa laj nou. Konsidere koneksyon spirityèl ki fòme yo lè yon jèn fi ede granmè li antre enfòmasyon fanmi an nan yon òdinatè oswa lè yon jèn gason wè non grangran-papa li nan yon rejis resansnman. Lè kè nou vire al jwenn zansèt nou yo, yon bagay chanje andedan nou. Nou santi nou fè pati yon bagay ki pi gran pase tèt nou. Dezi enteryè nou pou koneksyon familayl yo akonpli lè nou lye avèk zansèt nou yo atravè òdonans sakre yo nan tanp lan.”
Jenerasyon Liye nan Lanmou, Avril 2010 konfernas jeneral
Prezidan Thomas S. Monson
“Poukisa anpil moun dispoze pou bay sitèlman anpil konsa pou yo ka resevwa benediksyon tanp yo? Moun ki konprann benediksyon etènèl ki soti nan tanp yo konnen ke pa gen okenn sakrifis ki twò gran, ni okenn pri ki twò elve, ni okenn lit ki twò difisil pou resevwa benediksyon sa yo. Pa genyen okenn distans ki twò long pou vwayaje, ni twòp obstak pou simonte, ni sitiyasyon twò difisil yo pa p andire. Yo konprann ke òdonans sali nou resevwa nan tanp yo ki pèmèt yon jou pou nou retounen al jwenn Papa nou ki nan Syèl la nan yon relasyon familyal etènèl la epi dote avèk benediksyon ak pouvwa soti anwo yo, merite tout sakrifis ak kèlkeswa efò a.
Tanp Sakre a—yon Limyè pou Mond lan, konferans jeneral Avril 2011
Prezidan Gordon B. Hinckley
“Mwen kwè ke okenn manm nan Legliz l a pa t resevwa sa ki pi gran ke Legliz la genyen pou ofri pazavan li te resevwa benediksyon tnap yo nan kay Senyè a.”
Kèk Refleksyon sou Tanp yo, Retansyon Konvèti yo, ak Sèvis Misyonè a, Oktòb 1997 konferans jeneral
Prezidan Howard W. Hunter
“Nan espri sa a, m ap envite Sen Dènye Jou yo pou yo konsidere tanp Senyè a kòm gwo senbòl yo kòm manm. Pi gwo dezi mwen se pou chak manm Legliz la diy pou antre nan tanp la. Sa t ap fè Senyè a plezi si chak manm adilt ta diy pou—epi genyen—yon rekòmandasyon tanp ki ajou. Bagay yo ke nou dwe fè ak sa nou pa dwe fè pou nou diy pou yon rekòmandasyon tanp yo se menm bagay sa yo menm ki bay asirans ke n ap gen bonè endividyèlman e antanke fanmi. Se pou nou vin tounen yon pèp ki ale nan tanp. Ale nan tanp osi souvan ke sitiyasyon pèsonèl nou pèmèt nou. Kite yon foto yon tanp nan fwaye nou kote timoun yo kapab wè li. Anseye yo konsènan objektif yo ki lye ak kay Senyè a a. Fè yo planifye depi byen bonè pou yo ale nan tanp e rete diy pou benediksyon sa a.”
Pi Gran Benediksyon ki Pi Presye yo, Oktòb 1994 konferans jeneral
Èldè David A. Bednar
“Lespri Eli a afekte moun anndan ak andeyò Lelgiz la. Sepandan, antanke manm Legliz retabli Kris la, nou gen responsablite pa alyans pou nou chèche zansèt nou yo epi fè òdonans sali levanjil la pou yo. ‘ San nou menm yo pa ka vin pafè’ (Ebre 11:40; gade tou Ansèyman: Joseph Smith, 475). Epi ‘ni nou menm non plis nou pa ka vin pa fè san mò nou yo’ (Doktrin ak Alyans 128:15). Pou rezon sa yo nou fè rechèch istwa familyal, bati tanp yo, epi akonpli òdonans pa pwokirasyon yo. Pou rezon sa yo Eli te retabli otorite sèlman an ki mare sou tè a ak nan syèl la. Nou se reprezantan Senyè a nan travay sali ak egzaltasyon an ki pral anpeche ‘tout tè a [pa vin] frape anba yon malediksyon’ (Doktrin ak Alyans 110:15) lè Li retounen ankò. Sa se devwa nou ak gwo benediksyon nou.”
Kè Pitit yo Pral Retounen Sou Papa yo, Oktòb 2011 konferans jeneral
Èldè Quentin L. Cook
“Doktrin sou fanmi an ki konsène istwa familyal ak travay tanp lan klè. Nan enstriksyon inisyal revelatwa yo Senyè a fè referans ak “batèm pou mò nou yo.” Nou gen yon obligasyon doktrinal anvè zansèt nou yo. Sa se paske òganizasyon selès nan syèl yo baze sou fanmi yo. Premye Prezidans lan ankouraje manm yo, espesyalman jèn yo ak jèn adilt sèl yo, pou yo ensiste sou travay istwa familyal ak òdonans pou pwòp non fanmi yo oswa non zansèt nan pawas yo ak manm pieu yo. Nou bezwen rete konekte avèk ni rasin nou ni branch nou. Lide pou nou rete konekte nan wayòm etènèl la se yon bagay vrèman gloriye.”
Rasin ak Branch, Avril 2014 konferans jeneral
Prezidan Boyd K. Packer
“Kèlkeswa peyi sitwayènte nou oswa ras nou, kit nou se gason oswa fi, kèlkeswa okipasyon nou, kèlkeswa edikasyon nou, kèlkeswa jenerasyon n ap viv la, lavi a se yon vwayaj pou rantre lakay pou nou tout, pou nou retounen nan prezans Bondye nan wayòm selès li a. Òdonans ak alyans yo vin tounen sètifika admisyon nou nan prezans Li. Pou resevwa yo diyman se yon demach tout yon lavi; pou kenbe yo apresa se yon defi nan mòtalite a. Apre nou fin resevwa yo pou noumenm ak pou fanmi nou, nou gen obligzasyon pou nou ofri òdonans pa pwokisaryon sa yo pou paran nou ki mouri yo, anfèt, pou tout fanmi imèn nan.”
Alyans, Ensign, Me 1987